SERIKALI YATOA ONYO KWA TAASISI ZINAZOKWAMISHA UWEKEZAJI NCHINI

Katibu Mkuu Ofisi ya Waziri Mkuu anayeshughurikia Sera, uratibu na uwekezaji Dkt Dorothy Mwaluko,akifungua kikao kazi na taasisi mbalimbali zinazoshughulikia wawekezaji kutathmini sera za uwekezaji iliyofanyika leo jijini Dodoma.

Baadhi ya washiriki wakifatilia hotuba ya Katibu Mkuu Ofisi ya Waziri Mkuu anayeshughurikia Sera, uratibu na uwekezaji Dkt Dorothy Mwaluko,(hayupo pichani) alipokuwa akifungua kikao kazi na taasisi mbalimbali zinazoshughulikia wawekezaji kutathmini sera za uwekezaji iliyofanyika leo jijini Dodoma.

Mkurugenzi wa Uwezeshaji na Uwekezaji Mamlaka ya EP2 Bw. James Maziku,akizungumza na waandishi wa habari (hawapo pichani) wakati wa kikao kazi na taasisi mbalimbali zinazoshughulikia wawekezaji kutathmini sera za uwekezaji iliyofanyika leo jijini Dodoma.

Mtafiti wa sheria za uwekezaji hapa nchini Dkt Saudin Mwakaje,akizungumza na waandishi wa habari (hawapo pichani) wakati wa kikao kazi na taasisi mbalimbali zinazoshughulikia wawekezaji kutathmini sera za uwekezaji iliyofanyika leo jijini Dodoma.

……………………………………………………………….

Na. Alex Sonna, Dodoma

Taasisi zinazokwamisha uwekezaji hapa nchini kwa kuwawekea mazingira magumu wawekezaji kuwekeza hapa nchini zimetakiwa kjitathimini kabla ya kuchukliwa hata na

serikali.

Kauli hiyo imetolewa leo  jijini Dodoma na Katibu Mkuu Ofisi ya Waziri Mkuu anayeshughurikia Sera, uratibu na uwekezaji Dkt Dorothy Mwaluko wakati akifungua kikao kazi na taasisi mbali mbali zinazoshughurikia wawekezaji kutathmini sera za uwekezaji.

“ Bado kuna taasisi ambazo zinakuwa kikwazo kwa wawekezaji kuwekaza hapa nchini kwa kuwawekea mazingira magumu na kushindwa kuwekeza hapa nchini”, ameeleza Dkt. Mwaluko.

Dkt. Mwaluko amesisitiza kuwa wawekezaji hao wako  getini hivyo ni wajibu wao kuwafungulia milango wawekezaji kwani serikali na wao wanaongea  lugha moja sio kila taasisi inakuwa na sheria zake na haishauriki inapokuwa inakinzana na nyingine

” Hivyo sio mnaweka sheria ambayo hata wewe mwenyewe tukisema haya hamia huku utekeleze hiyo sera na wewe unashindwa kuitekeleza kwa namna hiyo tutakuwa hatuwawezeshi wawekezaji kuja kuwekeza” ameweka wazi  Dkt Mwaluko.

Lakini pia Dkt. Mwaluko amesisitiza  kuacha  kuwachanganya wawekezaji kwa kutofautiana katika sera na kuwataka wawe na sheria ambazo zitamuwezesha muwekezaji kuja kuwekeza.

Kwa kuongezea Dkt. Mwaluko amekumbushia kuwa taasisi hizo hazina uamuzi wa mwisho katika kuamua sera hizo maamuzi yapo ngazi za juu za katika serikali.

Naye  Mtafiti wa sheria za uwekezaji hapa nchini Dkt Saudin Mwakaje amesema kuwa kikao hicho kitasaidia  kutathmini hali ya uwekezaji hapa nchini na changamoto wanazozipata Taasisi hizo katika kutekeleza sera hizo.

 Dkt Mwakaje amesema watapitia sera mbalimbali na kuona kama zinaendana na hali ya Sasa na kama kutakuwa na uhitaji watakuja na mapendekezo ya kuzibadili sera hizo ili ziendane na wakati wa sasa.