TBL Plc YATOA MSAADA WA TANI 9 ZA UNGA WA MAHINDI KWA WAHANGA WA MAFURIKO YA RUFIJI

Mkurugenzi wa  TBL  Plc ,  Philip Redman,   ( wa tatu kulia) akikabidhi sehemu ya  msaada wa tani 9 za unga wa mahindi zilizotolewa na kampuni hiyo  kwa  Mbunge wa jimbo la  Rufiji mkoa wa Pwani , Mohamed Mchengerwa ,   kwa ajili  ya wahanga wa mafuriko  yaliyotokea  Rufiji hivi karibuni,   hafla hiyo makao makuu ya kampuni Ilala  jijini Dar es Salaam. Wengine kwenye picha ni wafanyakazi wa Kampuni hiyo.

Mkurugenzi wa  TBL  Plc ,  Philip Redman, akiongea na waandishi wa habari baada ya kukabidhi msaada wa tani 9 zilizotolewa na kampuni kwa wahanga wa mafuriko yaliyotokea Rufiji hivi karibuni.

…………………………………………………………………………

Kampuni ya Tanzania Breweries Public Limited Company,imetoa msaada wa tani 8.75 za  unga wa mahindi  kwa wahanga wa mafuriko ya mvua kubwa huko Rufiji iliyonyesha hivi

karibuni na kusababisha maafa makubwa.

Msaada huo  umekabidhiwa kwa Mbunge wa Rufiji, Mheshimiwa Mohammed Mchengerwa, kwa ajili ya kuwapatia unafuu wa maisha  wakazi hao ambao nyumba zao zaidi ya 3,500 na hekari 6,600 zilisombwa na mafuriko katika mkoa wa Pwani.

Akiongea katika hafla ya kukabidhi msaada huo iliyofanyika jijini Dar es Salaam,Mkurugenzi Mkuu wa TBL Plc,Philip Redman alisema “Sisi kama TBL Plc, tumejitoa kusaidia jamii tunayofanyia biashara zetu na hii ni moja ya njia yetu mojawapo ya kurudisha tunachokipata kwao hususani kipindi ambacho wanahitaji msaada.”

Kwa upande wake, Mheshimiwa Mchengerwa, alitoa shukrani kwa msaada huo kutoka TBL Plc na  kutoa wito kwa taasisi nyinginezo na watu binafsi kusaidia wahanga hao wa mafuriko kulingana na uwezo wao.

TBL Plc ina historia ya kusaidia kuendeleza uchumi wa kijamii nchini Tanzania kupitia sekta za kilimo, usafirishaji na viwanda. Kwa upande wa sekta ya kilimo, kampuni imekuwa ikinunua mazao ya Shahiri,mahindi,mtama na zabibu kwa ajili ya malighafi ya kuzalisha bidhaa zake. Mwaka jana kampuni ilinunua zaidi ya tani 20,000 za malighafi ya nafaka kutoka hapa nchini.