KIKAO KAZI CHA MAAFISA MAWASILIANO WA SERIKALI CHAAHIRISHWA

Katibu Mkuu Wizara ya Habari, Utamaduni, Sanaa na Michezo, Dkt. Hassan Abbasi anawataarifu  Maafisa Habari na Mawasiliano Serikalini pamoja na wadau wengine kuwa

Kikao Kazi kilichotarajiwa kufanyika tarehe 9 hadi 13 Machi 2020, Jijini Mbeya kimeahirishwa.

Kikao kazi hicho hufanyika kila mwaka ili kuwajengea uwezo Maafisa Habari na Mawasiliano wa Serikali namna ya kutangaza shughuli za Serikali na kuhakikisha,  Idara na Vitengo vya Mawasiliano na Uhusiano Serikalini vinaimarishwa ili kuendana na kasi ya Serikali ya Awamu ya Tano na Teknolojia mpya ya Habari na Mawasiliano katika kuwahudumia wananchi.

Aidha, Maafisa hao wametakiwa kuendelea  kutekeleza majukumu yao katika maeneo ya kazi kwa kutangaza utekelezaji wa Serikali ili wananchi waweze kupata taarifa muhimu za Serikali. 

Imetolewa na:-

Lorietha Laurence

Kaimu Mkuu wa Kitengo cha Mawasiliano Serikalini,

Wizara ya Habari, Utamaduni, Sanaa na Michezo.

Previous articleKikundi cha ngoma cha Wilayani Maswa kikitumbuiza wakati wa mapokezi ya Msafara katika Wilaya ya Maswa mkoani Simiyu. Picha zote na Kitengo cha Mawasiliano Serikalini WAMJW Na Mwandishi Wetu Maswa Kaimu Katibu Tawala Wilaya ya Maswa Venance Salia amesema kuwa Serikali ya Wilaya haitawavumilia watendaji wa vitendo vya ukatili kwani hawatakuwa salama katika Wilaya hiyo. Ameyasema hayo wakati akiupokea msafara wa kijinsia Wilayani Maswa wenye lengo la kutoa elimu ya madhara ya vitendo vya kikatili nchini. Ameongeza kuwa kwa kipindi cha mwaka 2018 jumla ya matukio 466 yaliripotiwa na kwa mwaka 2019 kumekuwa na matukio takribani 674 ya vitendo vya ukatili vikiwemo vipigo, unyanyasaji na mimba na ndoa za utotoni. “Sisi tunasema hawatakuwa salama hawako salama wale wote wanaofanya vitendo vya kikatili iwe kwa wanawake watoto hata wanaume tutawashughulikia” alisema Bw. Salia amesema kuwa Wilaya ya Maswa imezidhatiti katika kupambana na vitendo vya kikatili na kwa kuanzia Januari hadi Desemba mwaka 2019 jumla ya kesi 42 zimeripotiwa na watuhumiwa 15 wamehukumiwa kwa kifungo cha miaka 30 jela. “Tumewaweka ndani waharibifu hao hapa ukibainika tu umefanya kitendo cha kikatili basi Sheria itachukua mkondo wake” alisema Naye Mwakilishi wa Katibu Mkuu Idara Kuu ya Maendeleo ya Jamii Bi Imelda Kamugisha amesema kuwa lengo kuu la msafara wa kijinsia ni kutoa elimu juu ya madhara ya vitendo vya ukatili nchini. Ameongeza kuwa Serikali imedhamiria kutokomeza vitendo vya kikatili katika jamii hivyo ameitaka jamii kushiriki katika kupambana kwa nguvu ili kuondokana na vitendo hivyo.

Next articleSERIKALI YA TANZANIA KUSHIRIKIANA NA UFARANSA KATIKA MAZINGIRA