BENKI YA DCB IMETAKIWA KUWAJENGEA UWEZO WATEJA WAKE

Waziri wa Nchi, Ofisi ya Rais, Tawala za Mikoa na Serikali za Mitaa (OR-TAMISEMI), Mhe. Selemani Jafo,akizungumza na waandishi wa habari (hawapo pichani) wakati alipotembelea Benki ya Biashara ya DCB tawi la Dodoma leo

Mkurugenzi Mkuu wa Benki ya Biashara ya DCB Bw.Godfrey Ndalahwa(katikati) akiongea na waandishi wa habari (hawapo pichani) akiwa na Waziri wa Nchi, Ofisi ya Rais, Tawala za Mikoa na Serikali za Mitaa (OR-TAMISEMI), Mhe. Selemani Jafo,wakati alipotembelea Benki ya Biashara ya DCB tawi la Dodoma leo

Baadhi ya waandishi wa habari pamoja na wafanyakazi wa benki ya DCB wakimsikiliza Waziri wa Nchi, Ofisi ya Rais, Tawala za Mikoa na Serikali za Mitaa (OR-TAMISEMI), Mhe. Selemani Jafo (hayupo pichani) wakati alipotembelea Benki ya Biashara ya DCB tawi la Dodoma leo

Mteja wa Benki ya DCB akipata huduma katika tawi lililopo jijini Dodoma

Waziri wa Nchi, Ofisi ya Rais, Tawala za Mikoa na Serikali za Mitaa (OR-TAMISEMI), Mhe. Selemani Jafo akiwa katika picha ya pamoja na baadhi ya wafanyakazi wa benki ya DCB alipotembelea leo katika tawi hilo lililopo jijini Dodoma

Waziri wa Nchi, Ofisi ya Rais, Tawala za Mikoa na Serikali za Mitaa (OR-TAMISEMI), Mhe. Selemani Jafo akiwa katika picha ya pamoja na wateja wa Benki ya DCB Tawi la Dodoma leo alipofanya ziara ya kujionea shughuli zinazofanywa na benki hiyo.

Picha na Alex Sonna-Fullshangweblog

…………………….

Na. Majid Abdulkarim

Benki ya Biashara ya DCB iliyoka chini ya, Ofisi ya Rais, Tawala za Mikoa na Serikali za Mitaa (OR-TAMISEMI), imetakiwa kuwajengea uwezo mzuri wateja wao katika kufanyikisha mahitaji yao ya ujasilia mali ili kuweza kupata matokeo chanya na kupata kipato kizuri

kitakacho wasaidia kuinua uchumi wa Nchi.

Hayo yameelezwa na Waziri wa Nchi, Ofisi ya Rais, Tawala za Mikoa na Serikali za Mitaa (OR-TAMISEMI), Mhe. Selemani Jafo wakati alipotembelea Benki ya Biashara ya DCB tawi la Dodoma leo jijini Dodoma.

Mhe.Jafo ameutaka uongozi wa Benk ya DCB kuwapatia elimu watejeja wao juu ya kufanya ujasilia mali au biashara zao kwa kuwaongoza namna gani wataweza kufikia malengo yao katika shughuli wanazo fanya ili kuhakikisha wanafikia malengo yao kwa ufasaa.

Aidha Jafo amesema kuwa sasa ni wakati wa DCB benki kujenga ushirikiano mzuri na uongozi wa jiji la Dodoma na wao kuwa na hisa katika benki hiyo kwani jiji la Dodoma ni miongoni mwa majiji kumi yanayofanya vyema katika ukusanyaji wa mapato hapa nchini .

“Natoa wito kwenu kuwa mnatakiwa kuwa na ukarimu kwa wateja wenu ili kuweza kupata matokeo mazuri zaidi ya haya, kwani lugha nzuri utakayo tumia katika kumuhudumia mteja wako ndo itakayo mfanya mteja kufurahiya huduma yako na kupata wateja wengi zaidi ya hawa mlonao kwa sasa”Ameongezea Mhe. Jafo.

Naye Mkurugenzi Mkuu wa Benki ya Biashara ya DCB Bw.Godfrey Ndalahwa amesema kuwa mpka sasa uboreshaji wa huduma na mahusiano ya wateja  umekuwa ndio chachu ya kumuwezesha mteja kufungua akaunti na kufanya miamala yote ya kibenk, kutunza pesa na kuwekeza kwa kutumia simu yake ya mkononi.

Bw. Ndalahwa ameongezea kuwa benki inamalengo ya kujitanua zaidi tofauti na awali ilikuwa benki ya Jumuiya ya Wananchi wa Dar es salaam na kwa sasa malengo ni kujitanuaa katika halmashauri, manispaa na majiji ya nchi nzima.

“Benki hii ilianzishwa mnamo mwaka 2001 ikiwa kama benki ya wananchi wa Dar es salaam , Rais wa Awamu yta Tatu , munamo 2001, alitoa agizo la kuanzisha benki hii na ikiwa kama benki ya Jumuiya ya Wanachi kupitia Manispaa za Jiji la Dar es salaam ikiwemo Halmashauri ya Jiji” Amehitimisha Bw. Ndalahwa.