YALIYOJIRI ZIARA YA NAIBU WAZIRI, WA VIWANDA, BIASHARA NA UWEKEZAJI, MHE. MHANDISI MANYANYA ALIPOTEMBELEA SHAMBA LA KILIMO CHA MPIRA LA KALUNGA PAMOJA NA KIWANDA CHA KUCHONGA VIPULI CHA MANG’ULA KILOMBERO MKOANI MOROGORO

Naibu Waziri, Wizara ya Viwanda, Biashara na Uwekezaji, Mhe. Mhandisi Stella Manyanya akisaini kitabu cha wageni mara baada ya kufika katika shamba la mpira la Kalunga, katika Kijiji cha Mwaya, Kilombero mkoani Morogoro.

Wananchi wa Kijiji cha Mwaya wakimsikiliza Naibu Waziri wa Wizara ya Viwanda, Biashara na Uwekezaji, Mhe. Mhandisi Stella Manyanya (hayupo pichani).

]

Mkuu wa Wilaya ya Kilombero ndugu. James Ihunyo akizungumza katika mkutano wa Mhe. Naibu Waziri wa Wizara ya Viwanda, Biashara na Uwekezaji pamoja na wananchi wa Kijiji cha Mwaya, Mkoa wa Kilombero.

Shamba la mpira la Kalunga ambalo ni malighafi kwa ajili ya kiwanda cha General Tyre na viwanda vingine vya plastic.

Naibu Waziri, Wizara ya Viwanda, Biashara na Uwekezaji, Mhe. Mhandisi Stella Manyanya akikagua mipaka katika shamba la mpira la Kalunga, Mkoani Morogoro.

Naibu Waziri, Wizara ya Viwanda, Biashara na Uwekezaji, Mhe. Mhandisi Stella Manyanya akionesha jinsi ya kugema utomvu katika mti wa ampira.

Naibu Waziri, Wizara ya Viwanda, Biashara na Uwekezaji, Mhe. Mhandisi Stella Manyanya akiangalia mpira unaozalishwa katika shamba la mpira la Kalunga,

Madarasa yaliyokuwa yakitumika kufundishia katika kiwanda cha Mang’ula Mechanical and Mashine Tools (MMMT) ambayo kwa sasa hayatumiki.

Naibu Waziri, Wizara ya Viwanda, Biashara na Uwekezaji, Mhe. Mhandisi Stella Manyanya akikagua kiwanda cha kiwanda cha Mang’ula Mechanical and Mashine Tools (MMMT).

…………..

Serikali inasisitiza ujenzi na uendelezwaji wa Viwanda ili kuchochea mageuzi ya kiuchumi na maendeleo ya watu, hivyo tumedhamilia kuendeleza Viwanda vyote vilivyobinafsishwa.

#Wizara yangu itahakikisha mipaka ya shamba hili la mpira la Kalunga lenye ukubwa wa ekari 1,536 linalindwa na kuendelezwa ili kusaidia wananchi wa kata Mwaya katika ajira.

#Nchi yetu inapoteza zaidi ya trilioni 3 kila mwaka kununua magurudumu kutoka nje ya nchi hivyo ni lazima tuzalishe magurudumu yetu wenyewe kwa kutumia malighafi ya hapa nchini na shamba hili ni jukumu letu sote kulilinda.

#Sehemu ya shamba hili imechomwa moto, mpo hapa mnaishi na mnashuhudia mali ya Serikali ikiteketezwa wakati hii ni mali yenu wenyewe mnatakiwa kulinda shamba hili ambapo serikali imeipa jukumu shirika lenu la NDC kuliendeleza hivyo mtoe ushirikiano wa karibu ikiwa ni pamoja na kulinda shamba hili.

#Nimetembea na kukagua mipaka yote ambayo ipo katika shamba hili na kushuhudia baadhi ya waliovamia shamba na kujenga na wengine kufanya shughuli zao binafsi, natoa rai kwa waliovamia eneo hili la Serikali kutafuta mahala pengine mapema kabla sheria haijachukua mkondo wake.

#Kazi ya Serikali ni kuweka karibu huduma za kijamii kama Barabara, Afya, Elimu n.k na hii itawezekana kwa urahisi kwa Viwanda kufanya kazi kwani Serikali itapata kodi kwa ajili ya kuwezesha huduma za kijamii.

#Wale wote waliopewa Viwanda na kushindwa kuviendeleza na wengine kuamua kutoa baadhi ya mashine na mitambo tutawakata na kuwachukulia hatua stahiki za kisheria.

#Kutokana na uharibifu na wizi wa mali za kiwanda uliofanywa naagiza kukamatwa maramoja kwa aliyekuwa Meneja wa Kiwanda cha Mang’ula Mechanical and Machine Tools (MMMT) ndugu. Theofil Ngonyani ili kufanya upelelezi wa kina wa mitambo ya kiwanda ilipopelekwa.

Imeandaliwa na Kitengo cha Habari,

WIZARA YA VIWANDA, BIASHARA NA UWEKEZAJI.