NOGESHA UPENDO WA TBL GROUP YAWAFIKIA WAFANYAKAZI WAKE ????????????????????????????????????

Wafanyakazi wa TBL wakipata mafunzo sambamba na burudani za vinywaji baada ya saa za kazi

 

Wafanyakazi wa TBL Arusha wakifutilia mafunzo

Wafanyakazi wa TBL Mwanza wakifuatilia mafunzo ya mahusiano na afya

TBL Moshi hawakubaki  nyuma katika mafunzo hayo

TBL Mbeya nao walishiriki mafunzo na mijadala ya mahusiano

………………

 

Kampuni ya TBL Group chini ya kampuni mama ya ABInBev, imeitumia  Siku ya Wapendanao kuandaa semina za wafanyakazi wake kuhusiana na  masuala ya mahusiano katika  familia, zilizoendeshwa na wataalamu wa masuala ya Saikolojia na ushauri nasaha kutoka taasisi mbalimbali za mafunzo nchini.Semina hizo zilifanyika katika viwanda vyake vilivyopo katika mikoa ya Dar es Salaam,Mwanza,Mbeya,Kilimanjaro na Arusha.

Kwa kutumia kauli mbiu ya ‘Nogesha Upendo Valentine hii’wafanyakazi walipata fursa ya kupata mafunzo,na kushiriki mijadala kuhusiana na  mahusiano bora katika  ndoa na familia  sambamba na changamoto mbalimbali zilizopo ,pia waliweza kupata majibu na ushauri wa changamoto hizo waliokuwa wakiendesha mafunzo.

Meneja Mawasiliano wa TBL Group,Amanda Walter,amesema kuwa  wameamua kuitumia siku hii kusambaza upendo na furaha kwa wafanyakazi wa kampuni kwa kuwapatia mafunzo ya kuimarisha mahusiano ya ndoa zao na familia zao sambamba na kupata ushauri wa changamoto mbalimbali za kifamilia wanazokabiliana nazo katika Maisha ya kila siku.

“Moja ya sera ya kampuni ni  kuwapatia kipaumbele wafanyakazi wake kuhakikisha wanapata maslahi mazuri ya kuendeleza Maisha yao na familia zao sambamba na  kuwapatia mafunzo mbalimbali yanayohusiana na kuendeleza taaluma zao na mafunzo ya kuwasaidia katika maisha yao ya kila siku wanapokuwa nje ya kazi kama ambavyo wamepatiwa mafunzo ya mahusiano yanayolenga kuimarisha upendo ndani ya familia zao na mahali popote”alisema Walter.

 

Mhadhiri Mwandamizi kutoka Chuo Kikuu cha Dar es Salaam,Dk.Chris Mauki,ambaye alikuwa mmoja wa wakufunzi wa semina hizo alibainisha jinsi matatizo ya kisaikolojia na  mahusiano mabaya  hakumuathiri mhusika wa matatizo hayo pekee na mwenza wake au familia yake bali hata mwajiri wake kwa kuwa mfanyakazi akiwa na msongo wa mawazo ni vigumu kufanya kazi kwa ufanisi na kuleta  tija.

 

Baadhi ya wafanyakazi wa  TBL Group walipohojiwa kuhusiana na mafunzo hayo,walishukuru  kampuni kwa kubuni mafunzo mbalimbali ambayo yanawasaidia katika Maisha ndani ya maeneo ya kazi  na katika Maisha yao ya kawaida nje ya sehemu za kazi.

 

TBL Group imekuwa  ikiitumia siku ya Valentine kusaidia shughuli mbalimbali za kijamii.Mwaka jana wafanyakazi wake kutoka mikoa yote vilipo viwanda vyake walishiriki kusaidia na kutoa faraja kwa watoto wanaosoma kwenye shule za walemavu