ABInBev Yashiriki Mkutano Wa Uzalishaji Wa Viwanda Wa Nchi Za Afrika Mashariki Nchini Rwanda

Maofisa Waandamizi waliowakilisha  TBL Group  katika mkutano huo (Kushoto) ni Lucy Manning -ABInBev Quality Assurance East Africa, na Manoj Kr. Chaudary- ABInBev Energy, Fluid & Maintenance Coordinator East Africa

 

Baadhi ya wawezeshaji katika mkutano huo wakitoa mada zinazohusiana na biashara ya viwanda

…………………………

Mkutano unaohusu uzalishaji viwandani na changamoto  zinazokabili sekta ya viwanda  katika kanda ya Afrika Mashariki umemelizika mjini Kigali na kushirikisha wawekezaji wa sekta ya viwanda kutoka nchi mbalimbali.

 

Miongoni mwa makampuni kutoka Tanzania ambayo yalishiriki katika mkutano huo ni TBL Group ikiwakilishwa na ujumbe kutoka  kampuni yake mama ya ABInBev.

 

Katika mkutano huo zilijadiliwa changamoto mbalimbali zinazoikabili sekta ya viwanda hususani katika maeneo ya masoko ya bidhaa kikanda,ushindani wa kibiashara,na washiriki walibadilishana uzoefu na kuweka mikakati ya kupambana  na changamoto hizo.

 

Baadhi ya changamoto ambazo zilionekana kuwa kubwa na kuzorotesha uwekezaji katika sekta ya viwanda ni tofauti ya mazingira sawa ya uwekezaji hali inayosababisha  ubora na bei za bidhaa kuwa  tofauti,uingizwaji wa bidhaa feki kwenye masoko,kukithiri kwa biashara haramu , kutozingatia sheria ya hakimiliki kwa wazalishaji na jinsi ya kubadilishana wataalamu  baina ya nchi na nchi kutokana na sheria mgumu za kazi zilizopo .

 

Maazimio yaliyofikiwa katika mkutano huo baadhi yake ni kuondoa  vikwazo vinavyosababisha gharama za kuuza bidhaa kubwa kutokana na gharama kubwa za uendeshaji na pia washiriki waliazimia kuzingatia kanuni za kufanya uzalishaji usio na athari na mazingira.

 

Kwa upande wa Tanzania  kampuni ya TBL Group imeanza kuutekeleza kwa kufanya uzalishaji kwa kutumia teknolojia ya nishati inayotokana na pumba za mpunga katika kiwanda chake cha Mwanza na kutumia umeme wa nishati ya jua katika mchakato wa uzalishaji katika kiwanda chake kilichopo mkoani Mbeya.

Mbali na matumizi ya nishati mbadala isiyo na athari kwa mazingira,kampuni ya TBL Group  pia imefanikiwa kupunguza matumizi makubwa ya maji katika uzalishaji wa bia kutokana na kutumia teknolojia za kisasa.