MAKAMU WA RAIS MHE SAMIA SULUHU HASSAN KATIKA SHEREHE ZA KUAPISHWA KWA RAIS WA 6 WA ZAMBIA MHE EDGER LUNGU MJINI LUSAKA

  Makamu wa Rais wa Jamhuri ya Muungano wa Tanzania Mhe Samia Suluhu Hassan akiwasili kwenye uwanja wa Taifa wa Mashujaa (National Heroes Stadium) jijini Lusaka kumwakilisha Rais wa Jamhuri ya Muungano wa Tanzania Dkt John Pombe Magufuli kwenye sherehe za kuapishwa kwa Rais wa Awamu ya 6 wa Zambia Mhe Edgar C. Lungu leo Septemba 13, 2016

  Makamu wa Rais wa Jamhuri ya Muungano wa Tanzania Mhe Samia Suluhu Hassan akisalimiana na Rais wa Botswana Luteni Jenerali Seretse Khama baada ya kuwasili kwenye uwanja wa Taifa wa Mashujaa (National Heroes Stadium) jijini Lusaka kumwakilisha Rais wa Jamhuri ya Muungano wa Tanzania Dkt John Pombe Magufuli kwenye sherehe za kuapishwa kwa Rais wa Awamu ya 6 wa Zambia Mhe Edgar C. Lungu leo Septemba 13, 2016

  Makamu wa Rais wa Jamhuri ya Muungano wa Tanzania Mhe Samia Suluhu Hassan akiwa na Naibu Rais wa Kenya Mhe william Rutto,  Makamu wa Rais wa Namibia Mhe. Nickey Iyambo na Rais wa kwanza wa Zambia Dkt. Kenneth Kaunda baada ya kuwasili kwenye uwanja wa Taifa wa Mashujaa (National Heroes Stadium) jijini Lusaka kumwakilisha Rais wa Jamhuri ya Muungano wa Tanzania Dkt John Pombe Magufuli kwenye sherehe za kuapishwa kwa Rais wa Awamu ya 6 wa Zambia Mhe Edgar C. Lungu leo Septemba 13, 2016

  Makamu wa Rais wa Jamhuri ya Muungano wa Tanzania Mhe Samia Suluhu Hassan akiwa na Naibu Rais wa Kenya Mhe william Ruttona wageni wengine wakielekea jukwaani  kwenye uwanja wa Taifa wa Mashujaa (National Heroes Stadium) jijini Lusaka ambako amemuwakilisha Rais wa Jamhuri ya Muungano wa Tanzania Dkt John Pombe Magufuli kwenye sherehe za kuapishwa kwa Rais wa Awamu ya 6 wa Zambia Mhe Edgar C. Lungu leo Septemba 13, 2016

 Rais mteule wa Zambia Mhe Edgar C. Lungu akiwasili kwenye uwanja wa Taifa wa Mashujaa (National Heroes Stadium) jijini Lusaka kwenye sherehe za kuapishwa kwake kuwa Rais wa Awamu ya 6 wa Zambia Mhe Edgar C. Lungu leo Septemba 13, 2016

   Makamu wa Rais wa Jamhuri ya Muungano wa Tanzania Mhe Samia Suluhu Hassan na viongozi wengine wakiwa kwenye uwanja wa Taifa wa Mashujaa (National Heroes Stadium) jijini Lusaka ambako kamwakilisha Rais wa Jamhuri ya Muungano wa Tanzania Dkt John Pombe Magufuli kwenye sherehe za kuapishwa kwa Rais wa Awamu ya 6 wa Zambia Mhe Edgar C. Lungu leo Septemba 13, 2016

Makamu wa Rais wa Jamhuri ya Muungano wa Tanzania Mhe Samia Suluhu Hassan akiwapongea Rais Edgar C' Lungu na Makamu wake wa Rais Mama Inonge Mutukwa Wina baada ya viongozi hao kula viapo  kwenye uwanja wa Taifa wa Mashujaa (National Heroes Stadium) jijini Lusaka. Mama Samia amemwakilisha Rais wa Jamhuri ya Muungano wa Tanzania Dkt John Pombe Magufuli kwenye sherehe hizo

MKOA WA SINGIDA WAPATWA NA KISHINDO CHA BURUDANI YA MSIMU WA TIGO FIESTA USIKU WA JANA

Msanii Ben Pol akiwa jukwaani  kuwapagawisha   wakazi   wa   Singida   kwenye  tamasha la Tigo Fiesta lililofanyika  uwanja wa  Namfua  usiku  wa  kuamkia     jana.

Dj D Ommy akiwa katika kuhakikisha kuwa kila burudani inayotolewa na wasanii inakuwa katika utaratibu maalum katika usiku wa Tamasha la Tigo Fiesta mkoani Singida katika viwanja vya Namfua usiku wa jana.

FID Q akitumbuiza katika jukwaa la Tigo Fiesta mkoani Singida katika viwanja vya Namfua usiku wa jana

JUX akiwaburudisha wapenzi wa muziki waliojitokeza kwa wingi katika viwanja vya Namfua mkoani Singida wakati wa  tamasha la Tigo Fiesta usiku wa jana

Niki wa pili akitumbuiza katika jukwaa la Tigo Fiesta usiku wa jana Mkoani Singida 

Malkia wa Uswazi Snura akiwa na madancer wake katika kuwapagawisha wakazi wa Singida katika usiku wa Tigo Fiesta usiku wa jana katika viwanja vya Namfua 

Maelfu ya wakazi wa SIngida waliojitokeza kwa wingi kushuhudia Tamasha kubwa la burudani Tigo Fiesta lilifanyika katika viwanja vya Namfua mkoani humo usiku wa jana.

i

MeTL Group yafanya uzinduzi wa kampeni ya “USIKATE TAMAA”

 Mkurugenzi wa Masoko wa MeTL Group, Fatema Dewji-Jaffer akielezea kampeni ya USIKATE TAMAA na jinsi inavyoweza kubadili maisha ya watu waliokata tamaa ya kufanikiwa kimaisha.kulia na Kaimu Meneja Masoko Msaidiz wa Mohammed Enterprises Tanzania Limited (MeTL Group), Zainul Mzige.

 Mkurugenzi wa Masoko wa MeTL Group, Fatema Dewji-Jaffer akizungumza kuhusu kampeni ya USIKATE TAMAA, Kushoto ni mwanamuziki Shetta na kulia na Kaimu Meneja Masoko Msaidizi wa Mohammed Enterprises Tanzania Limited (MeTL Group), Zainul Mzige. 

  Mwanamuziki, Nurdin Bilal Ali maarufu kama Shetta akielezea safari yake ya muziki hadi kufika hatua aliyopo sasa ambayo mwenyewe amesema kuwa kwake ni mafanikio makubwa. Katikati ni Mkurugenzi wa Masoko wa MeTL Group, Fatema Dewji-Jaffer. kulia na Kaimu Meneja Masoko Msaidizi wa Mohammed Enterprises Tanzania Limited (MeTL Group), Zainul Mzige.

Mkurugenzi wa Masoko wa MeTL Group, Fatema Dewji-Jaffer akifafanua jambo katika mkutano na waandishi wa habari ofisini kwake jijini Dar es Salaam.

Mkurugenzi wa Masoko wa MeTL Group, Fatema Dewji-Jaffer akiwa katika picha ya pamoja na Mwanamuziki, Nurdin Bilal Ali maarufu kama Shetta, kuashiria kuwa kampeni ya USIKATE TAMAA imezinduliwa rasmi.

Na Modewjiblog

Kwa kutambua hali ambayo inawakuta watu wengi katika jamii na kupoteza matumaini ya kufanikiwa kimaisha, kampuni ya Mohammed Enterprises Tanzania Limited (MeTL Group) imefanya uzinduzi wa kampeni ambayo imepewa jina la USIKATE TAMAA ikiwa na lengo la kuhamasisha watu waliokata tamaa kuwa nao wana nafasi ya kufanikiwa.

Akizungumzia kampeni hiyo, Mkurugenzi wa Masoko wa MeTL Group, Fatema Dewji-Jaffer alisema kuwa kampeni hiyo inalenga kuleta matumaini mapya katika jamii kwa watu ambao wamekuwa wakipoteza matumaini kutokana na hali ya ugumu wa kimaisha ambayo imekuwa ikiwakabili.

Alisema kampeni hiyo itakuwa ikitumia watu mbalimbali ambao wamefanikiwa na watakuwa wakitoa historia zao katika maeneo mbalimbali ambayo watatembelea, wakielezea jinsi walivyokuwa na maisha magumu hapo awali na sasa wamefanikiwa kimaisha.

“Kuna watu hawana uwezo na wanazungukwa na watu ambao wamekuwa wakiwaambia kuwa hawawezi kufanikiwa lakini kupitia kampeni ya USIKATE TAMAA wataweza kupata matumaini kutoka kwa watu ambao walipita katika maisha magumu na baadae wakafanya vyema,” alisema Fatema.

Mkurugenzi wa masoko huyo aliongeza kuwa kampuni ya MeTL pamoja na kufanya biashara lakini pia inaijali jamii na inapenda kuona watu wakifanikiwa kimaisha hivyo kupitia kampeni ya USIKATE TAMAA itaweza kusaidia watu wa aina mbalimbali waliopo katika jamii ya kitanzania wakipata matumaini mapya na kuongeza juhudi ili wafanikiwe.

“MeTL kupitia chapa yake ya MO inataka kuona watu wakiendelea kupambana na kufanikiwa, tunataka watu wafanikiwe na tuwape tuzo, tuwape sauti ya kusikika na huu ni mwanzo tu, kampeni hii itafanyika kwa muda mrefu zaidi,” alisema Fatema.

Kwa upande wa mwanamuziki, Nurdin Bilal Ali (Shetta) ambaye ametumika kama mmoja wa watu ambao wamefanikiwa, alielezea safari yake ya kimuziki na kusema kuwa awali alikuwa akiishi kwa moja ya wasanii wa muziki nchini na alikuwa akifanya kazi za nyumbani kwa mtu huyo lakini akiwa na nia ya kutafuta njia ya kutoka kimuziki na juhudi alizozionyesha zimemwezesha kuwa moja ya wasanii waliofanikiwa nchini.

“Unaweza kuwa unajiamini katika kipaji chako lakini bado watu wanakudharau, mimi nimewahi kuishi na mwanamuziki mkubwa nchini lakini najijua nina kipaji lakini kwakuwa nilikuwa natafuta njia ya kutoka kimuziki ilinibidi nifanye hivyo,

“Ilikuwa naosha gari lake, naosha vyombo na hata kumwogesha mdogo wake lakini nilikuwa najua nini nafanya na nini nataka, msanii yule alikuwa anafahamiana na watu wengi na mimi ikanisaidia kupata njia ya kutokea na leo kwa hatua niliyofikia nimefanikiwa,” alisema Shetta

Wafugaji wamwomba Rais Magufuli kuwanusuru ng’ombe wao

Katibu Mkuu wa Chama Cha Wafugaji Tanzania (CCWT), Maghembe Makoye akizungumza na waandishi wa habari wakati akifafanua mambo mbalimbali kuhusu wafugaji walionyaganywa mifugo yao na uongozi wa hifadhi ya Pori la akiba Katavi , Kushoto ni mfugaji anayelalamikia kunyang'anywa mifugo yake Mayunga Gamasa na kulia ni mfugaji Charles Mtokambali.

Katibu Mkuu wa Chama Cha Wafugaji Tanzania (CCWT), Maghembe Makoyeakionyesha hukumu iliyotolewa na mahakama kuu Kanda ya Sumbawanga ili wafugaji hao warudishiwe mifugo yao kushoto ni Mayunga Gamasa mfugaji na kulia ni mfugaji Charles Mtokambali.

..........................................................................................

NA MWANDISHI WETU

WAFUGAJI wa mkoa wa Katavi, wamemwomba Rais John Magufuli kuwasaidia kurejeshewa mifugo yao 1,600 ambayo imeshikiliwa na watendaji wa hifadhi ya Katavi.

Wamesema mifugo hiyo aina ya ng’ombe ilikamatwa Machi mwaka huu na kufunguliwa kesi lakini baada ya kesi hiyo walishinda na kuamliwa kurejeshewa ng’ombe zao lakini mpaka sasa amri hiyo haijatekelezwa.

Wakizungumza na waandishi wa habari leo jijini Dar es Salaam wamesema, kutokana na unyanyasaji wanaofanyiwa na watendaji hao wa hifadhi, Rais Magufuli ambaye ni mtetezi wa wanyonge atupie jicho suala lao na kulimaliza.

Katibu Mkuu wa Chama Cha Wafugaji Tanzania (CCWT), Maghembe Makoye alisema wafugaji waliochukuliwa mifugo yao hivi sasa familia zao zinaishi maisha ya shida kwani hawana njia mbadala wa kupata fedha na ufugaji ndiyo tegemeo lao.

“Tunamwomba Rais Magufuli aingilie kati jambo hili ili Watanzania hawa wanyomge wapate haki yao. Tunanyanyasika katika nchi yetu, huku chini kuna watu wanaendesha serikali zao, hawajui juu kuna Magufuli, tunamwomba sana Rais alione hili,” alisema Makoye

Alisema agizo la Rais la kuwataka wakuu wote wa mikoa kubaini na kutenga maeneo kwa ajili wafugaji nchini limeshindwa kuchukuliwa kwa uzito wake mpaka sasa hivyo umefika wakati wa kulifanyia kazi.

Katibu huyo alisema katika kufanikisha agizo hilo la Rais Magufuli kwa ufanisi, wameomba kushirikishwa ili kumaliza migogoro iliyopo kati ya wafugaji na wakulima.

Naye Mayunga Gamasa alisema kati ya ng’ombe hizo 1600 yeye zake ni 552 ambazo kukamatwa kwake zimemfanya kuwa masikini huku familia yake yenye watu zaidi ya 70 ikiishi kwa shida kwani chanzo cha mapato ndiyo hicho kimeondoka.

“Mimi nina watoto 28, waijukuu 24, wake wane jumla na wasaidizi kama watu 70, sasa ng’ombe hawa ndiyo msaada kwangu, lakini uongozi wa hifadhi ya Katavi haitaki kutupatia licha ya kushinda kesi, tunaomba Rais atusaidie” alisema Gamasa

Naye Charles Mtokambali mwenye ng;ombe zaidi ya 700, alisema kunyimwa kwa ng’ombe hao kumebadili maisha yake kwani kwa sasa familia yake haijui kesho yake, kutokana na watendaji hao wa hifadhi huku akisema ana imani kubwa na Rais kwamba atalishughulikia suala hilo.