Wednesday, August 24, 2016

TETEMEKO KUBWA LA ARDHI LAUWA WATU WAPATAO 10 NCHINI IT

Tetemeko la ardhi limetokea katika enao la kati la Italia na kuuwa watu wapatao 10 na wengine kadhaa wamefunikwa na vifusi.
Tetemeko hilo lenye ukupwa wa kipimo cha alama 6.2 limetokea kusini mashariki mwa mji wa Perugia.
                                Mtu akiangua kilio akiwa juu ya kifusi cha jengo lililoanguka
                              Polisi na vikosi vya uokoaji vikiwa vimeubeba mwili wa mtu 
Vikosi vya uokoaji vikimuokoa mwanamke aliyekwama juu ya jengo lililoathiriwa na tetemeko

KOREA KUSINI YATOA BILIONI NNE KUJENGA KITUO CHA TAARIFA KATIKA HIFADHI YA TAIFA YA SERENGETI .

Wajumbe wa Kamati ya Maendeleo kwa Afrika katika Bunge la Korea Kusini wakiwasili katika uwanja mdogo wa ndege uliopo katika Hifadhi ya Taifa ya Serengeti.
Ujumbe wa Wabunge wa Bunge la Korea Kusini wakitizama picha ya Hayati Baba wa Taifa ,Mwl Julius K. Nyerere akiwa na rafiki yake Prof,Dkt Bernhard Grzimek huku wakipata maelezo kutoka kwa Mhifadhi Mkuu wa Hifadhi ya Taifa ya Serengeti ,William Mwakilema.
Ujumbe wa Wabunge wa Bunge la Korea Kusini wakipata maelezo katika michoro ya kituo cha kisasa cha taarifa katika Hifadhi ya taifa ya Serengeti.
Mhifadhi Mkuu wa Hifadhi ya Taifa ya Serengeti ,William Mwakilema (kushoto) akizungumza na Wajumbe wa kamati ya Maendeleoo ya Afrika ya Bunge la Korea Kusini waliofika katika Hifadhi hiyo kwa ajili ya ufuatiliaji wa maenedeleo ya kuanza kwa mradi wa ujenzi wa kituo cha kisasa cha Taarifa katika Hifadhi hiyo.

ATAKAYEVAMIA MSITU FAINI MIL. 70, JELA MIAKA SABA- MAJALIWA

WAZIRI MKUU Kassim Majaliwa amesema mtu yeyote atakayekutwa na hatia ya kuvunja sheria kwa kuvamia na kuharibu mazingira ya msitu wa Mfili ambao ndiyo chanzo pekee cha maji cha Wilayani Nkasi atatozwa faini ya sh. milioni 70 pamoja na kifungo miaka saba jela.

Katika kuhakikisha hatua zinachukuliwa Waziri Mkuu amemkabidhi mkuu wa wilaya ya Nkasi, Said Mtanda kitabu cha sheria kitachomuangoza katika kuwachukulia hatua wale wote watakaobainika kufanya uharibifu katika chanzo hicho cha maji.

Waziri Mkuu ametoa kauli hiyo jana jioni (Jumanne, Agosti 23, 2016) wakati akizungumza na wananchi wa mji Mdogo wa Namanyere katika mkutano wa hadhara uliofanyika kwenye viwanya vya Sabasaba.

“Mkuu wa wilaya akishindwa kuwachukulia hatua za kuwaondoa wananchi na kuwafikisha kwenye vyombo vya sheria watu wote waliovamia maeneo ya hifadhi za misitu na kuanzisha makazi au kufanya shughuli za kijamii naye atakuwa jipu,” alisema.

Waziri Mkuu alisisitiza kuwa maeneo mengi nchini yanakabiliwa na changamoto ya upatikanaji wa maji baada ya wananchi kuvamia katika vyanzo vya maji na kufanya shughuli za kibinadamu hivyo kusababisha vyanzo vingi kukakuka

“Serikali haitakubali kuona mtu anaharibu chanzo cha maji. Wananchi mnatakiwa kuwa walinzi wa maeneo hayo na atakayekutwa anachunga mifugo, analima, kukata nyasi au kufanya shughuli zozote za kijamii ndani ya maeneo hayo atachukuliwa hatua kwa mujibu wa sheria,” alisema.

Awali Waziri Mkuu alikagua mradi wa upanuzi wa bwawa la maji Mfili ambalo mwanzo lilikuwa na ujazo wa lita 1,500 ambapo litakapokamilika litakuwa na ujazo wa lija 248,067 hivyo kuwezesha wakazi 82,689 kunufaika.

Akizungumza kwenye eneo la mradi mara baada ya Waziri Mkuu kuwasili, Mkurugenzi Mtendaji wa wilaya ya Nkasi, Julius Kaondo alisema hadi kukamilika mradi huo unatarajiwa kugharimu sh trilioni 1.011 ambapo Wizara ya Maji na Umwagiliaji imetoa sh. milioni 500 na OOfisi ya Rais TAMISEMI itatoa sh. milioni 500.

Mkurugenzi huyo alisema mradi unakabiliwa na changamoto ya ukosefu umeme ppamoja na mitambo ya kusukuma maji kwa kutumia nishati ya umeme, ambapo aliiomba Serikali kuipatia halmashauri hiyo sh. milioni 222.576 ikiwa ni gharama za kupeleka umeme kwenye eneo la mradi na kununua mitambo.

Mbali na kutembelea mradi wa upanuzi wa bwawa, pia Waziri Mkuu alitembelea hospitali teule ya wilaya ya Nkasi na kuzindua wodi mpya yenye uwezo wa kulaza wagonjwa 72 kwa wakati mmoja

IMETOLEWA NA: 
OFISI YA WAZIRI MKUU, 
JUMATANO, AGOSTI 24, 2016.

LIVERPOOL YACHARUKA KATIKA KOMBE LA EFL

Kikosi imara cha Liverpool kimefanya mauaji kwa Burton Albion na kutinga hatua ya tatu ya Kombe la EFL mzunguko wa tatu, baada ya kuichakaza timu hiyo kwa kipigo cha magoli 5-0.
Wekundu hao walianza kuongoza katika dakika ya 15 kupitia kwa Divock Origi kabla ya baadaye Roberto Firmino kuongeza la pili 2-0 kwa kichwa akiunganisha krosi ya Nathaniel Clyne.
Tom Naylor alijikuta akijifunga mwenyewe na kuipatia Liverpool goli la tatu baada ya mapumziko na kisha baadaye Daniel Sturridge kufunga mengine mawili.
      Divock Origi akifunga goli baada ya kuunganisha pande kutoka kwa Sadio Mane
                     Roberto Firmino akifunga goli la pili la Liverpool kwa mpira wa kichwa

MSICHANA RAIA WA UINGEREZA AUWAWA KWA KUPIGWA KISU NCHINI AUSTRALIA

Msichana wa miaka 21 raia wa Uingereza ameuwawa baada ya kushambuliwa kwa kisu mbele ya watu 30 katika kambi ya hosteli moja nchini Australia.
Katika tukio hilo mwanaume mmoja wa miaka 30 raia wa Uingereza pia alijeruhiwa vibaya baada ya kushambuliwa karibu na mji wa Townsville, huko Queensland.
Polisi wanachunguza iwapo mtu anayedaiwa kufanya mashambulizi hayo amesukumwa na hisia za makundi ya misimamo mikali baada ya kusikika akisema “Allahu Akbar”.

RAIS DKT. MAGUFULI AMTEUA DKT. MODESTUS FRANCIS KIPILIMBA KUWA MKURUGENZI MKUU WA IDARA YA USALAMA WA TAIFA

Rais wa Jamuhuri ya Muungano wa Tanzania Dkt. John Pombe Magufuli leo tarehe 24 Agost, 2016 amemteua Dkt. Modestus Francis Kipilimba kuwa Mkurugenzi Mkuu wa Idara ya Usalama wa Taifa.
 
Kabla ya uteuzi huo, Dkt. Modestus Francis Kipilimba alikuwa Kaimu Mkurugenzi Mkuu wa Mamlaka ya Vitambulisho vya Taifa ( NIDA ).
 
Dkt. Modestus Francis Kipilimba anachukua nafasi iliyoachwa wazi na Bw. Rashid Othman ambaye amestaafu.
 
Dkt. Modestus Francis Kipilimba ataapishwa leo mchana tarehe 24 Agosti, 2016 Ikulu jijini Dar es Salaam.
 
Aidha, Rais Magufuli amemteua Bw. Robert Msalika kuwa Naibu Mkurugenzi Mkuu wa Idara ya Usalama wa Taifa.
 
Kabla ya uteuzi huo, Bw. Robert Msalika alikuwa Afisa Ubalozi katika ubalozi wa Tanzania nchini Ethiopia.
 
Wakati huo huo, Rais Magufuli amemteua aliyekuwa Kaimu Mkurugenzi Mkuu wa Idara ya Usalama wa Taifa Bw. George Madafa kuwa Balozi na nchi atakayopangiwa itatajwa baadaye.
 
Wakurugenzi na Naibu Wakurugenzi wa Idara ya Usalama wa Taifa waliopo wanaendelea na nafasi zao.
 
Imetolewa:
 
Gerson Msigwa
Kaimu Mkurugenzi wa Mawasiliano, IKULU
Dar es Salaam
24 Agosti, 2016

CHELSEA YASONGA MBELE KOMBE LA EFL

Mshambuliaji Michy Batshuayi amefunga mara mbili na kuisaidia Chelsea kutinga mzunguko wa tatu wa kombe la EFL kwa ushindi wa magoli 3-1 dhidi ya Bristol Rovers.
Mchezaji huyo aliyesainiwa kwa kitita cha paundi ya milioni 33 akitokea Marseille aliifungia Chelsea goli la kwanza a kisha Victor Moses kuongeza la pili dakika mbili baadaye.
                 Michy Batshuayi akiifungia Chelsea goli la kwanza katika mchezo huo
                              Victor Moses akiifungia Chelsea goli la pili katika mchezo huo

MAJALIWA AANZA ZIARA MKOANI RUKWA

Waziri Mkuu, Kassim Majaliwa akikagua vitanda katika wodi mpya ya Hospitali Teule ya Wilaya ya Nkansi baada ya kuizindua akiwa kataika ziara ya mkoa wa Rukwa Agosti 23, 2016. Kushoto kwake ni mkewe Mary na wapili kushoto ni Mkuu wa mkoa wa Rukwa, Zelote Stephene. (Picha na Ofisi ya Waziri Mkuu)
Waziri Mkuu, Kassim Majaliwa akitoka kwenye Hospitali Teule ya wilaya ya Nkansi baada ya kufungua wodi akiwa katika ziara ya mkoa wa Rukwa Agosti 23, 2016. (Picha na Ofisi ya Waziri Mkuu)
Waziri Mkuu, Kassim Majaliwa akihutubia mkutano wa hadhara kwenye uwanja wa Sabasaba mjini Nkansi akiwa katika ziara ya mkoa wa Rukwa, Agosti 23, 2016. (Picha na Ofisi ya Waziri Mkuu) Baadhi ya watumishi wa Halmashauri na mkoa wa Rukwa wakimsikiliza Waziri Mkuu, Kassim Majaliwa wakati alipozungumza nao kwenye ukumbi wa St Maurus mjini Sumbawanga Agosti 23, 2016. (Picha na Ofisi ya Waziri Mkuu)

HAKUNA MWANASIASA ATAKAYERUHUSIWA KUVURUGA AMANI-MAJALIWA

WAZIRI MKUU Kassim Majaliwa amesema Serikali itahakikisha inalinda amani ya nchi kwa gharama zozote na kamwe haitoruhusu mwanasiasa yeyote kusababisha vurugu zitakazochochea uvunjifu wa amani.
at

No comments :

Post a Comment

Subscribe to: Post Comments ( Atom )