PPF YAENDELEA KUNG’ARA MAONESHO YA BIASHARA YA KIMATAIFA SABASABA

 Afisa Uendeshaji wa Mfuko wa Pensheni wa PPF, Sostenes Lyimo, akitoa maelezo kwa Mkurugenzi  Mkuu wa NSSF, Prof. Godious
Kahyarara, na wasaidizi wake wakati walipotembelea katika Banda la Maonesho lamMfuko huo kwenye Viwanja vya  Sabasaba
jana.

Picha na Mafoto Blog

Afisa Mawasiliano wa Mfuko wa Pensheni wa PPF, Janeth  Ezekiel, 
akizungumza na mwananchi aliyefika kwenye Banda lao la Maonesho katika
Viwanja vya Sabasaba wakati akimwelekeza jambo kuhusu mafao ya Mfuko huo. 

 Afisa Mwandamizi na Uwekezaji wa Mfuko wa Pensheni wa PPF, Anna Shayo, akimfafanulia jambo mmoja kati ya wananchi waliofika katika Banda la Mfuko huo katika Maonesho ya Kimataifa ya Biashara yanayoendelea kwenye Viwanja vya Mwalimu Nyerere (Sabasaba)  jijini Dar es Salaam.

 Mwananchi akitoa maoni yake katika mashine maalum  baada ya kupata huduma kwenye Banda la
Maonesho la Mfuko wa Pensheni wa PPF,  Maonesho ya KImataifa ya Biashara yanayoendelea  Viwanja vya Mwalimu Nyerere jijini Dar es Salaam.

 Mwananchi akitoa maoni yake katika mashine maalum  baada ya kupata huduma kwenye Banda la
Maonesho la Mfuko wa Pensheni wa PPF,  Maonesho ya KImataifa ya Biashara yanayoendelea  Viwanja vya Mwalimu Nyerere jijini Dar es Salaam.

 Afisa Huduma kwa Wateja wa Mfuko wa Pensheni wa PPF, Mwajuma
Msina, akimkabidhi Kitambulisho Mwanachama Mohamed Hassan (23) aliyejiunga na
huduma ya ‘Wote Scheme’ wakati alipotembelea kwenye Banda la Maonesho la Mfuko
huo katika Maonesho ya Biashara ya Kimataifa yanayoendelea kwenye Viwanja vya
Mwalimu Nyerere (Sabasaba) jijini Dar es Salaam.

RAIS DKT. MAGUFULI ASHIRIRKI DHIFA YA KITAIFA NA MGENI WAKE RAIS KAGAME.

   Raiswa Jamhuri ya Muungano wa Tanzania Dkt. John Pombe Magufuli (kulia) akigonganisha bilauri na Mke wa Rais wa Rwanda, Mama Jeannette Kagame katika kusherehekea Dhifa ya Kitaifa aliyomuandalia mgeni wake Rais wa Rwanda Paul Kagame (katikati) Ikulu jijini Dar es Salaam. Rais Kagame alikuwa nchini kwa ziara ya Kikazi.

 Makamu wa Rais wa Jamhuri ya Muungano wa Tanzania Samia Suluhu Hassan (kulia) akigonganisha bilauri na Rais wa Rwanda Paul Kagame, katika kusherehekea Dhifa ya Kitaifa iliyoandaliwa na Rais Dkt. John Pombe Magufuli kwa ajili ya mgeni wake Rais Kagame.
Dhifa hiyo ilifanyika Ikulu jijini Dar es Salaam jana usiku.

    Rais wa Jamhuri ya Muungano wa Tanzania Dkt. John Pombe Magufuli (kulia) akifurahia jambo na mgeni wake Rais wa Rwanda Paul Kagame.

     Rais wa Jamhuri ya Muungano wa Tanzania Dkt. John Pombe Magufuli (katikati) akiwa amesima kutoa heshima wakati wa Dhifa ya Kitaifa aliyomuandalia mgeni wake Rais Kagame (kulia kwake). Kulia ni Makamu wa Rais Samia Suluhu Hassan. Wa pili
kulia ni Mke wa Tanzania Mama Janet Magufuli na kushoto ni Mke wa Rais wa Rwanda, Jeannette Kagame.

  Rais Mstaafu wa Awamu ya Pili Alhaj Ali Hassan Mwinyi (wa tatu kushoto) akiwa na Waziri Mkuu Mstaafu Dkt Salim Ahmed Salim (wa pili kushoto), Jaji Mkuu wa Tanzania Mohamed Chande Othman (wa tatu kulia) Waziri wa Mambo ya Nje na Ushirikiano wa Afrika Mashariki Kikanda na Kimataifa, Balozi Dkt. Augustine Mahiga na Waziri wa Mambo ya Nje wa Rwanda, Louise Mushikiwabo (kulia).

  Waziri Mkuu Mstaafu Jiji Mstaafu Joseph Sinde Warioba akimsikiliza Naibu Spika wa Bunge la Jamhuri Dkt. Tulia Ackson wakiwa kwenye Dhifa ya Kitaifa iliyoandaliwa na Rais Dkt. John Pombe Magufuli kwa mgeni wake Rais Kagame. Dhifa hiyo ilifanyika Ikulu jijini Dar es Salaam.

 Jaji Mkuu wa Tanzania, Mohamed Chande Othman (kulia) akizungumza na  Mwenyekiti wa CCM mkoa wa Dar es Salaam, Ramadhani Madabida wakiwa kwenye Dhifa ya Kitaifa iliyoandaliwa na Rais Dkt. John Pombe Magufuli kwa ajili ya mgeni wake Rais wa Rwanda Paul Kagame aliyetembelea Tanzania kwa ziara ya Kikazi.

WAZIRI WA KAZI ATEMBELEA BANDA LA NSSF KATIKA MAONYESHO YA SABASABA 2016

 Waziri wa Nchi Ofisi ya Waziri Mkuu Kazi, Ajira na Vijana na Walemavu, Jenista Mhagama (kulia) akipokelewa na Mkurugenzi
Mkuu wa Shirika la Taifa la Hifadhi ya Jamii (NSSF), Prof. Godius Kahyarara mara baada ya kuwasili katika banda la Shirika hilo.

Meneja Kiongozi Masoko na Uhusiano wa Shirika la Taifa la Hifashi ya Jamii (NSSF), Eunice Chiume akisalimiana na Waziri Jenista Mhagama.

Waziri wa Nchi Ofisi ya Waziri Mkuu Kazi, Ajira na Vijana na Walemavu, Jenista Mhagama akisalimiana naOfisa Uhusiano wa NSSF, Devota.

Waziri wa Nchi Ofisi ya Waziri Mkuu Kazi, Ajira na Vijana na Walemavu, Jenista Mhagama (wa pili kulia), akipata maelezo
kutoka kwa Meneja Kiongozi Masoko na Uhusiano wa NSSF, Eunice Chiume (kulia), wakati alipotembelea banda la NSSF kwenye maonyesho ya Biashara ya 40 ya
Kimataifa katika viwanja vya Sabasaba jijini Dar es Salaam. Wa pili kushoto ni Mkurugenzi Mkuu wa Shirika la Taifa la Hifadhi ya Jamii (NSSF),
Prof. Godius Kahyarara.

Waziri wa Nchi Ofisi ya Waziri Mkuu Kazi, Ajira na Vijana na Walemavu, Jenista Mhagama (katikati), akiwa katika banda la NSSF.

Waziri wa Nchi Ofisi ya Waziri Mkuu Kazi, Ajira na Vijana na Walemavu, Jenista Mhagama (katikati), akipata maelezo kutoka kwa Meneja Kiongozi Masoko na
Uhusiano wa NSSF, Eunice Chiume (kulia), wakati alipotembelea banda la NSSF kwenye maonyesho ya Biashara ya 40 ya Kimataifa katika viwanja vya
Sabasaba jijini Dar es Salaam. Kushoto ni Mkurugenzi Mkuu wa Shirika la Taifa la Hifadhi ya Jamii (NSSF), Prof. Godius Kahyarara.

 Waziri wa Nchi Ofisi ya Waziri Mkuu Kazi, Ajira na Vijana na Walemavu, Jenista Mhagama akiangalia Kadi ya mwanachama aliyejiunga na NSSF.

Meneja Kiongozi Masoko na Uhusiano wa NSSF, Eunice Chiume (kushoto), akitoa maelezo kuhusu huduma za bima zinazotolewa na NSSF kwa Waziri wa Nchi Ofisi ya waziri Mkuu, Jenista Mhagama. Kulia ni Mtaalam wa Bima, Peter Isack. 

 Waziri wa Nchi Ofisi ya Waziri Mkuu Kazi, Ajira na Vijana na Walemavu, Jenista Mhagamaakizungumza na waandishi wa habari.

WANAKIBAHA 10,000 KUPATA TIBA BURE YA MACHO NA KINYWA

 

Baadhi ya wakazi wa Mji wa Kibaha wakipata huduma ya upimaji wa macho na miwani bure katika kituo cha afya mkoani kutoka kwa madaktari bingwa raia wa Marekani ,mpango ambao umeratibiwa na mbunge wa Jimbo la Mji wa Kibaha  Sylvestry Koka.

 

Mbunge wa Jimbo la Mji wa Kibaha Mjini, Sylvestry Koka akizungumza na madaktari bingwa wa magonjwa ya macho na kinywa kutoka nchini Marekani katika kituo cha afya cha mkoani,muda mfupi kabla ya wataalamu hao kuanza kutoa huduma ya upimaji macho  na ugawaji wa miwani bure mpango ambao umeratibiwa na mbunge huyo .

(Picha na Mwamvua Mwinyi)

——————————————————–

Na Mwamvua Mwinyi,Pwani

ZAIDI ya wakazi 10,000 katika Mji wa Kibaha mkoani Pwani,wanatarajiwa kupata huduma ya tiba ya macho,miwani na kinywa bure katika kituo cha afya Mkoani kwa muda wa siku mbili .

Tiba hizo zinatolewa bure chini ya mpango ulioratibiwa na mbunge wa jimbo la mji wa Kibaha Silvesrty Koka pamoja na madaktari bingwa kutoka nchini Marekani .

Awali akizungumza kabla ya kuanza kwa zoezi hilo juzi,Koka alisema lengo lake ni kuwasaidia wananchi wanaosumbuliwa na matatizo hayo katika jimbo hilo.

Aidha alielezea kuwa mbali ya tiba hizo kutolewa bure pasipo malipo pia jumatatu (July 4)baadhi ya wauguzi pamoja na baadhi ya madaktari  watapatiwa mafunzo mbalimbali juu ya tiba za macho yatakayowawezesha kuendelea kutoa huduma hiyo kwa wananchi.

“Natambua  juhudi za serikali katika kuhakikisha wananchi wanakuwa na afya bora hivyo nikaamua kuwaomba wataalamu wa magonjwa hayo nchini Marekani kuja kusaidia kutoa huduma hizi”

“Falsafa ya “hapa kazi tu” haiwezi kutekelezwa endapo hakuna mwenye kuwa na afya nzuri,hivyo imani yangu ni kuwa baada ya wananchi waliokuwa na matatizo ya kiafya ikiwemo macho na meno watakapopata huduma hii watatekeleza kwa vitendo agizo la Raisi John Magufuli la kufanyakazi”alisema Koka.
Koka alielezea kuwa afya ni kitu muhimu kwa binadamu kuliko kitu chochote hata mali kwani unaweza kuwa na utajiri mkubwa lakini kama huna afya bora huwezi kufanya lolote.
Alisema ni jukumu lake kusimamia kero mbalimbali zinazowakabili wananchi wa jimbo lake katika sekta mbalimbali ikiwa ni sanjali na afya,elimu,miundombinu na mengineyo mengi.

Hata hivyo Koka alisema ataendelea kuzitafutia ufumbuzi kero zinazokabili sekta ya afya ili kuwaondolea adha wananchi jimboni hapo.

Kwa upande wake daktari wa macho katika kituo cha afya mkoani ,Makonde Kilumbi alisema kumekuwa na ongezeko la idadi ya wagonjwa wanaosumbuliwa na tatizo la macho na ugonjwa wa presha ya macho .

Alisema ugonjwa wa presha ya macho kwa sasa umekuwa ni tatizo linalowakumba watu wengi na ugonjwa wa mtoto wa jicho ambapo wamekuwa wakipokea wagonjwa 150 hadi 200 kituoni hapo.

Dk.Kilumbi alisema chanzo kikubwa cha matatizo ya macho  ni vumbi,mazingira machafu na hali ya kijiografia.
Akizungumza kwa niaba ya Madaktari kutoka nchini Marekani, mmoja wa wataalamu hao,Profesa Conrad Shayo alisema kutokana na hali halisi waliyoiona kuna kila sababu ya serikali kuweka mkakati mathubuti wa kukabiliana na matatizo hayo.
Baadhi ya wakazi waliofika kupata huduma hizo,akiwemo Nancy Godfrey,Cecilia Kimario walimshukuru Koka kwa kuwezesha mpango huo kuwafikia kwani wengi wao wanasumbuliwa na tatizo hasa la macho.

Mgeni Msafiri alimpongeza mbunge huyo na kuomba aendelee kusimamia changamoto zinazokabili vituo vya afya,zahanati jimbo humo ikiwa ni pamoja na madawa na vifaa tiba.

Mgeni alisema sekta ya afya bdo ina changamoto nyingi hivyo kuna kila sababu ya kupigania kero zilizopo ili ziweze kupungua kama sio kumalizika na kubaki historia.

MATUKIO KATIKA PICHA JIJINI DAR ES SALAAM

 

Magari mawili aina ya Toyota Rav4 yakiwa yamegongana katika makutano ya barabara ipitayo Benki ya NMB Bank House na Shirika la Bima la Taifa (NIC) mtaa wa Samora 03 July, 2016 Jijini Dar es Salaam.

 

Gari la kufagia barabara la Kampuni ya Green Waste Pro. Ltd likisafisha moja ya barabara ipitayo Benki ya NMB Bank House na Shirika la Bima la Taifa (NIC) mtaa wa Samora 03 July, 2016 Jijini Dar es Salaam.

(PICHA NA BENEDICT LIWENGA-WHUSM)

TAARIFA KAMILI KUHUSU MSIBA WA ALIYEKUWA MBUNGE WA JIMBO LA KILINDI, BEATRICE SHELUKINDO

 

Familia ya Bwana William H. Shelukindo, Inasikitika kutangaza kifo cha Bibi Beatrice Matumbo Shelukindo kilichotokea siku ya Jumamosi 2/7/2016 huko Arusha.

Mipango ya mazishi inafanyika nyumbani kwa marehemu 8 Galu Street, Ada Estate, Dar es salaam na huko Arusha.

Mazishi yatafanyika siku ya Jumatano Tarehe 6/07/2016 alasiri Mjini Arusha.

Bwana ametoa Bwana, ametoa Jina la Bwana lihimidiwe.

MA DC WATANO WALA KIAPO LINDI

 hapa wakuu wa wilaya wakiendelea kula kiapo.

Mkuu wa mkoa wa Lindi Mh Godfrey Zambi amewaapisha wakuu wa wilaya tano za mkoa huo na hii ni picha ya pamoja mara baada ya kiapo

————————————

Na Mathias Canal, Lindi 

Mkuu wa mkoa wa Lindi Mh Godfrey Zambi amewaapisha wakuu wa wilaya tano za mkoa huo huku kila mmoja akiahidi utendaji uliotukuka katika kukabiliana na changamoto zinazowakabili wananchi husika.

Hafla hiyo imefanyika katika ukumbi wa ofisi ya mkuu wa mkoa ambapo mkuu huyo amewasisitiza viongozi hao kuhakikisha suala la upatikanaji wa madawati linazaa taswira chanya kwa kuhakikisha madawati yanatimia kama ambavyo agizo la rais lilitolewa hivi karibuni la kuhakikisha wanafunzi wanaketi katika madawati pasipo kuwa na mbanano.

Zambi amewataka wakuu hao wa wilaya kusimamia vyema utekelezaji wa ilani ya chama cha mapinduzi ccm ili kukamilisha ahadi zilizoahidiwa na rais wa jamhuri ya muungano wa tanzania Dkt John Pombe Magufuli wakati wa kampeni zilizoanza Agosti na kumalizika Octoba mawaka jana.

Mkuu wa Wilaya ya Nachingwea Rukia Akhibu Muwango amesema atasimamia na kudhibiti suala la watumishi hewa na kulifanya kuwa zoezi endelevu ili wilaya hiyo iweze kusonga mbele kwa muktadha wa mafanikio ya ajira kwa vijana na watu wenye elimu lakini nafasi zao zilishikiliwa na watu wasiokuwa halali (watumishi hewa).

Mkuu huyo ameahidi kukutana na makundi mbalimbali Wilayani humo ili kupata picha halisi ya namna hatua zimefikiwa za kuhakikisha wanafunzi wanasoma kwa ufanisi mkubwa namafanikio zaidi kwa maana ya kufauli na kufikia mpaka chuo kikuu.

Muwango amesema amekuwa mtumishi erikali kwa muda mrefu hivyo kwa kiasi kikubwa anazifahamu changamoto za wananchi hususani matatiuzo ya upatikanaji wa maji, afya, elimu na miundombinu.

Wilaya ya lindi ni moja kati ya wilaya zilizopo mkoani lindi zinazojihusisha zaidi na kilimo kuliko masomo Muwango amesema kuwa atahakikisha anaanzisha kamati ya maendeleo ya Elimu ya wilaya ambapo Kamati hiyo itakuwa na wataalam na watu maarufu wa Wilaya ya Nachingwea na kamati hiyo itajiwekea mikakati ya uboreshaji Elimu, hivyo mkuu wa Wilaya atatashirikiana na wataalamu wa Halmashauri kuona mikakati hiyo inafanikiwa.

Pamoja na hayo mkuu huyo pia amesema kuwa anataraji kuanzishaTuzo ya Mkuu wa wilaya kwa wanafunzi watakaofanya vizuri kila kata ambapo Vigezo watakubaliana na kamati hiyo.

Wakuu wa Wilaya wengine walioapishwa katika hafla hiyo ni pamoja na mkuu wa Wilaya ya Ruangwa Joseph Joseph Mkirikiti, Mkuu wa Wilaya ya Liwale Sarah Vicent Chiwamba, Mkuu wa Wilaya ya Lindi Shaibu Ndemanga, Mkuu wa Wilaya ya Kilwa Christopher Emil Ngumbiagai

MAKAMU WA RAIS AZINDUA KAMPENI YANUNUA 620 KWENYE KILELE CHA SHEREHE ZA MIAKA 5 YA KUZALIWA KWA GS1 NA KUADHIMISHA SIKU YA TWCC

 Makamu wa Rais wa Jamhuri ya Muungano wa Tanzania Mhe. Samia Suluhu Hassan (kulia) akizindua kampeni ya NUNUA 620 (msibomilia) katika ukumbi wa Rashid Mfaume Kawawa wengine pichani ni Mwenyekiti wa Bodi ya GS1 Bw. Gideon Mazara na Waziri wa Viwanda, Biashara na Uwekezaji Mhe. Charles Mwijage (kushoto) kwenye maonyesho ya biashara ya kimataifa jijini Dar es Salaam

  Makamu wa Rais wa Jamhuri ya Muungano wa Tanzania Mhe. Samia Suluhu Hassan akisoma ujumbe ulioandikwa kwenye bango la GS1 mara baada ya kuzindua kampeni ya NUNUA 620 kwenye ukumbi wa Rashid Mfaume Kawawa kulia ni Afisa Mtendaji Mkuu wa GS1 Tanzania Bi. Fatma Kange .

 Wanawake kutoka Majukwaa mbali mbali ya Wanawake nchini wakishangilia kwa kujumuika na Makamu wa Rais wa Jamhuri wa Muungano wa Tanzania Mhe. Samia Suluhu Hassan (katikati) baada ya kuzindua kampeni ya NUNUA 620 kwenye ukumbi wa Rashid Mfaume Kawawa wakati maonyesho ya 40 ya Biashara ya Sabasaba jijini Dar es Salaam.

 Makamu wa Rais wa Jamhuri ya Muungano wa Tanzania Mhe. Samia Suluhu Hassan akimsikiliza Waziri wa Viwanda , Biashara na Uwekezaji Mhe. Charles Mwijage wakati wa kutembelea maonyesho ya 40 ya Biashara ya Kimataifa maarufu kama Sabasaba.

 Makamu wa Rais wa Jamhuri ya Muungano wa Tanzania Mhe. Samia Suluhu Hassan akiangalia moja ya jiko lililotengenezwa Tanzania na rafiki wa mazingira  wakati alipotembelea mabanda mabali mbali kwenye maonyesho ya 40 ya Biashara ya Kimataifa jijini Dar es Salaam.

 Makamu wa Rais wa Jamhuri ya Muungano wa Tanzania Mhe. Samia Suluhu Hassan akiangalia kabati lililotengenezwa kwa mbao ya mnazi wakati alipotembelea moja la banda la wajasiriamali kuotoka Zanzibar wakati wa maonyesho ya 40 ya Biashara ya Kimataifa maarufu kama Sabasaba jijini Dar es Salaam.

 Makamu wa Rais wa Jamhuri ya Muungano wa Tanzania Mhe. Samia Suluhu Hassan akizungumzana fundi wa kushona nguo mwenye ulemavu wa macho (asiyeona) ambaye anafahamika kama Mtaalamu wa kushona Tanzania Ndugu Abdallah Nyangalio, kulia ni Waziri wa Viwanda,Biashara na Uwekezaji Mhe. Charles Mwijage wakati wa maonyesho ya Kimataifa ya Biashara jijini Dar es salaam.

 Makamu wa Rais wa Jamhuri ya Muungano wa Tanzania Mhe. Samia Suluhu Hassan akiangali moja ya bidhaa zinazotengenezwa na wajasiriamali wanawake wakati wa maonyesho ya kimataifa ya biashara

 Makamu wa Rais wa Jamhuri ya Muungano wa Tanzania Mhe. Samia Suluhu Hassan akiangalia ubunifu wa hali ya juu ya gauni la kanga kwenye moja ya mabanda ya wajasiamali wa Kitanzania wakati wa maonyesho ya 40 ya Biashara ya Kimataifa.

 Makamu wa Rais wa Jamhuri ya Muungano wa Tanzania Mhe. Samia Suluhu Hassan akiongozana na Mwenyekiti wa Mfuko wa Fursa Sawa kwa Wote Mama Anna Mkapa

 

 

NAIBU SPIKA, DKT. TULIA ACKSON AFUNGUA KIKAO CHA UONGOZI CHA CHAMA CHA MABUNGE YA JUMUIYA YA MADOLA AFRIKA

Naibu Spika wa Bunge la Jamhuri ya Muungano wa Tanzania, Mhe. Dkt. Tulia Ackson (kulia) akifungua Kikao cha Uongozi cha Chama cha Mabunge ya Jumuiya ya Madola Afrika kilichofanyika jijini Dar es Salaam, 02 July, 2016.

Naibu Spika wa Bunge la Jamhuri ya Muungano wa Tanzania, Mhe. Dkt. Tulia Ackson (wa tatu toka kushoto) akiongea na Viongozi wa Chama cha Mabunge ya Jumuiya ya Madola Afrika wakati wa Kikao cha Uongozi kilichofanyika jijini Dar es Salaam, 02 July, 2016.

Naibu Spika wa Bunge la Jamhuri ya Muungano wa Tanzania, Mhe. Dkt. Tulia Ackson (kulia) akimweleza jambo Mwenyekiti wa Kamati ya Utendaji ya CPA Kanda ya Afrika, Mhe. Lindiwe Maseko (Mb) (kushoto) kutoka Afrika Kusini wakati wa Kikao Chama cha Mabunge ya Jumuiya ya Madola Afrika wakati wa Kikao cha Uongozi cha Chama cha Mabunge ya Jumuiya ya Madola Afrika kilichofanyika jijini Dar es Salaam, 02 July, 2016.

Baadhi ya Wajumbe na Sekretarieti ya Chama cha Mabunge ya Jumuiya ya Madola Afrika wakifuatilia agenda za kikao kilichokuwa kikiongozwa na Mwenyekiti wa Kamati ya Utendaji ya CPA Kanda ya Afrika, Mhe. Lindiwe Maseko (Mb) wakati wa Kikao cha Uongozi cha Chama cha Mabunge ya Jumuiya ya Madola Afrika kilichofanyika jijini Dar es Salaam, 02 July, 2016.

Mwenyekiti wa Kamati ya Utendaji ya CPA Kanda ya Afrika, Mhe. Lindiwe Maseko (Mb) (aliyekaa mbele) akiongea Viongozi
wa Chama cha Mabunge ya Jumuiya ya Madola Afrika wakati wa Kikao cha
Uongozi kilichofanyika jijini Dar es Salaam, 02 July, 2016.

Sekretarieti ya Chama cha Mabunge ya Jumuiya ya Madola Afrika wakifuatilia agenda za kikao kilichokuwa kikiongozwa na Mwenyekiti wa Kamati ya Utendaji ya CPA Kanda ya Afrika, Mhe. Lindiwe Maseko (Mb) wakati wa Kikao cha Uongozi cha Chama cha Mabunge ya Jumuiya ya Madola Afrika kilichofanyika jijini Dar es Salaam, 02 July, 2016.

Baadhi ya Wajumbe walioshiriki katika Kikao cha Kikao cha Uongozi cha Chama cha Mabunge ya Jumuiya ya Madola Afrika wakifuatilia agenda ya kikao hico kilichofanyika jijini Dar es Salaam, 02 July, 2016.

Wajiumbe wa Kikao cha Uongozi wa Chama cha Mabunge ya Jumuiya ya Madola Afrika wakiwa katika picha ya pamoja na Naibu Spika wa Bunge la Jamhuri ya Muungano wa Tanzania, Mhe. Dkt. Tulia Ackson (wa tatu kulia waliokaa mbele) mara baada ya kumalizika kwa kikao hicho kilichofanyika jijini Dar es Salaam, 02 July, 2016.

(Picha na Ofisi ya Bunge)

Jumuiya Shia Wamkabidhi Madawati Rais Dk.Shein

 

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein akisalimiana na Rais wa Jumuiya ya  Khoja Shia Ithna-asheir Mhe,Mohamed Raza Daramsi wakati alipofika Ikulu Mjini Zanzibar leo akifuatana na Viongozi na Mashekhe wa jumuiya hiyo kwa ajili ya kukabidhi msaada wa madawati 100 kwa  ushirikiano na familia ya Rais wa Jumuiya,msaada huo utaowanufaisha wanafunzi wa Skuli mbali mbali za Zanzibar

 

Waziri wa Elimu na Mafunzo ya Amali Mhe,Riziki Pembe Juma akitoa shukurani kwa Uongozi wa Jumuiya ya  Khoja Shia Ithna-asheir wakati ulipofika Ikulu Mjini Zanzibar leo kukabidhi madawati 100 kwa Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (wa pili kulia) ikiwa ni katika kuimarisha sekta ya Elimu hapa Zanzibar

 

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (wa pili kulia) akipokea zawadi maalum kutoka kwa  Mashekhe wa Jumuiya ya  Khoja Shia Ithna-asheir (kulia) Sheikh Shaaban Hussein,Sheikh Maulana Dhishan  Haidar  na Rais wa Jumuiya hiyo Mhe, Mohamed Raza (kushoto) wakati walipofika ikulu Mjini Zanzibar kukabidhi msaada wa madawati 100 kawanafunzi wa Zanzibar,

 

Rais wa Jumuiya ya Khoja Shia Ithna-asheir Mhe,Raza (kushoto) akitoa maelezo kwa Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (kulia aliyekaa) wakati Jumuiya hiyo ilipofika Ikulu Mjini Zanzibar leo kukabidhi madawati 100 kwa ajili ya wanafunzi wa Zanzibar ikiwa ni katika katua za kuimarisha sekta ya Elimu nchini.

 

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (wa pili kulia)akikabidhiwa madawati 100 kutoka kwa Viongozi wa jumuiya ya Khoja Shia Ithna-asheir na familia ya Rais wa Jumuiya hiyo Mohamed Raza walipofika Ikulu Mjini Zanzibar leo,msaada huo  kwa ajili ya wanafunzi wa Zanzibar,

[Picha na Ikulu.]

———————————————

RAIS wa Zanzibar na Mwenyekiti wa Baraza la Mapinduzi Dk. Ali Mohamed Shein amesema kuwa nia na malengo ya Serikali ya Mapinduzi ya Zanzibar katika kuimarisha sekta ya elimu ni makubwa hivyo kujitokeza kwa wanannchi na taasisi mbali mbali kuiunga mkono sekta hiyo ili izidi kuimarika ni jambo la faraja.

Dk. Shein aliyasema hayo wakati wa mazungumzo kati yake na viongozi na Masheikh wa Jumuiya ya Khoja Shia Ithna-asheir wakiongoza na Rais wa Jumuiya hiyo Mohammed Raza waliofika Ikulu mjini Zanzibar kumkabizi Rais msaada wa madawadi yaliotolewa na uongozi huo pamoja na familia ya Rais wa Jumuiya hiyo kwa ajili ya wanafunzi wa Zanzibar.

Katika maelezo yake Dk. Shein alisema kuwa Serikali ya Mapinduzi ya Zanzibar inathamini na imekuwa ikichukua juhudi za makusudi katika kuhakikisha sekta ya elimu inaimarika na ndio maana Rais wa Kwanza wa Zanzibar mara baada ya ukombozi alitangaza elimu bure.

Dk. Shein alisema kuwa katika ukanda wa Afrika Mashariki na Kati Zanzibar ina historia kubwa ya elimu ya dini na dunia kwani ndio nchi iliyokuwa ya mwanzo kuwa na elimu ya dini mnamo miaka 1890 na elimu ya dunia kuanzia mwaka 1905 kwa kuanzisha skuli licha ya kuwa elimu hiyo ya dunia waliipata watu wachache.

“Tumefarajika sana, tunajiona hatupo peke yetu tupo na wenzetu katika kulitafutia ufumbuzi suala hili, madawati ni muhimu kwa ajili ya wanafunzi wetu…..ipo siku Zanzibar itakuwa haina shida ya madawati” alisema Dk. Shein.

Aidha, Dk. Shein alieleza kufarajika kwake na mwanzo mzuri uliooneshwa na Jumuiya hiyo pamoja na familia ya Mohamed Raza kwa kutoa mchango wa madawati hayo ambayo yatasaidia katika kuimarisha sekta ya elimu hapa nchini kwa kuwasaidia wanafunzi kupata vikalio vya uhakika maskulini.

Mapema Rais wa Jumuiya ya Khoja Shia Ithna-asheir Zanzibar, Mohammed Raza alimueleza Dk. Shein kuwa Jumuiya yake imetoa msaada wa madawati 50 na mtoto wake Hassan Mohammed Raza ametoa madawati 50 yenye thamani ya Tsh. milioni 12 kwa ajili ya wanafunzi wa skuli za Zanzibar huku akiahdi kuwa misaada hiyo itakuwa endelevu.

Katika maelezo yake Raza alisema kuwa msaada huo una lengo la kuunga mkono azma ya Dk. Shein ya kuhakikisha suala la upatikanaji wa madawati linapatiwa ufumbuzi hapa nchini hali ambayo ilimpelekea Rais kuunda Kamati ya Kitaifa ya watu 12 ikiongozwa na Waziri wa Katiba na Sheria ambaye pia ni Mwakilishi wa Jimbo la Makunduchi Haroun Ali Suleiman.

Rais huyo wa Jumuiya ya Khoja Shia Ithna-asheir ambaye pia ni Mwakilishi wa Jimbo la Uzini alisema kuwa Jumuiya yake itaendelea kutoa misaada katika sekta zote za maendeleo ikiwemo elimu, afya na nyenginezo huku akiahidi kuwa atahakikisha kwa kushirikiana na Waziri wa Elimu anachukua juhudi kusafiri hadi nje ya Zanzibar kwa ajili ya kulipatia ufumbuzi suala hilo.

Nao Masheikh kutoka Jumuiya hiyo wakiongozwa na  Sheikh Maulana Dhishan Haidar walitumia fursa hiyo kutoa pongezi kwa Dk. Shein kwa uongozi wake mahiri sambamba na juhudi zake za kuendelea kusimamia amani na utulivu hapa Zanzibar.

Viongozi hao walieleza azma yao ya kuendelea kuiunga mkono Serikali ya Mapinduzi ya Zanzibar pamoja na kuendelea kumuunga mkono Rais Dk. Shein katika kuimarisha sekta mbali mbali hapa nchini.

“Zanzibar imeweza kupata maendeleo…watu wake wanapendana….amani na utulivu umeimarika kwa kiasi kikubwa haya yote yanatokana na uongozi bora wa Dk. Shein”,alisema Maulana Haidar.

Nae Waziri wa Elimu na Mafunzo ya Amali Riziki Pembe Juma alitoa pongezi na shukurani kwa Jumuiya na Familia ya Mohammed Raza kwa kutoa msaada huo wa madawati ambayo yatawasaidia wanafunzi wa hapa Zanzibar katika kuweza kujipatia elimu bora kwa ufanisi zaidi.

Waziri Pembe alisema kuwa Wizara kwa upande wake inatoa shukurani kubwa na inathamini mchango huo na kueleza kuwa kwa vile Serikali ya Mapinduzi ya Zanzibar ina nia nzuri juu ya jambo hilo anamatumaini makubwa kuwa mafanikio yatapatikana.

Waziri huyo wa Elimu alitumia fursa hiyo kupongeza juhudi zinazochukuliwa na Dk. Shein katika kuimarisha sekta mbali mbali za maendeleo ikiwemo sekta ya elimu na kuwaomba wananchi na taasisi nyengine kuendelea kutoa michango yao ya vifaa hivyo kwa ajili ya wanafunzi wa Zanzibar.

Hivi karibuni Serikali ya Mapinduzi ya Zanzibar iliwasilisha rasimu ya uchangiaji na upatikanaji wa madawati maskulini ili kuweza kupunguza upatikanaji wa madawati katika skuli za Zanzibar katika Baraza la Wawakilishi.

Rajab Mkasaba, Ikulu Zanzibar

PPF YAIBUKA KIDEDEA KUNDI LA MIFUKO YA HIFADHI YA JAMII MAONYESHO YA 40 YA BIASHARA YA KIMATAIFA YA DAR ES SALAAM 2016

 

Rais wa Rwanda Paul Kagame, (wapili kulia) akiwa na mwenyeji wake Rais John Pombe Magufuli, (wakwanza kulia), akimkabidhi tuzo ya msindi wa kwanza kundi la  Mifuko ya Hifadhi ya Jamii na makampuni ya Bima, Mkurugenzi Mkuu wa PPF, William Erio, wakati wa uzinduzi wa maonyesho ya 40 ya Biashara ya Kimataifa ya Dar es Salaam kwenye viwanja vya Mwalimu Nyerere jijini Dar es Salaam Julai 1, 2016. Wapili kushoto ni Waziri wa Viwanda na Biashara, Charles Mwijage.

AHEAD AFRICA SOLUTION WASHIRIKI MAONESHO YA SABASABA

 

Afisa Masoko wa Kampuni ya AHEAD AFRICA SOLUTION, Bi Zainabu Juma akimuelekeza mmoja wa wananchi jinsi yakutumia moble application mpya wakati wa Maonyesho ya 40 ya Biashara ya Kimataifa yanayofanyika katika viwanja vya Mwalimu Nyerere barabara ya Kilwa.

Kwa mujibu wa Bi,Zainabu amesema hodi ni mtandao mpya kwaajili ya kutangaza biashara na kupata matukio mbalimbali.

Alisema mtu yoyote anaweza akaingia katika simu yake akajisajili kwakuandika

www.hodi.co.tz.

 

Maafisa wa Kampuni ya AHEAD AFRICA SOLUTION wakiwa kwenye picha ya pamoja Maonyesho ya 40 ya Biashara ya Kimataifa yanayofanyika katika viwanja vya Mwalimu Nyerere barabara ya Kilwa.

MADC WAPYA MKOANI TANGA WATAKIWA KUSIMAMIA SHUGHULI ZA MAENDELEO KWA UMAKINI MKUBWA

Katibu Tawala Mkoa wa Tanga,Mhandisi Zena Saidi akizungumza kwenye halfa ya kuapishwa wakuu wa wilaya wapya wa mkoa wa Tanga kulia ni Mkuu wa Mkoa wa Tanga,Martine Shigella na Katibu wa CCM Mkoa wa Tanga,Othumani Shijja.

Mkuu wa wilaya mpya ya Tanga,Thobias Mwilapwa akila kiapo kwa Mkuu wa Mkoa wa Tanga,Martine Shigella leo kulia ni Katibu Tawala wa Mkoa wa Tanga,Mhandisi Zena Saidi

Mkuu wa wilaya ya Muheza Mkoani Tanga,Mhandisi Mwanaisha Rajabu akila kiapo kwa Mkuu wa Mkoa wa Tanga,Martne Shigella 

Mkuu wa wilaya ya Pangani,Zainabu Abdallah Issa akila kiapo kwa Mkuu wa Mkoa wa Tanga leo.

Mkuu wa wilaya Mpya wa Handeni Mkoani Tanga,Godwin Gondwe akila kiapo kwa Mkuu wa Mkoa wa Tanga,Martine Shigella

Msama awatahadharisha wauza CD Feki

Na Mwandishi Wetu

———————–

KAMPUNI ya Msama Promotions ya jijini Dar es Salaam imewatahadharisha wanaouza kazi feki za wasanii mbalimbali hapa nchini kuachana na mfumo huo kwa sababu kuanzia mwezi huu  watawakamata wanaofanya biashara hiyo ndani ya mwezi mmoja.

Akizungumza jana, Mkurugenzi wa Msama Promotions, Alex Msama alisema wametoa siku 30 kwa wanaofanya biashara hiyo kuachana nayo kabla hawajawashukia.

“Tunatoa siku 30 kwa wanaofanyabiashara ya kazi feki za wasanii, hiyo biashara waachane nayo kwa sababu inapoteza pato la Taifa,” alisema Msama.

Msama alisema kwa kuanzia watapita nyumba kwa nyumba, mtaa kwa mtaa na mkoa kwa mkoa ili kusaka computer zinazotumika kuiba kazi za sanaa.

Msama alisema ili kufanikisha kazi hiyo wanashirikiana na Jeshi la Polisi, Wizara ya Habari, Sanaa Utamaduni na Michezo sambamba na Kampuni ya Msama Promotions ili kufanikisha zoezi hilo ambalo litakuwa ni la kusafisha tatizo hilo.

Aidha Msama alisema ili kukomesha zoezi hilo wakikuta kazi feki kwenye duka wanabeba mzigo mzima wa kazi za sanaa.

Naye Inspekta Jenera wa Jeshi la Polisi, Ernest Mangu alisema jamii inatakiwa kutoa ushirikiano na Polisi katika jambo hilo ambalo linaumiza nguvu kazi ya Taifa.

IGP Mangu alisema wananchi wanatakiwa kutoa taarifa kwa Polisi ili kazi ifanyike inavyotakiwa kwa lengo la maendeleo ya wasanii ambao wanasaka namna ya kuendeleza maisha yao.

Rais wa Rwanda, Paul Kagame akabidhi tuzo kwa washindi Sabasaba

 

Rais wa Rwanda, Paul Kagame (wa pili kulia) akimkabidhi tuzo ya Mshindi wa Tatu Sekta ya Mawasiliano na Tehama (ICT) Mwenyekiti wa Bodi ya Kampuni ya Simu Tanzania (TTCL), Prof. Tolly Mbwette (kushoto) kwenye maonesho ya 40 ya Kimataifa ya Biashara viwanja vya Mwalimu Nyerere sabasaba jijini Dar es Salaam. Kulia ni Rais wa Tanzania, Dk. John Pombe Magufuli na Waziri wa Viwanda na Biashara, Charles Mwijage (wa pili kushoto)

———————————————————

Na. Immaculate Makilika, MAELEZO

RAIS wa Serikali ya Rwanda Mheshimiwa Paul Kagame amewakabidhi tuzo  kwa Wizara, taasisi za Serikali, kampuni, nchi washiriki pamoja na mashirika yaliyoshinda katika maonesho ya 40 ya biashara ya kimataifa.

Rais Paul Kagame alikabidhi tuzo  hizo jana, wakati alipokuwa akifungua maonesho ya 40 ya biashara ya kimataifa katika viwanja vya Mwl Nyerere maarufu kama Sabasaba, vilivyopo katika barabara ya Kilwa jijini Dar es salaam.

Wizara na taasisi za Serikali, kampuni pamoja na mashirika mbalimbali yalishiriki maonesho hayo kwa kushindana katika kuonesha bidhaa bora  na kueleza huduma nzuri  wanazotoa, ambapo baadae Rais Paul Kagame aliwakabidhi washindi hao tuzo mbalimbali.

Baadhi ya  washindi hao walioganywa katika makundi mbalimbali ni pamoja na,  kundi la bidhaa za kilimo nafasi ya mshindi wa tatu ilishikwa na  kampuni ya farm equip Tanzania limited, nafasi ya mshindi wa pili ilishikwa  na  kampuni Asas dairies na nafasi ya  mshindi wa kwanza ilishikwa na  Shirika la Uzalishaji Mali la Jeshi la Kujenga Taifa (SUMA JKT).

Katika kundi la usindikaji wa vyakula na huduma za vinywaji, nafasi ya mshindi wa tatu ilishikwa na kampuni ya  Bakhresa Group, ikifuatiwa na kampuni ya P&P, na nafasi ya  mshindi wa kwanza ilishikwa na  kampuni ya Afri tea and coffe blenders limited.

Kwa upande wa taasisi za kifedha, nafasi ya mshindi wa tatu ilishikwa na  benki ya TIB, ikifuatiwa na Benki ya CRDB huku Benki Kuu ya Tanzania (BOT) ikishika nafasi ya  kuwa  mshindi wa kwanza. Vilevile katika kundi la Mifuko ya hifadhi ya jamii nafasi ya mshindi wa tatu ilishikwa na mfuko wa Taifa wa Hifadhi ya Jamii wa NSSF, nafasi ya mshindi wa  pili ilishikwa na Mfuko wa Pensheni wa  LAPF na nafasi ya mshindi wa kwanza ikiwa ni Mfuko wa  Pensheni wa  PPF.

Kwa upande wa nchi za kigeni zilizoshiriki maonesho hayo ya 40 tuzo zilienda kwa nchi za Rwanda iliyoshika nafasi ya  mshindi wa tatu, Ujerumani ikishika nafasi ya mshindi wa pili huku  nafasi ya mshindi  wa kwanza ikiwa  ni nchi ya  Afrika Kusini. Aidha, washindi wa jumla walioshiriki katika  maonesho ya 40 ya biashara ya kimataifa ya Sabasaba ni Chuo Kikuu cha Dar es Salaam (UDSM) kilichoshika nafasi ya mshindi wa tatu , ikifuatia  Wizara ya Maliasili na Utalii pamoja Chuo cha Cha Ufundi  Stadi (VETA) kilichoshika nafasi ya mshindi wa kwanza.

Baada ya kuwakabidhi tuzo hizo na kufungua rasmi maonesho hayo ya 40 ya biashara ya kimataifa Rais Kagame alitoa wito kwa washiriki wa maonesho hayo ya 40, kushirikiana ili kubuni mawazo mapya ya biashara ikiwa ni pamoja na  kutambua fursa zilizopo katika soko la pamoja la Jumuiya ya Afrika ya Mashariki, katika kukuza biashara zao na kusaidia ukuzaji wa uchumi wa pamoja katika nchi wanachama wa  Jumuiya hiyo.

CCM Z’BAR YAENDELEA KUFANYA UHAKIKI WA MALI ZAKE.

 

Na Is-haka  Omar, Zanzibar.

——————–

CHAMA cha Mapinduzi (CCM) Zanzibar  kimewataka wananchi wanaoishi katika maeneo yanayomilikiwa na chama hicho kuhakikisha wanafunga mikataba rasmi ili kuepuka usumbufu wakati  maeneo hayo yatakapohitajika kwa ajili ya shughuli za kichama.

Kimesema kuna baadhi ya wananchi waliopewa  maeneo ya kuishi kwa muda kwa nia ya kuwasaidia na badala yake wameyageuza kuwa makaazi yao ya kudumu jambo ambalo sio sahihi.

Akizungumza  Naibu Katibu Mkuu wa CCM Zanzibar, Ndg. Vuai Ali Vuai kwa nyakati tofauti katika mwendelezo wa ziara ya kuhakiki mali na maeneo mbali mbali yanayomilikiwa na CCM huko Mbweni Mkoa wa Magharibi Kichama.

Alisema chama kinaendelea na zoezi la kuhakiki mali zake kutokana na kuongezeka kwa vitendo vya udanganyifu vinavyofanywa na baadhi ya watu wasiokuwa waaminifu wanaotengeneza hati na mikataba  bandia ya kujimilikisha mali za chama hicho kinyume na utaratibu.

Ndg. Vuai alifafanua kwamba katika hatua za kupunguza kero hizo chama kimeamua watu wote ambao wamepewa kibinadamu sehemu za kuishi ama kufanya biashara kwa muda katika maeneo yanayomilikiwa na CCM wafunge mikataba rasmi ili chama kiweze kunufaika na rasilimali zake.

“ Watu waliopewa kwa dharura sehemu za kuishi na kufanya biashara kama hatujawapa  mikataba rasmi inayotambulikana kisheria, ambayo ni kielelezo cha kumtambulisha  nani  mmiliki halali wa maeneo hayo baadae inaweza kuwa fursa ya kufanya utapele na kusababisha usumbufu na lawama kwa chama. 

MATUKIO MBALIMBALI KATIKA ZIARA YA RAIS WA RWANDA PAUL KAGAME

 

Rais wa Jamhuri ya Muungano wa Tanzania Dkt. John Pombe Magufuli akizungumza na wageni mbalimbali wa ndani na nje ya nchi wakati wa dhifa ya Kitaifa aliyomwandalia Rais wa Rwanda Paul Kagame Ikulu jijini Dar es Salaam.

 

Rais wa Rwanda Paul Kagame akizungumza na wageni mbalimbali katika dhifa ya kitaifa aliyoandaliwa na mwenyeji wake Rais Dkt. John Pombe Magufuli Ikulu jijini Dar es Salaam.

 

Rais wa Jamhuri ya Muungano wa Tanzania Dkt. John Pombe Magufuli akizungumza na Waziri Mkuu mstaafu Salim Ahmed Salim Ikulu jijini Dar es Salaam mara baada ya kumalizika kwa dhifa ya kitaifa aliyomwandalia Rais wa Rwanda Paul Kagame.

 

Rais wa Jamhuri ya Muungano wa Tanzania Dkt. John Pombe Magufuli akizungumza na Rais Mstaafu wa awamu ya pili Alhaji Ali Hassan Mwinyi Ikulu jijini Dar es Salaam mara baada ya kumalizika kwa dhifa ya kitaifa aliyomwandalia Rais wa Rwanda Paul Kagame.

Rais wa Jamhuri ya Muungano wa Tanzania Dkt. John Pombe Magufuli akijadiliana jambo na Mawaziri wakuu wastaafu, Jaji Joseph Sinde Warioba na Salim Ahmed Salim Ikulu jijini Dar es Salaam mara baada ya kumalizika kwa dhifa ya kitaifa aliyomwandalia Rais wa Rwanda Paul Kagame, Kulia ni mke wa Rais Mama Janeth Magufuli.

Kijana Omar Abdalah Ramadhan akimsalimia kwa furaha Rais Dkt. John Pombe Magufuli katika viwanja vya maonesho ya Sabasaba jijini Dar es Salaam.

Kijana Omar Abdalah Ramadhan akimsalimia kwa furaha mama Janeth Magufuli mara baada ya Rais wa Rwanda Paul Kagame kuondoka kwenye viwanja vya maonesho ya sabasaba jijini Dar es Salaam.

PICHA NA IKULU

WIZARA YA MALIASILI NA UTALII YANYAKUA TUZO MBILI KATIKA MAONESHO YA 40 YA BIASHARA YA KIMATAIFA YA DAR ES SALAAM 2016 – SABASABA

Katibu Mkuu Wizara ya Maliasili na Utalii, Maj. Gen. Gaudence Milanzi (katikati) akikabidhi tuzo mbili za ushindi ilizoshinda Wizara yake katika Maonesho ya 40 ya Biashara ya Kimataifa ya Dar es Salaam kwa viongozi wa Kamati ya Maonesho ya Wizara hiyo jana tarehe 01 Julai, 2016 katika viwanja vya Sabasaba. Tuzo hizo ni Mshindi wa Kwanza katika kundi la Wizara na Taasisi za Serikali na Mshindi wa pili katika kundi la Mshindi wa Jumla wa Maonesho hayo. Tuzo hizo zilikabidhiwa na Rais wa Rwanda Mhe. Paul Kagame aliyekuwa Mgeni Rasmi akiongozana na mwenyeji wake, Rais wa Jamhuri ya Muungano wa Tanzania, Mhe. Dkt. John Pombe Magufuli. 

Katibu Mkuu Wizara ya Maliasili na Utalii Maj. Gen. Gaudence Milanzi (wa tano kulia) akiwa kwenye picha ya pamoja na Waoneshaji wa Wizara yake muda mfupi baada ya kupokea tuzo mbili za ushindi katika Maonesho ya 40 ya Biashara ya Kimataifa ya Dar es Salaam jana tarehe 01 Julai, 2016 katika viwanja vya Sabasaba. Tuzo hizo ni Mshindi wa kwanza katika Kundi la Wizara na Taasisi za Serikali na Mshindi wa Pili katika Kundi la Mshindi wa Jumla.

 Baadhi ya Waoneshaji wa Wizara ya Maliasili na Utalii wakifurahia ushindi wa tuzo hizo. Banda la Wizara ya Maliasili na Utalii ni moja ya mabanda yanayovutia zaidi katika Maonesho ya Sabasaba ya mwaka huu 2016, kwa kuwa na mchanganyiko wa mambo mbali mbali yanayoelimisha kuhusu uhifadhi wa Maliasili, Malikale na Utalii. Katika banda hilo zipo pia fursa za kuwaona wanyama hai kama vile Simba, Nyati, Chui, Mamba, Ndege mbalimbali n.k. Kwa upande wa Utalii wa Ndani zipo fursa za kutembelea hifadhi ya Taifa ya Mikumi kwa gharama nafuu ya Tsh. 10,000 kwa watoto na Tsh. 20,000 kwa watu Wazima ikiwa ni nauli ya kwenda na kurudi, Aidha kwa wale watakaopenda kulala itawagharimu Tsh. 50,000.

 Baadhi ya Waoneshaji wa Wizara ya Maliasili na Utalii wakifurahia tuzo hizo katika banda la Wizara hiyo. 

Taswira ya tuzo hizo.

(Picha na Hamza Temba – Wizara ya Maliasili na Utalii)

MKURUGENZI MKUU NSSF AJIONEA MIRADI YA SHIRIKA KATIKA MAONYESHO YA SABASABA 2016

 

Muonekano wa Banda la Shirika la Taifa la Hifadhi ya Jamii (NSSF), katika Maonyesho ya Biashara ya 40 ya Kimataifa jijini Dar es Salaam.

Ofisa Masuala ya Bima wa NSSF, Peter Isack akitoa ufafanuzi kwa kuhusu majukumu ya kitengo chake kwa Mkurugenzi Mkuu wa Shirika la Taifa la Hifadhi ya Jamii (NSSF), Prof. Godius Kahyarara (kushoto), wakati mkurugenzi huyo alipotembelea banda la NSSF katika maonyesho ya Sabasaba.

Ofisa Uwekezaji wa NSSF, Moringe Nyerere akitoa maelezo kwa Mkurugenzi Mkuu wa Shirika la Taifa la Hifadhi ya Jamii (NSSF), Prof. Godius Kahyarara (kushto), juu ya viwanja vinavyouzwa na NSSF vilivyopo eneo la Kiluvya.

Mkurugenzi Mkuu wa Shirika la Taifa la Hifadhi ya Jamii (NSSF), Prof. Godius Kahyarara (kulia), akiangalia michoro ya nyumba ambayo ni sehemu ya miradi ya shirika hilo. Wa pili kulia ni Ofisa Uwekezaji wa NSSF, Moringe Nyerere.

Msimamizi wa Mradi wa Mtoni Kijichi, Mohames Kimbe akitoa maelezo kwa Mkurugenzi Mkuu wa Shirika la Taifa la Hifadhi ya Jamii (NSSF), Prof. Godius Kahyarara.

Msimamizi wa Mradi wa Mtoni Kijichi, Mohames Kimbe akitoa maelezo kwa Mkurugenzi Mkuu wa Shirika la Taifa la Hifadhi ya Jamii (NSSF), Prof. Godius Kahyarara (wa pili kulia), kuhusu mradi wa nyumba za Kijichi. Kulia ni Ofisa Uhusiano Mwandamizi wa NSSF, Salim Kimaro na Juma Kintu kutoka Idara ya Uhusiano.

Mkurugenzi Mkuu wa Shirika la Taifa la Hifadhi ya Jamii (NSSF), Prof. Godius Kahyarara (wa pili kulia), akiangalia mradi wa Mtoni Kijichi.

Ofisa Mauzo wa NSSF, Abbas Ramadhan akitoa maelezo kuhusu mradi wa nyumba wa Kijichi.

Ofisa Uhusiano Mwandamizi, Salim Kimaro (kushoto) na Ofisa Uhusiano wa NSSF, Aman Marcel wakimuonyesha Mkurugenzi Mkuu wa NSSF, Prof. Godius Kahyarara kifaa maalum kinachotumiwa na wanachama kutoa maoni yao kuhusu huduma zinazotolewa na shirika hilo. 

Mkurugenzi Mkuu wa NSSF, Prof. Godius akizungumza na waandishi wa habari mara baada ya kutembelea banda la NSSF.

Ofisa wa Masuala ya Bima

TTCL Yatwaa Ushindi wa Tatu Sekta ya Mawasiliano na Tehama

Rais wa Rwanda, Paul Kagame (wa pili kulia) akimkabidhi tuzo ya Mshindi wa Tatu Sekta ya Mawasiliano na Tehama (ICT) Mwenyekiti wa Bodi ya Kampuni ya Simu Tanzania (TTCL), Prof. Tolly Mbwette (kushoto) kwenye maonesho ya 40 ya Kimataifa ya Biashara viwanja vya Mwalimu Nyerere sabasaba jijini Dar es Salaam. Kulia ni Rais wa Tanzania, Dk. John Pombe Magufuli na Waziri wa Viwanda na Biashara, Charles Mwijage (wa pili kushoto)

Ofisa Mtendaji Mkuu wa TTCL, Dk Kamugisha Kazaura (kulia) akipata maelezo kutoka kwa baadhi ya wafanyakazi wa TTCL wanaoshiriki kwenye maonesho ya 40 ya Kimataifa ya Biashara viwanja vya Mwalimu Nyerere sabasaba jijini Dar es Salaam.

Kulia ni baadhi ya wateja na wageni anuai wanaotembelea banda la kampuni ya Simu Tanzania (TTCL) katika Maonesho ya 40 ya Kimataifa ya Biashara viwanja vya Mwalimu Nyerere sabasaba jijini Dar es Salaam.

Kulia ni baadhi ya wateja na wageni anuai wanaotembelea banda la kampuni ya Simu Tanzania (TTCL) katika Maonesho ya 40 ya Kimataifa ya Biashara viwanja vya Mwalimu Nyerere sabasaba jijini Dar es Salaam.

Ofisa Mtendaji Mkuu wa TTCL, Dk Kamugisha Kazaura (kulia) akipata maelezo kutoka kwa baadhi ya wafanyakazi wa TTCL wanaoshiriki kwenye maonesho ya 40 ya Kimataifa ya Biashara viwanja vya Mwalimu Nyerere sabasaba jijini Dar es Salaam.

Baadhi ya wafanyakazi wa Kampuni ya TTCL wakipiga picha na kufurahia tuzo mbili walizozitwaa katika kwenye maonesho ya 40 ya Kimataifa ya Biashara viwanja vya Mwalimu Nyerere sabasaba jijini Dar es Salaam.

Baadhi ya wafanyakazi wa Kampuni ya TTCL wakipiga picha na kufurahia tuzo mbili walizozitwaa katika kwenye maonesho ya 40 ya Kimataifa ya Biashara viwanja vya Mwalimu Nyerere sabasaba jijini Dar es Salaam. Pamoja na Mwenyekiti wa Bodi ya TTCL, Prof. Tolly Mbwette (kulia)

Baadhi ya wafanyakazi wa Kampuni ya TTCL wakipiga picha na kufurahia tuzo mbili walizozitwaa katika kwenye maonesho ya 40 ya Kimataifa ya Biashara viwanja vya Mwalimu Nyerere sabasaba jijini Dar es Salaam. 

Mkuu wa Wilaya ya Ikungi, Miraji Jumanne Mtaturu ala kiapo

 Mkuu wa Wilaya ya Ikungi, Miraji Jumanne Mtaturu ala kiapo cha kuitumikia Wilaya hiyo kwa uadilifu, ubunifu na utu kwa kila mwananchi

Mkuu wa Wilaya ya Ikungi, Miraji Jumanne Mtaturu

Mkuu wa Mkoa wa Singida Eng Methew Mtigumwe akiwa na wakuu wa wilaya wapya wa mkoa huu baada ya kuapishwa.

…………………………………..

Na matias cana,singida 

 

Mkuu wa Wilaya ya Ikungi, Miraji Jumanne Mtaturu ala kiapo cha kuitumikia Wilaya hiyo kwa uadilifu, ubunifu na utu kwa kila mwananchi, Kiapo hicho kimejidhihirisha mbele ya Mkuu wa Mkoa wa Singida Eng Methew Mtigumwe. Muda mchache baada ya kiapo hicho mkuu huyo ameshiriki hafla fupi ya kukaribishwa na Chama Cha Mapinduzi katika ofisi za Chama hicho katikati ya mji wa Singida.

Mtaturu amesema kuwa ana dhamira ya dhati kuhakikisha wananchi wanapata maendelea shirikishwa hususani katika kuimarisha sekta ya elimu, afya, miundombinu na kukemea Rushwa ambayo inarudisha nyuma Taifa.

Akizungumza na waandishi wa habari mara baada ya kuapishwa Mtaturu amesema kuwa ushirikiano baina ya serikali na wananchi wa Ikungi itakuwa turufu kubwa katika kuhakikisha wilaya inakomaa zaidi kimaendeleo.

“Naenda kusaidiana nao ili kuhakikisha wilaya ina komaa zaidi kimaendeleo na watu wake kuondokana na uduni wa kipato walionao wananchi, wananchi wana uwezo wa kufuga na kulima vizuri jambo ambalo linaashiria kuwaondoa wananchi kwenye wimbi la umasikini”

Amesema Mtaturu Kuhusu wananchi wa Ikungi kukataa kuchangia shughuli za maendeleo kufuatia pingamizi lilichagizwa na mbunge wa jimbo hilo Mtaturu amesema kuwa Utaratibu wa kuchangia maendeleo upo katika dunia nzima nchi mbalimbali za ulaya na kwingineko zimekuwa zikichangia shughuli za maendeleo nchini Tanzania kwa ajili ya wananchi masikini lakini wananchi
tunaosaididiwa kuondokana na wimbi hilo tunapaswa pia kuchangia shughuli za
maendeleo.

Amesema wananchi wa Ikungi hawapaswi kutumika kisiasa huu ni muda,wa kufanya kazi ili tusikubali maendeleo yetu kurudishwa nyuma na wanasiasa au watu wachache wenye mtazamo wa kisiasa zaidi kuliko maendeleo.

“Huko nyuma kulikuwa na watu wanajitolea kufanya shughuli za mikono kwa kuchangia mawe, tofali au mchanga hivyo mchango huo ulikuwa muhimu zaidi japo asilimia kubwa ya watanzania wanadhani mchango ni pesa pekee”

Ameongeza Mtaturu Katika halfa hiyo pia Mkuu wa Mkoa wa Singida Eng Methew Mtigumwe amemuapisha mkuu wa Wilaya ya Mkalama Bw Jackson Jonas Masaka,
Mkuu wa Wilaya ya Singida Bw Elius Chollo John Tarimo, na Mkuu wa Wilaya ya Iramba Bw Emmanuely Jumanne Luhahula

Aidha mkuu wa Wilaya ya Manyoni hakuapishwa kutokana na kuwa nje ya nchi kikazi tangu alipoteuliwa. Katika hotuba yake Mkuu wa Mkoa wa Singida amewataka wakuu wote wa Wilaya walioapishwa kuhakikisha wanasimamia vizuri
katiba na sheriaza nchi sawia na kutekeleza ilani ya uchaguzi ya CCM ya Mwaka
2015-2020.

“Nawaomba mkasimamie uadiligu, uaminifu, kufanya kazi kwa
weledi na kuhakikisha wanapinga rushwa kwa nguvu zote, lakini nataka
niwakumbushe hadi kufikia jana tarehe 30 Hakuna Halmasahauri ambayo imefanikiwa
kukusanya mapato na kufikia asilimia 80 hivyo nendeni mkahakikishe watu
wanalipa kodi stahiki ili kukuza pato la kila wilaya na kunusuru Halmashauri
zetu kufutwa”

Amesema Mtigumwe Mkuu huyo Amewapongeza wadau mbalimbali katika
Wilaya hiyo kwa kujitolea kuchangia madawati elfu arobaini mpaka sasa na
kuubakisha mkoa huo ukiwa na upungufu wa madawati kati ya 1500 katika mkoa huo.
Imetolewa na Ofisi ya muda ya Mkuu wa Wilaya (Ikungi) Julai 1, 2016

POLISI, WANANCHI RASMI KATIKA MAPAMBANO

 

Mkuu wa Polisi wilaya ya Arusha (SSP) Emmanuel Tille akiongea na viongozi wa kata ya Moivaro tarafa ya Suye pamoja na askari wa vikundi vya ulinzi shirikishi wakati wa uzinduzi wa vikundi vinne vya kata hiyo.

 

Diwani wa kata ya Moivaro Rick Moiro akiongea na askari wa vikundi vya ulinzi shirikishi toka kwenye baadhi ya mitaa ya kata yake mara baada ya uzinduzi wa vikundi hivyo.

 

Mkuu wa Polisi wilaya ya Arusha (SSP) Emmanuel Tille akiwakagua askari wa vikundi vya ulinzi shirikishi kutoka mitaa ya Ngurumausi, Oldonyommasi, Moivaro Kati na Shangarao.  

Baadhi ya viongozi wa kata ya Moivaro pamoja na askari wa vikundi vipya vya ulinzi shirikishi wakimsikiliza kwa umakini Mkuu wa Polisi wilaya ya Arusha (SSP) Emmanuel Tille hayupo pichani.

 

Mmoja wa wahitimu wa askari wa ulinzi shirikishi katika kata ya Moivaro akikabidhiwa kitambulisho cha kazi kutoka kwa Mkuu wa Polisi wilaya ya Arusha (SSP) Emmanuel Tille.

—————————

Na Rashid Nchimbi wa Jeshi la Polisi Arusha

Ikiwa jeshi la Polisi linaendeleza harakati za kupambana na uhalifu ili kupunguza matukio ya namna hiyo, wananchi wa kata ya Moivaro tarafa ya Suye halmashauri ya jiji la Arusha hawapo mbali na jitihada hizo hivyo kuamua kujitokeza kwa moyo mmoja kupinga uhalifu kwa kuanzisha vikundi vinne vya ulinzi shirikishi kutoka mitaa ya Ngurumausi, Oldonyommasi, Moivaro Kati na Shangarao.

Akizindua vikundi hivyo ambavyo vimewezeshwa na wadau walioongozwa na Jeff Mligha ambao walijitolea vifaa mbalimbali vya ulinzi zikiwemo tochi, Mkuu wa Polisi wilaya ya Arusha Mratibu Mwandamizi wa Polisi Emmanuel Tille kwa niaba ya Kamanda wa Polisi Mkoa wa Arusha alisema kwamba matarajio ya wananchi katika kata hiyo ya Moivaro ni makubwa na ana imani watakuwa wanalala na kuamka salama hivyo kuwataka walinzi hao wawe na nidhamu kwenye kazi yao.

“Kazi ya ulinzi ina miiko yake; kitu cha kwanza ni nidhamu ya hali ya juu. Mimi mwenyewe mpaka nafikia hatua hii ni kwa sababu ya nidhamu na nawataka ninyi muige mfano wangu, ninachosema hapa ni pamoja na kuwahi kazini, kutunza siri pasipo kuwazunguka wenzako pamoja na kufuata maelekezo ya wakubwa wa vikundi vyenu” Alisisitiza Tille.

Alisema japokuwa askari hao wapatao 42 wamepewa mafunzo lakini kupitia Wakaguzi wa Polisi wa Tarafa na askari kata wataendelea kuwapa mafunzo mara kwa mara ili waweze kufanya kazi zao kwa mujibu wa sheria, huku akiwaonya wasijichukulie sheria mkononi.

Aliwataka wananchi wanapopata taarifa watoe kwa viongozi wa Polisi mara moja ili ziweze kufanyiwa kazi kwa haraka na hatimaye kufikia malengo ya kupunguza uhalifu ndani ya jiji la Arusha, huku akiwataka watendaji wa kata na Wakaguzi wa tarafa wahakikishe askari wa kata wanakuwa katika maeneo yao kila siku hali ambayo itawasaidia kubaini maeneo tete.

Akiongea katika uzinduzi huo Diwani wa kata hiyo Rick Moiro alivitaka vikundi hivyo kufuata taratibu za kazi na kupambana na uhalifu hasa vijana wanaojihusisha na madawa ya kulevya aina ya bangi huku akiomba Jeshi la Polisi litoe ushirikiano wa karibu na vikundi hivyo pindi tu wanapoomba msaada.

Naye Afisa Mtendaji wa kata hiyo Bi. Editha Kisangia alisema kwamba mbali na hali ya uhalifu kuwa ya kawaida katika eneo hilo lakini hatarajii kutokea kwa changamoto kutoka kwa baadhi ya wananchi kushindwa kuchangia vikundi hivyo kwani faida wataiona baada ya kuanza kufanya kazi.

Wakaguzi wa Polisi wanaoongoza tarafa tatu za halmashauri ya jiji la Arusha toka mwaka 2013 ni pamoja na Frimina Massao tarafa ya Suye, Winibrita Moshi tarafa Elerai na Shabani Shabani tarafa ya Themi.

PPF YAIBUKA YAIBUKA KIDEDEA KUNDI LA MIFUKO YA HIFADHI YA JAMII

 Rais wa Rwanda Paul Kagame, (wapili kulia) akiwa na mwenyeji wake Rais John Pombe Magufuli, (wakwanza kulia), akimkabidhi tuzo ya msindi wa kwanza kundi la  Mifuko ya Hifadhi ya Jamii na makampuni ya Bima, Mkurugenzi Mkuu wa PPF, William Erio, wakati wa uzinduzi wa maonyesho ya 40 ya Biashara ya Kimataifa ya Dar es Salaam kwenye viwanja vya Mwalimu Nyerere jijini Dar es Salaam Julai 1, 2016. Wapili kushoto ni Waziri wa Viwanda na Biashara, Charles Mwijage.

 Meneja Uhusiano wa Mfuko wa Pensheni wa PPF, Lulu Mengele (wakwanza kulia) akiungana na wafanyakazi enzake kusherehekea tuzo ambayo Mfuko umepata wakati wa uzinduzi wa maonyesho hayo ya 40 ya Biashara ya Kimataifa ya Dar es Salaam.

 Afisa wa PPF anayeshughulikia huduma kwa Wanachama Mohammed Siaga,akionyesha tuzo hiyo

Wafanyakazi wa PPF wakishangilia ushindi huo mbele ya banda lao

Kikundi cha sarakasi cha Butterfly charejea kutoka India

 

Wasanii wa Kikundi cha Butterfly Arts Group kilichokuwa kinafanya maonesho ya sarakasi nchini India, Kulia ni kiongozi wa kikundi hicho Selemani Pembe, Mwanaidi Abdallah, Abdallah Mkumba<hamidi Mbwana na Salem Mbugio.

——————————————————–

Na Mwandishi wetu

KIKUNDI cha sarakasi cha Butterfly Arts Group kimerejea nchini juzi kutoka India kufanya maonesho ya sanaa ya sarakasi.

Katibu wa kikundi cha Butterfly Arts Group, Selemani Pembe alisema jana Dar es Salaam kuwa katika ziara yao ya kikazi nchini India iliyodumu kwa mwaka mmoja ilikuwa na mafanikio makubwa ambapo wasanii wote sita wa kikundi hicho wamepata mafunzo ya kutosha  ya kufanya maonesho ya sarakasi.

Pembe ambaye pia ni mwalimu wa Sarakasi nchini aliyewahi kuongoza vikundi vya sanaa vya DDC Kibisa, Muungano Culture Troup, Makutano Dancing Troup, Ujamaa Ngoma Troup alisema katika kipindi chote cha kuonesha sanaa ya sarakasi wamegundua kuna utofauti mkubwa kati ya sanaa za maonesho za Tanzania na India.

Alisema wacheza sarakasi wa India wanatumia vifaa vya kufunga juu ya jukwaa na kubembea juu kwa juu tofauti na hapa nchini ambapo hakuna kumbi za kufunga vifaa maalum kwa ajili ya kuonesha sarakasi hizo.

Pembe alisema pamoja na kasoro hizo sarakasi ya Tanzania imekubalika sana nchini India hasa staili ya kujenga maumbo (Pyramid, kujenga minara mbalimbali na kucheza ngoma za asili.

Alisema maonesho mengine yanayowavutia wanamichezo nchini India ni mchezo wa Limbo ambao mwanasarakasi anapita katikati ya moto chini ya bomba maalum ambalo limewashwa moto mkubwa na mchezo mwingine ni ule wa kupanda bomba kwa staili mbalimbali mithili ya nyani.

Alisema katika kipindi cha mwaka mmoja walikuwa wakifanya maonesho na Kampuni ya New Rambo Circus inachofanya maonesho katika miji mbalimbali nchini India na nchi jirani.

Alisema wakiwa huko walifanya maonesho katika miji ya Pune, Bangalore, Gujirat, Mumbay na miji ya mipakani na nchi ya Nepal.

PBZ YAADHIMISHA MIAKA 50

 

Mkurugenzi Mtendaji wa PBZ Ndg Juma Ameir na Mgeni Rasmin Naibu Katibu Mkuu Wizara ya Fedha Zanzibar Ndg Ali Khamis, wakijumuika na Wananchi na Wafanyakazi wa PBZ katika futari ilioandaliwa kuadhimisha Miaka 50 ya Kuanzishwa kwa PBZ mwaka 1966 2016.iliofanyika katika viwanja vya hoteli ya Zanzibar Beach Resort Mazizini Zanzibar, 

Baadhi ya Wafanyakazi wastaaf wa PBZ wakijumuika katika futari Maalum ya kusherehekea Miaka 50 ya PBZ wakipata futari katika viwanja vya hoteli ya Zanzibar Beach Resort Mazizini Zanzibar.

Wafanyakazi wa PBZ wakipata futari katika Hoteli ya Zanzibar Beach Resort Mazizini Zanzibar.

Baadhi ya Wafanyakazi wastaaf wa PBZ wakijumuika katika futari Maalum ya kusherehekea Miaka 50 ya PBZ wakipata futari katika viwanja vya hoteli ya Zanzibar Beach Resort Mazizini Zanzibar.

Wafanyakazi wa PBZ wakipata futari katika Hoteli ya Zanzibar Beach Resort Mazizini Zanzibar.

Wafanyakazi wa PBZ wakipata futari katika Hoteli ya Zanzibar Beach Resort Mazizini Zanzibar.

Iftar Maalim ilioandaliwa na PBZ kwa Wateja wao na Wafanyakazi wa PBZ kusherehekea miaka 50 tangu kuunda kwa Benki hiyo mwaka 1966 -2016 

 

mt

Imetayarishwa na Othman Mapara.Blog. Zanzinews.com

E-mail othmanmaulid@gmail.com.

Waziri UMMY MWALIMU AKUTANA NA UJUMBE WA WANAHARAKATI WA MAENDELEO YA JINSIA NA WATOTO

  

Ujumbe wa wanaharakati wa maendeleo ya jinsia na watoto waliokutana na waziri wa afya,maendeleo ya jamii,jinsia,wazee na watoto,wa kwanza kushoto ni mkurugenzi wa TGNP Liliani Liundi,katikati ni Naemy Sillayo toka LHRC na Janeth Mawinza kutoka WAJIKI

 

Picha ya pamoja kati ya Waziri wa Afya,Maendeleo ya Jamii,Jinsia,Wazee na Watoto,Mhe.Ummy Mwalimu pamoja na Wajumbe hao na viongozi wa Wizara(Picha na Wizara ya Afya)
———————————————————-

Na. Catherine Sungura. WAMJW

Serikali imejipanga kuhakikisha kuwa dhamira ya kufikiwa kwa uwakilishi wa 50 kwa 50 katika ngazi mbalimbali za maamuzi inchini inafikiwa.

Hayo yamesemwa leo na Waziri wa Afya, Maendeleo ya Jamii,Jinsia ,Wazee na Watoto Ummy Mwalimu wakati akiongea na ujumbe wa wanaharakati wa maendeleo ya jinsia na watoto waliofika ofisini kwake na kufanya nao mazungumzo

Mhe.Ummy Mwalimu alisema jitihada zinafanyika kuhakikisha kuwa teuzi mbalimbali zinahusisha jinsia zote, ikiwa ni pamoja na wajumbe wa bodi mbalimbali za uongozi wa Idara na Taasisi za Serikali.

“Nitoe wito wangu kwa Mashirika mbalimbali ya Serikali na Yasiyo ya Serikali kuzingatia usawa wa jinsia wakati wa teuzi mbalimbali za uongozi wa juu pamoja na wajumbe wa Bodi”.

Aidha, amewathibitishia  wajumbe hao kuwa serikali ina dhamira ya dhati ya kuifanyia marekebisho ya Sheria ya Ndoa, “jitihada za maksudi zinafanyika kuhakikisha marekebisho ya kifungu cha 13 na 17 cha sheria ya ndoa, kinachoruhusu mtoto chini ya miaka 18 kuolewa vinafanyiwa marekebisho kwa kuwasilisha muswada Bungeni kabla ya mwaka kuisha.

 Hata hivyo alisema jitihada hizo za kufanya mabadiliko ya sheria zitahusisha pia sheria ya Mirathi inayomnyima mtoto wa kike na wanawake kurithi mali.

Akizungumza kwa niaba ya ujumbe huo wa wanaharakati, mkurugenzi wa Mtandao wa jinsia Tanzania (TGNP) bi. Liliani Liundi alisema  ipo haja ya Serikali kuongeza nguvu zaidi katika kuhakikisha sheria ya Ndoa kifungu cha 13 na 17 inafanyiwa marekebisho, kwakuwa inarudisha nyuma jitihada za kuleta usawa wa jinsia nchini.

Aidha, alieleza kuwa mabadiliko ya Sheria ya Elimu katika kifungu kinachokataza kuoa / kuoza mtoto wa shule ya Msingi na Sekondari ni jitihada inayohitaji kuungwa mkono.

“Ipo haja ya kuongeza nguvu zaidi katika kuwalinda watoto walio nje ya shule, kwakuwa mabadiliko haya ya sheria ya Elimu yaliyopitishwa na Bunge la 11 yawewaacha nje pasipo ulinzi wa sheria watoto wengi walio nje ya shule”Alisema.

Ujumbe wa wanaharakati uliwasilisha maoni yao na changamoto mbalimbali zinazo ikabili nchi katika kuleta maendeleo ya mtoto na usawa wa jinsia nchini, ikiwa ni pamoja na suala la Marekebisho ya Sheria ya Ndoa na Nafasi ya uwakilishi wa mwanamke katika vyombo mbalimbali vya maamuzi. Ujumbe huo uliongozwa na Mkurugenzi wa TGNP Mtandao Bibi Lilian Liundi na Wanaharakati wa Shirika la LHRC, WAJIKI, TANZANIA Widows Association na shirika la Wanawake katika Jitihada za Kimaendeleo (WAGIC)

Kampuni ya Resolution insurance ltd yafturisha wadau mbali mbali

by SOLO on July 1, 2016 in JAMII with No comments

Mkurugenzi Mkaazi wa Kampuni ya Resolution Insurance Ltd Oscar Osir akipata iftar pamoja na Sheikh Mkuu wa Dar es Salaam Sheikh Alhadi Musa Bin Salum katika iftar kwa ajili ya wateja na wafanyakazi wake iliyoandaliwa na kampuni ya Resolution Insurance LTD jijini Dar es Salaam.

Mkurugenzi Mkaazi wa Kampuni ya Resolution Insurance Ltd Oscar Osir akiongea na wadau mbalimbali(hawapo pichani) kwa ajili ya kuwashukura kwa kuja katika iftar iliyoandaliwa na kampuni ya Resolution Insurance LTD jijini Dar es Salaam.

Mgeni Rasmi Sheikh Mkuu wa Dar es Salaam Sheikh Alhadi Musa Bin Salum akiongea na wadau mbalimbali(hawapo pichani) kwa ajili ya kuwakumbusha mambo mema katika mwezi mtukufu wa Ramadhan katika iftar iliyoandaliwa na kampuni ya Resolution Insurance LTD jijini Dar es Salaam.

Sheikh Mkuu wa Dar es Salaam Sheikh Alhadi Musa Bin Salum 

Wafanyakizi wa Resolution Insurance

Wateja wa kampuni ya Resolution Insurance wakipata iftar

Wadau mbali mbali wakipata iftar

Wadau mbali mbali wakipata iftar

Sheikh Mkuu wa Dar es Salaam Sheikh Alhadi Musa Bin Salum akiwa katika picha ya pamoja na Mkurugenzi Mkaazi wa Kampuni ya Resolution Insurance Ltd na Mwenyeketi wa Bodi ya Wakurugenzi Bi.Zuhura Muro

UCHUNGUZI UNAENDELEA KUBAINI BAWA LA NDEGE LILILOOKOTWA NA WAVUVI KATIKA KISIWA CHA KOJANI PEMBA

 

Na Masanja Mabula –Pemba

————————–

MAMLAKA ya Usafiri wa Anga Tanzania  imesema uchunguzi  wa kitaalamu bado unaendelea ili  kubaini iwapo bawa la ndege lililookotwa na wavuvi  katika Kisiwa cha Kojani Pemba ni  mabaki ya ndege  ya Malyasia . 

Kaimu Mkurugenzi wa Mamlaka hiyo Vallery Luanda Chamlungu ameyabainisha hayo wakati wa makabidhiano ya  bawa hilo yaliyofanyika  katika bandari ya Kojani na kushuhudiwa na Viongozi wa mbali mbali wa Serikali wakiongozwa na Mkuu wa Wilaya ya Wete .

Alisema , pamoja na uchunguzi wa kitaalamu unaofanywa na mamlaka hiyo , lakini pia Uongozi unaendelea kuwasiliana na mashirika ya ndege ya  kimataifa ya ili kusaidia kukamilisha machakato wa kutambua asili ya ndege hiyo .

“Uchunguzi bado unaendelea ili kubaini kwamba bawa hilo ni mabaki ya ndege ya Malyasia iliyopotea miaka kadhaa iliyopita , tunafanya mawasiliano na mashirika ya ndege ya kimataifa na hili bawa tunatarajia wenzetu kutoka  Malyasia watakuja  ”alifahamisha Chamlungu .

Kaimu Mkurugenzi wa Mamlaka hiyo alisema wataendelea kushirikiana na wananchi kufanya utafiti hasa sehemu za baharini sambamba na kuwashukuru wavuvi wa Kojani kwa kuweza kulihifadhi bawa hilo .

Aidha , Mkuu wa Wilaya ya Wete Rashid Hadid Rashid akikabidhi bawa hilo   aliwataka wananchi kuwasiliana na vyombo vya ulinzi wanapookota vitu  baharini , na kuacha kuvihifadhi majumbani kwani baadhi vinaweza kuwa ni hatari kwa maisha yao .

Alisema , Serikali ya Wilaya ilisimamia ili kuona kwamba bawa hilo linahifadhiwa , na linabaki  katika mazingira yaliyo salama ili kupisha uchunguzi wa kitaalam ufanyike .

“Pamoja na juhudi zenu , lakini pia naomba nitoe wito kwa wavuvi kutoa taarifa Serikalini ili kuepisha utokea kwa madhara yasiyotarajiwa  , baada ya kuhifadhi majumbani mwenu ” alisisitiza Mkuu wa Wilaya.

Mmoja wa mashuhuda waliookota bawa hilo Chungua Hamad Chungua aliishauri mamlaka ya Usafiri wa Anga kuwaandalia mazingira mazuri ya kuwapatia mashine ya uvuvi ambayo itawasaidia  katika kazi zao za uvuvi .

Alisema ,  ni vyema Mamlaka hiyo kuwazawadia mashine ya supa kumi au kumi na tano kutokana na usumbufu walioupata wakati wa kulikokota kwani ni zito na bahari ilikuw aimechafuka .

Hata hivyo Kaimu Mkurugenzi wa Mamlaka ya Usafiri wa Anga iimekabidhi shilingi milioni mbili wavuvi waliofanikisha kuliokota na kulihifadhi kama ni zawadi .

Kwa mujibu wa taratibu na sheria , Mamlaka ya Usafiri wa Anga haina ulazima wa kuwalipa wananchi wanaokota vitu aidha baharini au nchi kavu , isipokuwa hulazimika kutoka zawadi ili kuwajenga imani wananchi ya kuvihifadhi vitu wanavyo viokota

Ofisi ya Msajili wa Vyama Vya Siasa yaendelea na uhakiki wa Vyama Nchini.

 

Mhasibu kutoka Ofisi ya Msajili wa Vyama vya Siasa, Bw.Willium Brown Nyamtiga akisisitiza jambo kwa viongozi wa Chama cha Alliance for Democratic Change (ADC) Jana wakati wa Zoezi la uhakiki uliofanyika katika ofisi za chama hicho zilizopo Jijini  Buguruni Dar es salaam .

Zoezi la uhakiki wa  utekelezaji wa masharti ya usajili wa Vyama va Siasa  kwa upande wa Tanzania Bara  linaendelea .Tayari  vyama 18 vimekwishakuhakikiwa. Vyama vinne vinatarajiwa  kuhakikiwa  Julai 4. Zoezi hili ni zoezi la kawaida na endelevu  ambalo hufanyika  kila mwaka ili kupima endapo vyama vya siasa   vinakidhi matakwa ya  Sheria ya usajili wa vyama vya Siasa.

Uhakiki wa Vyama vya siasa ni zoezi muhimu sana kwa sababu ni zoezi ambalo hugusa uhai wa  kila  chama cha siasa.  Kwa upande wa Tanzania Visiwani , uhakiki unatarajiwa kuanza  mara baada ya kumalizika Bara  kwa tarehe ambazo zitatangazwa baadaye.

 

Bw.Eugene Kabendera, Katibu Mwenezi Taifa wa Chama cha Ukombozi wa Umma (CHAUMMA) akitoa taarifa  wa watumishi  kutoka Ofisi ya Msajili wa vyama vya Siasa wakati wa Zoezi la uhakiki uliofanyika katika ofisi za chama hicho zilizopo Jijini Makumbusho Dar es salaam Jana

 

Kaimu Katibu Mkuu wa Chama cha Jahazi Asilia, Bw. Mbwana S. Kibanda akifafanua jambo wakati wa zoezi la uhakiki  liliofanyika  Leo katika ofisi za chama hicho zilizopo ilala Jijini Dar es salaam  . Kulia ni Mwenyekiti wa chama hicho na kushoto ni watumishi kutoka Ofisi ya Msajili wa Vyama vya Siasa

 

Bi. Esther B.Mwanri, Mwanasheria kutoka Ofisi ya Msajili wa Vyama vya Siasa akikagua katiba ya Chama cha Wananchi (CUF) wakati wa Zoezi la uhakiki uliofanyika katika ofisi za chama hicho zilizopo  Buguruni Malapa Jijini Dar es salaam. Kushoto ni Bw. Shaweji Mketo, Mkurugenzi wa uchumi na Mipango.

 

Msajili Msaidizi wa Vyama Siasa  “Gharama za uchaguzi na Elimu kwa Umma “Bi. Piencia Kiurea akimsikiliza Kaimu Katibu Mkuu wa Chama cha United Democratic Party (UDP) Bw. Godluck Ole-Medeye wakati akitoa taarifa muhimu za chama chake katika zoezi la Uhakiki wa Vyama vya Kisiasa unaoendelea Jijini Dar es Salaam.

 

Kaimu Mwenyekiti wa Chama Cha Democratic Party (DP) Bi. Georgia Mtikila (kushoto) akitoa taarifa za chama chake kwa Afisa Sheria kutoka Ofisi ya Msajili wa Vyama vya Siasa Nchini (kulia), Bi. Jacqueline Kilama wakati wa zoezi la kuhakiki utekelezaji wa masharti ya usajili na matakwa ya Sheria ya Vyama vya Siasa Jijini Dar es Salaam Juni 28 mwaka huu.

 

Msajili Msaidizi wa Vyama vya Siasa Upande wa Usajili wa vyama vya Siasa , Bw. Sisty Nyahoza (kushoto) akihakiki daftari lenye orodha ya wanachama wa Chama cha NRA ( National Reconstruction Alliance) wakati wa zoezi la kuhakiki wa utekelezaji wa masharti ya usajili na matakwa ya Sheria ya Vyama vya Siasa Jana Jijini Dar es Salaam.

 

Kaimu Mwenyekiti wa Chama Cha Democratic Party (DP) Bi. Georgia Mtikila (kushoto) akitoa taarifa za chama chake kwa Afisa Sheria kutoka Ofisi ya Msajili wa Vyama vya Siasa Nchini (kulia), Bi. Jacqueline Kilama wakati wa zoezi la kuhakiki utekelezaji wa masharti ya usajili na matakwa ya Sheria ya Vyama vya Siasa Jijini Dar es Salaam Juni 28 mwaka huu.

(Picha zote na Ofisi ya Msajili wa Vyama vya Siasa)

Mamlaka ya Mapato Tanzania (TRA) kufungua ofisi Kigali,Rwanda.

 

Rais wa Jamhuri ya Muungano wa Tanzania Dkt. John Pombe Magufuli akizungumza na wanahabari mara baada ya kumaliza mazungumzo yake na Rais wa Rwanda Paul Kagame.

PICHA NA IKULU

—————————————-

Na Daudi Manongi,MAELEZO

Rais wa Jamhuri ya Muungano wa Tanzania Mhe.Dk Joseph Pombe Magufuli  amesema kuwa Mamlaka ya Mapato Tanzania(TRA) watafungua ofisi nchini Rwanda ili kuraisisha  uhakiki wa bidhaa  kwa  wafanyabiashara  wa  Rwanda wanaoingia nchini.

Rais Magufuli ameyasema hayo leo Ikulu Jijini Dar es Salaam ambapo Rais wa Rwanda Mhe.Paul Kagame anafanya ziara ya kikazi ya siku mbili nchini Tanzania ikiwemo ufunguzi wa Maonyesho ya 40 ya Biashara ya Kimataifa ya Dar es Salaam.

Aidha amesema kuwa Serikali imetoa eneo la bandari kavu (ICD) kwa ajili ya kuhifadhia Bidhaa kutoka nchi ya Rwanda ili kupunguza urasimu ambao umekuwa kikwazo kwa maendeleo ya biashara hapa nchini na kwa namna hiyo biashara itakua kwani tunategemea uchumi utapanda kutoka asilimia 7 ya sasa mpaka asilimia 7.2.

Pia amesema kuwa Serikali imepunguza vituo vya ukaguzi barabarani kutoka Tanzania kwenda Rwanda kufikia vitatu na kwa kufanya hivyo itarahisisha safari za magari ya biashara njiani na hivyo kufikisha bidhaa kwa haraka.

Aidha amesema kuwa serikali iko mbioni kuanzisha kituo kimoja cha kukusanya mapato badala ya kila sehemu kuwa na mfumo wake ambao unapoteza mapato mengi kwa kuwa mifumo hiyo haina uthibiti mmoja na hivyo serikali ya Rwanda itasaidia kwa kuleta wataalamu wa Tehama ambao watasaidia kutoa mafunzo ili kusaidia mapato yetu kuwa katika udhibiti mmoja.

Kwa upande Rais wa Rwanda Paul Kagame amesema kuwa nchi yake itaendelea kushirikiana na Tanzania katika kuendeleza Uchumi wa nchi izi mbili kwani zina historia ndefu na kwa kuendelea kufanya biashara pamoja nchi izi mbili zimejenga taswira mpya katika mahusiano.

Awali Mawaziri wa mambo ya Nje wa nchi za Tanzania na Rwanda walitia saini Muhtasari wa Tume ya Ushirikiano wa pamoja baina ya nchi izi mbili.