Mgodi wa Buzwagi Wakabidhi Madawati 4494 Yenye Thamani ya Shilingi Milioni 548 Kwa Ajili ya Shule za Mkoa wa Shinyanga

Kampuni ya uchimbaji wa madini ya Acacia kupitia Mgodi wake wa Buzwagi umekabidhi madawati 4494 yenye thamani ya zaidi ya shilingi milioni 548 kwa ajili ya shule za sekondari na msingi za mkoa wa Shinyanga.Mwandishi wetu Kadama Malunde,anaripoti.
Akikabidhi madawati hayo,meneja mkuu wa mgodi wa Buzwagi Mhandisi Asa Mwaipopo amesema Kampuni yake imekabidhi kiasi hicho cha madawati kwa lengo la kuunga mkono jitihada za mheshimiwa Rais wa Jamhuri ya Muungano waTanzania Dkt. John Pombe Magufuli kupunguza uhaba wa madawati katika shule za msingi na sekondari.
“Mgodi wa Buzwagi unaunga mkono jitihada zinazofanywa na rais wa awamu ya tano,Dkt. John Pombe Magufuli katika kumaliza tatizo la wanafunzi kukaa chini,tumeamua kutekeleza kwa vitendo jitihada hizo” ,alieleza Mwaipopo.
Akipokea madawati hayo Mkuu wa mkoa wa Shinyanga, Bi Zainab Telack ameupongeza mgodi wa Buzwagi kwa mchango wao uliolenga kuunga mkono jitihada za mheshimiwa rais Magufuli, katika kuhakikisha kuwa watoto wote wanakaa kwenye madawati.
“Nimefarijika sana kuona mnaunga mkono serikali,tulikuwa na upungufu wa madawati lakini kwa msaada huu wa madawati mmesaidia kwa kiasi kikubwa kupunguza tatizo”,alisema Telack.
Aidha Mkuu huyo wa Mkoa wa Shinyanga amewataka wakurugenzi wa halmashauri zote katika mkoa wa Shinyanga kuwachukulia hatua kali za kisheria wazazi wote wanaowaachisha masomo wanafunzi.
Kwa upande wake Mwenyekiti wa Halmashauri ya mji wa Kahama Abeli Shija akishukuru kwa niaba ya halmashauri za mkoa wa Shinyanga, ameupongeza Mgodi wa Buzwagi kwa jitihada zao mbalimbali katika kutekeleza miradi ya kimaendeleo katika mkoa wa Shinyanga na hususani wilaya ya Kahama.
Hafla hiyo ya kukabidhi madawati ilifanyika Julai 28,2016 katika Shule ya Msingi Majengo iliyoko wilayani Kahama katika halmashauri ya mji wa Kahama ambapo ilihudhuriwa pia na wajumbe wa kamati ya ulinzi na usalama mkoa wa Shinyanga,viongozi wa wilaya ya Kahama,uongozi wa Mgodi wa Buzwagi, walimu na wanafunzi wa shule ya msingi Majengo.

Radio Maria waiomba Serikali kurekebisha Sheria ya leseni ya redio za jamii

Mwashamu Askofu wa Jimbo Katoliki la Mtwara akikata keki wakati wa sherehe za kilele cha maadhimisho ya miaka 20 ya Redio Maria Tanzania leo Jijini Dar es Salaam. Kutoka kushoto ni Spika Mstaafu wa Bunge la Jamhuri ya Muungano wa Tanzania Mhe. Anne Makinda, katikati ni Mkurugenzi wa Redio Maria Tanzania (RMTZ) Padre John Maendeleo.

Spika Mstaafu wa Bunge la Jamhuri ya Muungano wa Tanzania Mhe. Anne Makinda akikata keki wakati wa sherehe za kilele cha maadhimisho ya miaka 20 ya Redio Maria Tanzania leo Jijini Dar es Salaam yaliyoanza rasmi tangu April 26 mwaka huu. Katikati ni Mwashamu Baba Askofu wa Jimbo Katoliki la Mtwara Titus Mdoe,kutoka kulia ni Mhamasishaji Mkuu wa Redio Maria Tanzania Bi. Veronica Mwita na wapili kushoto ni Mkurugenzi wa Redio Maria Tanzania (RMTZ) Padre John Maendeleo.

Rais Mstaafu wa Awamu ya Tatu wa Serikali ya Jamhuri ya Muungano wa Tanzania Mhe. Benjamin William Mkapa akisalimiana na Baba Askofu wa Jimbo Katoliki la Mtwara Mwashamu Askofu Titus Mdoe wakati wa sherehe za maadhimisho ya miaka 20 ya Redio Maria Tanzania leo Jijini Dar es Salaam.Katikati ni Mkurugenzi wa Redio Maria Tanzania Padre. John Maendeleo.

Askofu Mkuu wa Jimbo Kuu Katoliki la Dar es Saalam Mwadhama Polycarp Kardinali Pengo akizungumza na wadau na marafiki wa Redio Maria Tanzania leo Jijini Dar es Salaam wakati wa hafla ya kuadhimisha miaka 20 tokea kuanzishwa kwa Redio hiyo

Mkurugenzi wa Redio Maria Tanzania Padre John Maendeleo akizungumza na wadau na marafiki wa Radio Maria Tanzania leo Jijini Dar es Salaam wakati wa hafla ya kuadhimisha miaka 20 tokea kuanzishwa kwa Redio hiyo.

 

Rais wa Redio Maria Tanzania Humphrey Julius Kira akizungumza na wadau na marafiki wa Radio Maria Tanzania leo Jijini Dar es Salaam wakati wa hafla ya kuadhimisha miaka 20 tokea kuanzishwa kwa Redio hiyo.

 

Spika Mstaafu wa Bunge la Jamhuri ya Muungano wa Tanzania Mhe. Anne Makinda akipokea risala kutoka kwa Rais wa Redio Maria Tanzania Humphrey Julius Kira(Kulia) wakati wa sherehe za kilele cha maadhimisho ya miaka 20 ya Redio Maria Tanzania leo Jijini Dar es Salaam.

 

Spika Mstaafu wa Bunge la Jamhuri ya Muungano wa Tanzania Mhe. Anne Makinda akipeana mkono na baadhi ya marafiki wa Redio Maria Tanzania waliofika kuchangia Redio hiyo katika harambee iliyofanyika ikiambatana na sherehe za maadhimisho ya miaka 20 ya Redio Maria Tanzania leo Jijini Dar es Salaam. Kushoto ni Rais wa Redio Maria Tanzania Bw. Humphrey Julius Kira.

 

Baadhi ya waumini wa Roman Katoliki wakifurahi wakati wa sherehe za maadhimisho ya miaka 20 ya Redio Maria Tanzania (RMTZ).

Picha zote na Frank Shija, MAELEZO.

………………………………………………………………………………………………………………………..

Na Jacquiline Mrisho – MAELEZO

Rais wa Redio Maria Tanzania, Humphrey Kira ameiomba Serikali kurekebisha Sheria ya leseni ya redio za jamii ili ziweze kuwa na vituo vingi vya kurushia matangazo yake.

Hayo yamesemwa leo na Rais huyo wakati alipokuwa akisoma risala kwenye sherehe za kilele cha maadhimisho ya miaka 20 ya redio hiyo yaliyofanyika kwenye viwanja vya Msimbazi Centre, Jijini Dar es Salaam.

Kira amefafanua kuwa redio za kijamii hasa zilizojikita katika nyanja za kiimani zinasaidia kufundisha maadili na kufanya wananchi wakomae kiimani, hivyo angefurahi sana kuona redio za aina hiyo zinapewa leseni za kurusha matangazo yake nchi nzima.

“Ndugu mgeni rasmi, redio yetu inakabiliwa na changamoto mbalimbali ikiwa ni pamoja na ufinyu wa sehemu za usikivu (coverage areas) ambapo tatizo hili linatokana na sheria ya leseni za redio ambayo hairuhusu redio za aina hiyo kuwa na vituo zaidi ya kumi nchini nzima, tunaomba serikali itusaidie kuiboresha sheria hii ili tuongeze vituo vya matangazo ya dini”, alisema Kira.

Rais huyo ameongeza kuwa majimbo yote yanahitaji kufikiwa na huduma za maombi, hivyo anawashauri wasikilizaji wote kuendelea kuisikiliza redio hiyo kwa njia ya mitandao ikiwemo simu za mkononi kwani hivi sasa huduma hiyo inapatika nchi nzima.

Kwa upande wake Askofu Mkuu wa Jimbo Kuu Katoliki la Dar es Salaam, Mwadhama Polycarp Kardinali Pengo ametoa rai kwa uongozi wa redio hiyo kutobadilisha maudhui wala kuweka vipindi visivyokuwa vya dini ili iendelee kuunganisha familia na sio kuzigawa familia.

“Tunasema kuwa redio Maria ni sauti ya kikristu nyumbani mwako lakini mimi nasema ni sauti ya Mungu ndani ya familia kwa kuwa inafanya kazi ya kuunganisha familia, vyombo vingine vya habari vinafanya kazi kubwa ya kuigawa familia lakini Redio Maria ni tofauti”, alisema  Pengo.

Askofu Pengo amewashukuru wananchi wote waliohudhuria kwenye maadhimisho hayo kwa kuwa kufanya hivyo ni njia moja wapo ya kumuenzi na kumpa heshima Mama Bikira Maria.

Nchini Tanzania, Redio Maria ilianzishwa Aprili 26 mwaka 1996 katika Jimbo Kuu Katoliki la Songea ikiwa na lengo la kumsaidia Mama Bikira Maria katika kazi yake ya kumtangaza Yesu Kristo kwa watu wote. Mpaka sasa ina vituo 10 Tanzania Bara na viwili Zanzibar.

Rais wa Simba, Aveva akitangaza mkutano kuridhia kufanya mabadiliko

 

Chanzo Mo Blog

Hatimaye ile ndoto ya mashabiki wa klabu ya Simba kuona klabu yao ikibadili mfumo unaotumika sasa wa wanachama ndiyo kuwa wamiliki wa klabu na kuingia katika mfumo wa kampuni imekamilika.

Hilo limethibitishwa na Rais wa Simba, Evans Aveva katika mkutano mkuu wa Simba ambao ulikuwa unafunga msimu wa 2015/2016 kwa kutolewa taarifa na kuweka mipango mipya kwa msimu ujao.
Hatua hiyo imekuja baada ya mmoja wa mashabiki wa Simba na Mkurugenzi Mtendaji na Rais wa makampuni ya Mohammed Enterprises, Mohammed Dewji “MO” kutangaza nia ya kutaka kununua hisa za asilimia 51 na kutoa Bilioni 20 kwa ajili ya kuisaidia Simba kurudi katika makali yake ikiwa ni pamoja na kusajili wachezaji wazuri, kocha mzuri, kujenga kiwanja, kuweka vituo vya kukuzia vipaji vya Simba na vingine vingi.
Kutokana na jambo hilo, mashabiki wa Simba walionekana kuvutiwa na mipango ya MO na hivyo kuandamana katika ofisi za klabu na kushinikiza uongozi kukubaliana na MO ili kununua hisa na kuanza kuwekeza ili Simba irudi katika makali ya kushinda mataji.
Ipo hapa video ikimuonyesha Rais wa Simba, Evans Aveva akitangaza mkutano wa Simba kuridhia kufanya mabadiliko.

BOHARI LATEKETEA KWA MOTO SINZA LEGO JIJINI DAR JIONI HII

Picha na Fredy Njeje/Blogs za mikoa
Bohari moja ambalo lilikuwa la kuhifadhia mataili pamoja na vifaa vyenginevyo vya magari lililopo Sinza Lego ambalo mmiriki wake hakufahamika kwa mara moja limeteketea kwa moto ambapo kwa mujibu ya wenyeji wa eneo hilo wamedai kuwa chanzo cha moto huo ni mataili.  Pia katika eneo hilo kuna Gereji ambayo haikuathirika na moto huo mkubwa, mpaka jioni hii kikosi cha kuzima moto kilikuwa eneo la tukio kuendelea kusaidiana na wananchi kuhakikisha moto huo unazimika. Taarifa kamili itatolewa na Jeshi la Polisi. 

Bohari linalosadikiwa kuhifadhi vipuri vya magari likiwa linateketea kwa moto jioni hii Sinza Lego jijini Dar es salaam  ambapo juhudi za kuzima moto zinaendelea japokuwa kazi ya kuzima imekuwa ngumu kutokana na aina ya vipuri vinavyohifadhiwa katika ghala hilo kuwa aina ya mipira na mafuta ya vilainishi vya vipuri.

Mmoja wa kijana ambaye alifika kushuhudia tukio hilo akipanda juu ya Ghorofa baada ya kunusurika kudondokea katika moto huo

Moto ukiendelea kuwaka huku juhudi za kuzima zikiendelea

Mbele ni Gari la zima moto likiwa limefanya juhudi za kuzima moto ,  hapa wakiondoka kufuata maji mengine ili kuendelea na zoezi la kuzima moto huo

Moto ukiendelea kuwaka katika Bohari hilo

Baadhi ya Mashuhuda wakishuhudia tukio hilo la kuwaka kwa Bohari

Magari yakiwa yameruhusiwa kuendelea na safari baada ya moto huo na moshi mkubwa kupungua 

 

 

JAMES LEMBELI NILITOKA CCM KWA SABABU RUSHWA ILIKUWA IMETAMALAKI, UKIHITAJI NIKUSAIDIE NIKO TAYARI

 

 Mhe Rais wa  Jamhuri ya Muungano wa Tanzania Mwenyekiti wa CCM  na Mhe Dk John Pombe Joseph Magufuli akiwa meshikana mikono na Mhe Lembeli  huku akiongozana naye , Lembeli Amesema yuko tayari kurudi CCM wakati wowote   akihitajika kurudi ili kumasidia Rais “Nilitoka CCM kwa sababu Ruswa ilitamalaki” Lembeli amezungumza hayo  mchana wa leo katika mkutano mkubwa wa  hadhara huko mjini Kahama.

Rais Dk. John Pombe Magufuli akizungumza katika mkutano huo  amemwambia Lembeli “Rudi kundini kadiri utakavyoguswa ili tuijenge nchi kwa sababu huko uliko huwezi kujenga nchi.

SERIKALI KURASIMISHA MAKAZI HOLELA JIJINI DAR ES SALAAM.

 

Diwani Kata ya Kimara Mhe. Pascal Manota akihamasisha wananchi wa Mtaa wa Mavurunza Kata ya Kimara kushirikiana na Wataalam wa masuala ya Ardhi ili kuruhu upimaji wa maeneo yao walipofanya mkutano wa uhamasishaji juu ya Urasimishaji wa Makazi holela.

 

Kaimu Mkurugenzi Urasimishaji Makazi holela Bi. Bertha Mlonda akielezea faida za urasimishaji katika mkutano wa Uhamasishaji kwa wanachi wa Kata ya kimara mtaa wa Mavurunza.

 

Badhi ya wakazi wa Mtaa wa Mavurunza waliohudhuria mkutano wa Uhamasishaji kuhusiana na Urasimishaji Makazi holela, wakiwasikiliza viongozi wa Serikali za Mitaa (Hawako pichani) pamoja na wataalam kutoka Sekta ya Ardhi walipokuwa wakitoa elimu kwa wakazi hao.

 

Hamza Khatibu, Mkazi wa Mtaa wa Mavurunza akiuliza swali kwa viongozi wa Serikali za Mitaa na wataalam wa Sekta ya Ardhi walipokuwa katika mkutano kuhusiana na Urasimishaji Makazi holela.

 

Alama inayotenganisha kiwanja kimoja na kingine inayowekwa na wataalam wa upimaji kutoka Wizara ya Ardhi, wakishirikia na wataalam kutoka Manispaa ya Kinondoni.

 

Wataalam kutoka Wizara ya Ardhi na Manispaa ya Kinondoni wakiandaa ramani za maeneo ambayo tayari yamefikiwa kwa ajili ya kupimwa na kurasimisha makazi holela katika Kata ya Kimara, Mtaa wa Kilungule B.

……………………………………………………………………………………………..

Na Mwandishi Wetu

SERIKALI imeanza kupima viwanja zaidi ya 25,000 kwa wakazi wa kata za Kimara na Saranga zilizopo jijini Dar es Salaam ikiwa ni hatua ya kurasimisha makazi holela.

Akizungumza kwa nyakati tofauti Kaimu mkurugenzi wa Urasimishaji Makazi Holela Bi. Bertha Mlonda amesema, Uendelezaji Miji ni kwa mujibu wa Sheria ya MipangoMiji na una faida nyingi kwa wanachi. Alisisitiza kwamba, Maendeleo ya sehemu yeyote hutokana na miundombinu ya sehemu husika pamoja na huduma za kijamii zinazopatika.

Mlonda amewaasa wananchi haswa wa Kata za Kimara na Saranga kutoa ushirikiano kwa wataalam ambao wameanza kupima maeneo yao ili kuondokana na tatizo la Makazi Holela kwa wakazi hao kwani upimaji huo utabadilisha taswira na hadhi ya maeneo yao.

Kwa sasa Urasimishaji umeanzia katika Kata za Kimara na Saranga, baada ya hapo yatafuata maeneo yote yenye sifa za urasimishaji katika jiji la Dar es Salaam, na mikoa yote ya Tanzania. Zoezi hili litakuwa likitekelezwa kwa awamu kulingana na maeneo yatakavyobainishwa.

RAIS DKT. MAGUFULI AFANYA MKUTANO TINDE, ISAKA NA KAHAMA MKOANI SHINYANGA

 

Rais wa Jamhuri ya Muungano Dkt. John Pombe Magufuli akihutubia mamia wa wakazi wa Kahama mara baada ya kuwasili akitokea Nzega mkoa Tabora.

 

Rais wa Jamhuri ya Muungano Dkt. John Pombe Magufuli akicheza jukwaani wimbo wa kwaya ya Haleluya Kuu kutoka Kanisa la KKKT-Usharika wa Yeru Ndala Shinyanga kabla ya Kuhutubia mamia ya wakazi Kahama mkoani Shinyanga.

 

Rais wa Jamhuri ya Muungano Dkt. John Pombe Magufuli akimpongeza Mbunge wa zamani wa Kahama James Lembeli mara baada ya kuwasalimia wananchi waliofika kwa ajili ya kumsikiliza Rais katika viwanja hivyo vya Kahama.

 

Rais wa Jamhuri ya Muungano Dkt. John Pombe Magufuli akihutubia mamia wa wakazi wa Isaka mkoani Shinyanga.

 

Rais wa Jamhuri ya Muungano Dkt. John Pombe Magufuli akiwa ameambatana na Mbunge wa zamani wa Kahama James Lembeli ambaye ni mwanachama wa Chadema mara baada ya kumaliza kuhutubia mkutano mjini Kahama mkoani Shinyanga.

 

Rais wa Jamhuri ya Muungano Dkt. John Pombe Magufuli akicheza pamoja na Wanakwaya wa Haleluya Kuu kutoka Kanisa la KKKT-Usharika wa Yeru Ndala Shinyanga mara baada ya kumaliza kuhutubia mkutano Kahama mjini mkoani Shinyanga.

 

Rais wa Jamhuri ya Muungano Dkt. John Pombe Magufuli akifurahia mara baada ya kuoneshwa picha na kijana mmoja aliyeishika picha hiyo.

 

Rais wa Jamhuri ya Muungano Dkt. John Pombe Magufuli akihutubia mamia ya wakazi wa Tinde mkoani Sinyanga.

PICHA NA IKULU

DK MNDOLWA AIBUKA KIDEDEA GOLF LUGALO

Dk Edmund Mndolwa mshindi wa Jumla kwa mwezi July baada ya kuibuka na Ushindi wa Mikwaju ya Jumla (Gross) 87 katika mashindano yaliyofanyika jana katika Viwanja vya Golf Lugalo Jijini Dar es salaam.

  

 Dk Edmund Mndolwa mshindi wa Jumla kwa mwezi July baada ya kuibuka na Ushindi wa Mikwaju ya Jumla (Gross) 87 akipiga mkwaju wa mwisho katika mashindano yaliyofanyika jana katika Viwanja vya Golf Lugalo Jijini Dar es salaam. 

Mshindi wa kwanza kwa Wanawake Victoria Elias Akijiweka sawa huku Mwezie Chiku Elias akimshuhudia wakati wakimenyana katika mashindano ya Kila mwisho wa mwezi katika Klabu ya Lugalo ya Nmb Monthly Mug.

 

Mshindi wa kwanza kwa Wanawake Victoria Elias Akijiweka sawa kupiga mpira wa Mwisho wakati wakimenyana katika mashindano ya Kila mwisho wa mwezi katika Klabu ya Lugalo ya Nmb Monthly Mug.

 

Afisa wa Habari kutoka JWTZ  Luteni Selemani Semunyu akitoa Zawadi kwa Mshindi wa Kwanza kwa Watoto (Junior) Zuwena Hamisi  mara baada ya Kumalizika mashindano ya mwezi July (Monthly Mug )yaliyofanyika jana katika Viwanja vya Golf Lugalo Jijini Dar es salaam.

 

Wachezaji Golf Chipukizi wakijiweka sawa wakati wa mashindano ya kila mwisho wa Mwezi ambapoi kwa mwezi July yalifanyika jana katika Viwanja vya Golf Lugalo Jijini Dar es salaam.

(Picha na Selemani Semunyu).

FREEMAN MBOWE AJIPELEKA POLISI LEO

Mwenyekiti wa Chama Taifa wa CHADEMA Freeman Mbowe akiongozana na baadhi ya Wajumbe wa Kamati Kuu, Edward Lowassa, John  Mnyika, Mkiti wa Baraza la Wazee Hashimu Issa Juma na  Mwanasheria Mkuu wa Chama Tundu Lissu, wakiwasili  Kituo Kikuu cha Polisi (Central) Kanda Maalum ya Dar es Salaam, ambapo Mwenyekiti Mbowe ameitikia wito wa jeshi hilo kupitia wa ZCO Wambura wa kumhitaji afike hapo leo.

NANI KASEMA SIASA NI UADUI, HEBU ANGALIA WENYEWE WANAVYOPIGA STORI

 

Waziri wa Habari, Utamaduni, Sanaa na Michezo ambaye pia ni Katibu Mwenezi wa CCM Taifa Mh. Nape Nnauye na Mh. Freeman Mbowe ambaye ni Mwenyekiti wa Chama cha CHADEMA wakijadiliana jambo wakati alipokutana katika shughuli ya kuaga mwanahabari Mpiga Picha Marehemu Joseph Senga aliyefaiki mwishoni mwa wiki hii Nchini India alikokuwa akitibiwa maradhi ya moyo  shughuli hizo za kuaga mwili wa Marehemu Joseph Senga zimefanyika Sinza na mwili wa marehemu umesafirishwa kwenda wilayani Kwimba mkoani Mwanza kwa mazishi.

 

Waziri wa Habari, Utamaduni, Sanaa na Michezo ambaye pia ni Katibu Mwenezi wa CCM Taifa Mh. Nape Nnauye akizungumza na Mh. Edward Lowasa Waziri Mkuu wa Zamzni na kada wa CHADEMA katikati kushoto ni Kada mwingine wa CHADEMA Ndugu Khamis Mngeja.

BFA YAPATA VIONGOZI WAPYA WA MIAKA MINNE IJAYO

Mwenyekiti mpya wa chama cha mpira wa miguu wilaya ya Bagamoyo(BFA) Alhaj Abdul Sharif ,wa katikati kati ya waliokaa ,akiwa na viongozi wenzake wa chama hicho ,waliochaguliwa mapema  mwishoni mwa wiki iliyopita.(Picha na Mwamvua Mwinyi)

Mwenyekiti mpya wa chama cha mpira wa miguu wilaya ya Bagamoyo(BFA)alhaj Abdul Sharif ,akizungumza na wajumbe wa chama hicho baada ya uchaguzi wa chama hicho ambapo kilipata viongozi wapya watakaoongoza kwa miaka minne ijayo.(Picha na Mwamvua Mwinyi)

………………………………………………………………………………………….

Na Mwamvua Mwinyi, Bagamoyo

CHAMA cha mpira wa miguu ,wilayani Bagamoyo,mkoa wa Pwani,( BFA) kimechagua viongozi wapya wa chama hicho wataokingoza katika kipindi cha miaka minne .

Uchaguzi huo umefanyika kihalali ,kwa mujibu wa sheria ambao ulihudhuliwa na wajumbe 91.

Katika uchaguzi huo alhaj AbdulZahoro Sharifu alichaguliwa kuwa mwenyekiti kwa kipindi kitakachoishia mwaka 2020 kwa kupata kura 77.

Alhaj Sharif alipata ushindi huo kwa kupata kura hizo dhidi ya mpinzani wake Kitomu Yona aliyepata kura 11 huku nafasi ya makamu mwenyekiti alichaguliwa Shaabani Makelele ambae hakuwa na mpinzani.

Nafasi ya katibu mkuu imenyakuliwa na John Fransis Bolizozo “Boli Kubwa” aliyejipatia kura 81 na kumwacha mbali mgombea mwenzie kwenye nafasi hiyo Yona Mkawa aliyejinyakulia  kura 4.

Katibu msaidizi alishinda Jitihada Omary kwa kura zote kutokana na kuwa peke yake ,mhazini alichaguliwa Ornjurie Marigwa ambae hakuwa na mpinzani  msaidizi ikienda kwa Salumu Kanuti aliyejikusanyia kura 88.

Mjumbe mkutano mkuu wa mkoa alichaguliwa kipa wa zamani wa nyota nyekundu na kocha mzawa hapa nchini Shekhe Abdallah aliyepata kura 45 dhidi ya kura 43 alizopata Mzee Minjoli.

Nafasi ya mwakilishi wa vilabu akichaguliwa Jabir Omary aliyeshinda kwa kura 46 akimwacha mgombea mwenzake Ally Jakaya aliyepata kura 44.

Wajumbe kamati ya utendaji na kura zao katika mabano waliochaguliwa ni Ramadhani Mape (77), Rajabu Maliki (80), Maneno Kidobe (68), Shabani Masimbi (69) na Peter Nyambasi (39).

Katika uchaguzi huo uliongozwa na mwenyekiti wa kamati ya uchaguzi wilaya Mwinyi Akida, mwenyekiti aliyemaliza muda wake Shaabani Kangale “Machokodo” na diwani wa kata ya Kiwangwa Hussein Malota Kwaga.

Baada ya kutangaza matokeo hayo Akida aliwataka viongozi hao kuhakikisha wanawatumikia ipasavyo wana-Bagamoyo ili mpira uchezwe maeneo yote.

Alieleza kuwa kwa kufanya hivyo itasaidia kukidhi kiu ya wana michezo ambao kwa muda mrefu hususan ukanda wa Chalinze na maeneo mengine wilayani humo ambao wamekosa fursa hiyo.

Nae mwenyekiti mpya wa BFA ,Abdul Sharif, alitoa rai kwa viongozi wengine wa chama hicho kuhakikisha kila mmoja anajitoa kwa hali na mali ili kuinua sekta ya michezo wilayani humo.

Alhaj Sharif aliahidi kupatikana kwa timu itakayocheza ligi kuu ya Vodacom Tanzania Bara katika kipindi cha miaka minne ambacho watakiongoza.

KWA HERI MPIGANAJI JOSEPH SENGA, MUNGU AIWEKE ROHO YAKO MAHALI PEMA PEPONI

 

Wapiga picha wakibeba jeneza la marehemu Joseph Senga aliyekuwa mpiga picha wa gazeti la Tanzania Daima ili  kuliweka kwenye tayari kwa safari ya kwenda Wilayani Kwimba  Mkoani Mwanza kwa mazishi wanaoongoza mbele katikati ni Rafiki yake Mkubwa Deus Mhagale Mpiga picha wa Gazeti la Mtanzania aliyeshika Msalaba , kulia aliyeshika Shada la maua ni John Bukuku mpigapicha na  Mkurugenzi wa Blog ya Fullshangwe  na  kushoto aliyeshika picha ya marehemu  ni Joachim Mushi mpiga picha na Mkurugenzi wa Mtandao wa The Habari akiwa pia ni Mwenyekiti wa Chama cha Mablogger Tanzania TBN wakati wa shughuli ya kuaga mwili wa Marehemu Sinza jijini Dar es salaam.

 

Deus Mhagale Mpiga picha wa Gazeti la Mtanzania kulia Mpiga Picha Loveness aliyekuwa mfanyakazi mwenzake na marehemu kwenye kampuni ya Free Media inayoendesha gazeti la Tanzania Daima na Mpiga Picha Halima Kambi kutoka Guardian  wakiwa wamebeba mashada ya maua na msalama.

Deus Mhagale Mpiga picha wa Gazeti la Mtanzania akiaga mwili wa marehemu Joseph Senga na kushoto ni Mpiga Picha mkongwe Juma Dihule.

Carthubert Kajuna Mpiga Picha na Mkurugenzi wa Blogu ya Habari na Matukio akiaga mwili wa marehemu Joseph Senga.

Mpiga Picha wa Gazeti la Habari leo Robert Okanda akiaga mwili wa marememu.

Mpiga picha Muhidin Sufiani akitoa hesgima zake za mwisho kwa marehemu Joseph Senga.

Baadhi ya wapiga picha wakijadiliana mambo kadhaa.

Mpiga Picha wa Jambo Leo Dotto Mwaibale akitoa heshima za mwisho kwa marehemu Joseph Senga.

Waziri Mkuu wa zamani Edward Lowasa akiongozana na Nape Nnauye Waziri wa habari, Utamaduni, Sanaa na Michezo kutoa heshima za mwisho kwa marehemu Joseph Senga.

Waziri Mkuu wa Zamani Edward Lowasa akijadiliana jambo na Nape Nnauye Waziri wa Habari , Utamaduni , Sanaa na Michezo wakati walipoongoza waombolezaji katika kuaga mwili  wa mwanahabari Marehemu Joseph Senga

MKUU WA WILAYA YA ILALA AUNGANA NA WATENDAJI WAKE KUSAMBAZA MAPIPA YA KUWEKEA TAKA BARABARA YA KIVUKONI DSM

 

Mkuu wa wilaya ya Ilala Mh. Sophia Mjema akiongozana na Edward Mpogolo Katibu Tawala wa wilaya hiyo wakati walipoongoza zoezi la  kusambaza mapipa ya kuwekea takataka kwenye barabara ya Kivukoni jijini Dar es salaam  kwa ajili ya udhibiti wa utupaji wa taka hovyo.

 

Mkuu wa wilaya ya Ilala Mh. Sophia Mjema katikati akiongozana na Mkurugenzi wa Manispaa ya Ilala Bw.Msongela Palela  kushoto pamoja na  Edward Mpogolo Katibu Tawala wa wilaya hiyo weka mapipa ya kuhifadhia takataka katika barabara ya Kivukoni jijini Dar es salaam.

 

Mkuu wa wilaya ya Ilala Mh. Sophia Mjema akiongozana akimuelekeza jambo Mkurugenzi wa Manispaa ya Ilala juu ya mpangilio wa uwekaji wa mapipa ya kuhifadhia takataka kwenye barabara ya Kivukoni jijini Dar es salaam jana.

KOKA:AWAASA WALIMU WAKUU NA WATENDAJI KUTUNZA MADAWATI YA MISAADA

 

MBUNGE wa jimbo la Mji wa Kibaha,Silvestry Koka wa kushoto akikabidhi madawati 537 yenye thamani ya zaidi ya mil. 37 yaliyotolewa na serikali ikiwa ni mgao wa wabunge nchini kwenye sehemu ya posho zao,kwa afisa elimu wa halmashauri ya Mji huo ,Maajabu Mkanyemka aliyemwakilisha mkurugenzi wa halmashauri hiyo Jennifer Omolo.(Picha na Mwamvua Mwinyi)

……………………………………………………………………………………………………

Na Mwamvua Mwinyi,Kibaha

MBUNGE wa jimbo la Mji wa Kibaha ,Silvestry Koka ,amewataka walimu wakuu wa shule za msingi na watendaji wa mitaa na kata katika halmashauri ya Mji huo, kusimamia na kuhakikisha wanayatunza madawati mapya yanayotolewa na wadau mbalimbali ili kuondoa tatizo la ubaha wa madawati mashuleni.

Amesema mwalimu mkuu ama mtendaji ambae atazembea kusimamia suala hilo basi atawajibishwa .

Koka aliyasema hayo ,wakati akikabidhi madawati 537 yenye thamani ya zaidi ya mil. 37 yaliyotolewa na serikali ikiwa ni mgao wa wabunge nchini kwenye sehemu ya posho zao .

Alieleza kuwa serikali haitakuwa tayari kuona madawati yanayotolewa na wahisani,wadau na yale yaliyotengenezwa na wadau hayafuatiliwi wala kupewa matunzo.

“Ni wajibu wa kila mtendaji,walimu na wanafunzi wenyewe kuwa wasimamizi kutokana na fedha zilizotumika ni kodi za wananchi hivyo lazima zilindwe kwa faida ya watoto hao “alisema Koka.

Aidha Koka alisema awali wanafunzi walikuwa wanapata shida na kero wakati wa kusoma ambapo wengine walikuwa wakikaa chini na kuchafuka kwa vumbi na kuandikia chini hivyo kushindwa kupata elimu yao kwenye mazingira yasiyo bora.

Alisema serikali ya awamu ya tano chini ya rais John Magufuli ,iliona iweke mkakati madhubuti wa kuchangia madawati na viti na meza katika shule za msingi na sekondari ili kuondoa kero ya upungufu uliokuwepo miaka ya nyuma.

Koka alisema kuwa ni jambo la lazima na sio hiari kwa walimu wakuu kuwa moja ya wakaguzi na wasimamizi wakuu wa madawati hayo ili hata kama yatakuwa yameharibika kidogo yatengenezwe na si kuyaacha hadi yaharibike .

Nae mwakilisha wa mkurugenzi wa halmashauri ya mji wa Kibaha Jennifer Omolo,afisa elimu wa halmashauri ya Mji huo,Maajabu Mkanyemka alisema kabla ya agizo la rais kulikuwa na mahitaji ya madawati 9,162.

Alieleza hadi kufikia June 30 walikuwa tayari wametengeneza na kukarabati madawati 6,979 hivyo kwasasa wana upungufu wa 2,183.

Maajabu alisema hadi sasa madawati yaliyopatikana  ni 2,500 kati ya mapungufu ya 2,183 huku 572 yakiwa yanatengenezwa na mara yatakapokamilika kutakuwa na ziada ya madawati 312 hivyo kutarajia tatizo la madawati kubaki historia mjini hapo.

Alisema katika upande wa shule za sekondari mahitaji ya meza yalikuwa 7,032 vilivyopo ni 6,041 na kubakia na upungufu wa meza 991 huku viti walivyokarabati na kutengeza ni viti 6,099 kukiwa na upungufu wa viti 933 hadi sasa.

TBL Group family day 2016 yafana vilivyo

Mkurugenzi Rasiriamali watu wa TBL Group David Magesa (kushoto) akimkabidhi Mercy Maliwa  zawadi kwa kuibuka mshindi wa shindano la mpango wa AfyaKwanza , wakati wa wa  Siku ya wafanyakazi wa kampuni hiyo (Family Day) iliyofanyika kwenye viunga vya  hoteli ya Fun City Kigamboni jijini Dar es Salaam

 

Baadhi ya wafanyakazi wa TBL Group wakisafishwa   kucha za miguu pamoja na kupakwa rangi kwenye burudani za siku ya familia

 

Wototo wa wafanyakazi walicheza michezo mbalimbali

 

Watoto wakiweza kujibu maswali ya ufahamu na kujishindia zawadi

 

Zoezi la Afya Kwanza lilitekelezwa kwa vitendo

 

Baadhi ya wafanyakazi na família zao wakipata misosi

 

Baadhi ya wafanyakazi na família zao wakipata misosi

 

Wana msondo wakimwaga burudani kwa wafanyakazi wa TBL Group

 

Msanii maarufu wa vichekesho  Joti alikuwepo kumwaga burudani

 

Burudani tele za muziki zilikuwepo

NAIBU WAZIRI MPINA AZITAKA RADIO ZA JAMII KUHAMASISHA USAFI WA MAZINGIRA

 

Naibu Waziri Ofisi ya Makamu wa Rais Muungano na Mazingira Mhe. Luhaga Mpina (katikati) akiangalia samaki katika soko ya wilaya ya Masasi akiwa katika ziara yake ya usafi na ukaguzi wa mazingira mjini Masasi, (kilia) ni Mkuu wa Wilaya ya Masasi Bw. Selemani Mzee.

 

Aliyeinama katikati akikusanya uchafu ni Naibu Waziri Ofisi ya Makamu wa Rais Muungano na Mazingira Mhe. Luhaga Mpina akishiriki katika zoezi la usafi wa mazingira Wilayani Masasi mwishoni mwa wiki.

 

Bw. Benjamini Elias (kulia) Afisa Afya wa Halmashauri ya Mji wa Masasi akitoa taarifa na maelezo ya hali ya usafi  wa soko la mji wa Masasi kwa Naibu Waziri Ofisi ya Makamu wa Rais Muungano na Mazingira Luhaga Mpina (kushoto), wakati wa ukaguzi wa usafi wa mazingira  mjini Masasi. (PICHA NA EVELYN MKOKOI)

……………………………………………………………………………………………

Naibu Waziri Ofisi ya Makamu wa Rais Muungano na Mazingira, Mhe. Luhaga Joelson Mpina (Mb) amezitaka Radio za jamii kuhamasisha usafiri wa mazingira nchini. Naibu  Waziri Mpina ametoa kauli hiyo alipokuwa akishiriki siku ya usafi kitaifa,  mwishoni mwa wiki wilayani Masasi Mkoani Mtwara.

Akitolea Mfano wa Radio Pride FM ya Mjini Mtwara yenye kupatikana katika frequencies 87.8 mjini Mtwara, ambayo imeanzisha kampeni ya usafi katika mkoa wa mtwara na wilaya zake kwa kufanya vipindi vya moja kwa moja na kutembelea wilaya za mkoa huo kufanya usafi wa mazingira kwa vitendo.

Kwa Upande wake Bw. JUma Andrea Manager uzalishaji wa kituo hicho cha Radio, alisema kuwa lengo kubwa la kituo hicho kuhamasiha usafi ni kuunga mkono agizo la Mhe. Rais kwa kuwaweka pamoja wananchi, kuweka muamko na hamasa ili kujenga tabia ya kupenda usafi na kuepukana na magonjwa yatokanayo na uchafu akitolea mfano ugonjwa wa homa ya matumbo na kipindipindu.

Akiongea na Uongozi wa Mkoa wa Mtwara katika majumuisho ya ziara yake Wilayani Masasi, Naibu Waziri Mpina aliwataka viongozi wa mkoa huo kuunda sheria ndogondogo za mazingira zitakazo watoza faini wananchi waharibifu wa mazingira mkoani humo, na kuwachukulia hatua za kisheria kulingana na hali ya wananchi ili waweze kujifunza na kujijengea tabia ya usafi.

“Nimeona kuwa uchomaji moto misitu ovyo hapa kwenu umekithiri, uchomaji moto taka nao siyo njia nzuri ya uondoshwaji wa taka,hiyo kuwe na miondombinu rafiki kwa uondoshwaji wa taka, na kiongozi wa mkoa ambae hatakuwa tayari kushughulikia usafi wa mazingira na yeye awe tayari kushughulikiwa alisisitiza.”

Ziara ya Naibu Waziri Mpina Mkoani Mtwara ni muendelezo wa Ziara zake nchini za ukaguzi wa viwanda na usafi wa mazingira iliyohusisha pia ukaguzi wa machinjio ya mji wa Masasi.

NAIBU WAZIRI WA MALIASILI, ENG. RAMO MAKANI ATEMBELEA MAENEO YA HIFADHI YA MISITU NA WANYAMAPORI YENYE MIGOGORO MBALIMBALI MKOANI TABORA

Naibu Waziri wa Maliasili na Utalii, Eng. Ramo Makani akisaini kitabu cha wageni katika ofisi ya Mkuu wa Mkoa wa Tabora ambapo alifanya ziara ya kikazi ya siku nne na kutembelea maeneo mbalimbali ya hifadhi ya Hifadhi ya Misitu na Wanyamapori yenye migogoro. Maeneo hayo ni Hifadhi ya Msitu wa Wembere (Wilaya ya Igunga), Eneo la Jumuiya ya Hifadhi ya Wanyamapori ya Isawima (Wilaya ya Kaliua), Eneo la Jumuiya ya

Hifadhi ya Wanyamapori ya Ipole (Wilaya ya Skonge),  Msitu wa Hifadhi wa Ipembampazi (Wilaya ya Skonge) na Msitu wa hifadhi wa Ilomero (Wilaya ya Nzega).

 Naibu Waziri wa Maliasili, Eng. Ramo Makani akizungumza na baadhi ya wananchi waliovamia Msitu wa Hifadhi wa Wembere Wilayani Igunga hivi karibuni. Aliwataka wananchi hao kutii sheria za nchi na kusubiri maelekezo ya Serikali ambapo aliwaagiza viongozi wa Halmashauri ya Wilaya Igunga na Mamlaka ya Wanyamapori Tanzania (TAWA) kukusanya taarifa mbalimbali zinazohusu hifadhi hiyo na vijiji jirani ambapo zitatumika kumaliza mgogoro huo.

Naibu Waziri wa Maliasili na Utalii, Eng. Ramo Makani akizungumza na wananchi wa waliovamia Msitu wa Wembere na kuweka makazi, Wilayani Igunga hivi karibuni. Alitoa maelekezo mbali kwa viongozi wa Halmashauri ya Wilaya na Mamlaka ya Wanyamapori Tanzania kwa ajili ya kukabili changamoto zilizopo katika hifadhi hiyo.

Naibu Waziri wa Maliasili na Utalii, Eng. Ramo Makani akizungumza na Viongozi wa Kamati ya Ulinzi na Usalama ya Wilaya ya Igunga pamoja na viongozi wengine kutoka Mamlaka ya Wanyamapori Tanzania (TAWA).

Naibu Waziri wa Maliasili na Utalii, Eng. Ramo Makani (wa pili kushoto) akikagua maeneo ya Hifadhi ya Msitu wa Isawima Wilayani Kaliua hivi karibuni. Hifadhi hiyo ambayo imetengwa na vijiji 11 kwa ajili ya kuanzishwa Jumuiya ya Hifadhi ya Wanyamapori ya Isawima umevamiwa na wananchi kutoka maeneo ya nje ya vijiji hivyo na kuweka makazi, mifugo na kilimo jambo lililoikwamisha jumuiya hiyo kupewa kibali cha kurasimishwa na Wizara ya Maliasili na Utalii. Eng. Makani alitoa maelekezo kwa uongozi wa Wilaya ya Kaliua na Halmashauri kutumia mamlaka ya kisheria
waliyo nayo kuwahamisha wavamizi hao ili jumuiya hiyo iweze kuanzishwa.

Baadhi ya wananchi wa Kijiji cha Mtapenda, Wilayani Kaliua wakiwa kwenye Mkutano wa Hadhara wa Naibu Waziri wa Maliasili, Eng. Ramo Makani.

RAIS DKT. MAGUFULI AZUNGUMZA NA WANANCHI WA NZEGA MKOANI TABORA.

 

Rais wa Jamhuri ya Muungano wa Tanzania Dkt. John Pombe Magufuli akisalimiana na  Askofu Mkuu wa Jimbo Katoliki Mkoani Tabora Mhashamu Paulo Ruzoka  mara baada ya Kuwasili Nzega mkoani Tabora jana kwa ajili ya ziara ya kikazi.

 

Rais wa Jamhuri ya Muungano wa Tanzania Dkt. John Pombe Magufuli akisalimiana na Kaimu Sheikh wa Mkoa wa Tabora Al-Haji Ramadhani Rashid katika viwanja vya  Stendi ya Nzega kabla ya kuhutubia mamia ya wakazi wa Nzega.

 

Rais wa Jamhuri ya Muungano wa Tanzania Dkt. John Pombe Magufuli akihutubia  mamia ya wananchi katika viwanja vya Stendi ya Nzega wa mkoani Tabora jana.

PICHA NA IKULU

Wadau wa Sanaa nchini wahamasishwa kudhamini na kufadhili Mashindano ya Urembo bila ubaguzi.

 

Miss Dar Indian Ocean aliyemaliza muda wake, Camilla John (katikati) akimvisha skafu Mshindi wa Mashindano ya Miss Tanzania Indian Ocean 2016 Jackline Kimambo (kushoto) mara baada ya kuibuka mshindi katika mashindano hayo yaliyofanyika 30 Julai, 2016 katika Ukumbi wa MRC Ulioko Mikocheni jijini Dar es Salaam.

 

Miss Tanzania Indian Ocean 2016 Jackline Kimambo (aliyekaa katikati) akiwa katika picha ya pamoja na warembo wenzie ambaye ni Mshindi wa pili na wa tatu mara baada ya kumalizika kwa mashindano hayo yaliyofanyika 30 Julai, 2016 katika Ukumbi wa MRC Ulioko Mikocheni jijini Dar es Salaam.

 

Kaimu Mkuregenzi Idara ya Maendeleo ya Sanaa Wizara ya Habari, Utamaduni, Sanaa na Michezo, Bw. Francis Songoro (kulia) akimpongeza Miss Tanzania Indian Ocean 2016 Jackline Kimambo kwa kuibuka mshindi wa mashindano hayo baada ya kumalizika kwa mashindano hayo yaliyofanyika 30 Julai, 2016 katika Ukumbi wa MRC Ulioko Mikocheni jijini Dar es Salaam.

 

Miss Tanzania Indian Ocean 2016 Jackline Kimambo akiwa katika picha ya pamoja na baadhi ya washiriki baada ya kumalizika kwa mashindano hayo yaliyofanyika 30 Julai, 2016 katika Ukumbi wa MRC Ulioko Mikocheni jijini Dar es Salaam.

……………………………………………………………………………………………..

Na. Benedict Liwenga-WHUSM.

Wadau wanaojishughulisha na masuala ya Sanaa nchini wamehamishwa kujitokeza kwa wingi katika kusaidia maendeleo ya Sanaa kwa kudhamini na kufadhili mashindano ya urembo bila kubagua.

Kauli hiyo imetolewa leo jijini Dar es Salaam na Kaimu Mkurugenzi Idara ya Maendeleo ya Sanaa Wizara ya Habari, Utamaduni, Sanaa na Michezo, Bw. Francis Songoro wakati alipokuwa akiwasilisha hotuba ya Naibu Waziri wa Wizara hiyo, Mhe. Anastazia Wambura ambaye ndiye alikuwa mgeni rasmi katika Mashindano ya Miss Tanzania Indian Ocean 2016 yaliyofanyika katika Ukumbi wa MRC uliopo Mikocheni jijini hapa.

Akiwasilisha hotuba hiyo, Songoro amesema kwamba kazi inayofanywa na wadau wa sanaa ni hatua ya utekelezaji wa Sera ya Taifa ya Utamaduni ambayo inasisitiza jamii na wakuzaji sanaa kuendeleza ubunifu katika kazi za kiutamaduni.

Ameeleza kuwa, Serikali kupitia Wizara yake inathamini na kuunga mkono juhudi zinazofanywa na wadau hao hasa katika kukuza na kuviendeleza vipaji vya vijana nchini, hivyo amewapongeza wadau hao kwa moyo wao wa kujitoa na kuwataka kuendeleza kwa vitendo Sera ya Taifa ya Utamaduni ya mwaka 1997 katika Sura ya 9 kifungu cha 9:5:8 ambacho kinasisitiza na kuhimiza watu binafsi pamoja na Mashirika kuwekeza rasilimali katika sekta ya utamaduni.

‘’Maonyesho haya ni ishara tosha kuwa sanaa ni kazi, ajira, biashara na burudani, hivyo kipekee nawapongeza sana’’, alisema Songoro.

Aliongeza kuwa, Warembo ambao wameshiriki katika mashindano hayo wanautangaza utalii wa ndani na nje ya nchi na kwa kufanya hivyo wanaiwakilisha vyema Tanzania Duniani katika mashindano ya Miss World na pia kukuza uchumi wa nchi.

Aidha, amewataka warembo ambao hawakubahatika kuibuka washindi katika mashindano hayo kutokata tamaa, bali waitumie fursa hiyo hususani ya elimu waliyoipata wakiwa kambini kwa kuisadia jamii inayowazunguka na kuwa wanawake wa mfano wa kuigwa katika kujitambua na kujiamini.

‘’Mtambue kwamba, siyo wote mtakaoibuka washindi na kuendelea mbele katika mashindano haya, niwaombe wale ambao hamtashinda msivunjike moyo, bali mkaitumie elimu mliyoipata na yale ambayo mmejifunza mkiwa kambini kwa kuisaidia jamii inayowazunguka na muwe wanawake wa mfano wa kuigwa’’, alisema Songoro.

Katika mashindano hayo, Mshindi wa Kwanza aliyeibuka na kunyakua taji hilo ni Jackline Kimambo ambaye alipatikana kati ya tano bora  na kuvikwa taji la Miss Tanzania Indian Ocean 2016 na Mshindi wa pili ni Regina Ndimbo huku wengine waliobaki kwenye tano bora wamepata fursa ya kuingia katika mashindano ya Miss Kinondoni.

Shindano hilo lilihusisha jumla ya washiriki wapatao 20 ambapo mmoja kati yao ndiyo aliyeibuka mshindi na lilidhaminiwa na wadau mbalimbali wakiwemo Mikocheni Resort Centre, Mlimani TV, Channel Ten, Darling, Helmic, Tanzania Breast Cancer Foundation, Magic FM, Jozi Lounge, Kiss Printers pamoja na NTS.

JPM AKOSHWA NA DC WA IGUNGA JOHN MWAIPOPO, AAMURU STENDI YA BASI NA SOKO VIANZE KAZI JUMATATU

 Rais Dkt. John Pombe Joseph Magufuli akimsikiliza Mkuu wa Wilaya ya Igunga Mhe John Mwaipopo akielezea changamoto za Stendi ya Mbasi ya abiria na Soko jipya zinazoikabiri wilaya hiyo wakati wa mkutano wake wa hadhara mjini Igunga leo Jumamosi Julai 30, 2016. Mkuu huyo wa wilaya ambaye ana mwezi mmoja toka aanze kazi alimweleza Rais kwamba kuanza kwa stendi ya basi kunasubiri kibali kutoka SUMATRA na kwamba soko jipya ambalo limeshamalizika kujengwa halitumiki kwa sababu ya mkanganyiko unaohusu badhi ya wafanyabishara kuhodhi sehemu kubwa ya soko jipya na kutolitumia huku wakiendelea kufanya bishara kwenye soko la zamani ambako nako pia wana sehemu za Biashara.

  Rais  Dkt Magufuli akiendelea kumsikiliza Mkuu wa Wilaya ya Igunga Mhe John Mwaipopo wakati akielezea changamoto za Stendi ya Mbasi ya abiria na Soko jipya zinazoikabili wilaya hiyo wakati wa mkutano wake wa hadhara mjini Igunga leo Jumamosi Julai 30, 2016

  Mkuu wa Wilaya ya Igunga Mhe John Mwaipopo akiandika maagizo ya Rais Dkt. Magufuli kuhusiana na  Stendi ya Mbasi ya abiria na Soko ambapo ameamuru huduma hizo zifunguliwe Jumatatu bila kukosa. Rais ameitaka SUMATRA ihakikishe stendi hiyo inaanza kufanya kazi Jumatatu. Pia ameiagiza halmashauri ya wilaya hiyo kuhakikisha wafanyabishara waliohodhi sehemu za biashara bila kuzitumia katika soko jipya wathibitiwe mara moja.

 Wananchi wa Igunga wanalipuka kwa furaha na Mzee huyu anatoa  noti ya shilingi 10,000/- akitaka kumtuza  Rais Dkt Magufuli kwa kuweza kutatua changamoto za Stendi ya mabasi ya abiria na Soko jipya zinazoikabiri wilaya ya Igunga wakati wa mkutano wake wa hadhara mjini Igunga leo Jumamosi Julai 30, 2016

Rais Dkt Magufuli na mkewe Mama Janeth Magufuli wakipokea zawadi ya mchele wa grade One kutoka uongozi wa wilaya ya Igunga  wakati wa mkutano wake wa hadhara mjini Igunga leo Jumamosi Julai 30, 2016

PICHA NA IKULU

SINAI MISSIONS INTERNATIONAL (SMI) YAFANYA MKUTANO WAKE MKUU WA MWAKA KWA MAFANIKIO MAKUBWA

 

Mgeni rasmi kutoka Baraza la Makanisa ya Kipentekoste Tanzania, Bishop Dr Kameta (katikati) akizungumza na wanachama wa Shirika la kidini linalotoa huduma kwa makanisa na mashirika yanayofanya kazi ya kueneza injili ulimwenguni lijulikanalo kama  SINAI MISSIONS INTERNATIONAL(SMI) wakati wa mkutano mkuu wa mwaka uliofanyika jijini Dar es Salaam Lengo  la mkutano huo ilikuwa ni kupeana taarifa za utendaji wa SMI na kila huduma chini ya mwavuli wa SMI. kulia  ni Rais wa shirika hilo Ing.Bishop Piter M.Sanga.na kushoto Katibu Mkuu anaemaliza muda wake Bishop Pite W.Chinyama kutoka Zambia.na Mweka Hazina anayemaliza muda wake Msh Raphael Muhagama kutoka Tanzania.

 

Wajumbe wa Mkutano.

 

Mkutano ukiendelea.

 

Wajumbe wa mkutano mkuu wa mwaka wakifuatilia mada mbalimbali.

 

Viongozi wakimtukuza Mungu kwa wimbo wa pambio wakati wa mkutano mkuu wa mwaka kupeana taarifa za utendaji wa SMI na kila huduma chini ya mwavuli wa SMI.

 

Wajumbe wa mkutano wakimtukuza Mungu kwa wimbo wa pambio.

 

Wajumbe wa mkutano mkuu wakimtukuza Mungu kwa wimbo wa pambio wakati wa mkutano mkuu wa mwaka kupeana taarifa za utendaji wa SMI na kila huduma chini ya mwavuli wa SMI.

 

Mgeni Rasmi kutoka Baraza la Makanisa ya Kipentekoste Bishop Dr Kameta (kushoto), pamoja na Mtafisiri ambaye pia ni Katibu Mkuu wa Shirika la MSI, Bishop Gilibert Biyengo.wakihutubia Mkutano Mkuu wa Mwaka.

 

Mgeni rasmi kutoka Baraza la Makanisa ya Kipentekosite, Bishop Dr Kameta (kushoto) akisaini kitabu cha wageni wakati wa mkutano mkuu wa mwaka wa SINAI MISSIONS INTERNATIONAL(SMI) uliofanyika jijini Dar es Salaam kwaajili ya kupeana taarifa za utendaji wa SMI na kila huduma chini ya mwavuli wa SMI.

PICHA ZOTE NA PHILEMON SOLOMON-FULLSHANGWEBLOG

MAKOCHA TANZANIA WAANZA KUIVA

 

Makocha 20 wa Tanzania wanaofanya kozi ya Leseni A kutoka Shirikisho la Mpira wa Miguu Afrika (CAF), wamemaliza kozi hiyo hatua ya kwanza na kusema, “Tumenolewa na sasa tumeiva vya kutosha,” amesema mmoja wa wanafunzi hao, Wilfred Kidao leo saa Julai 30, 2016 wakati Rais wa Shirikisho la Mpira wa Miguu Tanzania (TFF), Jamal Malinzi.

Kidao amesema japo kozi hiyo ilikuwa hatua ya kwanza ‘Module 1’ kwa sasa wameiva kiasi kwamba watakapomaliza Novemba, mwaka huu wana uhakika wa kupeleka vyeti vyao sehemu yoyote duniani kuomba kazi na kushinda kwa kuwa wameiva vilivyo. Wakufunzi wa kozi hiyo walitokea CAF, Sunday Kayuni na Salum Madadi ambaye ni Mkurugenzi wa Ufundi wa TFF.

Baada ya kusikiliza kauli hiyo ya Kidao, Rais wa TFF Jamal Malinzi moja kwa moja akawasisitiza makocha hao kufanya kazi kwa juhudi na kuwaeleza kuwa hatua waliyofikia ni kubwa kwa kuwa baadhi ya makocha kutoka nje hawana vyeti na kukosa sifa ya kufundisha timu kubwa ikiwamo timu za mataifa ngazi mbalimbali.

Rais Malinzi alitaka makocha hao kuangazia mpira wa miguu kwa wavulana wengi wakiwa wanatokea katika mashindano yanayodhaminiwa na Kampuni ya simu ya Airtel pamoja na soko la wasichana ambalo kwa sasa linashika chati kila kona ya dunia.  

Naye, Makamu wa Rais wa TFF, Wallace Karia alimpongeza Rais Malinzi kwa namna anavyoratibu na kuzikubali kozi mbalimbali za waamuzi na makocha. “Kwa muda mrefu au tuseme kwa miaka mingi hakujafanyika kozi nyingi kama kipindi cha uongozi wako ukisaidiana na mimi pamoja na kamati nzima ya utendaji pamoja na sekretarieti.”

“Fanyeni utafiti ninyi makocha. Utaona kuwa sehemu kubwa nchi za Afrika zimefanikiwa kwa kutumia makocha wazawa. Leo ninyi ni makocha wa ngazi ya juu kabisa hivyo mna uwezo wa kufanya vema na kusaidia timu zetu na timu za taifa,” alisisitiza Karia.

MKWASA AAHIRISHA KAMBI TAIFA STARS

 

Kutokana na maombi ya klabu nyingi za Ligi Kuu ya Vodacom Tanzania Bara kutaka kuandaa wachezaji kwa ajili ya Ligi Kuu msimu unaoanza sasa, umemlazimu Kocha Mkuu timu ya Mpira Tanzania ‘Taifa Stars’, Charles Boniface Mkwasa kuahirisha kambi iliyokuwa ianze Jumatatu Agosti mosi, mwaka huu, imefahamika.

Wachezaji ambao Mkwasa amewaita wanatoka kwenye klabu mbalimbali na ambazo zinaongoza kutoa nyota wengi ni Simba SC, Young Africans SC, Azam FC na Mtibwa Sugar FC.

Hivyo basi, Mkwasa sasa atakuwa anafuatilia mwenendo wa nyota 24 aliowaita kwenye michezo mbalimbali ya kirafiki wa klabu hizo inayofanyika kabla ya kuanza Ligi Kuu Tanzania Bara (Pre-season matches) na michezo ya raundi ya kwanza na pili ya Ligi Kuu kabla ya kukiita tena kikosi hicho kwa ajili ya safari ya kwenda Nigeria.

Taifa Stars ina mchezo na jijini Lagos, Nigeria Septemba 2, 2016 ambao ni wa kukamilisha ratiba katika kundi G baada ya Misri kusonga mbele wakati Chad kujitoa. Wachezaji ambao Mkwasa aliwaita mapema wiki hii ni:

Makipa:

Deogratius Munishi

Aishi Manula

Benny Kakolanya

Mebeki:

Kelvin Yondani

Aggrey Morris

Oscar Joshua

Mohamed Husein ‘Tshabalala’

Juma Abdul

Erasto Nyoni

Viungo:

Himid Mao

Mohamed Ibrahim

Shiza Kichuya

Jonas Mkude

Ibrahim Jeba

Mwinyi Kazimoto

Farid Mussa

Juma Mahadhi

Hassan Kabunda

Washambuliaji:

Simon Msuva

Joseph Mahundi

Jamal Mnyate

Ibrahim Ajib

John Bocco

Jeremia Juma

MWILI WA MAREHEMU JOSEPH SENGA WAWASILI DAR, KUAGWA JUMAPILI VIWANJA VYA SINZA-UZURI

by John Bukuku on July 30, 2016 in JAMII with No comments

Waziri wa Habari, Utamaduni, Sanaa na Michezo, Nape Nnauye, (watatu kushoto), mbunge wa Nsumve Richard Ndasa, (wanne kushoto) nabaadhi ya waaandishi na wapiga picha, wakilitama jeneza lenye mwikli wa hayati Joseph Senga, aliyekuwa Mpiga Picha Mkuu wa gazetila Tanzania Daima, wakati wafanyakazi wa Swissport wakilitoa jeenza hilo kwenye uwanjawa ndege wa Kimataifa wa Julius Nyerere jijini Dar es Salaam, Julai 30, 2016 ulipowasili kutoka nchini India. MarehemuSenga alifariki katikati ya wiki hii nchini India, alikokwenda kwa matibabu. Taarifaza ndugu wa marehemu kuhusu taratibu za mazishi zinasema, Mwili wa marehemu umehifadhiwa kwenye hospitali ya Taifa Muhimbili, ambapo Jumapili asubuhi utapelekwa nyumbani kwake Sinza, kwa ajili ya ibada fupi na kisha utapelekwa viwanja vya Sinza-Uzuri kwa wananchi ndugu jamaa na marafiki kuuuaga. Taarifa hiyo pia inasema, Mwili wa Marehemu utasafirishwa baada ya zoezi la kuuaga Jumapili Julai 31, 2016. (PICHA NA K0-VIS MEDIA/Khalfan Said)

 Ndugu wa karibu akitokwa na machozi baada ya kuona jeneza lililobeba mwili wa marehemu Senga likiwasili

 Waombolezaji wakisubiri mwaili kuwasili kutoka nchini India, kwenye uwanja wa ndege wa Kimataifa wa Julius Nyerere

 Waombolezaji wakibeba jeneza lenye mwili wa marehemu tayari kwa safari ya kutoka uwanjani hapo kuelekea Muhimbili kuhifadhiwa

Othmani Michuzi,(kulia). wa Blog ya Mtaa kwa Mtaa, akimfariji mpiga picha wa Tanzania Daima, Loveness Bernard ambaye alifanya kazi ofisi moja na marehemu Senga

Baadhi ya wapiga picha na waombolezaji wengine wakiondoka baada ya mwili kuwasili

Mbunge wa Nsumve, Richard Ndasa, (kushoto) akimsikiliza aliyekuwa Mhariri Mtendaji wa magazeti ya Serikali, Daily News na Habari Leo, Gabriel Nderumaki wakati wakisubiri mwaili wa marehemu Senga kuwasili

Waziri wa Habari, Utamaduni, Sanaa na Michezo, Nape Nnauye (kulia), akiteta jambona Mhariri Mtendaji wa gazeti la Tanzania Daima, Neville Meena, wakati wakisubiri kuwasili kwa mwili wa marehemu Joseph Senga, aliyekuwa mpiga picha mkuu wa gazeti hilo

Gari lililobeba jeneza lenye mwili wa marehemu Senga, likiwa tayari kuondoka uwanjani hapo

Msafara wa magari ukiwa tayari kuondoka

RAIS DKT. MAGUFULI AENDELEA NA ZIARA YAKE KATIKA WILAYA ZA IGUNGA NA NZEGA MKOANI TABORA

 

Rais wa Jamhuri ya Muungano wa Tanzania Dkt. John Pombe Magufuli akizungumza na mamia ya wakazi wa Igunga mkoani Tabora katika ziara yake ya kikazi katika Mkoa huo wa Tabora.

 

Rais wa Jamhuri ya Muungano wa Tanzania Dkt. John Pombe Magufuli akiwapungia mkono wakazi wa Igunga mkoani Tabora mara baada ya kuwahutubia Wilayani hapo.

 

Rais wa Jamhuri ya Muungano wa Tanzania Dkt. John Pombe Magufuli akiwapungia mkono wakazi wa Igunga mkoani Tabora mara baada ya kuwahutubia Wilayani hapo.

 

 Rais wa Jamhuri ya Muungano wa Tanzania Dkt. John Pombe Magufuli akiwapungia mkono wakazi wa Igunga mkoani Tabora mara baada ya kuwahutubia Wilayani hapo.

 

Rais wa Jamhuri ya Muungano wa Tanzania Dkt. John Pombe Magufuli akiwapungia mkono wakazi wa Igunga mkoani Tabora mara baada ya kuwahutubia Wilayani hapo.

 

Rais wa Jamhuri ya Muungano wa Tanzania Dkt. John Pombe Magufuli akisalimiana na Mwenyekiti wa Kijiji cha Nanga Wilaya ya Igunga Ndugu  Masesa Kishiwa  Makala kutoka Chadema wakati akiwa safarini kuelekea Nzega Mkoani Tabora.

 

Rais wa Jamhuri ya Muungano wa Tanzania Dkt. John Pombe Magufuli akiwasalimia wakazi wa Ziba Wilayani Igunga mkoani Tabora hawaonekani pichani wakati akielekea Nzega Mkoani Tabora.

 

Rais wa Jamhuri ya Muungano wa Tanzania Dkt. John Pombe Magufuli akiwa na wabunge wa Mkoa wa Singida wakati akiwahutubia wakazi wa Misigiri Mkoani Singida wakati akiwa njiani kuelekea Mkoani Tabora.

 

Mke wa Rais Mama Janeth Magufuli akiwasalimia wakazi wa Misigiri Mkoani Singida. PICHA NA IKULU

AfDB YAAHIDI KUENDELEA KUIPIGA JEKI TANZANIA KUKUZA UCHUMI WAKE

 

Waziri wa Fedha na Mipango Mhe. Dkt. Philip Mpango (kulia) akiwa kwenye majadiliano na Makamu wa Rais wa Benki ya Maendeleo ya Afrika (AfDB) Dkt. Frannie Leutier (katikati) na Mwakilishi mkazi wa Benki hiyo Bi. Tonia  Kandiero.

Waziri wa Fedha na Mipango Mhe. Dkt. Philip Mpango akifafanua jambo mbele ya Makamu wa Rais wa Benki ya Maendeleo ya Afrika (AfDB ) Dkt. Frannie Leutier, kulia kwa Dkt. Leutier, ni Mwakilishi mkazi wa Benki hiyo Bi. Tonia  Kandiero na watendaji wa Wizara.

 

Waziri wa Fedha na Mipango Mhe. Dkt. Philip Mpango, akitoa ufafanuzi kuhusu vipaumbele vya Serikali ya awamu ya tano kwa Makamu wa Rais wa Benki ya Maendeleo ya Afrika (AfDB ) Dkt. Frannie Leutier (Hayupo pichani).

Mwakilishi mkazi wa Benki hiyo Bi. Tonia  Kandiero (wa kwanza kushoto) akitoa ufafanuzi kwa Waziri wa Fedha na Mipango Mhe. Dkt. Philip Mpango. Kutoka kushoto kwake ni Makamu wa Rais wa Benki ya Maendeleo ya Afrika (AfDB ) Dkt. Frannie Leutier, Kaimu Mkuu wa Kitengo cha Mawasiliano Serikalini Wizara ya Fedha na Mipango Bw. Benny Mwaipaja (anayeandika)

 

Makamu wa Rais wa Benki ya Maendeleo ya Afrika (AfDB ) Dkt. Frannie Leutier akitoa ufafanuzi wa namna ya kusaidia miradi mbalimbali ya maendeleo ambapo benki hiyo imewekeza Dola za Marekani Bilioni 2 hadi sasa nchini Tanzania.

 

Waziri wa Fedha na Mipango Mhe. Dkt. Philip Mpango akiagana na Mwakilishi mkazi wa Benki hiyo Bi. Tonia  Kandiero.

 

Waziri wa Fedha na Mipango Mhe. Dkt. Philip Mpango akiagana na Makamu wa Rais wa Benki ya Maendeleo ya Afrika (AfDB ) Dkt. Frannie Leutier.

 

Makamu wa Rais wa Benki ya Maendeleo ya Afrika (AfDB ) Dkt. Frannie Leutier akisoma jambo kwenye kompyuta ndogo wakati akieleza jambo kwa Mhe. Waziri wa Fedha na Mipango, Dkt. Philip Mpango, alipomtembelea na kufanya mazungumzo naye ofisini kwake Jijini Dar es salaam.

……………………………………………………………………………………………………

Na Benny Mwaipaja,MoFP

Waziri wa Fedha na Mipango, Mhe. Dkt. Philip Mpango, amekutana na kufanya  mazungumzo na Makamu wa Rais wa Benki ya Maendeleo ya Afrika (AfDB) Dkt. Frannie Leautier, ofisini kwake jijini Dar es Salaam, ambapo ameishukuru Benki hiyo kuwa mojawapo ya mashirika ya kimataifa yanayoisaidia Tanzania katika sekta mbalimbali za maendeleo.

Benki hiyo imewekeza hapa nchini kiasi cha dola Bilioni 2 sawa na zaidi ya shilingi Trilioni  4.4 kama ruzuku na mikopo yenye riba nafuu ili kuendeleza sekta mbalimbali ikiwemo barabara, elimu, kilimo, nishati ya umeme, na viwanda.

Katika mazungumzo hayo Mhe. Dkt. Mpango, ameelezea kufurahishwa kwake na Dira ya AfDB ambayo inafanana na vipaumbele vya serikali, kupitia Mpango wa Pili wa Taifa wa Maendeleo wa miaka mitano ambao umelenga kuifanya Tanzania kuwa nchi ya viwanda ifikapo mwaka 2025.

Dira ya Benki hiyo imejikita katika malengo matano ambayo ni kuwekeza katika nishati ya umeme, uzalishaji wa chakula, kuendeleza viwanda, kuiunganisha Afrika kwa mtandao wa barabara na kuboresha maisha ya watu.  

Mhe. Dkt. Mpango, amesema kuwa uwekezaji katika sekta hizo utasaidia mpango mkubwa wa uboreshaji wa miundombinu kama vile kujenga viwanda kwa kuhusisha sekta ya umma na binafsi-PPP, umeme wa kutosha kuendesha viwanda, barabara ambazo zitaunganisha nchi zote  za Afrika.

“AfDB wametusaidia sana katika ujenzi wa barabara nyingi nchini Tanzania ikiwemo barabara ya kutoka Tanga kwenda Horohoro, ambayo imerahisisha usafiri wa kwenda nchini Kenya.  Barabara nyingine zitajengwa kutoka mpakani Kagera kupitia Kigoma kwenda Katavi, Dodoma hadi Iringa.  Hili ni jambo kubwa” Alisema Dkt. Mpango

Dkt. Mpango amemweleza Makamu huyo wa Rais wa Benki ya Maendeleo ya Afrika-AfDB, Dkt.  Frannie Leautier juu ya mpango wa serikali wa kuimarisha sekta ya usafirishaji ikiwemo kujenga Reli ya Kati kwa kiwango cha Kimataifa (standard gauge) ambapo kiasi cha shilingi Trilioni 16 kinahitajika kukamilisha mradi huo.

Ameeleza kuwa tayari serikali imetenga kiasi cha shilingi Trilioni 1 katika bajeti yake ya mwaka huu 2016/2017 kwaajili ya kuanza kutekeleza mradi huo mkubwa unaohusisha njia ya reli yenye urefu wa kilometa 2,190.

Ameitaja Sekta nyingine ya kipaumbele kuwa ni kilimo kwaajili ya kuzalisha chakula kwa wingi kwaajii ya kutosheleza matumizi ya ndani na ziada yake kuuzwa nje ya nchi huku ikitiliwa mkazo uzalishai wa malighafi zitakazotumika katika viwanda.

Katika mazungumzo hayo Waziri wa Fedha na Mipango alimpongeza Dkt. Leautier, ambaye ni raia wa Tanzania, kwa kupata nafasi ya Makamu wa Rais wa Benki ya Maendeleo ya Afrika AfDB, kuwa ni faraja na kielelezo kizuri kwa akina mama wa Kitanzania kuwa wanaweza.

Kwa upande wa Makamu wa Rais wa AfDB Dkt. Frannie  Leautier Dkt. Leautier, ambaye aliambatana na Mwakilishi mkazi wa Benki hiyo hapa nchini, Bi. Tonia Kandiero, amesema kuwa AfDB imesaidia na itaendelea kusaidia  miradi mingi ya maendeleo hapa nchini ikiwemo ya barabara, elimu, kilimo, afya, sekta ya umeme ili Tanzania iwe na umeme wa kutosha kuendesha viwanda.

“Kwa kufanya hayo uchumi wa nchi utaimarika, vijana watapata ajira, wananchi watakuwa na maisha bora, chakula kitazalishwa cha kutosha na kingine kuuzwa nje ya bara la Afrika, Viwanda vitasaidia sana kiumarisha uchumi wa nchi kwani bila viwanda ni vigumu sana kuendelea” alisema Dkt. Leautier

Ameahidi kuwa Benki yake itaendelea kusaidia kuinua sekta ya kilimo kupitia Benki ya Maendeleo ya Kilimo kwa kutoa mkopo wenye masharti nafuu ili kuwawezesha wakulima wakubwa, wa kati na wadogo kupata fursa ya mikopo hiyo itakayosaidia uzalishaji wa mazao.

Dkt. Leautier amesema kuwa atawasilisha kwenye bodi ya benki hiyo wazo la Tanzania kutaka kupigwa jeki katika ujenzi wa Reli ya Kati kwa kiwango cha kimataifa kwa kuwa mradi huo utakuwa na manufaa makubwa si tu kwa Tanzania, bali kwa nchi zote zinazoizunguka zikiwemo zile ambazo hazina bahari.

“Mradi huo ukikamilika utasaidia pia kunusuru barabara ambazo zimekuwa zikiharibika kutokana na kupitishwa mizigo mingi mizito ambayo ingefaa kusafirishwa kwa njia ya reli ili kuzifanya barabara hizo zidumu muda mrefu” aliongeza

Benki ya Maendeleo ya Afrika AfDB, kupitia mfuko wake wa Maendeleo-African Development Fund (ADF),  imeahidi kutoa kiasi cha Dola Milioni 200, sawa na shilingi 433.6 bln,  kama ruzuku na mkopo wenye masharti nafuu kwenye Mfuko Mkuu wa Bajeti wa serikali katika kipindi cha mwaka wa fedha 2017/2018

Imetolewa

Benny Mwaipaja

Kaimu Mkuu wa Kitengo cha Mawasiliano

Wizara ya Fedha na Mipango

JUMUIYA YA KANGA MATERNITY TRUST YA ZANZIBAR YAFANYA SEMINA KWA WATAFITI WAZALENDO

Daktari bingwa. Tarek Meguid wa wodi ya Wazazi Mnazimmoja Hospitali akitoa tarifa ya pili ya watafiti wazalendo kuhusu wajawazito na watoto katika Semina ya Jumuiya ya Kanga Maternity Trust iliyofanyika Tembo Hotel Mjini Zanzibar.

 

Dkt. wa Maradhi ya Saratani Mnazimmoja Hospital Salama Uledi Mwita akitoa taarifa ya hali yaugonjwa wa Saratani ulivyo sasa Zanzibar katika Semina ya Jumuiya ya Kanga Maternity Trust.

 

Madaktari bingwa wa Hospitali ya Mnazimmoja, (kulia) Dkt. Tarek Meguid na (kushoto) Dkt. Msafiri Marijani wakiwa na Mwenyekiti wa Jumuiya ya Kanga Maternity Trust (KMT) wakatikati Dk. Mohammed Hafidh wakifuatilia uwasilishwaji wa Tafiti za ndani kwa madaktari wazalendo.

 

Dkt. Sanaa S. Said Phisician (Internal medicine) Mnazimmoja Hospital akiuliza swaali kwa watafiti wazalendo (hawapo pichani) katika Semina iliyofanyika Tembo Hotel Mjini Zanzibar.

 

Dkt. Msafiri Marijani akitoa ufafanuzi wa maswali yaliyoulizwa kuhusu ugonjwa wa Saratani (kushoto) Dkt. Salama Uledi Mwita ambae amewasilisha tafiti ya ugonjwa wa Saratani ulivyo Zanzibar.

 

Dkt. Mdhamin wa Kijiji cha Watoto (S.O.S) Zanzibar Abdulla Mohammed Hassan akimkabidhi Certificate Dkt. Natasha Hussein kwa niaba ya Jumuiya ya Kanga Maternity Trust kwa kazi nzuri waliyoifanya.

 

Baadhi ya walikwa katika Semina ya Jumuiya ya Kanga Maternity Trust. Picha na Makame Mshenga /Maelezo Zanzibar.

Naibu Waziri wa Habari afungua mashindano ya Brazuka Kibenki

 

Naibu Waziri Wizara ya Habari, Utamaduni, Sanaa na Michezo Mhe. Anastazia Wambura akikagua timu wa wachezaji wa Diamond Trust Bank (DTB) wakati wa mechi ya ufunguzi wa mashindano ya kibenki maarufu kama brazuka leo Jijini Dar es Salaam. Kushoto ni mratibu wa mashindano hayo kutoka Barclays Bi. Nasikia Berya

 

Mchezaji kutoka timu ya Barclays akijaribu kuzuia mpira kutoka kwa mchezaji wa timu ya DTB wakati wa mechi ya ufunguzi wa mashindano ya kibenki maarufu kama brazuka leo Jijini Dar es Salaam.

 

Naibu Waziri Wizara ya Habari, Utamaduni, Sanaa na Michezo Mhe. Anastazia Wambura akizungumza na wanamichezo kutoka mabenki mbalimbali (hawapo pichani) wakati wa mechi ya ufunguzi wa mashindano ya kibenki maarufu kama brazuka leo Jijini Dar es Salaam.

 

Naibu Waziri Wizara ya Habari, Utamaduni, Sanaa na Michezo Mhe. Anastazia Wambura akimkabidhi naodha wa timu ya DTB ngao ya hisani kwa kuwafunga mabao matatu kwa moja timu ya Barclays wakati wa mechi ya ufunguzi wa mashindano ya kibenki maarufu kama brazuka leo Jijini Dar es Salaam. Kulia ni Afisa Michezo Bw. Rashid Mijuza.

 

Naibu Waziri Wizara ya Habari, Utamaduni, Sanaa na Michezo Mhe. Anastazia Wambura (katikati mwenye koti la bluu) katika picha ya pamoja na wachezaji kutoka Barclays wakati wa mechi ya ufunguzi wa mashindano ya kibenki maarufu kama brazuka leo Jijini Dar es Salaam

 

Waamuzi wa michezo ya Brazuka kibenki katika picha ya pamoja wakati wa mechi ya ufunguzi wa mashindano ya kibenki leo Jijini Dar es Salaam.Picha na Genofeva Matemu – WHUSM

………………………………………………………………………………

Na Lorietha Laurence-WHUSM

Serikali kupitia sera ya Maendeleo ya Michezo inasisitiza wananchi na jamii kwa ujumla kushiriki katika michezo ili kujenga afya, kuunganisha watu toka makundi mbalimbali bila ubaguzi wa kidini, kisiasa, wala kiuchumi.

Hayo yamesemwa na Naibu Waziri wa Habari, Utamaduni, Sanaa na Michezo Mhe. Anastazia Wambura wakati wa ufunguzi  wa mashindano ya Kombe la Kibenki maarufu kama Brazuka katika viwanja vya Gymkhana leo jijini Dar es Salaam.

Mhe. Wambura ameeleza kuwa ni muhimu  kwa wafanyakazi  kujumuika kwa pamoja katika michezo ili kuboresha afya  na kuimarisha uhusiano baina yao.

“Michezo ni kitu kizuri kwani husaidia katika kuimarisha na kulinda afya zetu hivyo ni vyema kila mmoja wetu kushiriki katika michezo ili kuwa nguvu ya kutekeleza majukumu yetu ya kila siku” alisema Mhe. Wambura.

Vilevile alitoa shukrani  kwa wakuu wote wa mabenki kwa ushirikiano wao  wa kuwaleta pamoja wafanyakazi wa benki ili kufahamiana na kuimarisha ushirikiano baina yao .

Kwa upande wake Meneja Masoko wa Benki ya Barclays Bw. Aron Luhanga amesema kuwa dhumuni la mashindano hayo ni kuendeleza mahusiano baina ya benki kwa kufahamiana na kuimarisha afya na fikra zao.

“mashindano haya ni kwa ajili ya kufahamiana na kuimarisha urafiki kwa wafanyakazi wa sekta ya benki kwa kufanya sekta ya kibenki kuwa sehemu bora ya shughuli za kiuchumi nchini” alisema Bw.Luhanga.

Mashindano hayo ya Brazuka kibenki  yanaratibiwa na  benki ya  Barclays na ni mara ya pili kufanyika nchini ambapo mwaka jana benki ya Diamond Trust (DTB) iliibuka mshindi hivyo kushiriki katika  ufunguzi wa michuano hiyo mwaka huu.

Benki zinazoshiriki mashindano hayo ni  18 ikiwemo Benki Kuu ya Tanzania, NMB, Stanbic, KCB, Exim, Citi Benki, Commrcial Bank of Africa (BOA),CRDB, Letshego, Eco Bwnki, Akiba, Diamond Trust Benki, Bank of India, Banc ABC,Azania na Twiga Bancorp.

BABATI WATAKIWA KUJIUNG ANA CHF ILIYOBORESHWA

 

Mkuu wa Mkoa wa Manyara, Dk Joel Bendera akizungumza na wananchi wa Tarafa ya Goroa Wilayani Babati, juu ya kaya zao kujiunga na mfuko wa afya ya jamii iliyoboreshwa (CHF).

 

Wananchi wa Kata ya Duru Tarafa ya Goroa Wilaya ya Babati Mkoani Manyara, wakimsikilimza Mkuu wa Mkoa huo Dk Joel Bendera wakati wakiwaeleza umuhimu wa kujiunga na mfuko wa afya ya jamii iliyoboreshwa.

 

Mkuu wa Wilaya ya Babati Mkoani Manyara, Raymond Mushi akizungumza na viongozi wa Tarafa ya Goroa juu ya mikakati yake ya kuhakikisha jamii inajiunga na CHF iliyoboreshwa.

……………………………………………………………………………….

Na Mwandishi Wetu

MKUU wa Mkoa wa Manyara, Dk Joel Bendera amesema atawachukulia hatua kali viongozi wa ngazi ya Vijiji, Kata, na Tarafa za Wilaya ya Babati, watakaozembea zoezi la kuhamasisha kaya zijiunga na mfuko wa afya ya jamii ulioboreshwa (ICHF).

Dk Bendera aliyasema hayo mbele ya mkuu wa Wilaya hiyo Raymond Mushi, Mkurugenzi mtendaji wa halmashauri ya wilaya hiyo Hamis Malinga, wakati akizungumza na wananchi wa Tarafa ya Goroa, alipotembelea kuhamasisha kaya kujiunga na mfuko huo.

Hata hivyo, amewaagiza viongozi hao kuhakikisha hadi mwezi Desemba mwaka huu kaya 40,642 zinajiunga na mfuko wa afya ya jamii ulioboreshwa (CHF) hivyo kufikia asilimia 50 ya kaya zilizopo kwenye wilaya hiyo.

Mkuu huyo wa mkoa alisema kuwa halmashauri ya wilaya hiyo ya Babati ina kaya 81,284 hivyo viongozi wa wilaya hiyo wahakikishe hadi mwezi Desemba wawe wamefanikisha nusu ya kaya zijiunge na mfuko huo.

“Suala la kupatiwa matibabu pindi mtu akiugua halina mjadala hivyo viongozi wa ngazi tofauti kwenye wilaya hii ya Babati, wanapaswa kufuatilia ili kaya hizo zijiunge na mfuko huo ambao una manufaa kwao,” alisema Dk Bendera.

Alisema viongozi wote wa eneo hilo wanapaswa kuhakikisha jamii inajiunga na mfuko huo kwani ni ukombozi wao kwenye sekta ya afya na siku wakistaafu wananchi watawakumbuka kwa kusababisha mabadiliko ya huduma hizo.

Hata hivyo, Meneja wa mfuko wa Taifa wa bima ya afya nchini (NHIF) mkoani humo, Isaya Shekifu alisema mpango wa CHF ulioboreshwa utawawezesha kila kaya ya watu sita baba, mama na watoto wanne ambao hawajafikisha miaka 18 kupata matibabu kwa gharama ya sh30,000 katika mwaka mzima.

Shekifu alisema bima ya afya ni muhimu kwa sababu siyo kila mtu anapopata ugonjwa ana uwezo wa kugharamia matibabu na nchi zilizoendelea zimefanikiwa kupunguza vifo visivyo na lazima kwa kuhakikisha watu wanajiunga na mfuko.

Kwa upande wake, Mkurugenzi mtendaji wa halmashauri ya wilaya ya Babati Hamis Malinga akizungumza mbele ya Dk Bendera, alisema wamejipanga kikamilifu kuhakikisha kuwa wananchi wa eneo hilo wanajiunga kwa wingi na mfuko huo.

Malinga alisema kupitia timu waliyonayo kuanzia ngazi ya vijiji, kata na tarafa, watatimiza majukumu yao kwa kupeana mrejesho kila mwezi ili kutambua wamefikia hatua gani na wanatarajia hadi mwezi Desemba watafanikisha suala hilo.

TAARIFA YA BUNGE KWA UMMA KUHUSU KAMATI ZA BUNGE

← Older Entries