UCHUMI UKO KIGANJANI - NAIBU WAZIRI KUNDO

Naibu Waziri wa Mawasiliano na Teknolojia ya Habari Mhandisi Kundo Andrea akizungumza na Mhandisi wa TTCL Mikoa ya Iringa na Njombe wakati alipofanya ziara katika Kituo cha Makambako wa Pili kutoka Kushoto ni Naibu Waziri wa Ofisi ya Rais-Tamisemi Dkt.Festo Dugange ambaye aliungana kwa safari ya kwenda jimboni kwake Wanging'ombe.

Diwani wa Viti Maalum wa Halmashauri ya Wanging'ombe akitoa maelezo ya changamoto ya  mawasiliano katika kata ya Itambo wakati Naibu Waziri wa Mawasiliano na Teknolojia ya Habari Mhandisi Kundo Andrea (hayupo pichani. )

Mkuu wa Wilaya ya Wanging'ombe Lautery Kanoni akizungumza kuhusiana na changamoto za Mawasiliano baadhi ya maeneo katika Wilaya hiyo wakati Naibu  Waziri wa Mawasiliano na Teknolojia ya Habari Mhandisi Kundo Andrea alipofanya ziara katika kata ya Itambo .

Naibu Waziri wa Ofisi ya Rais-Tamisemi Dkt.Festo Dugange akizungumza na wananchi wa Itambo kuhusiana na ziara ya Naibu Waziri wa Mawasiliano na Teknolojia ya Habari Mhandisi Kundo Andrea (mwenye miwani) juu ya changamoto ya mawasiliano katika Jimbo la Wanging'ombe.

Naibu Waziri wa Mawasiliano na Teknolojia ya Habari Mhandisi Kundo Andrea akizungumza na wananchi wa Kata ya Imalinyi Jimbo la Wanging'ombe alipofanya ziara kujua changamoto za mawasiliano alipofanya ziara katika kata hiyo.

Wananchi wakisikiliza Naibu Waziri wa Mawasiliano na Teknolojia ya Habari Mhandisi Kundo Andrea Andrea hayupo pichani wakati alipofanya ziara katika Jimbo la Wanging'ombe.

*Serikali kujenga miundombinu ya mawasiliano nchi nzima 

Na Chalila Kibuda,Michuzi Tv - Wanging'ombe

SERIKALI imesema kuwa wananchi kupata mawasiliano ni haki msingi

kutokana mawasiliano hayo yamekuwa njia ya uchumi katika karne ya 21  kwani uchumi huo unakuwa kiganjani kwa kutumia simu.

Hayo ameseyama Naibu Waziri wa Mawasiliano na Teknolojia ya Habari Mhandisi Kundo Andrea wakati wa mikutano tofauti ya wananchi wa Jimbo la Wanging'ombe Wilaya ya Wanging'ombe mkoani Njombe  alipofanya ziara ya kuangalia hali ya mawasiliano katika kata ya Ilembula,Imalinyi pamoja na Itambo.

Kundo amesema kuwa Jimbo hilo Wanging'ombe katika sehemu zenye changamoto za Mawasiliano mikakati imeshaanza kufanyika wa ajili ya kuweka minara.

Amesema Mbunge wa Jimbo hilo na Naibu Waziri wa Ofisi ya Rais-Tamisemi  Dkt.Festo Dugange alimuomba afike katika maeneo yenye changamoto ya mawasiliano ambapo ameyaona na kuahidi kujenga miundombinu hiyo.

Aidha amesema serikali imedhamiria kuwa kila mwananchi anapata mawasiliano kwani ndio njia ya uchumi ambapo unatoka katika barabara na kuingia katika mawasiliano.

"Hatuna sababu itayofanya mawasiliano ya simu yasipatikane kwa wananchi huku tukitambua mawasiliano ndio uchumi wa sasa kwa serikali hii ya awamu ya Tano haiwezi kutokea kushindwa kufikisha mawasiliano"amesema Kundo.

Amesema Rais Dkt.John Pombe Magufuli kuanzisha Wizara ya Mawasiliano na Teknolojia ya Habari ni kutokana na maono ya mbali hivyo wasaidizi wake nikiwemo Naibu Waziri na Waziri lazima tuchape kazi ili dhamira ya Rais itumie kuanzisha Wizara hiyo.

Mbunge wa Jimbo la Wanging'ombe na Naibu Waziri wa Ofisi ya Rais -Dkt. Festo Dungange amesema ujio wa Naibu Waziri wa Mawasiliano na Teknolojia Habari kwake ni neema ya kuweza wananchi wake wapate mawasiliano.

Dkt.Dugange amesema kuwa Jimbo hilo linafursa za kibiashara hivyo kufika kwa mawasiliano ni suluhu kubwa ya kufanya maendeleo hayo kwenda kwa kasi.

Baadhi ya wananchi katika mikutano ya Naibu Waziri wa Mawasiliano na Teknolojia ya Habari Mhandisi Kundo walimuomba kutatua changamoto ya mawasiliano kutimiza dhamira ya kufika katika jimbo hilo.