WAFANYAKAZI NMB MAFINGA WATOA MSAADA

Baadhi ya wafanyakazi wa NMB tawi la Mafinga wakibeba sabuni na vitakasa mikono kwa ajili ya shule za msingia Wambi na Manyalala

Baadhi ya wafanyakazi wa NMB Mafinga wakiwa katika picha ya pamoja

 Meneja NMB tawi la Mafinga, Mary Mpasha akizungumza na wanafunzi na walimu juu ya faida ya kuweka fedha kwenye benki ya NMB

 Baadhi ya wanafunzi wa shule ya Msingi Wambi

Meneja NMB tawi la Mafinga, Mary Mpasha  akimkabidhi moja ya sabuni za kunawa mikono Mkurugenzi wa Mji Mafinga, Saada Mwaruka.

…………………………………………………

NA DENIS MLOWE,MUFINDI

WAFANYAKAZI wa Benki ya NMB tawi la Mafinga wametoa msaada wa sabuni na vitakasa mikono zaidi 100 kwa shule za msingi za Wambi na Nyamalala zilizoko kwenye halmashauri ya

Mji Mafinga  ili waweze kujikinga na maambukizi ya ugonjwa wa homa ya mapafu unaosababishwa na virusi vya corona.

Wafanyakazi hao ambao waliombwa msaada huo na mkurugenzi wa mji wa Mafinga, Saada Mwaruka  na kuamua kuchangishana kama wafanyakazi na kuamua kutoa msaada huo kwa lengo la kuendelea kuwa karibu zaidi na jamii.

Akizungumza wakati wa kukabidhi msaada huo kwa Mkurugenzi wa Halmashauri ya Mji Mafinga, Saada Mwaruka, Meneja wa Benki ya NMB tawi la Mafinga, Mary Mpasha alisema kuwa baada ya kupata maombi ya kuombwa msaada waliamua kuchangishana na kufanikiwa kupata vifaa hivyo kwa ajili ya wanafunzi.

Alisema ku wakati wote wafanyakazi wanaamini katika kugusa na kubadili maisha ya wanajamii, ushiriki wa Wafanyakazi  katika programu za kuisaidia jamii iliwagusa wafanyakazi hao na kuamua kutoa sehemu ya mishahara yao kwa ajili ya kutoa msaada kwa shule hizo.

“elimu ni haki ya msingi na kipengele muhimu cha malengo endelevu ya milenia, tunatambua mchango muhimu wa shule ya msingi hivyo baada ya serikali kuruhusu masomo kuendelea umuhimu mkubwa ni kuwafanya wanafunzi wasome katika mazingira salama Hali iliyotulazimu kuchangishana sehemu ya mishahara na kuwaletea msaada. huu.” Alisema

Aidha Mpasha aliwataka wanafunzi hao kuwa mabalozi wazuri wa benki ya NMB na kutoa wito kwao kuwashawishi wazazi na walezi kuwafungulia akaunti za watoto na masomo kwani zitawasaidia kwa kiasi kikubwa kwenye masomo yao.

Akizungumzia msaada huo mkurugenzi wa Mafinga Mji, Saada Mwaruka aliwapongeza wafanyakazi wa NMB  kwa kuwakumbuka wanafunzi na walimu wa shule hizo kwani utawasaidia kwa kiasi kikubwa kupambana na maambukizi ya virusi vya Corona na kuepuka magonjwa mingine yanayosababishwa na uchafu yakiwemo kuhara.

 “Tunaishukuru wafanyakazi wa NMB Mafinga  kwa kwa msaada huu wa sabuni za kunawa na vitakasa mikono kwani zitatusaidia sana katika kipindi hiki hasa itasaidia pia wanafunzi kuepuka magonjwa mengine ya kuhara, kipindupindu  kusisitiza wanafunzi kutambua matumizi ya kunawa mikono mara kwa mara,” alisema

Mwaruka alisema kuwa mbali na kupewa msaadakutoka kwa wafanyakazi lakini Benki ya NMB pia amekuwa ikiwaunga mkono mara kwa mara na ni msaada mkubwa kwenye jamii ya mkoa wa Iringa na kutoa wito kwa wadau wengine kuendelea kushirikiana katika kusaidia makundi mbalimbali.