MBUNGE KOKA AIKABIDHI JUMUIYA YA WAZAZI MIZINGA KUMI YA NYUKI

Mbunge wa Kibaha Mjini, Slyvestry Koka Akimkabidhi Mwenyekiti wa Umoja wa Wazazi Tanzania Jumuiya ya Chama Cha Mapinduzi (CCM), Edwin Shunda (Kushoto) Mizinga Kumi ya Nyuki Yenye Thamani ya Shilingi Milioni 1.5, Kwa Ajili ya Mradi wa Ufugaji wa Nyuki, Makabidhiano Hayo Yalifanyika katika Ofisi za CCM Kibaha Mjini, Jana. Picha na Ofisi ya Mbunge.

…………………………………………………………………..

NA:MWANDISHI WETU,KIBAHA.
MBUNGE wa Jimbo la Kibaha Mjini, Slyvestry Koka, Amekabidhi Mizinga 10 ya Nyuki Yenye

Thamani ya Shilingi Milioni 1.5 kwa Umoja wa Wazazi Tanzania Jumuiya ya Chama Cha Mapinduzi (CCM) Kibaha Mjini kwa Ajili ya Mradi wa Ufugaji wa Nyuki.

Akizungumza Wakati wa Makabidhiano Hayo, katika Ofisi za CCM Kibaha Mjini, Jana, Mbunge Koka Aliipongeza Jumuiya Hiyo kwa Kupata Mwenyekiti Mwenye Maono Makubwa ya Kuiendeleza Jumuiya Hiyo kwa Kuitafutia Miradi Mbalimbali.

“Niwapongeze Jumuiya ya Wazazi Kibaha Mjini kwa Kupata Mwenyekiti Shunda Ambaye Anajitambua,Mbunifu na Mckarikaji katika Kutaka Kuacha Alama kwa Muda Aliopo Madarakani katika Utawala Wake;

“Ninamfahamu Tangia Akiwa Mwenyekiti wa CCM Tawi la Forest Lililopo Kata ya Kongowe, Mengi Nilishirikiana Nae Tulijenga kwa Pamoja Shule ya Msingi naSekondari ya Mwambisi Lakini Hata Kuifufua Zahanati ya Mwambisi iliyokuwa Haifanyi Kazi kwa Muda Mlefu” Alisema Mbunge Koka.

Aidha Mbunge Koka, Alisema kwa Hamasa ya Maendeleo ya Jumuiya ya Wazazi Imempelekea Yeye Kama Mwakilishi katika Jimbo Hilo la Kibaha Mjini Kutoa Mizinga 10 Kwa Ajili ya Kuchagiza na Kutunisha Mradi wa Ufugaji wa Nyuki Ambao Baada ya Uvunaji wa Asali Utaipatia Jumuiya Hiyo Kipato.

Akizungumza Baada ya Kupokea Mizinga Hiyo, Mwenyekiti wa Umoja wa Wazazi Tanzania Jumuiya ya CCM, Edwin Shunda, Alimshukuru Mbunge Koka kwa Kuipatia Jumuiya Hiyo Mizinga 10 na Kusema Awali Walikuwa na Mizinga 30 kwa Kuongezewa Mizinga 10 Sasa Mizinga imefika 40.

“Kwa Niaba ya Jumuiya ya Wazazi Kibaha Mjini Tunamshukuru Mbunge Koka kwa Kutupatia Mizinga 10 ya Nyuki Tayari Tuna Mizinga 30 Ambayo Tumeshatundika Kwenye Shamba Letu na Hii 10 Jumla 40” Alisema Mwenyekiti Shunda.

Pia Mwenyekiti Shunda Alitumia Nafasi Hiyo Kuwashukuru Meneja wa Kanda wa Wakala wa Misitu Tanzania na Mkurugenzi wa Idara ya Utafiti wa Miti Dawa Kutoka Muhimbili kwa Kuipatia Jumuiya Hiyo ya Wazazi Shamba Ekari 5 na Maji kwa Ajili ya Ufugaji wa Mradi wa Nyuki Utakaozalisha Asali Baada ya Uvunaji na Kuiletea Fedha Jumuiya Hiyo.

Aidha Katibu wa Jumuiya Hiyo Kibaha Mjini, Daima Utanga, Alimshukuru Mbunge Koka kwa Kuipatia Jumuiya Hiyo Mizinga 10 na Ameahidi Atatumia Utashi Wake na Juhudi Kubwa katika Kuhakikisha Mradi Huo Unafanikiwa.