UJENZI WA JENGO LA MAKAO MAKUU YA MASHIRIKA YA POSTA AFRIKA KUANZA RASMI ARUSHA

 Waziri Wa ujenzi ,uchukuzi na Mawasiliano muhandisi Isack Kamwene akimuelekeza mkandarasi eneo LA uwanja lililopo jiji Arusha kwa ajili ya ujenzi Wa jengo LA  makao makuu ya mashirika ya posta Kwa nchi za Afrika ,litakalo gharimu kiasi cha shilingi za kitanzania Bilioni 33 

Waziri Wa ujenzi ,uchukuzi na Mawasiliano muhandisi Isack Kamwene  akimuonyesha mkandarasi  ramani ya jengo hilo LA makao makuu ya mashirika ya posta Afrika ,jengo hilo linatarajiwa kuwa na gorofa 16  na linatarajiwa kukamilika ndani ya mienzi 30

Mkandarasi  Wa kampuni ya Beijing Construction Enginering Group  ,Liang  Li akimueleza Waziri kuwa watakamilisha ujenzi huo Wa jengo LA makao makuu ya mashirika ya posta Afrika kwa wakati (picha na Woinde Shizza,Arusha).

……………..

Na Woinde Shizza  ,Arusha  

Waziri Wa ujenzi ,uchukuzi na mawasiliano  muhandisi  Isack Kamwele  Leo amemkabithi rasmi kiwanja kwa ajili ya ujenzi Wa jengo la makao makuu ya mashirika ya Posta  Afrika mkandarasi Wa kampuni ya Beijing  construction   ,Liang  Li   jengo litakalo jengwa ndani ya jiji LA Arusha na litagharimu kiasi cha shilingi bilioni 30 .

Akizungumza  wakati  Wa kukabidhi eneo hilo   alisema kuwa ujenzi  huo umekuja muda muafaka kwa kipindi cha RaisWa awamu ya Tano kiongozi ambaye anafata nyayo za baba Wa Taifa  mwalimu Julius Nyerere na anaamini kuwa ujenzi huo utakamilika kwa wakati

“Kuna nchi 45 wanachama Wa mashirika ya posta katika nchi  za Afrika 1980 walikaa na kukubaliana makao makuu ya mashirika ya posta yawe hapa Tanzania na  baba Wa Taifa akakubaliana nao na wakapangwa yajengwe Arusha na ndio maana katika  kuathimisha miaka 40  ya mashirika haya tumeamua tuanze kujenga jengo la makao makuu ya mashirika haya ya posta Afrika” alisema Kamwele

Alisema jengo hilo litakuwa na gorofa 16 na adi kumalizika litagharimu kiasi cha shilingi milioni 17 za kitanzania na linatakiwa kujengwa  na kumalizika kwa kipindi cha miezi 30 huku akimtaka mkandarasi Wa jengo hilo kujenga katika ubora unao takiwa na  viwango vya serikali .

Aliwataka wakandarasi hawa kuhakikisha wafanyakazi wao ambao wanatoka nje ya nchi kuja na nyaraka zote za uhamiaji  pamoja na vibali vya kufanyia Kazi hapa nchini.

“Jengo hilo ni makao makuu ya mashirika ya posta Afrika hairuhusiwi mtu yeyote asie husika kuingia katika eneo hili bila kibali kutoka  kwa wahusika ,eneo hili ni LA kimataifa   haitakiwi kuingia bila kibali iwapo MTU atakutwa hatua Kali za kisheria zitachukuliwa juu yake” alibainisha

Kwa upande wake mkurugenzi Mkuu Wa mamlaka ya mawasiliano Tanzania Dk Jones Kilembe alitumia muda huo kushukuru serikali kwa jinsi ilivyoonyesha usimamizi na ufuatiliaji hadi  kufikia hapa tulipofika katika ujenzi wa jengo hilo la makao makuu ya mashirika ya posta Tanzania.

Aliwataka wananchi Wa Arusha kutoa ushirikiano katika maswala ya ulinzi hats ikitokea katika eneo la uchangiaji ,aliongeza kuwa watamsimamia vyema mkandarasi huyu na kuhakikisha anamaliza Kazi kwa muda uliopagwa na ikiwezekana hata kabla ya muda uliopangwa kufika

Naye Mkuu mkoa Wa Arusha Mrisho Gambo ameshukuru Wizara ya uchukuzi,ujenzi na mawasiliano pamoja na mamlaka ya mawasiliano Tanzania (TCRA) kwa kujenga makao makuu ya mashirika ya posts nchi za Afika jijini hapa ambapo alisema kwa nafasi yake atashirikana nao  vyema  katika kutatua vikwazo vyote vilivyopo ndani ya uwezo wake katika nafasi  ya ngazi ya mkoa  ili kuhakikisha mkandarasi anamaliza Kazi kwa wakati.