TET YATUMIA BILIONI 12.6 KUZALISHA VITABU VYA SHULE KWA KUTUMIA MAPATO YA NDANI

Baadhi ya vitabu ambavyo vitasambazwa katika halmashauri hapa nchini kwaajili ya kutumika kufundishia mashuleni.

Mkurugezi Mkuu wa TET Dkt.Aneth Komba akiongea katika hafla ya uzinduzi wa usambazi wa vitabu kwenda kwenye  halmashauri nchini.

Katibu Mkuu wa Wizara ya Elimu,Sayansi na Teknolojia Dkt.Leonard Akwilapo akizindua wa usambazaji wa vitabu kwenye halmashauri hapa nchini.

Katibu Mkuu wa Wizara ya Elimu,Sayansi na Teknolojia Dkt.Leonard Akwilapo akizungumza katika hafla ya uzinduzi wa usambazaji wa vitabu kwenda kwenye halmashauri hapa nchini.

********************************

NA EMMANUEL MBATILO

Taasisi ya Elimu Tanzania TET imetumia  Bilioni 12na milioni 600  kuzalisha vitabu vya shule za awali,msingi na sekondari kwa kutumia mapato ya ndani ikiwa ni muendelezo wa

maboresho ya sera ya elimu bila malipo ilianzishwa na serikali ya awamu ya tano chini ya jemedari Rais Dk.John Maguifuli.

Akizungumza kwenye hafla ya uzinduzi wa usambazaji wa vitabu hivyo kwenda kwenye halmashauri, Mkurugezi Mkuu wa TET Dk.Aneth Komba alisema fedha zilizotumika kuzalisha vitabu hivyo ni jitihada za Rais katika kupandisha hadhi ya sera ya elimu bila malipo kwa kutumia mapato ya ndani.

Dkt.Aneth alisema jumla ya nakala z vitabu vyote vilivyozalishwa ni  2,962,155  na viongozi  ni 224.000 i vya elimu ya sekondari ni 690,000,elimu ya awali  ni vitabu 719,905,elimu ya msingi ni vitabu 500,000 pamoja na vitabu vya muongozo vya walimu ni 400,000.

Alisema  vitabu hivi vikawe ni chachu ya maendeleo katika shule za awali mpaka sekondari ili vikasaidie kutatua changamoto za vitabu walizokuwa nazo katika shule.

Alifafanua kuwa  vitabu hivi vitasambazwa katika mikoa yote 26 ya Tanzania Bara kwa kupitia kwenye halmashauri za mikoa yote husika.

“Naziomba halmashauri zisiviache vitabu kwenye ofisi vikaliwa na panya wanatakiwa kuvisambaza kwenye shule zote kuanzia shule za awali mpaka za sekondari na wahakikishe ni kweli vitabu hivyo vinawafikia wahusika na  kutumiwa na wanafunzi waliokusudiwa”. Alisema Dkt.Aneth

Kwa mujibu wa Mkurugezi Mkuu alisema sekta ya elimu kwa sasa imeimarika kupitia mpango wa elimu bila malipo unasonekana matokeo yake kupitia matokeo ya kidato cha nne ya mwaka huu ambayo ndiyo matokeo ya mwanza ya mpango wa elimu bila malipo ambayo yameongezeka kwa asilimia 80.7 wakati yale ya 2015 yalikuwa ni asilimia 67.

Vile vile alisema kwa sasa shule za kata zinaongoza kufanya vizuri pamoja na wananchi kuzibeza kuwa hazina ubora kupitia vitabu hivyo vikatatue changamoto na kuboresha elimu ya watoto.

Kwa upande wa Katibu Mkuu wa Wizara ya Elimu,Sayansi na Teknolojia Dkt.Leonard Akwilapo alisema serikali ya awamu ya tano chini ya Rais Dk. John Magufuli imeipa kipaumbele sekta ya elimu hivyo wananchi wanatakiwa kumuunga mkono Rais katika jitihada zake za elimu bila malipo.

Dkt.Akwilapo alisema serikali ya awamu ya tano imepokea Dola 90 kwa ajili ya uandishi wa vitabu,kuongeza vifaa vya kufundishia,kutoa mafunzo kwa walimu na kuboresha miundombinu ya shule.

Alisema sekta ya elimu ni sekta muhimu kwa jamii analishukuru jeshi la wananchi wa Tanzania kupitia Mkuu wa Majeshi ya ulinzi nchini, Jenerali Venance Mabeyo  kwa kutoa mchango wao katika kufanikisha zoezi hili la usambazaji wa vitabu  katika mikoa yote ya Tanzania Bara.