TAZAMA JINSI KANGI LUGOLA ALIVYOTINGA TAKUKURU KUHOJIWA

…………………………………………………………………………………………………..

Na.Alex Sonna,Dodoma

ALIYEKUWA Waziri wa Mambo ya ndani ya Nchi, Kangi Lugola leo amefika Makao Makuu ya Ofisi za Taasisi ya Kuzuia na Kupambana na Rushwa (TAKUKURU) kuhojiwa. Kangi amewasili Katika Ofisi jizo zilizopo eneo la Jamhuri jijini Dodoma majira 7:24 asubuhi kwa

ajili ya kuhojiwa ambapo anatarajiwa kutoka 9:30asubuhi.

Kangi ambaye kwa sasa ni Mbunge wa Mwibara (CCM) wenzake watatu ambao ni aliyekuwa Kamishna Jeneral wa Zimamoto na uokoaji, Thobias Andengenye, Aliyekuwa Katibu Mkuu wa Wizara ya Mambo ya Ndani ya Nchi, Jacob Kingu na Naibu Waziri wa Wizara hiyo, Mhandisi Hamad Yusuph Masauni wote watahojiwa leo kwa nyakati tofauti.

Wote wanne wanahojiwa kufuatia agizo la Rais, Dk.John Magufuli kufuatia mkataba ilioingiwa na wizara ya Mambo ya Ndani ya Nchi wa Sh.trilioni 1. “Watu wamekosa uadilifu, hivi karibuni kulikuwa na mkataba mmoja wa ajabu unaotengenezwa Wizara ya Mambo ya Ndani wenye thamani ya zaidi ya Sh1 trilioni.

Mradi huo umesainiwa na kamishna jenerali wa Zimamoto,”alinukuliwa rais Dk.Magufuli katika sehemu ya hotuba yake. Thobias Andengenye, ataingia kuhojiwa majira ya 9:30 asubuhi, Aliyekuwa Katibu Mkuu wa Wizara ya Mambo ya Ndani ya Nchi, Jacob Kingu ataingia kuhojiwa majira ya 2:00, mchana na Naibu Waziri wa Wizara hiyo, Mhandisi Hamad Yusuph Masauni ataingia kuhojiwa majira ya saa 6.00 jioni.