"TUTATOA HUDUMA BORA NA ZENYE VIWANGO MAONESHO YA NANENANE NYAKABINDI": KAIMU MENEJA PSSSF SIMIYU

Mwananchi huyu (watatu kulia), akipatiwa maelezo kuhusu huduma mbalimbali zitolewazo na Mfuko wa Hifadhi ya Jamii kwa Watumishi wa Umma (PSSSF) alipotembelea banda namba 37 la Mfuko huo kwenye maonesho ya Nanenane kitaifa viwanja vya Nyakabindi mkoani Simiyu.

Kaimu Meneja wa PSSSF Mkoa wa Simiyu, Bw.Mawazo Ngeraniza (kulia), akitoa elimu kuhusu Hifadhi ya Jamii kwa wanachama wa PSSSF waliotembeela banda la Mfuko huo kwenye maonesho hayo.

Meneja Uhusiano Mwandamizi wa PSSSF, Bi. Rehema Mkamba akimfafanualia jambo mwanachama wa Mfuko alipotembelea banda la Mfuko huo.

Afisa Uhusiano Mwandamizi wa PSSSF, Bi. Rehema Mkamba akimfafanualia jambo mwanachama wa Mfuko alipotembelea banda la Mfuko huo.

Timu ya PSSSF iliyoweka kambi kwenye banda namba 37 la Mfuko huo mkabala na BoT kwenye viwanja vya Nyakabindi mkoani Simiyu.

NA K-VIS BLOG/Khalfan Said, Simiyu

MFUKO wa Hifadhi ya Jamii kwa Watumishi wa Umma (PSSSF), Mkoa wa Simiyu, umesema utatoa huduma bora na zenye viwango katika kipindi chote cha Maonesho ya... Nanenane yanayofanyika kitaifa kwenye viwanja vya Nyakabindi nje kidogo ya mji wa Bariadi mkoani humo.

Kaimu Meneja wa Mfuko huo Mkoa wa Simiyu, Bw.Mawazo Ngeraniza amesema leo Agosti 2, 2019 kuwa timu ya wafanyakazi wa PSSF imejipanga tayari kutoa huduma hizo kwenye banda namba 37 la PSSSF lililo mkabala na Banda la Benki Kuu ya Tanzania (BoT), na kuwaalika wanachama wote na wananchi kwa ujumla kufika kwenye banda hilo ili kuhudumiwa kwa kasi na viwango.

“Sisi tunaamini kuwa jukwaa hili la maonesho ya nanenae hapa Nyakabindi, limewaleta pamoja wanachama wetu wengi tu, kama ujuavyo Mfuko wetu unawahudumia watumishi wa umma, na hapa kuna watumishi wengi kutoka taasisi za umma wanashiriki katika maonesho haya kutoka sehemu mbalimbali za nchi yeu ni fursa nzuri kwetu kuwahudumia kwa ukaribu na kwa haraka tunachoweza kusema kila wapatapo muda watembelee banda letu nasi tutawahudumia.” Alisema na kufafanua.

Huduma tunazotoa kwenye banda letu ni sawa kabisa na zile zinazotolewa kwenye ofisi zetu zilizoenea mikoa yote ya Tanzania bara ikiwemo Zanzibar, hivyo basi ukifika kwenye banda letu utapata taarifa za Pensheni ya Uzeeni, taarifa za Mafao ya kukosa Ajira, taarifa za Mafao ya Uzazi, taarifa za Dhamana ya Mikopo ya Nyumba, taarifa za Uwekezaji lakini pia wastaafu watapata fursa ya kuhakiki taarifa zao kwani zoezi la uhakiki ni endelevu.” Alifafanua Bw. Ngeraniza.

"Mfuko wa PSSSF umeundwa baada ya kuunganishwa kwa mifuko minne ya Hifadhi ya Jamii ya GEPF, PSPF, LAPF na PPF na kwa sababu hiyo bado ni mpya na wanachama wanahitaji kuelimishwa kuhusu majukumu mapya ya Mfuko huo kwa wanachama ambao ni watumishi wa Umma.", alisema

Maonesho ya Nanenane hapa yamefunguliwa rasmi na Makamu wa Rais wa Jamhuri ya Muunganomwa Tanzania, Mhe. Samia Suluhu Hassan Alhamisi Agosti 1, 2019 na yatafikia kilele Agosti 8, 2019.

Kauli mbiu ya maonesho hayo mwaka huu ni "Kilimo, Ufugaji na Uvuvi kwa ukuaji wa uchumi wa nchi.".