BREAKING NEWS: TUNDU LISSU AVULIWA UBUNGE: SPIKA NDUGAI AMELIAMBIA BUNGE

SPIKA wa bunge Mhe. Job Ndugai ameliambia bunge jijini Dodoma jioni hii ya Juni 28, 2019 kuwa ubunge wa Mbunge wa jimbo la Singida Mashariki, Mhe. Tundu Lissu (pichani) umetenguliwa.

Spika Ndugai amesema hatua hiyo ni baada ya Mhe. Tundu Lissu kuvunja Katiba ya nchi kwa kutowasilisha taarifa za... mali zake kwenye Tume ya Maadili ya Viungozi wa Umma, lakini pia kutohudhuria mikutano ya bunge bila ya kutoa taarifa.

Ni kweli kila mmoja wetu anajua nini kilichomtokea Mhe. Tundu Lissu, ambalo alipelekwa Nairobi kwa matibabu na baadaye kuhamisjhiwa Ulaya kuendelea na matibabu. Hata hivyo kwa muda mrefu Mheshimiwa Tundu Lissu amekuwa akionekana kwenye mijadala mbalimbali akihutubia mikutano na makongamano mablimbali huko Ulaya.

 “Katika mazingira yote mawili ubunge wake unakoma na ataacha kiti chake cha ubunge jimbo la Singida Mashariki, na tayari Ofisi ya Spika imekwishatoa taarifa kwenye Ofisi ya Tume ya Taifa ya Uchaguzi NEC kuhusu suala hilo.