TBL Group Kufikia malengo ya utunzaji Mazingira

Meneja Uboreshaji wa Uzalishaji wa TBL,Charles Nkondola

Wafanyakazi wa TBL Group wamekuwa wakishiriki kampeni mbalimbali za mazingira na kupanda miti

Moja ya Paneli ya kisasa ya umeme wa nishati ya jua katika kiwanda cha TBL Mbeya

Wafanyakazi wa kiwanda cha TBL cha Mwanza wakimimina pumba za mpunga kwenye mtambo unaotumia nishati mbadala zisizo na athari kwa mazingira katika uzalishaji

…………………………………………………………………………

–Kushirikiana na serikali na wadau wengine kukabiliana na changamoto ya upungufu wa maji

-Tayari imeanza kutumia teknolojia zisizochafua hewa wakati wa uzalishaji na kupunguza matumizi ya maji katika uzalishaji

 Kampuni ya TBL Group imeeleza mkakati wake wa kuendelea kutekeleza malengo ya dunia kuhusiana na kutunza mazingira hususani katika maeneo ya kulinda vyanzo vya maji,nishati,uzalishaji unaochafua hewa ,udhibiti na utunzaji taka.Mkakati huu unaenda sambamba na utekelezaji wa moja ya sera ya kampuni ya “Kujenga Dunia Maridhawa” (Better World).

Baadhi ya hatua za kulinda mazingira ambazo kampuni inaendelea kuzitekeleza ni  kutumia teknolojia zisizochafua hewa wakati wa uzalishaji katika viwanda vyake,kushiriki kampeni za kupanda miti na utunzaji wa vyanzo vya maji,kushiriki kampeni za matumizi ya maji kwa umakini,utakatishaji wa maji taka na kuharibu taka ngumu na nyepesi kwa kutumia teknolojia za kisasa ambazo ni rafiki kwa mazingira.

Hivi sasa kampuni inalipa kipaumbele zaidi suala la kushirikiana na serikali, wadau mbalimbali na wananchi kuhakikisha inakabiliana na changamoto ya upungufu wa maji ambayo inatishia kujitokeza   kutokana na mabadiliko ya tabia nchini na  sehemu nyinginezo duniani.

Meneja Uboreshaji na Uzalishaji wa TBL Group,Charles Nkondola, amesema mkakati huu shirikishi wa kukabiliana na changamoto ya upungufu  wa maji ni wa kudumu na uko kwenye sera ya kampuni kwa kuwa moja ya malighafi kubwa katika uzalishaji wa bidhaa zake ni maji.

 “Moja ya sera ya kampuni yetu ni  “Kujenga Dunia Maridhawa” (Better World) ambayo inalenga suala la kulinda mazingira na vyanzo vya maji ,matumizi mazuri ya maji na nishati kwa ajili ya kuepusha madhara mbalimbali kama vile ukame ambao unasababisha upungufu wa chakula na matatizo mengine ya kiafya.Matumizi yetu ya maji tumeyapunguza kutoka hectolita 6 za maji katika miaka ya karibuni hadi hectolita 3.6 kwa kila lita moja ya bia inayozalishwa”.Alisema Nkondola.

Bw.Nkondola alisema TBL Group inaliangalia suala la utunzaji wa mazingira na vyanzo vya maji sio kwa kiwango cha  maslahi ya viwanda vyake kupata malighafi  tu bali kwa jamii nzima ambapo kampuni inafanyia biashara  kwa kuwa sera ya kujenga Dunia Maridhawa inashahabiana  Malengo Endelevu ya Umoja wa Mataifa  (SDGs)  na suala la utunzaji wa mazingira na vyanzo vya maji ni moja ya suala ambalo limepewa umuhimu mkubwa.

Alisema kutokana na dalili za mabadiliko ya hali ya hewa zinazoendelea kujitokeza duniani hivi sasa kuna umuhimu mkubwa wa  kutekeleza kwa vitendo  maazimio yaliyofikiwa na wakuu wa nchi mbalimbali katika mkutano wa Mazingira uliofanyika mjini Paris,nchini Ufaransa  mwaka juzi,ambapo kuhusiana na hali ya hewa moja ya ajenda ilikuwa kuangalia uwezekano wa viwanda kufanya uzalishaji usioathiri mazingira.

Katika utekelezaji wa ajenda hii,Nkondola,alisema TBL Group inaendelea kufanya uwekezaji kwenye matumizi ya teknolojia za kisasa za kufanya uzalishaji bila kuathiri mazingira na tayari imeanza  kufanya uzalishaji kwa kutumia umeme unaotokana na nishati ya jua katika kiwanda chake kilichopo mkoani Mbeya na teknolojia ya kufanya uzalishaji kwa kutumia pumba za mpunga katika kiwanda cha Mwanza.

Alisema matarajio ya matumizi ya teknolojia ya umeme ni kupunguza tani 130 za hewa chafu (Carbon Emmision) kwa mwaka na kampuni inao mkakati kuhakikisha teknolojia hii inasambazwa katika viwanda vyake vyote  vilivyopo nchini  na alitoa ushauri kwa viwanda vingine vilivyopo nchini kuangalia uwezekano wa kufanya uzalishaji kwa kutumia teknolojia rafiki  kwa mazingira.

Alitoa wito kwa watanzania wote kuzingatia suala la utunzaji wa mazingira hususani kupanda miti ,kulinda vyanzo vya maji na kutumia maji kwa umakini.