WADAU WAKATAA MAOMBI YA TANESCO KUONGEZA BEI YA UNIT ZA UMEME

Katibu Mtendaji wa Baraza la watumiaji wa huduma zinazodhibitiwa na EWURA,Mhandisi  Goodluck Mmary

………………………………………………………………………

Na Mahmoud Ahmad Arusha

WADAU wa shirika la Umeme nchini Tanesco mkoa wa Arusha  wamekataa ombi la Tanesco la kutaka kupandisha bei ya umeme kwa asilimia 18.19.na kulitaka shirika hilo lisiwageuze shamba la bibi kwa kulinufaisha kupitia bei ya umeme.

 

Wakichangia katika Kikao hicho kilichofanyika Novemba 16 kwenye ukumbi wa benki kuu,jijini Arusha,Wadau wa TANESCO wamesema kitendo cha kuomba kuongezewa  kiwango cha malipo ya umeme ni kuwakandamiza na kuwaumiza wananchi, pia ni kuwaongezea mzigo wa maisha.

Hivyo Wadau hao wamepinga   vikali hatua ya TANESCO kutaka kupandisha bei ya gharama  za umeme kuanzia mwaka 2017 na kuitaka  TANESCO isiwatwishe  mzigo wa madeni Wadau wake kupitia mkakati wa kuongeza bei za umeme.

 

Wamesema wanashangaa Tanesco kuomba kupandisha bei wakati serikali ilishasema kuwa umeme unazalishwa kwa kutumia gesi hivyo hautapanda lengo ni kumpatia mwananchi unafuu wa maisha sasa iweje Tanesco wanaomba kuongeza bei ya umeme.

 

Kwa upande wake Baraza la Ushauri la Serikali,GCC, limeelezea kutokubaliana na Uamuzi wa Shirika la Umeme Tanzania kuamua kupandisha bei ya Umeme kwa asilimia 18.19 Kuanzia Januari 2017.

 

Mjumbe wa baraza la Ushauri la serikali GCC,Mafutah Bunini, amesema Baraza limeshangazwa na hatua  hiyo ya TANESCO kutaka kupandisha  bei ya umeme wakati Serikali ya awamu ya tano inaweka mkazo na msisitizo  katika kukuza  uchumi kwa kufufua na kujenga Viwanda ambavyo vitategemea zaidi upatikanaji wa umeme wa uhakika katika uendeshaji wa shughuli zake za kazi.

 

Bunini,amesema kuwa kufuatia hatua ya TANESCO kutaka kupandisha bei ya umeme katika kipindi hiki kinaweza kusababisha Wawekezaji katika sekta ya Viwanda kuhofia na baadaye kuhamia nchi nyingine.

 

Katika Kikao hicho Katibu Mtendaji wa Baraza la watumiaji wa huduma zinazodhibitiwa na EWURA,Mhandisi  Goodluck Mmary , ameishauri Serikali kuliunda upya Shirika  hilo ili  liweze kufanya kazi wa tija na ufanisi zaidi katika utoaji wa huduma  ili liweze kukabiliana na changamoto ambazo Shirika hilo linakabiliana nazo

 

Katibu Mtendaji Mhandisi Mmary amesema  katika mipango ya Shirika hilo ni kupuguza gharama  ili liweze kuwafikia zaidi ya asilimia 75 ya Watanzania kuweza kupata huduma za umeme.

 

Baraza lisisitiza kwamba kitendo cha TANESCO kushusha na kupandisha  bei za umeme  katika kipindi kifupi   si sahihi Kiuchumi na hakileti  tija kwa Wananchi na Wafanyabiashara kutokana na kuwepo na bei za umeme zisizotabirika hali ambayo inaweza kuleta athari kubwa katika uendeshaji wa Vianda

 

Mmary,amesema hatua ya TANESCO kutaka kupandisha bei ya umeme  katika kipindi hiki kinaweza kusababisha Wawekezaji katika sekta ya Viwanda kuhofia na baadaye kuhamia nchi nyingine.limesisitiza Baraza  hilo la Ushauri katika Mkutano huo wa Wadau.

 

Baraza lisisitiza kwamba kitendo cha TANESCO kushusha na kupandisha  bei za umeme  katika kipindi kifupi   si sahihi Kiuchumi na hakileti  tija kwa Wananchi na Wafanyabiashara kutokana na kuwepo na bei za umeme zisizotabirika hali ambayo inaweza kuleta athari kubwa katika uendeshaji wa Vianda.

 

Mkurugenzi Mkuu wa EWURA Mhandisi  Felix Ngalmgosi amesema hatua ya TANESCO kuomba kupandisha  bei ya Umeme kutawakwamisha Wawekezaji katika sekta mbalimbali za Uchumi na Viwanda.

 

Mhandisi Ngalmgosi ameeleza katika Kikao hicho cha Wadau kwamba kwa mara ya mwisho TANESCO iliwasisha ombo la kurekebisha  bei za  huduma za umeme February  mwaka huu 2016 ikitaka kupunguza bei hizo kwa asilimia 1.1 kwa mwaka 2016

Aidha Mhandisi Ngalmgosi amefafanua kwamba  Shirika hilo liliahidi kuendelea kupunguza bei za umeme  kwa asilimia 7.9 kuanzia mwaka 2017 hata hivyo EWURA inashangaa kuona TANESCO inaomba kuongeza bei hizo za umeme.

 

Hivyo EWURA inassitiza  kuwa Mamlaka hiyo  inazingatia misingi mikuu  mitano ya udhibiti  kwa TANESCO kuzingatia Uwazi,Uwajibikaji,liwe na maamuzi yanayotabirika,Ushirikishwaji Wadau na kufuata Sheria na taratibu likizingatia gharama halali na halisi za uzalishaji na usambazaji  wa hudum  za umeme likirejea gharama za Uwekezaji.

 

Mkurugenzi Msaidizi wa TANESCO  anayesimamia kitengo cha Uwekezaji Mhandisi Decklan  Paul Mhaiki amesema  kutokana na kupanda kwa gharama za uendeshaji za Shirika  hivi linalazimika kupandisha bei za umeme kwa asilimia 18.19 kutokana  na gharama  za kuzalisha  umeme,kusafirisha na kusambaza umeme

 

Mhandisi Mhaiki amefafanua kuwa  hatua hii imezingatia zaidi gharama za  Uwekezaji kwa ajili ya kupunguza  upotevu wa umeme,gharama za Uwekezaji kwa ajili ya kukidhi mahitaji ya Wateja Wapya,gharama za mtaji  na gharama za uendeshaji na matengenezo.