MNARA HUU WAWEZA KUWA CHANZO CHA MAPATO YA SERIKALI

 Mnara wa Mamlakaya Bandari Tanzania wa kuongozea meli ulioko Magogoni-Ferry jijini Dar es Salaam

NA K-VIS BLOG

WAKATI serikali ya awaamu ya tano imejikita katika kujenga utamaduni wa kujitegemea kupitia kulipa kodi stahiki za serikali, bado kuna vyanzo vingi vya kulipatia taifa letu mapato havijaangaziwa.

Kuna mambo mengi ambayo tunaweza kujifunza kutoka kwa wenzetu, ambayo yamekuwa ni sehemu ya kujiingizia mapato,

Nchini Ujerumani kwenye mji wa Berlin, mwaka 1965-1969 ulijengwa mnara wa TV (Berlin TV Tower- Fernsehturm television) wenye urefu wa mita 368 eneo la shughuli nyingi za kibiashara na stesheni kuu ya reli, Alexanderplatz. Mnara huu pamoja na kufanya shughuli nyingine pia ni kivutio kikubwa cha utalii mjini Berlin, ambapo watu hupanda kwa kutumia lift (elevator),  na kufika kileleni ambako unakuwa kwenye nafasi nzuri ya kuliona jiji la Berlin kwa uzuri kabisa. Na hapaunalipia ili kufika huko.

Ukienda Dubai nakoni hivyo hivyo, kuna jingo refu zaidi kwenye mji huo, ambalo pia watalii hupanda juu kabisa ya jingo hilo kwa malipo, na kujionea mji wa Dubai kwa kutokea juu. Na watu hupishana kwa ajili ya kupata fursa hiyoya “kutakasa macho”.

Hapa kwetu Dar es Salaam, upo mnara mrefu sana pembezoni mwa bandari ya Dar es Salaam eneo la Feri-Magogoni, mnara huu ni mrefu, lakini pia uko kwenye kona nzuri (angle), ambapo unaweza kufanya shughuli zilizokusudiwa yaani kuongoza meli lakini pia ungweza kutumika kama chanzo cha mapato cha Mamlaka yaBandari, kwa kuruhusu wananchi na watu wengine kupanda kwenye kilele cha mnara huo ili kujionea mandhari ya jiji la Dar es Salaam, ambalo kwa hakika linapendeza sana kutokana na maendeleo ya ujenzi wa miundombinu.

Sio Watanzania wengi wanaojua jiji lao la Dar es Salaam likoje, ni wachache sana ambao wanapata fursaya kupanda ndege, na kupita kwenye maeneo jirani na ukanda wa pwani, wanaweza kujionea ni namna gani jiji letu linapendeza.

Ni jukumu letu sisi watanzania kujiuza wenyewe badala ya kusubiri ushauri kutoka nje.

Nakumbuka zamani wakati nikiwa Teenager, yaani kijana barubaru, wakati wa sikukuu, sehemu pekee ambayo vijana wadogo na hata wakubwa wkati mwingine, tulifurika uwanja wa ndege wa Kimataifa wa Julius Nyerere, ili tu tuweze kujionea “midege” ikitua pale. Na wakati huo watuwaliruhusiwa kutembelea eneo hilo kwa juu. Ingawa hapakuwa na malipo yoyote ukiachilia mbali nauli yako ya daladala kukutoa utokako na kukurudisha.

Najua yanaweza kusemwa kuwa sababu za kiusalama maeneo hayo hayataruhusiwa, lakini mbona hao hao wanaotuonya tuwe makini na masuala ya kiusalama wanaruhusuwananchi wao lakini pia na wasiowananchi kutembelea maeneo muhimu ya nchi ili kujifunza na kuona maajabu, mfano ukienda pale Washington DC nchini Marekani, watu huruhusiwa walau kukaribia Ikulu ya nchi hiyo yaani White House, ikiwa ni pamoja na kupiga picha za kumbukumbu.

Sio hapo tu hata pale Capital Hill, kwenye bunge la Marekani, nako watu rukhsa kutembelea na wanalipia ada (fee) kidogo, maana utakuta kuna watu wenye kujua historia ya jingo hilo na hutoa elimu kwa wanaotembelea hapo.

Kwa kufanya hivyo unakuwa sio tu serikali inajiongezea kipato, lakini pia unawapa fursa wananchi kufaidi “kodi’ zao walau kwa kusafisha macho kwa kuotembelea na kuona wenywe badala ya kusubiri picha magazetini/TV na mitandaoni.

Kwa wale wanaojua jingo letu la bunge pale Dodoma, watakubaliana na mimi kuwa, kila aliyepata fursa ya kutembelea jingo lile, basi hupenda kupiga picha kwenye eneo hilo na huwa watu wanafurahia kwelikweli, lakini sio wote wanaruhusiwa kwanza hadi upenye hapo ni mbinde kweli kweli.

Lakini ungewekwa utaratibu wa wazi na wa kawaida kwa watu kutembelea eneo hilo na hata kwa kulipia ingweza kulipatia kipato cha ziada Bunge letu.

Jambo la msingi kama ni hofu ya usalama, yanaweza kuwekwa masharti na wana usalama wakachukuanafasi yaoya kuhakikisha usalama unazingatiwa lakini tusiache mapato yakipita kwa hofu ambayo sidhani kama ipo kwa mazingira ya sasa ambapo kuna kitu inaitwa “Google earth” inayompa uwezo mtu kuona kitu anachokitaka tena akiwa nyumbani kwake au kiganjani kwake.

 Jengo la Bunge la Jamhuri ya Muungano wa Tanzania lililoko Makao Makuu ya Nchi, mjini dodoma

 Mnara wa TV ulioko Alexanderplatz mjini Berlin Ujerumani

 Watalii na wananchi wakitembelea Ikulu ya Marekani, White House

 Watalii na wananchi wakipita kwa nje kwenye jengola bunge la Marekani, (Capital Hill)

 Watalii na wananchi wakipita kwa ndani kwenye jengola bunge la Marekani, (Capital Hill