Thursday, September 29, 2016

UN TO WORK CLOSELY WITH EAC TO PROMOTE PEACE IN EAST AFRICA

EAC Secretary General Amb. Liberat Mfumukeko in talks with H.E. Sahle-Work Zewde, the Director General of the UN Office in Nairobi, who paid him a courtesy call at the EAC Headquarters in Arusha, Tanzania today
EAC Secretary General Amb. Liberat Mfumukeko with H.E. Sahle-Work Zewde, the Director General of the UN Office in Nairobi outside the EAC Headquarters in Arusha, Tanzania today
Director General of the UN Office in Nairobi, H.E. Sahle-Work Zewde, with EAC Secretary General Amb. Liberat Mfumukeko outside the EAC Headquarters. On the left is Ms. Ruphina Mbua Manono, the Political Adviser to the Director General
EAC Secretary General Amb. Liberat Mfumukeko with H.E. Sahle-Work Zewde, the Director General of the UN Office in Nairobi outside the EAC Headquarters in Arusha, Tanzania.

SSRA YAWATOA HOFU WANANCHI KUHUSU MIFUKO YA HIFADHI YA JAMII NCHINI

 Mkurugenzi wa Huduma za Sheria wa Mamlaka ya Usimamizi na Udhibiti wa Sekta ya Mifuko ya Hifadhi ya Jamii (SSRA), Onorius Njole (kushoto), akitoa ufafanuzi mbalimbali kwenye semina ya siku moja ya wanahabari kuhusu mifuko ya jamii Dar es Salaam leo. Kulia ni Mkuu wa Idara ya Uhusiano na Uhamasishaji, SSRA, Sarah Kibonde.
 Mkurugenzi wa Tafiti, Sera na Tathmini wa SSRA, Ansgar Mushi akitoa mada katika warsha hiyo.
Waandishi wa habari wakiwa katika semina hiyo.

MCHUNGAJI DKT.DANIEL KULOLA KURINDIMA KWENYE MKUTANO MKUBWA WA INJILI JIJINI MWANZA.


Kanisa la EAGT Posta “B” Mabatini Jijini Mwanza chini ya Mchungaji Lameck Nkumba, linawakaribisha watu wote kwenye mkutano mkubwa wa injili utakaofanyika katika viwanja vya kanisa hilo vinavyotizamana na geti la polisi Mabatini nyuma ya iliyokuwa Orange Tree Hotel.

Mhubiri wa kitaifa na kimataifa ambaye amehubiri mataifa mbalimbali duniani ikiwemo Marekani, Canada, Uingereza, Ireland, Wales , Scotland, Ujerumani, Dernmark, Swirtzland, Afrika Kusini, DRC Congo na mengine mengi, Dkt.Daniel Moses Kulola (pichani), atahudumu kwenye mkutano huo akishirikiana na wahubiri wengine.

Ni wiki moja yenye miujiza na uponyaji wa nguvu ya Mungu, kuanzia jumapili tarehe 9.10.2016 hadi jumapili tarehe 16.10. 2016 muda ni kuanzia saa 9.00 mchana hadi saa 12 jioni, kila siku.

Waimbaji mbalimbali akiwemo Mwanyamaki kutoka Morogoro, Emannuel Mgogo kutoka Dar es salaam pamoja na kwaya zinatotamba Jijii Mwanza kama vile Havillah Gospel Singers kutoka EAGT Lumala Mpya, na kwaya ya EAGT Posta “B” zitahudumu kwenye mkutano huo.

Ewe baba, mama, kaka, dada, ndugu, jamaa na marafiki, fika kwenye mkutano huo ili ukutane na nguvu ya Mungu ambapo wagonjwa mbalimbali, wenye mapepo, mikosi na waliofungwa na vifungo vya ibirisi watafunguliwa kwa jina la Yesu, bila malipo.

TIGO YAWAKUMBUKA WAHANGA WA TETEMEKO MKOANI KWA KUTOA SARUJI MIFUKO 2424

Mkuu wa Mkoa wa Kagera Meja Jenerali Salum Kijuu(kushoto) akipokea sehemu ya mifuko ya saruji 2424 yenye thamani ya Sh 40 Milioni kutoka kwa Mkurugenzi wa Mtandao wa Tigo kanda ya ziwa Ali Mswanya,kwa ajili ya waathirika wa tetemeko la ardhi mkoani Kagera.
Mkuu wa Mkoa wa Kagera Meja Jenerali Salum Kijuu(kulia) akipeana mkono na Mkurugenzi wa Mtandao wa Tigo kanda ya ziwa Ali Mswanya alipomkabidhi sehemu ya mifuko ya saruji 2424 yenye thamani ya Sh 40 Milioni ,kwa ajili ya waathirika wa tetemeko la ardhi mkoani Kagera,wa pili kulia ni Meneja wa Tigo Mkoani humo Sadock Phares.
Mkurugenzi wa Mtandao wa Tigo kanda ya ziwa Ali Mswanya akizungumza na waanidishi wa habari mkoani Kagera alipomkabidhi Mkuu wa Mkoa wa Kagera Meja Jenerali Salum Kijuu sehemu ya mifuko ya saruji 2424 yenye thamani ya Sh 40 Milioni ,kwa ajili ya waathirika wa tetemeko la ardhi mkoani Kagera

SERIKALI YATENGA BILIONI 100 UKARABATI NA UPANUZI WA VIWANJA VYA NDEGE

Jengo la kiwanja cha ndege cha Nduli cha mkoani Iringa.
SERIKALI ya Awamu ya Tano inayoongozwa na Rais Dk John Magufuli imetenga kiasi cha sh. Bil. 100 katika bajeti ya mwaka 2016/17 kwa ajili ya ukarabati na upanuzi wa viwanja mbalimbali vya ndege nchini.

Rais Dk. Magufuli alisema hayo juzi katika sherehe za uzinduzi wa ndege mbili za Shirika la ndege la Tanzania (ATCL) aina ya Bombardier Dash 8 Q400 zilizonunuliwa na serikali, kwenye Kiwanja cha ndege cha Kimataifa cha Julius Nyerere (JNIA), ambapo viwanja hivyo vitaboreshwa ili kuwezesha ndege hizo kutua bila wasiwasi.

Mhe. Rais akifafanua zaidi, alisema , kiwanja cha ndege cha Nduli kilichopo umbali wa kilometa 13 Kaskazini Mashariki mwa Manispaa ya Iringa, ambacho kipo kwenye kiwango cha lami kitakarabatiwa, ili ndege hizo zitue na kupaa bila tatizo.

Dk. Magufuli alisema, kiwanja cha Nduli Iringa ni kiunganishi kikubwa na JNIA na kitatumika kupeleka watalii wanaokwenda kutembelea mbuga ya wanyama ya Ruaha, wakitokea Mataifa mbalimbali duniani.

Alisema mbali na kiwanja hicho cha Nduli, pia kiwanja cha Musoma kitawekwa lami, ili nacho kiwe moja ya maeneo ndege hiyo itakwenda, na kurahisisha usafiri wa watalii watakaokwenda kwenye mbuga ya wanyama ya Serengeti. Kwa sasa kiwanja cha Musoma kipo katika kiwango cha changarawe na kinatumika kwa ndege mbalimbali kutua na kupaa.

Kwa mujibu wa Meneja wa Kiwanja cha ndege cha Nduli, Bi. Hannah Kibopile, kiwanja hicho kinapokea ndege ndogo zaidi ya saba zenye uwezo wa kubeba abiria 13, na kati ya hizo tatu zipo kwenye ratiba maalum ya kila siku na zilizosalia ni za kukodishwa na nyingine zinakwenda mbuga ya wanyama ya Ruaha.

Bi. Kibopile alisema ndege zinazotua kwenye kiwanja hicho zinatoka Jijini Dar es Salaam, Sumbawanga, Songea na Mbuga ya Ruaha.

Naye Kaimu Meneja wa Musoma, Bi. Faraja Mayugwa amesema kiwanja hicho kinapokea ndege zaidi ya nne kwa siku na nyingi zinakuwa za kukodi zinazopeleka watalii mbugani.

Katika hotuba yake, Rais Magufuli alisema “Hii ndege inaweza kutua katika kiwanja cha aina yeyote; na serikali itaendelea na ukarabati wa viwanja vya ndege vya pembezoni, ili viwe katika kiwango, ambacho ndege hizi zitatua na kuruka bila wasiwasi,”.

Akifafanua zaidi Dk. Magufuli alisema serikali inatarajia kununua ndege nyingine kubwa mbili zenye uwezo wa kubeba abiria 160 na 242, ambazo zitaanzia safari zake kwenye JNIA kwenda sehemu mbalimbali duniani kama China au Marekani moja kwa moja, ikiwa ni lengo la kupata abiria hao, ambao wengi wao watakuwa watalii wanaokuja nchini kutembelea vivutio mbalimbali. Bombardier inauwezo wa kubeba abiria 76.

Naye Waziri wa Wizara ya Ujenzi, Uchukuzi na Mawasiliano, Mhe. Prof Makame Mbarawa awali wakati akimkaribisha Mhe. Rais kuzungumza na wananchi katika ghafla hiyo ya uzinduzi wa ndege, alisema kwa kuanzia ndege hizo zitatua kwenye viwanja 11 vya ndege, ambavyo ni Kiwanja cha Kimataifa cha Julius Nyerere (JNIA), Kilimanjaro (KIA), Zanzibar (AAKIA), Mwanza, Dodoma, Arusha, Bukoba, Kigoma, Tabora, Mbeya na Mtwara. Pia ndege hiyo itakwenda Comoro.

Mhe. Prof. Mbarawa ameiagiza Mamlaka ya Viwanja vya Ndege Tanzania (TAA), kuendelea kufanya upembuzi yakinifu kwa kuangalia viwanja vingine vya ndege, ambavyo ndege hizi zitakwenda. IMETOLEWA NA KITENGO CHA SHERIA NA MAHUSIANO - TAA

THEO WALCOTT AONYESHA MAKALI YAKE NA KUIPA USHINDI ARSENAL

Theo Walcott ameonyesha makali yake kwa kufunga magoli mawili wakati Arsenal ikiibuka na ushindi wa magoli 2-0 dhidi ya Basel katika mchezo wa Ligi ya Mabingwa Ulaya.
Iliwachukua washika mitutu dakika sita kupata goli la kwanza kupitia Walcott akifunga kwa kichwa mpira wa kona uliopigwa na Alexis Sanchez.
Wachezaji hao wawili wa Arsenal walishirikiana tena na kutoa fursa kwa Walcott kufunga goli la pili kwa shuti la chini.
                                            Theo Walcott akifunga goli lake la kwanza kwa kichwa 

GERARD PIQUE ASAIDIA KUIZAMISHA BORUSSIA MONCHENGLADBACH

Gerard Pique ameisaidia Barcelona kuongoza kundi C baada ya kuifungia goli la ushindi katika kipindi cha pili na kufanya matokeo kuwa 2-1 dhidi ya Borussia Monchengladbach.
Timu hiyo ya Ujerumani ilipata goli la kuongoza dhidi ya Barcelona, katika kipindi cha kwanza kupitia kwa Thorgon Hazard.
Barcelona ilirejesha uhai wake baada ya kusawazisha kupitia kwa Arda Turan na kisha baadaye Pique kufunga la pili.
               Thorgon Hazard akipachika goli la kwanza kufungwa katika mchezo huo  
                           Beki Gerard Pique akifunga goli la pili lililoipa ushindi Barcelona

VIJANA WATAKIWA KUFANYA KAZI KWA BIDII ILI KUONDOKANA NA UMASIKINI



Katika kuhakikisha kuwa Tanzania inakuwa nchi yenye maendeleo na iliyo na watu ambao wamefanikiwa kimaisha, vijana nchini wametakiwa kufanya kazi kwa bidii ili kujikomboa na janga la umaskini lakini pia kulisaidia taifa kupata maendeleo.

Hayo yamesemwa na Mkurugenzi Mtendaji wa Kampuni ya HiTech International, Paul Mashauri wakati akizungumza na vijana ambao wanajifunza ujasiriamali na kuwambia ni vyema wakaongeza bidii katika ndoto wanazotamani kuzifikia ambazo pia zitawasaidia kuondokana na umaskini ambao umekithiri nchini.

Alisema ili mtu kufanikiwa kimaisha haitaji zaidi elimu ya darasani bali ni muhusika mwenyewe kujiongeza kwa kufanya kazi kwa bidii katika jambo ambalo anatamani kulifikia na akiwatolea mfano yeye mwenyewe kuwa tangu amalize masomo yake katika Chuo Kikuu cha Dar es Salaam hajawahi kurudi chuoni kuchukua cheti chake lakini amefanikiwa kimaisha.

"Mimi simchukii mtu ila nauchukia umaskini alionao, ukiwa na juhudi katika biashara na kujituma hata Rais Magufuli hatakufikia mshahara watu wanaweza kusema unafanya biashara ya kawaida lakini inakulipa sana, ni wewe tu na juhudi zako unazofanya ili ufanikiwe,

"Maisha hayana formula kuwa kufanikiwa ni lazima uwe na masters ndiyo upate mafanikio, masters ya maisha ni kuwa mtaani maisha yakupige alafu uinuke upambane na uyashinde hapo ndiyo umeyashinda maisha, ukitaka kufanikiwa lazima ufanye kazi kwa bidii hata mimi natumia muda wangu mwingi kujifunza ili nizidi kufanikiwa," alisema Mashauri.

Aidha Mashauri aliwataka vijana hao kutumia fursa ambayo inatolewa na kampuni yake ya kuuza vifaa vya viwandani ya HiTech International kwa kuwapatia mkopo wa mashine watu ambao wanatamani kufanya biashara za aina mbalimbali ili waweze kufanikiwa kama matajiri wengine wakubwa nchini wamevyofanikiwa.

Nae mwendesha mafunzo kwa vijana hao kutoka Shirika la Kazi Duniani (ILO), Benny Mwambela alisema mafunzo hayo yameanzishwa Mkuu wa Wilaya ya Kinondoni na Shirika la Kazi Duniani (ILO) ili kuwasaidia vijana kupata mbinu za jinsi gani wanaweza kufanikiwa kibiashara na baada ya mafunzo hayo, wahitimu watakwenda kutoa elimu kwa vijana wengine.

"Tunafundisha walimu ambao watakwenda kufundisha watu wengine kuhusu ujasiriamali, kuna watu wasiopungua 10,000 wamejiandikisha kujifunza ujasiriamali kwahiyo tunawafundisha watu hawa ili wakawafunze na wengine ili na wao wajue jinsi gani wanaweza kufanya biashara,

"Wanafundishwa jinsi ya kubuni wazo la biashara, kuna wengine wana mawazo ya biashara watafundishwa jinsi ya kuanzisha biashara, na kuna wengine wanafanya biashara wanafundishwa jinsi ya kutanua biashara na watafundishwa kuhusu kuanzisha vikundi na jinsi gani ya kutumia fedha," alisema Mwambela.

MANCHESTER CITY YABANWA NA KULAZIMISHA SARE DHIDI YA CELTIC

Timu ya Celtic imepata pointi yake ya kwanza katika Ligi ya Mabingwa Ulaya baada ya kuweza kutoshana nguvu na Manchester City kwa matokeo ya magoli 3-3 katika mchezo uliochezwa Glasgow.
Wenyeji waliongoza mara mbili katika kipindi cha kwanza, kupitia kwa Moussa Dembele aliyebadilisha muelekeo mpira wa kichwa wa Erik Sviatchenko na Kieran Tierney kusababisha Raheem Sterling kujifunga.
Shambulizi la Fernandinho liliifanya Manchester City kusawazisha na kisha Raheem Sterling alionekana kutulia na kufunga goli la pili, hata hivyo Dembele tena akafunga la tatu kabla ya Nolito kusawazisha.
                                     Moussa Dembele akifunga goli kwa staili ya aina yake 
                                Nolito akifunga goli la tatu lililoifanya City iepuke kipigo

SERENGETI BOYS WATUA CONGO

Baadhi ya wachezaji wa Timu ya Taifa ya Vijana wenye umri wa chini ya miaka 17 - Serengeti Boys, wakiwa Uwanja wa Ndege wa Kimataifa wa Maya Maya mara baada ya kutua leo wakitokea Kigali nchini Rwanda walikopiga kambi kabla ya kuwavaa vijana wenzao wa Congo, Jumapili ya Oktoba 2, 2016 kwenye dimba la Massamba Sebat, Brazzaville. Timu hiyo imefikia Hoteli ya Michael’s iliyopo Barabara ya Nelson Mandela jijini hapa. Kikosi hicho kimetua salama salmin kujindaa kuifumua Congo Jumapili. (Picha na Alfred Lucas wa TFF)
Wakiingia Hotelini.
Makocha wa Timu ya Taifa ya Vijana wenye umri wa chini ya miaka 17 - Serengeti Boys, Muharami Mohammed Sultan maarufu kama Shilton (kushoto) anayewanoa makipa, Kocha Mkuu Bakari Nyundo Shime au Mchawi Mweusi na Mshauri wa Maendeleo ya soka la Vijana, Kim Poulsen wakiwa katika picha ya pamoja baada ya kuwasili Hoteli ya Michael’s iliyopo Barabara ya Nelson Mandela jijini Brazzaville, Congo.

TAREHE YA MWISHO YA UFUNGAJI WA MASHINE ZA KIELEKTRONIKI (EFPP) KWENYE VITUO VYA KUUZA MAFUTA NCHINI

Kufuatia changamoto zilizojitokeza katika zoezi la ufungaji wa mashine za kielektroniki zinazojulikana kama Electronic Fuel Pump Printer (EFPP) kwenye Vituo vya kuuza mafuta ya Petroli, Dizeli na mafuta ya taa na kufuatia agizo la Serikali kuwa wamiliki wa vituo vyote wawe wamefunga mashine hizo ifikapo tarehe 30 Septemba 2016, Wizara ya Fedha na Mipango, Uongozi wa Mamlaka ya Mapato Tanzania (TRA) kwa kushirikiana na Chama cha Wamiliki na

Waendeshaji wa Vituo vya Kuuza Mafuta Nchini (TAPSOA) umekutana na kujadiliana changamoto zilizopo katika zoezi la ufungaji wa mashine za EFPP na kukubaliana yafuatayo;-

a)Serikali imesogeza mbele tarehe ya mwisho ya kufunga mashine za EFPP, ili kutoa nafasi kwa TRA ikishirikiana na TAPSOA kutatua changamoto zilizopo kwa sasa.

b)Wamiliki wa vituo vya kuuza mafuta ambao hawajakamilisha ufungaji wa mashine za EFPP waendelee kutumia mashine za mkono (ETR) mpaka hapo watakapotaarifiwa vinginevyo.

c)TRA inawakumbusha wamiliki wote wa vituo vya kuuza mafuta kuhakikisha kuwa wanatoa stakabadhi za kielektroniki kwa kila mauzo wanayofanya ili kuepuka usumbufu unaoweza kujitokeza ikiwemo adhabu kwa kukaidi agizo hili la kisheria

WAZIRI MKUU ATOA MWEZI MMOJA KWA WATUMISHI WALIOHAMISHIWA KIBITI KURIPOTI KITUONI

WAZIRI MKUU Kassim Majaliwa ametoa mwezi mmoja kwa watumishi waliohamishiwa wilaya mpya ya Kibiti mkoani Pwani kuripoti katika kituo chao cha kazi na watakaoshindwa kutekeleza watakuwa wamejifukuzisha kazi.

Amesema mtumishi yeyote aliyehamishiwa wilaya hiyo ambaye anaishi nje ya Kibiti anatakiwa arudi na kuishi kwenye makao makuu ya wilaya na si vinginevyo.

"Tayari nimemuagiza ndugu Zuberi Samatabu Katibu Tawala wa mkoa wa Pwani kuhakikisha anasimamia watumishi wote wa wilaya hiyo wanaoishi nje ya wilaya hiyo waishi Kibiti na si Ikwiriri," amesema.

Kauli hiyo ya Waziri Mkuu ilifuatia taarifa ya Mkurugenzi Mtendaji wa Halmashauri ya wilaya hiyo Alvera Ndabagoye ambaye alimueleza Waziri Mkuu kuwa ni watumishi wanane pekee kati ya 74 waliopangiwa kufanya kazi kwenye wilaya hiyo wameripoti katika kituo cha kazi

Ili kukabiliana na tatizo la uhaba wa nyumba za watumishi amemuagiza Mkuu wa Mkoa wa Pwani Mhandisi Evarist Ndikilo kuzungumza na watendaji wa mifuko ya hifadhi ya jamii kwenda wilayani huko kuwekeza katika miradi ya ujenzi wa nyumba za watumishi.

Waziri Mkuu ametoa agizo hilo leo (Jumatano, Septemba 28, 2016) wakati akizungumza na watumishi wa wilaya hiyo katika ziara yake ya kukagua shughuli za maendeleo,utendaji wa serikali na kutoa msimamo wa serikali kuhusu utekelezaji wa majukumu yake ya kila siku

Wakati huo huo Waziri Mkuu amewataka madiwani wa halmashauri hiyo wawe wakali katika kusimamia miradi ya maendeleo na kuacha tabia ya kuomba omba kwa wakuu wa idara ili kuepuka kujishushia hadhi zao na kupelekea kuhujumiwa kwa miradi mbalimbali ya jamii

Aidha aliwataka viongozi wa wilaya hiyo kutengeneza mazingira ya kukaribisha wawekezaji na wahakikishe kwamba uwekezaji utakaofanyika hausababishi migogoro ya ardhi kwa wananchi.

Waziri Mkuu amewahamasisha wananchi kuhakikisha wanapeleka watoto shule kwa maana Serikali imebeba mzigo wote wa gharama za ada na uendeshaji wa shule hizo. Alisisitiza kuwa njia pekee na ya haraka kuondoa umaskini ni kusomesha watoto

Katika hatua nyingine Waziri Mkuu ameagiza halmashauri zote nchini kutumia mfumo wa kieletroniki katika ukasanyaji wa mapoto ili kuziba mianya ya uvujaji mapato haswa ya maliasili

IMETOLEWA NA: 
OFISI YA WAZIRI MKUU, JUMATANO

MKUU WA MKOA WA ARUSHA AWAHAIDI NEEMA WASANII WA MKOA WAKE

Mkuu wa mkoa wa Arusha Mrisho Gambo akiongea na wasanii wa mkoa wa Arusha waliouthuria semina ya Ujasiriamali iliyofanyika leo katika viwanja vya shule ya msingi ya Arusha School iliopo jijini hapa
Wasanii wa aina mbalimbali wakiwa wanamsikiliza mkuu wa mkoa wa Arusha Mrisho Gambo kwa makini
at

No comments :

Post a Comment

Subscribe to: Post Comments ( Atom )