Kocha Pep Guardiola ameibuka mshindi
katika mchezo wa Ligi Kuu ya Uingereza dhidi ya kocha rafiki yake wa
zamani Jose Mourinho baada ya Manchester City kupata ushindi wa
magoli 2-1 dhidi ya Manchester United, Old Trafford.
Katika mchezo huo Kevin de Bruyne
alifunga kiufundi goli la kwanza na Kelechi Iheanacho akafunga la
pili baada ya shuti la de Bruyne kugonga mwamba katika mchezo ambao
Manchester City iliutawala katika dakika zote 45 za kwanza.
United ilizinduka kabla ya kipindi
cha mapumziko baada ya kipa Claudio Bravo kujikuta katika harakati za
kuokoa mpira wa adhabu uliomkuta Zlatan Ibrahimovic ambaye
aliisawazishia goli moja Manchester United.
Kevin de Bruyne akimpoteza mahesabu kipa David De Gea
Zlatan Ibrahimovic akiangalia mpira alioupiga ukitinga wavuni
Kocha Joes Mourinho akipeana mkono na kocha Pep Guardiola baada ya mpira kumalizika
KOREA KASKAZINI YADAI KUGUNDUA DAWA INAYOTIBU UKIMWI NA EBOLA
Mamlaka za nchini Korea Kaskazini
zimesema kuwa wanasayansi wake wamefanikiwa kutengeneza dawa ambayo
inauwezo wa kuizuia na kuponya magonjwa kama Ukimwi, Ebola, Mers,
Sars na Saratani.
Shirika la Habari la Korea (KNCNA)
limesema wanasayansi hao wametengeneza dawa hiyo iitwayo Kumdang-2
kutokana na mmea wa ginseng uliopandwa kwa mbolea iliyochanganywa na
madini mbalimbali yakiwemo ya dhahabu na platinum.
Magonjwa kama ya Sars, Ebola na Mers
ambayo yanauhusiano na mfumo wa kinga yanaweza kuponywa kwa urahisi
na sindano ya dawa ya Kumdang-2 ambayo inasemekana inaongeza kinga
imara mno mwilini.
Boksi lenye vichupa vya dawa ya sindano ya Kumdang-2
Kiongozi wa Korea Kaskazini Kim Jong-un akifurahia ugunduzi huo na wanasayansi
JENNIFER LOPEZ AJIFUA MAZOEZI YA UBONDIA KWA AJILI YA FILAMU
Jennifer Lopez ambaye ni maarufu kwa
kuimba na kudansi, ameingia kwenye klabu ya ndondi kujifua ili
kujiweka fiti kimapambano kwa ajili ya kucheza filamu ya shoo ya TV
ya Shades of Blue.
Mrembo Lopezi, 47, ameonekana Jijini
Manhattan kwenye klabu ya ngumi akijifua na kutoka jasho katika
kuuweka mwili wake vizuri ili kuweza kupiga picha za filamu hiyo
akicheza kama bondia.
Jennifer Lopez akisaidiwa kuvalishwa gloves tayari kwa mazoezi ya ndoni
CRISTIANO RONALDO KUSHUKA DIMBANI KWA MARA YA KWANZA LEO TANGU AUMIE FAINALI YA EURO 2016
Cristiano Ronaldo atashuka dimbani
akiwa na Real Madrid kwa mara ya kwanza tangu aumie katika mchezo wa
fainali wa Euro 2016, wakati Madrid ikivaana na Osasuna katika ligi
ya La Liga hii leo.
Mshambuliaji Ronaldo, 31, alikosa
michezo mitatu ya mwanzo ya ligi hiyo yenye ushindani kutokana na
kuwa na jeraha katika goti lake.
KOCHA JAMES SIANG’A AFARIKI DUNIA NYUMBANI KWAO BUNGOMA- KENYA
Mmoja
wa makocha wanaoheshimika sana
Afrika Mashariki, ambaye pia aliwahikuwa mchezaji mkubwa wa soka James
Siang’a amefariki dunia jana huko Bungoma nchini Kenya baada
ya kuugua kwa muda mrefu.
Kwa mujibu wa afisa wa chama cha Kefoca, Bob Oyugi, Siang’a ambaye aliwahi kuchezea Gor
Mahia, Luo Union na timu ya taifa Kenya Harambee Stars kama kipa
amefariki dunia majira ya saa sita usiku wa kuamkia leo.
Mbali na kuichezea Harambe Stars Siang’a pia alikuwa kocha wa Harambee Stara katika mwaka 1999 hadi 2000, kisha kuja Tanzania kuinoa Taifa Stars mwaka 2002. Pia aliwahi kuwa kocha wa klabu za Simba, Moro United na Express ya Uganda.
Mbali na kuichezea Harambe Stars Siang’a pia alikuwa kocha wa Harambee Stara katika mwaka 1999 hadi 2000, kisha kuja Tanzania kuinoa Taifa Stars mwaka 2002. Pia aliwahi kuwa kocha wa klabu za Simba, Moro United na Express ya Uganda.
No comments :
Post a Comment