Monday, August 8, 2016

WAZIRI MKUU AITAKA TRA KUACHA TABIA YA KUWAPANDISHIA WAFANYABIASHARA KODI KIHOLELA



Waziri Mkuu, Kassim Majaliwa akizungumza na viongozi wa mkoa wa Mbeya baada ya kupokea taarifa ya mkoa Agosti 7, 2016 kwenye Ikulu ndogo ya mbeya . Agosti 8, 2016 atakuwa mgeni rasmi katika sherehe za wakulima Nanenane. (Picha na Ofisi ya Wairi Mkuu)

WAZIRI MKUU Kassim Majaliwa imeitaka Mamlaka ya Mapato Tanzania kuimarisha kitengo cha tathmini ili kuweka viwango halali ambavyo havitawagandamiza wafanyabiashara na uwepo uwazi kuhusu viwango stahili vya kodi wanavyotakiwa kulipa.

Waziri Mkuu alitoa agizo hilo jana jioni (Jumapili, Agosti 07, 2016) wakati alipozungumza na viongozi wa mikoa ya Mbeya, Katavi, Songwe, Rukwa, Ruvuma, Iringa na Njombe mara baada ya kuwasili mkoani Mbeya kwa ajili ya kufunga maadhimisho ya maonyesho ya nane nane kwa mikoa ya Kanda ya Nyanda za Juu Kusini yanayofanyika mkoani Mbeya.

‘‘TRA waendelee kukusanya mapato vizuri ila kuna wakusanya kodi wanaotaka kuharibu mkakati wa Serikali kwa kufanya mambo ya hovyo kwa kuwaongezea viwango vikubwa vya kodi kuliko kodi stahili wanavyotakiwa kulipa na kufanya suala hili liwe kama tatizo au adhabu kwao jambo ambalo si sahihi. Naagiza watendaji wa TRA wanaofanya hivyo wasakwe na wachukuliwe hatua“, alisema.

‘‘Wafanyabiashara mnaoonewa kwa chuki binafsi na watendaji wa TRA toeni taarifa ili muweze kufanya biashara zenu kwa uhakika bila ya wasiwasi lengo ni kuwafanya muweze kulipa kodi sahihi kwa mujibu wa sheria“, alisema.

Ili kufanikisha mpango huo Waziri Mkuu amewaagiza wakuu wa mikoa na wilaya kuwasikiliza wafanyabiashara ambao wana malalamiko ya kweli ya kutotendewa haki katika kutozwa kodi kwa sababu mchango kupitia kodi ni kwa ajili ya kuendeleza uchumi wa Taifa.

Katika hatua nyingine ameitaka idara ya Uhamiaji ijikite katika kudhibiti watumishi wasiokuwa waaminifu ambao wamekuwa wakichukua rushwa kutoka kwa wageni wanaotoka nje ya nchi na kuwaingiza nchini bila ya kuwa na vibali maalumu.

‘‘Ni lazima tuhakikishe hakuna uingiaji holela ndani ya nchi na hasa kwa wanaoingia bila vibali maalumu kwani bila ya kudhibiti suala hilo tunaacha mianya ya kuingia watu wasiokuwa na nia njema na Taifa letu. Watu watakaobainika wameingia nchini bila ya vibali wakamatwe na kufikishwa katika vyombo vya sheria,“ alisema.

Alisema kitendo cha mipaka kushindwa kudhibitiwa na kuruhusu uingiaji holela wa watu wasiokuwa na vibali chini kunasababisha Serikali kushindwa kuteleza ipasavyo mipango yake ya kuwahudumia wananchi kulingana na idadi halisi.

Mbali na kuiagiza Idara ya Uhamiaji pia Waziri Mkuu alisema wakuu wa mikoa ya mipakani wana jukumu la ziada la kuhakikisha wanadhibiti mipaka yote na kuhakikisha hakuna watu wanaoingia nchini bila ya kuwa na vibali.

Hata hivyo Waziri Mkuu amewataka wakuu wa mikoa kote nchini kuendelea kuimarisha hali ya ulinzi na usalama katika maeneo yao na kuhakikisha nchi inaendelea kuwa na amani na utulivu ili Watanzania waweze kutekeleza shughuli zao za maendeleo kama walivyojipangia.

“Natambua kuwa wakuu wa mikoa na wakuu wa wilaya ndio wenyeviti wa kamati za ulinzi na usalama katika maeneo yenu, endeleeni kuimarisha hali ya ulinzi na usalama. Nchi hii tunahitaji iwe tulivu na salama na ni wajibu wenu kuhakikisha kwamba lolote linalotokea mnalikabili vilivyo“, alisema.

Awali Mkuu wa Mkoa wa Mbeya Mhe. Makalla alipokuwa akisoma taarifa ya mkoa huo kwa Waziri Mkuu alisema mkoa huo una jumla ya viwanda 1,653 kati yake vikubwa ni tisa, vya kati 19 na vidogo 1,625 na bado wanaendelea kuzisimamia halmashauri kutenga maeneo zaidi kwa ajili ya kuongeza na kupanua viwanda.

Mhe. Makalla alisema katika eneo hilo la viwanda mkoa una kiwanda kimoja cha kusindika nyama cha Tanganyika Pachers kilichopo wilayani Mbeya ambacho hakijawahi kufanya kazi tangu kilipojengwa na kufungwa mitambo mwaka 1975.

Mkuu huyo wa mkoa alisema usimamizi wa kiwanda hicho uko chini ya Masajili wa Hazina na kwamba tayari kuna muwekezaji amepatikana kwa ajili ya kukiendesha hivyo ameiomba Serikali kuharakisha taratibu za mikataba ili kiweze kuanza kufanya kazi.

IMETOLEWA NA:
OFISI YA WAZIRI MKUU,
JUMATATU, AGOSTI 08, 2016.

TIMU YA ARSENAL YAIZAMISHA MANCHESTER CITY KWA MAGOLI 3-2

Alex Iwobi, Theo Walcott pamoja na Chuba Akpom wameizamisha Manchester City kwa magoli 3-2 katika mchezo wa kirafiki wa kujiandaa na msimu mpya wa Ligi Kuu ya Uingereza.

Katika mchezo huo Sergio Aguero aliifanya Manchester City iongoze manamo dakika ya 30 kwa kuachia shuti la karibu kufuatia krosi iliyopigwa na Raheem Sterling. Alex Iwobi alisawazishia Arsenal kwa shuti la kuzungusha lililomshinda kipa Joe Hart.

Arsenal iliongoza tena zikiwa zimebakia dakika 17 mpira kumalizika baada ya Theo Walcott kukimbilia pasi ya Sanchez na kuunyanyua mpira juu ya kipa Hart. Chuba Akpom aliifungia Arsenal goli la tatu, kabla ya Kelechi Iheanacho hajafunga goli la pili la Chelsea.
                                             Alex Iwobi akiifungia Arsenal goli la kusawazisha
                                       Sergio Aguero akiifungia Manchester City goli la kwanza
           Kelechi Iheanacho akiruka juu na kupiga mpira wa kichwa ulioiandikia Manchester City goli la pili

DIEGO COSTA, OSCAR, EDEN HAZARD NA PEDRO WAIZAMISHA WERDER BREMEN

Magoli yaliyofungwa na Diego Costa, Oscar, Eden Hazard na Pedro yameipatia Chelsea ushindi katika mechi ya kujiandaa na msimu mpya dhidi ya Werder Bremen ya Ujerumani, hata hivyo kocha Antonio Conte bado anashida ya ukuta wa timu yake.

Katika mchezo huo Chelsea ilipata magoli mawili ndani ya dakika 10 za mwanzo wa mchezo huo kupitia kwa Hazard na Oscar na kuwafanya waongoze kabla ya Claudio Pizarro kuchomoa goli moja kwa mkwaju wa penati.
Katika kipindi cha pili Diego Costa aliifungia Chelsea goli la tatu na baadaye mchezaji wa Werder Bremen, Lennart Thy alifunga goli la pili, lakini mambo yalizidi kuwa magumu pale Pedro alipofunga goli la nne katika dakika za mwisho.
                     Eden Hazard akiachia shuti lililoandika goli la kwanza kwa Chelsea
                                 Diego Costa akiachia shuti lililoandika goli la tatu la Chelsea
    N'Golo Kante akiwania mpira uliokuwa ukimilikiwa na mchezaji wa Werder Bremen

KOCHA JOSE MOURINHO AANZA KWA KUTWAA NGAO YA HISANI

Kocha Jose Mourinho ameanza vyema akiwa na Manchester United kwa kutwaa kikombe baada ya Zlatan Ibrahimovic kufunga goli la kichwa la dakika za mwisho na kuibuka na ubingwa wa ngao ya hisani katika dimba la Wembley.

Katika mchezo huo ulioishia kwa magoli 2-1 dhidi ya Leicester City, Jesse Lingard ambaye alifunga goli la ushindi katika kombe la FA, wakiwa na kocha Louis van Gaal, alipachika goli la kwanza baada ya kuwatoka mabeki wanne.

Mabingwa watetezi wa Ligi Kuu ya Uingereza Leicester walijibu mapigo baada ya Marouane Fellain kutoa pasi mbovu ya nyuma iliyompa fursa mshambuliaji hatari Jamie Vardy kuchomoka na kuachia shuti lililomshinda kipa David de Gea.

Hata hivyo mchezaji aliyesajiliwa majira ya joto Ibrahimovic, 34, aliizamisha Leicester City zikiwa zimebakia dakika saba tu mpira kumalizika aliporuka juu na kuunganisha kwa kichwa krosi iliyopigwa na Antonio Valencia na kumshinda kipa Kasper Schmeichel.
             Jesse Lingard akiachia shuti lililojaa wavuni na kuandika goli la kwanza
                 Zlatan Ibrahimovic akipiga mpira kwa kichwa ambao ulizaa goli la pili
            Zlatan Ibrahimovic akiangalia mpira alioupiga kwa kichwa ukijaa wavuni

TUNAMSUBIRI WAZIRI MKUU

Selfie!! Waziri wa Katiba na Sheria, Dr Harrson Mwakyembe ( katikati ), Mkuu wa Mkoa Songwe, Mh Chiku Gallawa na Mkuu wa wilaya Iringa, Richard Kasesela wakipiga selfie wakati walipokuwa wakimsubiri Waziri Mkuu, Mh Kassim Majaliwa

STARTIMES YACHANGIA MADAWATI MKOANI MTWARA

1
Naibu Waziri wa Habari, Utamaduni, Sanaa na Michezo, Mh. Bi. Anastazia Wambura (kushoto) pamoja na Makamu wa Rais wa StarTimes Tanzania, Bi. Zuhura Hanif (kulia) wakiwa kwenye baadhi ya madawati yaliyochangiwa na kampuni hiyo ikiwa ni jitihada za kuunga mkono kampeni ya kuchangia madawati nchi nzima iliyoanzishwa na Rais wa Jamhuri ya Muungano wa Tanzania, Mh. Dkt. John Pombe Magufuli. Zoezi hio la uchangiaji wa madawati lilifanyika katika ofisi za Mkuu wa Mkoa wa Mtwara mwishoni mwa wiki hii.
Naibu Waziri wa Habari, Utamaduni, Sanaa na Michezo, Mh. Bi. Anastazia Wambura (kushoto) pamoja na Makamu wa Rais wa StarTimes Tanzania, Bi. Zuhura Hanif (kulia) wakiwa wamekaa kwenye madawati hayo.
Naibu Waziri wa Habari, Utamaduni, Sanaa na Michezo, Mh. Bi. Anastazia Wambura (kulia) , akizungumza wakati wa kupokea madawati hayo. Katikati ni Mkuu wa Wilaya ya Mtwara, Mh. Dkt. Khatib Malimi Kazungu
Makamu wa Rais wa StarTimes Tanzania, Bi. Zuhura Hanif (kushoto), akizungumza wakati wa kukabidhi madawati hayo.

STAMICO YAWATANGAZIA NEEMA WACHIMBAJI WA MADINI TANZANIA

Kaimu Mkurugenzi wa utafiti na Uchimbaji wa Shirika la Madini (STAMICO) Alex Rutagwelela (Katikati) akiongea na waandishi wa Habari (Hawapo pichani) wakati wa maonyesho ya Nane nane Viwanya vya Ngongo – Lindi.

Katika kuhakikisha wachimbaji wadogo wananufaika na kazi zao na kuepuka kuondolewa na wachimbaji wakubwa wameshauriwa kuchukua leseni ndogo za awali za uchimbaji.

Wito huo kwa wachimbaji umetolewa na kaimu mkurugenzi wa utafiti na uchimbaji wa shirika la madini (STAMICO) Alex Rutagwelela alipokuwa anazungumza na waandishi wa habari katika viwanja vya ngongo Manispaa ya Lindi yanapofanyika maonyesho ya nane nane kitaifa.

Rutagwelela alisema wachimbaji wadogo wanatakiwa kuwa na leseni za awali zitakazowafanya wawe na haki kwenye maeneo wanayochimba. hivyo kuwa na uhakika wa kuto ondolewa bila taratibu na wachimbaji wakubwa kwenye maeneo wanayochimba.
STAMICO Nane nane 2016 -2
Wananchi wakisikiliza maelekezo kutoka kwa Maafisa wa STAMICO walipotembelea Banda lao katika Maonyesho ya Nane nane yanayoendelea Mkoani Lindi katika viwanja vya Ngongo.

Aliwahakikishia wanahabari na wananchi shirika hilo linania ya kuwainua wachimbaji wadogo kwa kufanyia tathimini maeneo wanayochimba ili waweze kujua kiasi cha madini na mashapo yaliyopo katika maeneo hayo.

Alisema wachimbaji wanaweza kupata fursa ya mafunzo ili waweze kupata ujuzi wa kuyafahamu mambo ya kijiolojia, vilevile watakuwa na uwezo wa kupata mikopo.

Hata hivyo alitahadharisha kwamba wanaweza kunufaika na fursa hizo ni wachimbaji wenye leseni.
“Wachimbaji wenye leseni nilazima wainuliwe, wengi wao hawana mitaji wanachimba kipindi cha masika kwenye makorongo na kiasi wanachopata ni kidogo sana, kwamfano wilaya ya Ruangwa na mkoa huu unamadini ya aina nyingi na mengi wakiwezeshwa watanufaika,” alisema Rutagwelela.
STAMICO Nane nane 2016 -3
Akibainisha wachimbaji wadogo wanachimba kwa kubahatisha, hivyo shirika hilo lipotayari kuwasaidia kufanya tathimini na kuwaonesha kiasi cha mashapo yaliyopo katika maeneo wanayochimba.

Huku akitoa wito wawe tayari kwa uchangiaji kiasi kidogo cha fedha ambacho ni rafiki kwa wachimbaji wadogo kwa ajili ya gharama ya uendeshaji mitambo wakati wa kuchoronga, ikiwamo mafuta.

Akiongeza kusema STAMICO kwa niaba ya serikali imejipanga kuwasaidia kufikia malengo yao ya kiuchumi na kimaendeleo.

MTATURU: WANANCHI WANATAKIWA KUFUGA KUKU SIO KUISHI NA KUKU

Mkuu wa Wilaya ya Ikungi Miraji Jumanne Mtaturu akikagua kuku waliofungwa kisasa ambapo jogoo mmoja aliyefikisha umri wa mwaka mmoja anauzwa shilingi 20,000.
Mkuu wa Wilaya ya Ikungi Miraji Jumanne Mtaturu akisaini kitabu cha wageni mara baada ya kuwasili katika banda la maonesho ya Nanenane la Halmashauri ya Wilaya ya Ikungi.
Mkuu wa Wilaya ya Ikungi Miraji Jumanne Mtaturu akisikiliza kwa makini maelekezo kutoka kwa Rehema F. Malila kutoka Kijiji cha Unyangwe, Kata ya Iseke ya namna usindikaji unavyofanyika Wilayani humo.
Mkuu wa Wilaya ya Ikungi Miraji Jumanne Mtaturu akipata ufafanuzi kutoka kwa Mratibu wa Mfuko wa Afya ya jamii (CHF) Edward Bulilo Maselo alipotembelea banda la maonesho la Halmashauri ya Wilaya ya Singida juu ya umuhimu wa jamii kujiunga na mfuko huo

MAJALIWA AWASILI MBEYA

Waziri Mkuu, Kassim Majaliwa akisalimiana na Mkuu wa mkoa wa Mbeya, Amos Makalla baada ya kuwasili kwenye uwanja wa ndege wa Songwe, Mbeya Agosti 7, 2016 ambako Agosti 8, 2016 atahitimisha maonyesho ya wakulima Nanenane. (Picha na Ofisi ya Waziri Mkuu)
Waziri Mkuu, Kassim Majaliwa na mkewe Mary wakipokea heshima kutoka kwa Skauti wa Mbeya baada ya kuwasili kwenye uwanja wa Songwe Agosti 7, 2016 ambako Agosti nane atahitimisha maonyesho ya wakulima Nanenane. Kushoto ni Mkuu wa Mkoa wa Mbeya, Amos Makalla. (Picha na Ofisi ya Waziri Mkuu)
 Waziri Mkuu, Kassim Majaliwa na Mkewe Mary wakifurahia ngoma baada ya kuwasili kwenye uwanja wa ndege wa Songwe, Mbeya Agosti 7, 2016 ambako Agosti 8, 2016 Mheshimiwa Majaliwa atahitimisha maonyesho ya wakulima Nanenane. Kushoto ni Mkuu wa Mkoa wa Mbeya Amos Makla. (Picha na Ofisi ya Waziri Mkuu)

PAUL POGBA ARUHUSIWA NA JUVE KWENDA KUFANYA VIPIMO MAN UTD

Paul Pogba amepewa ruhusu na klabu yake ya Juventus kufanyiwa vipimo vya afya yake katika klabu ya Manchester United.

Kiungo huyo wa Ufaransa mwenye miaka 23, amekuwa akihusishwa na uhamisho wa rekodi ya paundi milioni 100 ili kurejea Old Trafford, baada ya kuondoka mwaka 2012 kwenda Juve.

Ijumaa, Kocha ya Manchester United, Jose Mourinho alisema anataka makubaliano ya kumnasa kiungo huyo yafikiwe ifikapo Agosti 14, wakati watakapocheza na Bournemouth.

MVUA YA GHARIKA YASABABISHA VIFO VYA WATU 20 NCHINI MACEDONIA

Watu wapatao 20 wamekufa kufuatia mvua ya gharika katika Jiji Kuu la Skopje nchini Macedonia iliyosababisha mafuriko.

Miili ya watu waliokufa imepatikana leo majira ya saa 8:30 asubuhi maafisa wa nchi hiyo wamesema na kuongeza kuwa watu sita hawajulikani walipo.

Baadhi ya waathirika walikufa maji wakiwa ndani ya magari yao. Mafuriko hayo pia yamesomba lami katika baadhi ya barabara za Jiji hilo pamoja na magari.
                       Watu wakikatiza kwenye maji yaliyotokana na mvua hiyo kubwa
                       Magari yaliyosombwa na maji ya mafuriko yakiwa yamepandiana

MAKAMU WA RAIS MHE. SAMIA SULUHU HASSAN AWASILI LINDI

Makamu wa Rais Mhe. Samia Suluhu Hassan akitambulisha viongozi waliompokea Mkuu wa Mkoa wa Lindi Godfrey Zambi
       Makamu wa rais Mhe. Samia Suluhu Hassan akivishwa skafu na kijana wa CCM
   Makamu wa rais Mhe. Samia Suluhu Hassan akijaza kitabu cha majina ya wageni

Na. Emmanuel Amas 

Makamu wa Rais wa Jamhuri ya Muungano wa Tanzania Mhe. Samia Suluhu Hassan amewasili mjini Lindi mchana huu akitokea mkoa wa Dar es Salaam kwa njia ya barabara ambapo hapo kesho anatarajiwa kuwa mgeni rasmi katika kilele cha Sikukuu ya Wakulima Nanenane kitaifa kwenye viwanja wa Ngongo katika Manispaa ya Lindi.

Makamu wa Rais Samia Suluhu Hassan anatarajiwa kufunga maonyesho hayo ya Nane nane hapo kesho kwa niaba ya Rais wa Jamhuri ya Muungano wa Tanzania Dakta John Pombe Magufuli.

Alipowasili ikulu ndogo mjini Lindi Makamu wa Rais Samia Suluhu Hassan amepokelewa na Mkuu wa mkoa wa LINDI Godfrey Zambi pamoja na Viongozi mbalimbali wa Serikali na wa vyama vya siasa.

Katika Msafara wake, Makamu wa Rais ameambatana na Waziri wa Kilimo, Maliasili na Uvuvi wa Zanzibar Mhe. Hamad Rashid.

MAJALIWA USO KWA USO NA ASKOFU GWAJIMA

Naibu Katibu Mkuu wa Wizara ya Sheria na Katiba, Amon Mpanju akilishwa keki na mkewe , Analises katika tafrija ya harusi yao iliyofanyika kwenye ukumbi wa Jeshi Lugalo jijini Dar es salaam Agosti 6, 2016. Waziri Mkuu, Kassim Majaliwa na mkewe Mary walihudhuria katika tafrija hiyo (Picha na Ofisiya Waziri Mkuu)
Naibu Katibu Mkuu wa Wizara ya Sheria na Katiba, Amon Mpanju akimlisha keki mkewe , Analises katika tafrija ya harusi yao iliyofanyika kwenye ukumbi wa Jeshi Lugalo jijini Dar es salaam Agosti 6, 2016. Waziri Mkuu, Kassim Majaliwa na mkewe Mary Walihudhuria katika tafrija hiyo. (Picha na Ofisiya Waziri Mkuu)
Waziri Mkuu, Kassim Majaliwa akisalimiana na Askofu Josephat Gwajima wa Kanisa la Uzima na Ufufuo katika hafla ya harusi ya Naibu Waziri wa Sheria na Katiba Amon Mpanju na mkewe Analises iliyofanyiak kwenye ukumbi wa jeshi wa Lugalo jijini Dar es salaam Agosti 6, 2016. (Picha na Ofisi ya Waziri Mkuu)

MATARUMA YA KIWANDA CHA KONGOLO CHA TAZARA-MBEYA KUJENGA RELI YA KISASA

Waziri wa Ujenzi, Uchukuzi na Mawasiliano Profesa Makame Mbarawa(Kushoto) akitoa maelekezo kwa Afisa Mfawidhi Kutoka Mamlaka ya Udhibiti Usafiri wa Nchi Kavu na Majini (SUMATRA) Bw.Denis Daudi, wakati alipokagua huduma za mabasi katika kituo cha nane nane Mkoani Mbeya.
Waziri wa Ujenzi, Uchukuzi na Mawasiliano Profesa Makame Mbarawa (wa pili Kushoto), akikagua moja ya kifaa kinachotumika kwenye Reli wakati alipotembelea kiwanda cha Mamlaka ya Reli ya Tanzania na Zambia(TAZARA), Kongoro Qwarre kilichopo Mkoani Mbeya.
Waziri wa Ujenzi, Uchukuzi na Mawasiliano Profesa Makame Mbarawa (wa tatu kushoto) akikata moja ya kifaa kinachotumika kujengea reli wakati alipotembelea kiwanda cha Mamlaka ya Reli ya Tanzania na Zambia, Kongoro Qwarre kilichopo Mkoani Mbeya.

WANANCHI WAZIDI KUFURAHIA MAONESHO YA NANENANE KANDA YA KASKAZINI

Mmoja wa wananchi waliotembelea maonesho ya Kilimo na Mifugo ya Nanenane Kanda ya Kaskazini yanayofanyika kwenye uwanja wa Taso Themi akipata maelezo kwenye banda la kampuni ya Simba Cement
Meneja Mauzo wa Simba Cement mkoa wa Arusha,Christopher Mgonja(kulia)akimkabidhi mmoja wa wananchi waliotembelea banda hilo,Thomas Mollel kofia na tisheti .
Bwana Shamba wa kampuni ya mbegu ya Seed Co,Lukinga Miho akizungumzia kampuni hiyo kuanza kuzalisha mbegu za mbogamboga ambazo zina soko kubwa ndani na nje ya nchi.

LIVERPOOL YAICHAKAZA BARCELONA KWA MAGOLI MANNE KWA UBUYU

Timu ya Liverpool ya Uingereza imeichakaza Barcelona kwa magoli 4-0 katika mchezo wa kombe la Kimataifa la Mabigwa katika dimba la Wembley.

Katika mchezo huo Sadio Mane alikuwa wakwanza kuifungia Liverpool goli kufuatia shambulizi lililofanywa kwa kuwahusisha Adam Lallana na Philippe Coutinho.

Mchezaji wa zamani wa Liverpool Javier Mascherano alijifunga baada ya kipindi cha pili na kuizawadia timu yake hiyo ya zamani goli la pili.

Divock Origi aliongeza goli la tatu kwa Liverpool kwa kuupitisha mpira kati kati ya miguu ya Claudio Bravo na baadaye Marko Grujic alifunga goli la nne kwa kichwa cha kunyanyua.
             Mchezaji mpya wa Liverpool Sadio Mane akiifungia timu hiyo goli la kwanza
          Mshambuliaji wa Liverpool Divock Origi akishangilia goli lake alilofunga 
        Kipigo kikiwaacha hoi wachezaji wa Barcelona Luis Suarez na Lionel Messi

PAUL POGBA NA RAPA DRAKE WATANUA PAMOJA KWENYE KLABU MAREKANI

Urafiki baina ya rapa Drake na Paul Pogba umeendelea kushika kasi baada ya wawili hao kupigwa picha wakiondoka kwenye klabu ya usiku Jijini New York Marekani jana majira ya alfajiri.

Rapa huyo Mmarekani na mchezaji mpira anayesakwa kwa fedha nyingi, wamekuwa wakila bata, huku Pogb akimkabidhi Drake jezi yake ya Juventus aliyoiweka saini yake baada ya kuhudhuria tamasha huko Madison Square Garden.

Wawili hao waliendelea kuikaribisha wikiendi wakiwa pamoja, huku mchezaji huyo anayewaniwa na Manchester United akiambatana tena na Drake katika kiwanja cha starehe cha Beautique Lounge Jijini New York. 
                        Pogba akimpatia Drake t-shirt yake ya Juventus yenye jina lake
                  Paul Pogba akitoka klabu baada ya kuponda starehe Jijini New York

MWANARIADHA WA AFRIKA KUSINI OSCAR PISTORIUS AUMIA AKIWA GEREZANI

Mwanariadha wa Afrika Kusini aliyefungwa Oscar Pistorius amepatiwa matibabu hospitali, huku kukiwa na taarifa kuwa ameumia kwenye viwiko vyake vya viganja.

Msemaji wa gereza amekataa kutoa taarifa za majeraha ya mwanariadha huyo mlemavu, kwa madai kuwa ya usiri wa maradhi ya mgonjwa. Amesema Pistorius alijiumiza baada ya kuanguka kitandani.

Mwezi uliopita waendesha mashtaka walisema kifungo cha miaka sita alichopewa kwa kumuua mpenzi wake Reeva Steenkamp ni kidogo watakata rufaa.
                         Reeva Steenkamp wakati wa uhai wake akiwa na Oscar Pistorius
                                  Gereza alilofungwa mwanariadha mlemavu Oscar Pistoriu

SERENGETI BOYS YAIDINDIA AFRIKA KUSINI


Ikicheza mbele ya Rais wa Shirikisho la Mpira wa Miguu Tanzania (TFF), Jamal Malinzi na Naibu Balozi wa Tanzania nchini Afrika Kusini, Rosemary Chambe Jairo, timu ya soka ya vijana wenye umri wa chini ya miaka 17 maarufu kama Serengeti Boys leo imegoma kupoteza mchezo dhidi ya wenyeji Afrika Kusini baada ya kuibana Amajimbos na kutoka sare bya bao 1-1.

Katika mchezo huo uliofanyika Uwanja wa Dobsonville ulioko Soweto, Mji ulioko Kusini –Magharibi mwa jiji la Johannesburg, mabao yote yalipatikana kipindi cha pili yakiwa ni ya penalti kwa kila upande. Afrika Kusini walianza kupata penalti katika dakika 65 iliyofungwa na Linamandlia Mchilizeli kabla ya Ally Msingi kuisawazishia Serengeti Boys katika dakika ya 70.

Penalti ya Afrika Kusini ilitokana na mmoja wa mabeki wa Serengeti Boys kumfanyia madhambi Mchilizeli wa Amajimbos ndani ya eneo la hatari wakati ile ya Serengeti Boys ilitoakana na beki Luke Donn wa Amajimbos kunawa mpira eneo la hatari.

Afrika Kusini iliyoanza kwa kasi dakika 10 za mwanzo wa mchezo huo, ilipotea dakika zote 30 za kipindi cha kwanza ambao kukosa bahati na umakini kidogo tu kwa nyota wa Serengeti Boys kulisababisha kukosa mabao matano yakiwamo mawili yaliyogonga mwamba hivyo kuwatia hasira Serengeti Boys ambao walionyesha kuwa na njaa ya mabao.

Kubanwa katika kipindi cha kwanza, kulisababisha Kocha Mkuu wa Amajimbos kufanya mabadiliko ya wachezaji wote watatu kipindi cha pili, wakati Bakari Shime kwa upande wake alimpumzisha Ibrahim na nafasi yake kuchukuliwa na Muhsin ambaye alisaidia kuendedlea kuwabana Afrika Kusini waliokjuwa wanawategemea nyota kama na Mswati Mavuso na Lethabo Mazibuko.

Shukrani za pekee zinaweza kwenda kwa Kipa Ramadhani Kabwili aliyeokoa hatari nyingi ikiwamo mpira uliokuwa unakwenda golini uliotokana na adhabu ndogo. Kadhalika Msengi aliyekuwa nyota wa mchezo huo akimiliki vema idarta ya ulinzi akishirikiaana nDickson Job.

Shime maarufu kama Mchawi Mweusi alisema: “Nashukuru kwa matokeo haya. Si mabaya kwangu. Tunarudi nyumbani kujipanga. Afrika Kusini ilikuwa inanitia hofu ndio maana nilisema mechi itakuwa ngumu.”

Kwa upande wake, Naibu Balozi Rosemary alisema: “Ahsanteni vijana (Serengeti Boys) kwa kulinda heshima yangu,” wakati Malinzi alisema: “Sina mengi. Mkiwafunga Afrika Kusini Agosti 21, 2016 kambi inapigwa tena nje ya nchi. Sijui ni nchi gani, lakini mtakwenda kujiandaa nje ya nchi.”

Katika mchezo huo, Kikosi cha Serengeti kilikuwa: Ramadhani Kbawili, Israel Mwenda, Nickson Kibabage, Ally Msengi, Dickson Job, Shaban Ada, Kelvin Naftal, Ally Ng’anzi, Ibrahim Abdallah/Muhsin Makame (Dakika ya 72), Asad Juma na Mohammed Rashid.

Afrika Kusini: Glen Tumelo, Mswati Mavuso, Luke Donn, Sechaba Makoena, Kwenzokuhle Shinga, Mjabulise Mkhize, Bonga Dladla, Linamandla Mchilizeli, Luke Gareth, James Monyane na Siphamandla Ntuli.

IMETOLEWA NA SHIRIKISHO LA MPIRA WA MIGUU TANZANIA

NAIBU WAZIRI JAFO: WATANZANIA WANAPASWA KUTHAMINI BIDHAA ZINAZOZALISHWA NDANI YA NCHI

Naibu waziri Ofisi ya Rais Tawala za Mikoa na serikali za mitaa TAMISEMI Jafo Suleiman Said akisalimiana na Mkuu wa Wilaya ya Ikungi Miraji Jumanne Mtaturu mara baada ya kuwasili katika uwanja wa maonesho ya nane nane Nzuguni mjini Dododma
Naibu waziri Ofisi ya Rais Tawala za Mikoa na serikali za mitaa TAMISEMI Jafo Suleiman Said akisikiliza kwa makini maelezo ya kilimo cha mbogamboga yanayofanywa na Jeshi la kujenga Taifa JKT
Naibu waziri Ofisi ya Rais Tawala za Mikoa na serikali za mitaa TAMISEMI Jafo Suleiman Said akiwa kwenye picha ya pamoja na watumishi wa Halmashauri ya Wilaya ya Mkalama mara baada ya kutembelea banda la Halmashauri hiyo
Naibu waziri Ofisi ya Rais Tawala za Mikoa na serikali za mitaa TAMISEMI Jafo Suleiman Said akisikiliza kwa makini maelezo ya awali kutoka kwa Mwenyeji wake katika Maonesho hayo ambaye ni mkuu wa Wilaya ya ikungi Miraji Jumanne Mtaturu

AFRICAN SPEAKERS LOBBY FOR A STRONGER CONTINENTAL ASSEMBLY -WANT AU MEMBER STATES TO RATIFY MALABO PROTOCOL

                                                           A section of the African Speakers in attendance
The Prime Minister of Lesotho, Rt Hon Bethuel Pakalitha Mosisili opens the 8th Conference of Annual Speakers at the PAP headquarters in Midrand, South Africa.
GOOD TO SEE YOU: PAP President, H.E. Roger Nkodo Dang and the EALA Speaker, Rt Hon Daniel F. Kidega in consultation.
EALA Speaker, Rt Hon Daniel F. Kidega shares a light moment with ECOWAS Speaker, Rt Hon Moustapha Cisse earlier today.

East African Legislative Assembly, Midrand, South Africa: August 5, 2016: The 8th Annual Conference of Speakers has opened in Midrand, South Africa. In attendance at the two-day Conference whose theme is from “Adoption of the African Union Treaties in particular the new Protocol of the PAP” are over 30 Speakers from the National Assemblies and Regional Parliaments in the continent.

The Prime Minister of Lesotho, Rt Hon Bethel Pakalita Mosisili opened the two-day conference.

In his remarks, the Prime Minister reiterated the importance of ratifying the Constitutive Act of the African Union relating to the Pan-African Parliament that empowers the continental Assembly to execute its mandate to accord credence to the AU Policies and programmes.

“African States are urged to sign and ratify the Malabo Protocol. In addition, a balance of legislative powers must be struck between the National Parliaments and the Continental Assembly (PAP) to ensure acceptability as we move towards continental free trade area and continental integration” the Premier said.

The Prime Minister called for popular participation and engagement of citizens in the processes. “It is absolutely critical that we carry our people along. It cannot and must not be a leaders’ or a Governments’ issue alone. Our people must fully comprehend, accept and own the process. The need for concerted education on the matter cannot be overemphasized. This is so as to avoid a repeat of what happened in Europe – Brexit”, he added.

LHRC YAMPA MAPOKEZI MAKUBWA MWANAHARAKATI GELINE FUKO AKITOKEA MAREKANI

Geline Fuko (kushoto) akipokea maua kutoka kwa wafanyakazi wenzake wa Kituo cha Sheria na Haki za Binadamu (LHRC),ikiwa ni ishara ya kumpongeza baada ya kutua Uwanja wa Ndege wa Kimataifa wa Julius Nyerere (JNIA), Dar es Salaam jana, akitokea Marekani alikokuwa akihudhuria mafunzo ya vijana wa kiafrika yaliyoandaliwa na Raisi Obama.

                                                                                                  Na Dotto Mwaibale

SHANGWE ilitawala wakati mtanzania Geline Fuko alipo wasili Uwanja wa Ndege wa kimataifa wa Julius Nyerere (JNIA) majira ya saa nne usiku jana Agosti 5, 2016 akitokea nchini Marekani alikohudhuria mafunzo ya viongozi vijana kutoka Bara la Afrika.

Wafanyakaziwa Kituo cha Sheria na Haki za Binadamu ambao ni wafanyakazi wenzake wa Geline, familia ya Geline, ndugu na marafiki walitoa mapokezi ya kishujaa wa wanaharakati huyo aliyetajwa kuwa mfano wa kuigwa na Rais Obama.

Akizungumza na wanahabari, Geline alisema amefarijika na hakutarajia kama wazo lake la kuanzishwa kwa Kanzidata ya Katiba litakuwa wazo kubwa ambalolitakubalika mpaka na Rais Obama.

Hata hivyo Geline alisema amefurahishwa na program hiyo ya Mandela Washington Fellowship kwani imewawezesha washiri kikujifunza mambo mengi na kupata uono mpana zaidi wakufanya mambo.

Geline iliwahimiza watanzania kutembelea Kanzidata hiyo iliyopo mtandaoni (http://katiba.humanrights.or.tz/) ili kuweza kuijua katiba yao na kuweza kujua haki zao kama watanzania.

Mwisho alishukuru wa mapokezi makubwa ambayo pia hakuyatarajia.

Akitoa neno la shukurani kwa Geline kwa niaba ya LHRC, Mkurugenzi wa Fedha naUtawala-LHRC, Ezekiel Masanja amempongeza Geline kwa kuitoa kimasomaso LHRC na Tanzania kwa ujumla.

Geline Fuko amepata kutambulika baada ya Rais Obama kumtaja kama mfano wa kuigwa wa wanaharakati wa haki za binadamu wakati akizungumza Jumatano Agosti 3, 2016 katika kilele cha mpango wake wa kuwawezesha vijana wakiafrika unaojulikana kama Mandela Washington Fellowship.

Raisi Obama alimsifu mwanasheria huyo kutoka LHRC ambaye ni moja ya vijana 1000 waliokuwa jijini Washington kwa lengo la kujengewa uwezo ili kuweza kusaidia Maendeleo katika Nyanja zote za maisha katika nchi zao.

Raisi ObamaalisifujuhudizaGelinezakuibuawazo la kuanzishakwamaraya kwanza Kanzidata ya Katiba nchini Tanzania kwa kutekeleza wazo hilo chiniya LHRC.

Raisi Obama alikaririwa akisema Marekani itaendelea kushikamana na wanaharakati kama Geline Fuko kutoka Tanzania.

Gelinen amefanikisha kuanzishwa kwa Kanzidata ya Katiba ya kwanza naya pekee nchini Tanzania inayowawezesha watanzania kusoma Katiba kupitia simu zao za mkononi”.

Programu ya Mandela Washington Fellowship yenye lengo la kuwa wezesha vijana wa Kiafrika katika Nyanja za kiuchumi, kisiasa, kiteknolojia na kijamii ilianzishwa na Rais Obama mwaka 2014.

Programu hii hujumuisha vijana elfu moja (1000) kutoka nchi mbalimbali za Afrika ambao hugharamiwa na serikali ya Marekani kwenda jijini Washington kwa lengo la kujengewa uwezo zaidi.

Kituo cha Sheria na Haki za Binadamu kilianzisha Kanzidata ya Katiba mwaka mmoja uliopita mnamo Julai 15, 2015.

Kupitia tovuti maalumu (http://katiba.humanrights.or.tz/) na simu za mkononi, watanzania wanaweza kusoma Katiba katika Kanzidata hiyo

MKUU WA MKOA WA LINDI ATEMBELEA BANDA LA PPF VIWANJA VYA NANENANE LINDI

Mkuu wa Mkoa wa Lindi,Godfrey Zambi akipata maelezo ya WOTE SCHEME mfumo maalum wa kuchangia unaozihusisha Sekta isiyo Rasmi pamoja na Ule Mfumo wa Ziada uliopo kwenye Sekta Isiyo Rasmi
Baadhi ya Wananchi wakijaza Fomu ya Kujiunga na WOTE SCHEME na Wengine wakijiwekea Akiba katika Banda la PPF Viwanja vya Nane Nane Ngongo Kama Picha Inavyoonekana Afisa Uhusiano Mwandamizi,Janet Ezekiel na Afisa Masoko PPF,Wakitoa maelekezo ya Jinsi ya Kujaza Fomu Hizo
Mwananchi alietembelea Banda la PPF ,Akimsikiliza kwa Makini Afisa Uendeshaji wa Kanda ya Kusini,Edgar Rwegoshora Wakati akitoa Elimu Juu ya Mfumo wa WOTE SCHEME kwa Sekta Binafsi

Afisa Uhusiano PPF,Janet Ezekiel Akitoa Maelezo ya Ujazaji Fomu Kwa Wadai waliotembelea Banda Hilo ili Kujua Faida za Kujiunga ba Mtandao Mpana wa PPF

Mfuko wa PPF upo katika Viwanja vya Ngongo Manispaa ya Lindi katika Maonesho ya Nane nane ili Kutoa Elimu kwa Wananchi juu ya Mfumo wa WOTE SCHEME kwa Sekta Binafsi kama Vile Wakulima,Wafugaji,Mama Lishe,Madereva Bodaboda na Wajasilamali mbalimbali ili waweze kujiwekea Akiba wakati huohuo wakinufaika na Bima ya Afya,Mikopo kwa Ajili ya Kujiendeleza Kielimu,Kuongeza Mtaji na Kunufaika na Pensheni za kila Mwezi

Bi Janeth akiongea na Mtandao Huu ametoa Wito kwa Wadau Mbalimbali kutembelea Banda Hilo la PPF kwa Ajili kupata Elimu na Kujiunga na Mfuko Huo na Kufaidika na Fursa Zinazotolewa na PPF

SIMBACHAWENE AVUTIWA NA MPANGO WA TOTO AFYA KADI UNAOTOLEWA NA NHIF

Waziri wa Tamisemi,George Simbachawene akipata Maelezo mafupi ya Mpango wa Toto Afya Kadi pamoja na KIKOA,Toka Meneja wa Mfuko wa Bima ya Afya Mkoa wa Lindi,Fortunata Kullaya,Baada ya Waziri Huyo Kuembelea Mabanda Mbalimbali ya Maonesho ya Nane nane Kanda Ya Kusini,Viwanja vya Ngongo Lindi
Waziri Simbachawene akipokea Vipeperushi vya Mfuko wa Bima ya Afya Toka kwa Sabina Komba kwa Niaba ya Mkurugenzi mkuu wa NHIF Mara baada ya kumaliza kukagua Banda la Mfuko huo linalotoa Huduma mbalimbali za Ushauri,Upimaji pamoja na Uandikishaji wa wanachama ikiwemo wa CHF
Afisa Vijana Mkoa wa Lindi ,Saida Mponjoli alikuwa Mmoja wa Wadau waliotembelea Banda la NHIF Viwanja vya Ngongo
Saidi Ally Mwanafunzi wa Shule ya Msingi Tulieni Manispaa ya Lindi nae alitembelea Banda Hili kupata Elimu ya Mpango Mpya wa TOTO AFYA KADI

DC IKUNGI AFUNGUA MAFUNZO YA MGAMBO

Mwenyekiti wa kamati ya ulinzi na usalama wa Wilaya ya ikungi ambaye ni Mkuu wa Wilaya Miraji Jumanne Mtaturu akikagua vijana wa mafunzo ya Mgambo kutoka vijiji vitano vya Dung’unyi, Munkinya, Kipumbuiko, Samaka na Damankiya vinavyounda Kata ya Dung’unyi katika Tarafa ya Ikungi
Kundi la vijana wa Mgambo kutoka Kijiji cha Ighombwe, Jerumani, na Mahonda wakionyesha umahiri wao katika mafunzo waliyoyapata mbele ya mgeni rasmi kwenye ufunguzi wa mafunzo hayo katika Tarafa ya Sepuka
Mwenyekiti wa kamati ya ulinzi na usalama wa Wilaya ya ikungi ambaye ni Mkuu wa Wilaya Miraji Jumanne Mtaturu akiwa kwenye picha ya pamoja na wajumbe wa kamati ya ulinzi na usalama ya Wilaya ya Ikungi
Kundi la vijana wa Mgambo kutoka Kijiji cha Ighombwe, Jerumani, na Mahonda wakimsikiliza mgeni rasmi kwenye ufunguzi wa mafunzo hayo katika Tarafa ya Sepuka
Mwenyekiti wa kamati ya ulinzi na usalama wa Wilaya ya ikungi ambaye ni Mkuu wa Wilaya Miraji Jumanne Mtaturu akijadili jambo na Mshauri wa Mgambo Wilaya ya Ikungi Fortunatus Ndalama
Mkuu wa Wilaya Miraji Jumanne Mtaturua akizungumza na watendaji Kata, na viongozi wa vijiji mara baada ya ufunguzi wa mafunzo ya mgambo yatakayodumu kwa wiki 16.

WAZIRI SIMBACHAWENE AKAGUA BANDA YA SSRA,MAONESHO YA NANE NANE VIWANJA VYA NGONGO LINDI

Waziri Simbachawene akipokea Vipeperushi mbali kuhusiana na Shughuli zinazotekelezwa na Mamlaka Hiyo
Picha na Na ; Abdulaziz ,Lindi
Picha ya pamoja kati ya watumishi wa SSRA na Baadhi ya wadau waliotembelea Banda Hilo Ikiwemo wakulima waliotembea Kujifunza jinsi Mifuko ya Jamii Inavyojiendesha Chini ya Usimamizi wa Mamlaka Hiyo
Mmoja wa Wanachama wa Mifuko ya Jamii Ambae alijitambulisha Kwa Mstaafu Mtarajiwa Akipokea Vipeperushi vya Mamlaka Hiyo Toka kwa Sarah Msika
Afisa Uhusiano na Uhamasishaji SSRA,Ally Masaninga akikabidhi Zawadi kwa Bi Saida,Afisa Vijana Mkoa wa Lindi Alietembelea Banda la Mamlaka Hiyo katika Viwanja Vya Ngongo Lindi Manispaa

PAUL POGBA AITWA NA KOCHA WA JUVENTUS KUJIUNGA NA KAMBI YA MAZOEZI

Kocha Massimiliano Allegri amesema mchezaji anayewaniwa na Manchester United, Paul Pogba atarejea katika kambi ya mazoezi ya Juventus jumatatu.

Mchezaji huyo wa kimataifa wa Ufaransa amekuwa kwenye mapumziko nchini Marekani baada ya kumalizika michuano ya Euro 2016.

Pogba, 23, amekuwa akihusishwa mno na uhamisho wa rekodi ya dunia wa paundi milioni 100 kwenda Old Trafford kipindi hiki cha majira ya joto na kocha Jose Mourinho amekuwa akiashiria mpango huo umekamilika

MSANII JAGUAR AMUKOA DEFAO KWA KUMLIPIA DENI LA MALAZI HOTELINI

Mwanamuziki wa Kenya Charles Njagia Kanyi aka Jaguar amemuokoa mwanamuziki wa Jamhuri ya Kidemokrasia ya Congo General Defao ambaye alishikiliwa kwenye hoteli moja ya Mombasa hii leo.

General Defao alishikiliwa kwenye hoteli ya Rickseaside Villas huko Nyali kwa kushindwa kulipia gharama za chakula na malazi.

Akiongelea uamuzi wake huo Jaguar amesema tukio hilo ni la bahati mbaya kwa Defao, hivyo yeye kama msanii mwenzake ameamua kumlipia, kwani hali hiyo inaweza kumtokea mtu yeyote.

KENYA YATUMBUKIA GIZANI BAADA YA KUTOKEA KWA HITILAFU YA UMEME

Nchi ya Kenya imeingia gizani kufuatia kukosekana kwa umeme karibu nchi nzima kulikotokea leo asubuhi.

Taarifa iliyotolewa na Shirika la Umeme la Kenya Power, tukio hilo limetokea leo majira ya saa kumi na moja alfajiri, kufuatia kutokea kwa hitilafu.

Hitilafu hiyo imetokea katika njia kuu ya umeme ya 220KV huko Olkaria Jijini Nairobi na kusababisha kukosekana umeme katika maeneo mengi ya Kenya.

Shirika la Kenya Power limesema bado halijabaini chanzo cha hitilafu hiyo, na haliwezi kusema kwa sasa ni wakati gani umeme utarejea tena.

MOTO WAUWA WATU 13 KATIKA SHEREHE YA KUZALIWA NCHINI UFARANSA

Moto uliotokea kwenye sherehe ya kuzaliwa iliyokuwa ikifanywa kwenye baa kaskazini mwa Ufaransa katika mji wa Rouen umeuwa watu wapatao 13 na kujeruhi wengine sita.

Mishumaa kwenye keki ndiyo iliyosababisha moto katika baa hiyo ya Cuba Libre, ulioanza majira ya usiku wa manane kuamkia leo.

Paa la baa lililojengwa kwa kutumia plastiki ngumu lilishika moto wakati sherehe hiyo ikiendelea kwa mujibu wa shirika la AFP.

Waziri wa Mambo ya Ndani wa Ufaransa Bernard Cazeneuve amesema zaidi ya askari wa zimamoto 50 waliitwa kuzima moto huo.
   Vikosi vya zimamoto vikiwa katika eneo la tukio baada ya kufanikisha kuuzima moto

SHAMRASHAMRA KIBAO ZAPAMBA UFUNGUZI WA MICHUANO YA OLIMPIKI 2016

Michuano ya Michezo ya Olimpiki mwaka 2016 imefunguliwa rasmi kwa shamrashamra za aina yake Jijini Rio katika dimba la Maracana nchini Brazil.

Tukio hilo lililorushwa mubashara kupitia runinga kwa watu bilioni 3 duniani, liliambatana na kuonyesha historia, utamaduni na uzuri wa Brazil.

Katika ufunguzi huo mwanariadha wa zamani wa Vanderlei de Lima aliwasha Mwenge wa Olimpiki, na mwanariadha wa zamani Kenya Kipchoge Keino alinyanyua juu kombe la Olimpiki mwishoni wa sherehe hizo za ufunguzi.
Dimba la Maracana lilivyokuwa linaonekana wakati wa shamrashamra za ufunguzi wa michuano ya olimpiki
                  Kikundi cha dansi cha Samba kikitoa burudani wakati wa ufunguzi
   Burudani ya samba ikiendelea kutolewa wakati wa ufunguzi wa michuano ya Olimpiki
Rais wa mpito wa Brazil Michel Temer akihutubia wakati wa ufunguzi wa michuano hiyo
   Mwanariadha wa zamani wa Brazil Vanderlei de Lima akiwasha Mwenge wa Olimpiki

DIWANI WA CHADEMA ASWEKWA NDANI KWA KUKIUKA MAADHIMIO YA BARAZA LA MADIWANI WILANI IKUNGI

Kutoka Kushoto ni Eng Sadick Chakka Mhandisi wa Maji Wilaya ya Ikungi, Mkuu wa Wilaya ya Ikungi Miraji jumanne Mtaturu, Mkurugenzi Mtendaji wa Halmashauri ya Wilaya ya Ikungi Rustika Turuka, Mwenyekiti wa Halmashauri ya Wilaya ya Ikungi Ally J. Mwanga, na Kulia ni Abel Suri Makamu Mwenyekiti wa Halmashauri ya Wilaya ya Ikungi.

                                                                                               Na Mathias Canal, Singida

Jeshi la polisi Wilaya ya Ikungi Mkoani Singida limemtia nguvuni Diwani wa Kata ya Iseke kwa tiketi ya Chama Cha Demokrasia na Maendeleo CHADEMA Emmanuely Njingu kwa kosa la kukwamisha shughuli za serikali kwa kuzuia watendaji wa serikali kufanya kazi yao ikiwemo ukusanyaji wa mapato.

Njingu ambaye alikuwa mjumbe wa kamati ya fedha awali kabla ya kuwekwa nguvuni na jeshi la polisi alivuliwa ujumbe wa kamati hiyo kutokana na kukiuka taratibu na makubaliano ya baraza la madiwani jambo ambalo limepelekea kuhamishiwa katikakamati nyingine.

Akitoa taarifa ya kukamatwa kwa diwani huyo Mwenyekiti wa Halmashauri ya Wilaya ya Ikungi ambaye ni Diwani wa Kata ya Irisia Ally Juma Mwanga amesema kuwa Diwani huyo amekamatwa kwa mujibu wa sheria hivyo yeye kama mwenyekiti hawezi kuingilia taratibu, sheria,na kanuni za serikali.

Mwanga amesema kuwa tarehe 19 mwezi Julai moja ya maadhimio ya kamati ya fedha na vikao vya baraza ilikuwa ni kuimarisha ukusanyaji wa mapato ya Halmashauri lakini diwani huyo amekiuka makubaliano hayo kwa kung’oa mageti ya vizuizi vya barabarani kwa ajili ya ukaguzi wa mazao jambo ambalo limepelekea kuzorota kwa ukusanyaji wa mapato ya Halmashauri.

Ameongeza kuwa Mjumbe yeyote anayekiuka maazimio wanayokubaliana na kutoa siri za kamati adhabu yake kisheriani kupoteza sifa ya kuwa mjumbe wa kamati husika.

Amesema diwani huyo ameondoshwa katika nafasi hiyo baada ya maridhiano ya kamati hiyo na kukubaliana kumuhamishia katika kamati nyingine ya huduma za uchumi.

“Jambo mkishakubaliana kisheria tena kwenye vikao vya kisheria maana yake linakuwa ni sheria hivyo kwa kiongozi yeyote akikiuka taratibu za kisheria zinachukua mkondo wake, kanuni za Halmashauri ni za watu wote hazichagui upande mmoja” Alisema Mwanga

Hapo jana Mkuu wa Wilaya ya Ikungi Miraji Jumanne Mtaturu alihutubia Baraza la madiwani wa Halmashauri ya Wilaya hiyo ikiwa ni mara yake ya mwanzo kabisa tangu alipochaguliwa na Rais John Magufuli kuwa Mkuu wa Wilaya hiyo ambapo pamoja na kuzungumzia kuwepo kwa changemoto ya uhaba wa maabara, afya duni na miundombinu pia alizungumzia kuhusu ukusanyaji hafifu wa mapato jambo ambalo linairudisha nyuma Halmashauri ya Wilaya hiyo.

Bajeti ya Wilaya ya Ikungi kwa Mwaka 2013/2014 ilikuwa na Shilingi 509,701,044 namakusanyoyakeyakawa ni 338,325,000 ambapo hata hivyo mwaka ulimalizika kwa kuwa na upungufuwa shilingi 171,376,044.

Mwaka 2014/2015 ilipangwa bajeti ya shilingi 631,455,000 lakini makusanyo yake yakawa ni shilingi 457,555,172 ambapo mwaka ulimalizika kwa kukusanya 173,899,828.

Mwaka wa bajeti 2015/2016 bajeti ya Halmashauri iliyopangwa ilikuwa ni shilingi 1,127,030,000 makusanyo yalikuwa ni 679,283,000 ambapo hata hivyo mwaka ulimalizika kwa kwa kuwa na upungufu wa shilingi 450,747,000 hivyo kwa miaka mitatu Halmashauri hiyo imeshindwa kufikia malengo ya ukusanyaji.

Mwanga amesema kuwa Kutofikiwa malengo hayo kumesababishwa na kutopewa ushirikiano watendaji katika ukusanyaji wa mapato hii ikiwa ni kufuatia kauli za mazuio zinazotolewa na baadhi ya wanasiasa.

Hata hivyo ametoa Mwito kwa viongozi wa serikali, wanasiasa, taasisi za dini na wananchi kushirikiana kwa pamoja ili kufikia malengo ya kuifanya Ikungi kukua kiuchumi .

MAALIM SEIF AZUNGUMZA NA WAZANZIBARI BOSTON

                           Wazanzibari wakimsikiliza Maalim Seif (Picha na Swahilivilla)

Karibuni wapenzi Wasomaji wetu katika sehemu ya nne ya mfululizo wetu wa makala ya "Maalim Seif azungumza na Wazanzibari Boston" katika mkutano wake na Wazanzibari uliofanyika katika jimbo la Massachusetts, Marekani 30 Julai 2016.

Katika sehemu iliyopita, Maalim Seif alielezea kile kilichotokea katika uchaguzi wa Oktoba, 2015 mpaka uchaguzi wa marudio uliofanyika Machi 20, 2016. Sasa endelea na sehemu ya nne:
                                                                               Baada ya Uchaguzi wa Marudio

Kile kinachoitwa uchaguzi wa marudio visiwani Zanzibar, hakikupata uungwaji mkono tangu ndani hadi nje ya visiwa hivyo. Jamii ya Kimataifa ilikataa kushiriki katika uangalizi wa uchaguzi huo kwa vile haukuwa na mashiko yoyote ya Uhalali.

Na kwa upande wa ndani, Chama Kikuu cha upinzani Cha Wananchi (CUF) ambacho kiliususia uchaguzi huo hakikuitambua serikali mpya iliyoundwa na Mheshimiwa Ali Mohammed Shein, na kikaamua kuisusia kama kilivyoususia uchaguzi wenyewe.

Maalim Seif alisema kuwa wananchi wa Zanzibar wameigomea serekali hiyo na sasa iko taabani, na kusisitiza: "Na wala hatushirikiani nayo kwa jambo lolote lile" Aliendelea kuelezea kuwa CUF walikaa kimya kwa muda, jambo ambalo liliwafanya viongozi wa chama Tawala cha CCM waamini kuwa wamemaliza Simba wa Nyika. 

"Tulikaa kimya kwa muda na wao wakadai CUF tumeimaliza......, mpaka tulipoanza ziara za Wilaya mbalimbali Unguja na Pemba zikifuatiwa na kuwatembelea wagonjwa..."

Ni vizuri kukumbusha kuwa Maalim Seif alianza ziara zake hizo kwa kuzitembelea wilaya za Pemba ambako alipokelewa na halaiki ya wananchi waliokuwa wakisema "raisi..raisi...raisi". Kufuatia ziara hizo aliitwa Makao Makuu ya Polisi Zanzibar na kuhojiwa kwa muda wa masaa kadhaa.

Mgomo wa wananchi umeimarika, na umekuwa ukiitikisa serikali na kupelekea ukamataji ovyo wa wananchi kinyume na sheria: "Wameghumiwa, mgomo wa wananchi umeshika kasi...., wakaanza kukamata watu kinyume cha sheria" alisisitiza Maalim Seif.

Badala ya kushughulikia maendeleo ya nchi, serikali imejikita kwenye mikakati ya kuimaliza CUF na wafuasi wake. Hata hivyo, mikakati hiyo imekuwa ikiwaathiri wananchama wa CCM pia. Alitoa mfano wa sakata la kukamatwa ng'ombe na wenyewe kutakiwa kwenda kuwagomboa.

"Kila wanachofanya ni kuwamaliza CUF, lakini ukweli ni kwamba wenye ng'ombe wengi ni wanachama wa CCM", alisema . Maalim Seif aliendelea kufafanua juu ya dhulma wanazofanyiwa raia na mali zao na kutoa mfano wa "jumba la treni", kwa kusema "Watu walihamishwa, kwa ajili ya ukarabati wa jengo lile, na mpaka leo hata ramani haipo" Itakumbukwa kuwa michoro ya kile kinachodaiwa kuwa ni ramani mpya ya mwonekano wa jengo hilo litakavyokuwa ilisambaa kwenye mitandao ya kijamii, lakini kwa mujibu wa maelezo ya Maalim Sif, ilikuwa ni kiini macho tu.

Aidha Maalim Seif alifafanua kuwa Mji Mkongwe ni sehemu ya Turathi za Kimataifa. Kwa hivyo uvunjaji wa jengo lolote la kihistoria unapaswa kupata ridhaa ya Shirika la Umoja wa Mataifa la Elimu, Sayansi na Utamaduni. Hata hivyo, mpaka wakati tunaingia mitamboni hakuna karatasi yoyote inayoonesha kuwa tayari Serikali ya Zanzibar imewasiliana na kushauriana na shirika hilo. 

Kwa hivyo ni wazi kuwa uhamishwaji wa wanachi kutoka jengo la treni ulikuwa na malengo ya kisiasa na kuwadhalilisha wananchi.

                                                                                                  Upande wa Tanzania.

Kwa vile Tanzania ni Jamhuri ya Muungano nchi mbili huru Tanganyika na Zanzibar, yanayotokea upande mmoja yanaathiri upande mwengine wa Muungano huo kwa njia moja au nyengine. Kwa hivyo, Makamo wa Rais Mstaafu wa Zanzibar Maalim Seif Sharif Hamad, hakusahau kuigusia hali ilivyo nchini Tanzania chini ya Utawala wa Mheshimiwa Rais John Pombe Magufuli. Maalim Seif aliilezea hali ilivyo nchini Tanzania kisiasa kuwa si yakuridhisha, na serikali iliyopo madarakani inaipelekea nchi pabaya.

Maalim Seif alikosoa hatua ya kuzuiliwa vikao vya Bunge kuonehswa moja kwa moja kwenye televisheni, na kusema lengo lake kuu ni kuua upinzani. Hii ni kutokana na kuwa Bunge lenye mijadala huru ndilo linalojenga upinzani.

Akakosoa hatua ya Wabunge 11 wa upinzani kuzuiliwa kushiriki katika vikao vya Bunge bila ya sababu yoyote ya kimsingi: "Nini kosa lao?, alihoji Maalim Seif, na kujibu mwenyewe kuwa: "Kosa lao kubwa ni kuikosoa Serikali".

Alielezea masikitiko yake kuwa majimbo ambayo Wabunge wao wamezuiliwa yatakosa uwakilishi Bungeni kwa muda mrefu kwani wengine wamefungiwa mpaka mwezi wa Januari mwakani.

Akijibu swali iwapo kuna Mbunge yeyote wa CUF kati ya 11 waliofungiwa, Maalim Seif mwenye upeo wa kuona mbali alisema kuwa hakuna Mbunge yeyote kutoka chama hicho kati ya hao walioathirika na hatua hiyo na kusisitiza: "Nia ni kuugawa upinzani, ili waseme kuwa CUF ni wasaliti"


Alifafanua kauli hiyo kwa kusema kuwa kuna Wabunge wengi wa CUF ambao ni wasemaji wazuri na wakosoaji wakubwa wa Serikali, lakini hawakufungiwa ili watu wenye nyoyo dhaifu waone kuwa CUF ni wasaliti, au vibaraka.

Aidha, mwanasiasa huyo shupavu, aliifananisha hali ilivyo Bungeni na uwanja wa vita kutokana na kuwepo kwa askari wengi ambao mara kadhaa wamekuwa wakiingia ndani ya Bunge."Ukienda Bungeni utadhani uwanja wa vita", alisema.

KAMISHNA JENERALI WA JESHI LA ZIMAMOTO NA UOKOAJI ATEMBELEA SHIRIKA LA TAIFA LA UTANGAZAJI (TBC)

Mkurugenzi Mkuu wa Shirika la Taifa la Utangazaji (TBC) Dk. Ayoub Rioba akimkabizi kitabu ta wageni Kamishna Jenerali wa Jeshi la Zimamoto na Uokoaji Thobias Andengenye alipotembelea ofisi za Shirika hilo mikocheni mapema leo asubuhi. PICHA ZOTE NA FC GODFREY PETER)
Kamishna Jenerali Thobias Andengenye (wa kwanza kushoto) akisaini kitabu cha wageni alipotembelea ofisi za Shirika la Taifa la Utangazaji (TBC) wa kwanza kulia ni Mkurugenzi mkuu wa TBC Dk. Ayoub Rioba na wa pili ni Kaimu Kamishna wa Usalama dhidi ya moto Fikiri Salla .
Mkurugenzi wa Matukio wa Shirika la Taifa la Utangazaji (TBC) Bi Martha Swai (wa kwanza kulia) akitoa maelezo jinsi ya upokeaji wa habari za matukio mbalimbali kwa Kamishna Jenerali wa Jeshi la Zimamoto na Uokoaji Thobias Andengenye (katikati) alipotembelea ofisi hizo mapema leo asubuhi (wa pili kushoto) ni Mkurugenzi mkuu wa Shirika hilo Dk. Ayoub Rioba .
Kamishna Jenerali wa Jeshi la Zimamoto na Uokoaji Thobias Andengenye aliyesimama mbele, akimsomea taarifa ya Jeshi hilo Mkurugenzi mkuu wa Shirika la Taifa la Utangazaji (TBC) Dk. Ayoub Rioba alipotembelea ofisi za Shirika hilo mapema leo asubuhi
                                                                                                        Kikao kikiendelea
Kamishna Jenerali Thobias Andengenye (katikati) akipokea maelezo jinsi ya chumba cha matangazo kinavyofanya kazi (Studio) kutoka kwa Mtangazaji Bi Anna Mwasioke hayupo pichani, (kushoto) ni Mkurugenzi mkuu wa TBC Taifa

VIONGOZI WA DINI WATEMBELEA UWANJA WA NDEGE JIJINI DAR ES SALAAM KUONA MAENDELEO YA UJENZI WA TERMINAL 3

Viongozi wa dini wanaounda Kamati ya Amani ya Mkoa wa Dar es Salaam, wakiomba dua kuombea ujenzi wa Uwanja wa Jengo la Tatu katika Uwanja wa Ndege wa Kimataifa wa Julius Nyerere walipofanya ziara ya siku moja kutembelea jengo hilo Dar es Salaam jana.
Kaimu Mkurugenzi Mkuu wa Uwanja wa Ndege wa Kimataifa wa Julius Nyerere (JNIA), Mohamed Milanga akitoa maelezo kwa viongozi hao wa dini waliotembelea uwanja huo Dar es Salaam jana.
                                                                   Mwonekano wa uwanja huo unaojengwa.
                                           Mwonekano wa chumba cha wasafiri katika jengo hilo.
                                                                             Baadhi ya wakandarasi wa ujenzi huo.
Askofu, Stephen Mang'ano wa Kanisa la Menonite (kushoto), akiongoza maombi ya kuombea ujenzi wa uwanja huo.
Kaimu Mkurugenzi wa Mamlaka ya Viwanja vya Ndege Tanzania, Ramadhan Maleta (wa pili kulia), akitoa maelezo ya ujenzi wa jengo hilo mbele ya viongozi wa dini wanaounda Kamati ya Amani.
Meneja wa Mradi wa ujenzi wa jengo hilo, Wolffgang Marschick akizungumza na viongozi hao wa dini.
Viongozi hao wa dini wakiwa katika picha ya pamoja na viongozi wa Uwanja wa Ndege wa Kimataifa wa Mwalimu Julius Nyerere baada ya kukamilisha ziara yao. Na Dotto Mwaibale
at

No comments :

Post a Comment

Subscribe to: Post Comments ( Atom )