JOTO LAWAATHIRI SENENE NCHINI UINGEREZA

Imebainika kuwa senene, hawa senene wadudu jamii ya panzi, wanasumbuliwa na joto kiasi cha miili yao kuwa na rangi ya pinki kama rangi ya ngozi ya mzungu aliyechomwa sana na jua, wenyewe wanaita sunburn.
 
Hilo limebainika katika utafiti ulioendeshwa kwenye hifadhi ya misitu na miti huko Suffolk, nchini Uingereza, ambao umebaini pia joto huwafanya senene washindwe kuruka na kuzubaa tu katika majani.
 
Kabla ya kufanyika kwa utafiti huo, wanandoa wawili wa eneo hilo waliokuwa wamepumzika ufukweni kwa ajili ya kuota jua, walimuona senene mmoja akiwa amezubaa majanini huku mwili wake ukibadirika rangi na kuwa wa pinki

Wanandoa hao walimchukua senene huyo na kumpeleka katika taasisi moja ya utafiti wa wadudu na ndipo utafiti wa awali ulionyesha kuwa senene nao husumbuliwa na joto na miili yao hubadilika rangi na kuchoka wanapopigwa na jua kali au kupata joto kali

WANANCHI WAJITOKEZA KUUPOKEA MWENGE WA UHURU JIJINI ARUSHA

Mkuu wa wilaya ya Arusha,Gabriel Daqarro akiwa ameshika Mwenge wa Uhuru uliopokelewa leo katika Jiji la Arusha eneo la Kisongo kwaajili ya kukimbizwa kwa siku moja katika urefu wa Kilometa 81.19 katika Tarafa tatu.

Mkurugenzi wa Jiji la Arusha,Athumani Kihamia akipokea Mwenge wa Uhuru ambao utakimbizwa ukiwa unaelimisha na kueneza ujumbe wa "Washirikishwe na Kuwezeshwa" ujumbe huo ukiwa umeambatana na kauli mbiu "Vijana ni Nguvukazi ya Taifa Washirikishwe na Kuwezeshwa"

Kiongozi wa Mbio za Mwenge wa Uhuru kitaifa,George Mbijima akizindua Kituo cha Afya  katika Kata ya Elerai jijini Arusha kitakachowahudumia wananchi wa Kata hiyo,Sombetini na Ngarenaro.Miradi yenye thamani ya zaidi ya Sh 1.5 ambayo Soko,Afya,Maji,Elimu,Uwezeshaji wa wananchi kiuchumi makundi maalumu,Ujenzi wa daraja na usafi na utunzaji wa mazingira.

Kiongozi wa Mbio za Mwenge wa Uhuru kitaifa,George Mbijima akiwagawia Vyandarua ukiwa ni mpango wa Jiji kupiga vita ugonjwa wa Malaria baada ya kuzindua Kituo cha Afya  katika Kata ya Elerai jijini Arusha