UTIAJI SAINI MAKUBALIANO YA AWALI YA UJENZI WA RELI YA KATI (STANDARD GAUGE)

 

Katibu Mkuu wa Wizara ya Fedha na Mipango Dkt. Servaciaus Likwelile akitiliana saini na Naibu Meneja Mikopo Nafuu wa Benki ya Exim ya China Bw. Zhu Ying kuhusu makubaliano ya awali ya ujenzi wa reli ya kati kwa kiwango cha kisasa (Standard Gauge), jijini Dar es Salaam,

 

Katibu Mkuu wa Wizara ya Fedha na Mipango Dkt. Servaciaus Likwelile akibadilishana hati ya makubaliano na Naibu Meneja Mikopo Nafuu wa Benki ya Exim ya China Bw. Zhu Ying mara baada ya kusaini makubaliano ya awali ya ujenzi wa reli ya kati kwa kiwango cha kisasa (Standard Gauge), jijini Dar es Salaam,

………………………………………………………………………………………………..

Serikali ya Jamhuri ya Muungano wa Tanzania leo imetiliana saini na Benki ya Exim ya China makubaliano ya awali ya ujenzi wa reli ya kati kwa kiwango cha kisasa (Standard Gauge).

Makubaliano hayo ya awali yamefanywa na Katibu Mkuu wa Wizara ya Fedha na Mipango Dkt. Servaciaus Likwelile kwa niaba ya Tanzania na Naibu Meneja Mikopo Nafuu wa Benki ya Exim ya China Bw. Zhu Ying.

Akizungumza katika hafla hiyo ya utiliaji saini Dkt. Likwelile amesema hatua hiyo inawezesha hatua za upembuzi yakinifu, usanifu na uundwaji wa timu za pamoja kuanza kuanisha mahitaji halisi ya ujenzi wa mradi huo.

Zaidi ya Shilingi Trilioni 16 za Tanzania zinatarajiwa kutumika katika ujenzi wa mradi wa reli ya kati yenye urefu wa Kilometa 2,190 ambapo Benki hiyo itashirikiana na Serikali ya Tanzania katika ujenzi wake.

Mradi wa ujenzi wa reli ya kati utahusisha ujenzi wa reli kwa kiwango cha kisasa kutoka Dar es Salaam-Tabora-Isaka-Mwanza na Tabora-Mpanda-Kalemela-Uvinza-Kigoma-Isaka-Keza hadi Msongati.

DK. TULIA AKSON AONGOZA MBIO ZA KILOMITA 5 MJINI DODOMA

 

Naibu Spika wa Bunge la Jamhuri ya Muungano wa Tanzania Dk. Tulia Akson akiongoza Mbio za Tulia Marathon KM 5 zilizofanyika leo asubuhi kuanzia Bungeni Mpaka Nyerere Square zikishirikishwa wabunge mbalimbali wakuu wa wilaya na vijana kama juhudi za kuunga mkono Juhudi za Rais John Pombe Magufuli katika kuwaletea wananchi maendeleo nchini kushoto ni Anthony Mtaka Rais wa Chama cha Riadha Nchini RT.

Baada ya mbio hizo walikwenda kutoa msaada wa vitu mbalimbali katika kituo cha Watoto Yatima kiitwacho kijiji cha Matumaini kilichopo nje kidogo ya mji wa Dodoma.Wakati wa kutoa msaada huo Dkt Tulia alisema kuwa ni vvema kila Mkoa ukawa na vikundi mbalimbali kikiwemo cha Wazalendo wakafanya shughuli za Kijamii kusaidia makundi mbalimbali

 

Naibu Spika wa Bunge la Jamhuri ya Muungano wa Tanzania Dk. Tulia Akson akiwa na Naibu Waziri wa Kazi, Vijana na Ajira, Mhe. Antony Mavunde Rais wa Chama Cha Riadha Tanzania RT Bw. Anthony Mtaka , Mbunge wa Viti Maalum mkoa wa Mbeya Mary Majelwa wakishiriki katika mbio hizo leo asubuhi.

 

Naibu Spika wa Bunge la Jamhuri ya Muungano wa Tanzania Dk. Tulia Akson akipiga makofi kama ishara ya kushukuru mara baada ya kufika mwisho wa mbio hizo zilizoishia Nyerere Square , kushoto ni Naibu Waziri wa Kazi, Vijana na Ajira, Mhe. Antony Mavunde.

Vijana wakipasha mara baada ya kufika kwenye viwanja vya Nyerere Squre.

 

Mkuu wa mkoa wa Dar es salaam Mh. Paul Makonda kulia na Mbunge wa jimbo la Chalinze wa pili kushoto wakishiriki katika mbio hizo pamoja na vijana mbalimbali .

Programu za vyuo vikuu ambazo hazijasajiliwa na TCU na NACTE kufutwa

 

Na: Lilian Lundo – MAELEZO

………………………………………….

Katibu Mkuu wa Wizara ya Elimu, Sayansi, Teknolojia na Mafunzo ya Ufundi Bi. Maimuna Tarishi ameitaka Tume ya Vyuo Vikuu Tanzania (TCU) na Baraza la Taifa la Elimu ya Ufundi (NACTE)   kufuta programu zinazotolewa na vyuo vikuu hapa nchini ambazo hazijafanyiwa tathmini wala kusajiliwa.

Katibu Mkuu huyo ameyasema hayo leo alipokuwa akifunga maonyesho ya kumi na moja ya Elimu ya Juu, Sayansi na Teknolojia yaliyoanza Julai 20 katika viwanja vya Karimjee jijini Dar es Salaam.

“Wakati mwingine najiuliza inakuwaje chuo kinafundisha programu ambayo haijatathminiwa wala kusajiliwa na TCU au NACTE, ni lazima tuwe makini kwani tunahitaji elimu bora katika vyuo vyote nchini bila kuangalia kama ni cha Serikali au ni Binafsi,” alifafanua Bi. Tarishi.

Aliendelea kwa kusema kuwa, TCU na NACTE wanajukumu ya kuzifuta programu hizo na kuanzisha programu zenye uhitaji mkubwa kama vile shahada ya mafuta na gesi, Kompyuta na Ualimu wa Sayansi ambapo wataalamu katika maeneo hayo wamekuwa wakihitajika zaidi katika kipindi hiki ambacho Serikali ya Awamu ya Tano inajikita zaidi katika uanzishwaji wa viwanda.

Aidha Bi. Tarishi amewataka TCU na NACTE kudahili wanafunzi wenye vigezo vinavyohitajika na kusisitiza kuwa ni bora kuwa na wanafunzi wachache katika vyuo vikuu kuliko kuwa na wanafunzi wengi ambao hawana sifa.

Wakati huo huo Mkuu wa Kitivo cha Biashara Chuo Kikuu cha Zanzibar Salehe Mwinyi amesema kuwa wanafunzi wengi wamejitokeza kutembelea banda la Chuo hicho kutaka kujua pogramu zinazotolewa na wengi wao wameonyesha nia ya kujiunga katika Chuo hiko.

Vile vile Mwinyi amesema kuwa mwaka huu idadi ya wanafunzi waliotembelea maonyesho hayo ni wengi zaidi kutokana na eneo lililochaguliwa kufikika kwa urahisi kutoka pande zote za jiji la Dar es Salaam ukilinganisha na mwaka jana ambapo yalifanyika viwanja vya Saba Saba na kutembelewa na idadi ndogo ya wanafunzi na wazazi.

Kwa upande wake, Fadia Suleiman mwanafunzi anayetegemea kujiunga na Chuo Kikuu mwaka huu, amesema kuwa maonyesho hayo yamemsaidia kwa kiasi kikubwa kujua ni programu gani asome kutokana na ufaulu wake wa kidato sita.

Maonyesho ya  Elimu ya Juu, Sayansi na Teknolojia ambayo huandaliwa na TCU hufanyika kila mwaka yakitoa fursa kwa Vyuo Vikuu vya ndani na nje ya nchi kutoa elimu kwa wazazi na wanafunzi wanaotegemea kujiunga na vyuo vikuu kwa mwaka husika juu ya programu zinazotolewa na vyuo hivyo pamoja na kutoa ushauri ni programu gani mwanafunzi asome kwa kuangalia ufaulu wake.

MWENYEKITI WA CCM DK. JAKAYA KIKWETE: MAFISI YALINGOJA MKONO UDONDOKE LAKINI YALIAMBULIA PATUPU

Mwenyekiti wa CCM na Rais Mstaafu, Dkt Jakaya Kikwete akiimba wimbo maalum kabla ya kufungua  Mkutano wa Halmashauri  Kuu ya CCM Taifa  (NEC) kwenye ukumbi wa Halmashauri Kuu ya Taifa ya CCM mjini Dodoma leo Julai 22, 2016. Kushoto ni Mwenyekiti wa CCM Mtarajiwa, Rais John Magufuli, Wapili kushoto ni Makamu Mwenyekiti wa CCM , Zanzibar, Dkt. Ali Mohamed Shein, kuliani ni Makamu Mwenyekiti wa CCM , Bara, Philip Mangula na wapili kulia ni Katibu Mkuu wa CCM, Abdulrahman Kinana.  Mkutano huo ni kwa ajili ya kupitisha jina la Rais Dk. John Pombe Magufuli kuwa mwenyekiti mpya wa CCM ambapo kesho atathibitishwa na Mkutano Mkuu Maalum kwenye ukumbi wa Dodoma Convention Centre mjini Dodoma

Dk. Jakaya Kikwete akizungumza na wajumbe hao wakati akifungua mkutano huo amesema kikao hicho kilikuwa ni cha mwisho kwake kama mwenyekiti wa CCM , Akawashukuru wajumbe hao kwa kumpa ushirikiano kwa miaka kumi yote akiwa Mwenyekiti na akaongeza kwamba kama Chama cha Mapinduzi hakikupasuka mwaka jana hakiwezi kupasuka tena kitaendelea kudumu na kudumu zaidi.

Amesema Kulikuwa na mafisi yaliyokuwa yakingojea mkono udondoke tu ili yaweze kudaka na kula lakini yaliambulia patupu chama kilisimama kidete na kuendelea na mipango mizuri kwa ajili ya watanzania.

(PICHA NA JOHN BUKUKU-FULLSHANGWE-DODOMA)

Makamu wa Rais wa Jamhuri ya Muungano ya Tanzania Mama Samia Suluhu, Waziri Mkuu Mh. Kassim Majaliwa na Naibu Katibu Mkuu Bara Ndugu Rajab Luhwavi wakishiriki kuimba wimbo maalum wa CCM kabla ya kufunguliwa kwa mkutano huo.

Mwenyekiti wa CCM na Rais Mstaafu, Dkt Jakaya Kikwete akfungua  Mkutano wa Halmashauri  Kuu ya CCM Taifa  (NEC) kwenye ukumbi wa Halmashauri Kuu ya Taifa ya CCM mjini Dodoma leo Julai 22, 2016. Kushoto ni Mwenyekiti wa CCM Mtarajiwa, Rais John Magufuli, Wapili kushoto ni Makamu Mwenyekiti wa CCM , Zanzibar, Dkt. Ali Mohamed Shein.

Mwenyekiti wa CCM na Rais Mstaafu, Dkt Jakaya Kikwete akifungua  Mkutano wa Halmashauri  Kuu ya CCM Taifa  (NEC) kwenye ukumbi wa Halmashauri Kuu ya Taifa ya CCM mjini Dodoma leo Julai 22, 2016. kutoka  kulia ni Makamu Mwenyekiti wa CCM , Bara, Mzee Philip Mangula na Katibu Mkuu wa CCM Ndugu Abdulrahman Kinana.

Mwenyekiti wa CCM na Rais Mstaafu, Dkt Jakaya Kikwete akisisitiza jambo wakati akifungua  Mkutano wa Halmashauri  Kuu ya CCM Taifa  (NEC) kwenye ukumbi wa Halmashauri Kuu ya Taifa ya CCM mjini Dodoma leo Julai 22, 2016. Kushoto ni Mwenyekiti wa CCM Mtarajiwa, Rais John Magufuli, Wapili kushoto ni Makamu Mwenyekiti wa CCM , Zanzibar, Dkt. Ali Mohamed Shein.

Msemaji wa CCM Ndugu Christopher Ole Sendeka akisalimiana na Mzee Mark Mwandosya  katikati ni Mjumbe wa NEC kutoka mkoa wa Singida Ndugu Mwigulu Nchemba.

Mjumbe wa Halmashauri Kuu ya CCM Taifa NEC kutoka Zanzibar Ndugu Mohamed Abood akisalimiana na Mjumbe mwenzake kutoka Zanzibar pia Balozi Ali Karume katikati anayecheka ni Katibu Mkuu wa CCM Mstaafu Mzee Wilson Mukama.

Baadhi ya Wajembe wa NEC wakiwa kwenye mkutano huo kutoka kulia ni Mark Mwandosya, Profesa Peter Msola na Mzee Steven Waira.

Mpiga picha wa Makamu wa Rais Bw. Adam Mzee kulia akiwaelekeza jambo waandishi wenzake kabla ya kuanza kwa mkutano huo kutoka kushoto ni  Emilian Malya kutoka Clouds Digital, Bakari Kimwanga kutoka Mtanzania na Said Mwishehe kutoka Jambo leo.

Mjumbe wa NEC Godfrey Zambi akisalimiana na Mjumbe mwenzake Hussein Mwinyi katikati ni Khadija Aboud.

Christopher Olesendeka akibadilishana mawazo na wajumbe wenzake.

Baadhi ya wajumbe wakiwa tayari kwa mkutano huo

Wajumbe kutoka mkoa wa Pwani

Mzee Mark Mwandosya akizungumza na mjumbe mwenzake Peter Serukamba kutoka mkoani Kigoma

Kaimu Mkurugenzi wa Idara ya Habari Maelezo Bi Zamaradi Kawawa katikati akiwa na mkurugenzi wa Redio Uhuru Angela Akilimali kulia na Mwandishi Mwandamizi wa Gazeti la Uhuru Selina Wilson wakiwa katika mkutano huo.

Wajumbe kutoka mkoani Mara wakiwa katika mkutano huo

Mwenyekiti wa CCM kotoka Mkoa wa Mwanza Bw. Joseph Kasheku Msukumu katikati akiwasikiliza wajumbe wenzake Januari Makamba kulia na Said Mtanda wakati  walipokuwa wakijadiliana jambo.

Mwenyekiti wa CCM mkoa wa Mwanza Ndugu Anthony Dialo akisalimiana na Mwenyekiti wa CCM mkoa wa Lindi Mzee Ali Mtopa.

 

Wajumbe wa NEC kutoka mkoani Kilimanjaro.

MHE. UMMY MWALIMU AAGIZA KUTENGWA FEDHA YA MFUKO WA MAENDELEO YA WANAWAKE.

 

Waziri wa Afya, Maendeleo ya Jamii, Jinsia, Wazee na Watoto Mhe. Ummy Mwalimu (Mb.) akikagua shughuli za maendeleo za vikundi vya wanawake wajasiliamali wa Kata ya Magoweko Wilayani  Gairo, Mkoa wa Morogoro.

 

Waziri wa Afya, Maendeleo ya Jamii, Jinsia, Wazee na Watoto Mhe. Ummy Mwalimu (Mb.) akiendelea kukagua shughuli za maendeleo za vikundi vya wanawake wajasiliamali wa Kata ya Magoweko Wilayani  Gairo, Mkoa wa Morogoro akiwa na Mbunge wa Jimbo hilo Mhe. Ahmed Shabiby (kulia).

.

 Waziri wa Afya, Maendeleo ya Jamii, Jinsia, Wazee na Watoto Mhe. Ummy Mwalimu (Mb.) akiendelea akiangalia moja ya mashine ya kufyatua matofali wakati wa ziara yake ya kukagua shughuli za maendeleo za vikundi vya wanawake wajasiliamali wa Kata ya Magoweko Wilayani  Gairo, Morogoro.Kulia ni Mbunge wa Jimbo hilo Mhe. Ahmed Shabiby (kulia).

……………………………………………………………………………………………

Na. Mwandishi –Wetu –Gairo Morogoro.
Waziri wa Afya, Maendeleo ya Jamii, Jinsia, Wazee na Watoto Mhe. Ummy Mwalimu (Mb.) leo amefanya ziara katika Wilaya ya Gairo, Mkoa wa Morogoro kwa kukagua shughuli za vikundi vya wanawake wajasiliamali wa Kata ya Magoweko.
Akihutubia wanawake na wananchi walio jitokeza katika maonyesho ya shughuli hizo, Mhe Ummy alieleza kuwa Serikali imejipanga katika kumuwezesha mwanamke kiuchumi.

Alisema, uwezeshaji huo utafanyika kupitia mifuko mbalimbali ya kuwawezesha wanawake, ikiwamo Mfuko wa Maendeleo ya Wanawake (WDF) uliopo katika kila Halmashauri nchini na Benki ya Wanawake Tanzania.

Katika hadhara hiyo Mhe Ummy alimwagiza Mkurugenzi wa Halmashauri ya Wilaya ya Gairo, Bibi Agness Martin Mkandya, kuhakikisha Halmashauri hiyo inatenga asilimia 5 ya mapato yake ya  ndani kwa ajili ya Mfuko wa Maendeleo ya Wanawake ili fedha hizo ziweze kutumika katika kukopesha wanawake wajasiliamali.
Aidha, aliwaeleza wananchi kuwa serikali itatekeleza ahadi yake ya Ilani ya Uchaguzi ya CCM ya mwaka 2015-20 kwa kutenga kiasi cha shilingi milioni 50 kwa kila Kijiji kama Mfuko wa Mzunguko (Revolving Fund) kwa ajili ya kukopesha vikundi vya wajasiriamali kupitia Ushirika wa Kuweka na Kukopa (SACCOS) katika vijiji husika;  hivyo wanawake nao wazichangamkie fedha hizo kwa kuanza kujiandaa kujiunga katika vikundi ili fursa hiyo isiwapite.
Katika kukabiliana na changamoto ya masoko kwa bidhaa zinazotengenezwa na wanawake, Mhe Ummy alisema, Ilani ya uchaguzi ya ccm pia inaelekeza Halmashauri zote kutenga asilimia 30 ya thamani ya manunuzi yake kwa ajili ya bidhaa zinazotengenezwa na vikundi vya vijana au wanawake. Aidha, mbunge wa Jimbo la Gairo, Mhe Ahmed Shabiby aliwaeleza wananchi kuwa wataandaa utaratibu wa kuwa na maonyesho rasmi ya kutangaza kazi za wanawake wajasiliamali wa Wilaya hiyo.
Baadhi ya Wanawake walioshiriki katika shughuli hiyo walieleza kuwa kupitia shughuli za vikundi wameweza kushiriki katika shughuli mbalimbali za kujiongezea kipato ikiwa ni pamoja na kuhamasisha vijana kujiunga na vikundi hivyo, wakilenga pia kuwaelimisha vijana kuacha matumizi ya madawa ya kulevya. Aidha, wanawake hao waliainisha moja ya changamoto kubwa inayo wakabili kuwa ni ukosefu wa mtaji wa kutosha kuendesha biashara zao.
Kupitia hadhara hiyo Mhe Ummy aliwataka wazazi kutilia mkazo elimu kwa watoto wa kike. Alieleza kuwa Wilaya ya Gairo inakabiliwa na tatizo kubwa la mimba na ndoa za utotoni, tatizo ambalo kwa kiasi kikubwa linafifisha jitihada za serikali katika kumpatia mtoto wa kike Elimu.

NAIBU WAZIRI WA UJENZI NA UCHUKUZI ATEMBELEA CHUO CHA USAFIRISHAJI

 

Mkuu wa Chuo cha Taifa cha Usafirishaji (NIT) Prof. Zacharia Mganilwa akifafanua jambo kwa Naibu Waziri wa Ujenzi, Uchukuzi na Mawasiliano Eng. Edwin Ngonyani alipotembelea Chuo hicho kukagua miundombinu yake.

 

Naibu Waziri wa Ujenzi, Uchukuzi na Mawasiliano Eng. Edwin Ngonyani akitoa maelekezo kwa  Mkuu wa Chuo cha Taifa cha Usafirishaji (NIT) Prof. Zacharia Mganilwa kuhusu namna nzuri ya kukiwezesha Chuo hicho kujiendesha kwa faida na kuboresha miundombinu yake.

 

Mkuu wa Kitengo cha Uhandisi wa anga katika Chuo cha Taifa cha Usafirishaji NIT Eng. Azizi Mdimi akimuonesha Naibu Waziri wa Ujenzi, Uchukuzi na Mawasiliano Eng. Edwin Ngonyani injini ya ndege inayotumia kwa mafunzo wakati alipokagua Hanga katika chuo hicho.

 

Naibu Waziri wa Ujenzi, Uchukuzi na Mawasiliano Eng. Edwin Ngonyani akikagua ndege inayotumiwa kufundishia wanafunzi wanaosomea utengenezaji wa ndege na urubani alipotembelea Chuo cha Usafirishaji NIT.

 

Mkuu wa Chuo cha Taifa cha Usafirishaji (NIT) Prof. Zacharia Mganilwa akimuonesha  Naibu Waziri wa Ujenzi, Uchukuzi na Mawasiliano Eng. Edwin Ngonyani moja ya kitabu kinachotumiwa kufundishia marubani na wahandisi wa ndege alipotembelea maktaba ya chuo hicho.

 

Naibu Waziri wa Ujenzi, Uchukuzi na Mawasiliano Eng. Edwin Ngonyani akikagua mtambo unaopima magari ili kujua ubora wake kabla ya kuanza kutumika hapa nchini alipotembelea Chuo cha Taifa cha Usafirishaji NIT.

(Picha na Benjamin Sawe-Maelezo)

UMMY MWALIMU AZINDUA UJENZI WA WODI YA WAZAZI KATIKA KITUO CHA AFYA CHA GAIRO

 

Waziri wa afya,Maendeleo ya jamii,jinsia,wazee na watoto Ummy Mwalimu akikata utepe kuashiria uzinduzi wa ujenzi ya wodi ya wazazi kwenye kituo cha afya Gairo.

 

Waziri Ummy Mwalimu akiwasikiliza watumishi wa kituo hicho cha afya(hawapo pichani),kushoto ni mbunge wa jimbo la Gairo Mhe.Ahmed Shabiby(wa kwanza kushoto)Mkuu wa Wilaya hiyo mhe.Siriel Mchembe(wa pili kulia) na wa kwanza kulia ni Mkurugenzi wa halmashauri  bi.Agnes Mkandya

 

Waziri Ummy akimsikiliza mwananchi(hayupo pichani)kwenye kituo cha afya gairo mara baada ya kuzindua ujenzi wa wodi ya wazazi,kulia ni bi. Agnes Mkandya Mkurugenzi wa halmashauri hiyo

 

Waziri wa afya akiwa kwenye picha ya pamoja na viongozi wa halmashauri hiyo,mara baada ya kuzindua ujenzi wa wodi ya wazazi inayojengwa kwenye kituo cha afya gairo.

(picha na wizara ya afya)

……………………………………………………………………………………….

Na.Catherine Sungura,Gairo

Halmashauri ya Wilaya ya Gairo wametakiwa kuweka kwenye mipango yake na kiwe kipaumbele chao  ujenzi wa Hospitali ya wilaya.
Hayo yamesemwa na Waziri wa Afya,Maendeleo ya Jamii,Jinsia,Wazee na Watoto Ummy Mwalimu wakati akizindua ujenzi wa wodi ya wazazi  inayojengwa kwenye kituo cha Afya mjini hapa inayodhaminiwa na mbunge Ahmed Shabiby.
Waziri Ummy amesema wodi hiyo ikikamilika itawasaidia akina mama wengi wa halmashauri Hiyo pamoja na vijiji vya jirani  kufika kituoni hapo kujifungua”suala ya uzazi kwa mwanamke ni haki yake ya msingi,hivyo kuwa na wodi yao ni haki yao pia na kwa afya zao na za watoto wanaojifungua”
Aidha,amesisitiza juu ya utekelezwaji wa sera ya afya inayohusu matibabu bure kwa akina mama wajawazito,wazee na watoto chini ya miaka mitano.
“Nazikumbusha hospitali na vituo vya afya nchini kuwapa kipaumbele kwa kuwapatia matibabu makundi haya,pia muweke  dirisha litakaowahudumia wazee,na hii ndio muhimu mlitekeleze”
Kwa upande wa watumishi,Waziri Ummy Karnataka waendelee kufanya kazi kwa uadilifu kwa mujibu wa sheria na taratibu Za taaluma zap na kuzingatia viapo vyao katika kuwahudumia wananchi ili kusiwepo na malalamiko yatakayoleta matatizo.miongoni mwao.
“Nakuagiza Mkurugenzi wa halmashauri  uhakikishe unatatua changamoto za watumishi ikiwemo kuwalipa posho za sare za kazi,  likizo na stahiki zao nyingine watumishi hawa”
Awali akisoma taarifa ya Wilaya,mkuu wa wilaya hiyo bi. Siriel Mchembe alitaja changamoto kubwa kwa upande wa huduma za afya ni kukosekana kwa hospitali ya Wilaya Mkuu wa wilaya ya Gairo juu ya hali ya huduma za afya wilayani humo, alieleza changamoto mbalimbali zinazoikabili sekta ya afya ikiwemo ukosefu wa hospitali ya wilaya,  gari la kubebea wagonjwa, upungufu wa watumishi pamoja na kutokuwepo kwa zahanati na vituo vya afya katika kata na vijiji hali inayopelekea wananchi kuzifuata huduma za afya umbali mrefu.

WANACHAMA WA CUF KUPIGA HODI KWA IGP MANGU ENDAPO ATAENDELEA KUKIFUATILIA CHAMA HICHO

 

Naibu Katibu Mkuu wa Chama cha Wananchi (CUF), Zanzibar, Nassor Ahmed Mazrul (wa nne kushoto), akizungumza na waandishi wa habari Dar es Salaam leo, wakati akitoa msimamo wa chama hicho kuhusu mikakati ya Jeshi la Polisi dhidi ya vyama vya siasa hasa cha Cuf. Wengine ni maofisa mbalimbali wa chama hicho.

 

Naibu Katibu Mkuu wa chama hicho, Tanzania Bara, Shaweji Mketo, akizungumza na waandishi wa habari Dar es Salaam , wakati wa kutoa msimamo wa chama hicho kuhusu mikakati ya Jeshi la Polisi dhidi ya vyama vya siasa hasa cha Cuf. Kutoka kulia ni Mkurugenzi wa Ulinzi Taifa, Mustafa Wandu na Naibu Katibu Mkuu wa Chama cha Wananchi (CUF), Zanzibar, Nassor Ahmed Mazrul.

wanahabari wakichukua taarifa hiyo.

……………………………………………………………………………………………

Na Dotto Mwaibale

MKURUGENZI wa Uchaguzi wa Chama cha Wananchi (CUF) Shaweji Mketo amesema iwapo Mkuu wa Jeshi la Polisi Nchini, IGP Ernest Mangu ataendelea kukifuatilia chama hicho wanachama wa chama hicho watekwenda ofisini kwake kumsalimia.

Mketo ameyasema hayo Makao Makuu ya Chama hicho Buguruni leo Dar es Salaam leo wakati Naibu Katibu Mkuu wa Chama cha Wananchi (CUF), Zanzibar, Nassor Ahmed Mazrul alipo kuwa  akizungumza na waandishi wa habari kuhusu msimamo wa chama hicho kuhusu mikakati ya Jeshi la Polisi dhidi ya vyama vya siasa hasa cha Cuf.

“Tunasema sisi Cuf hatumuogopi IGP na kama ataendelea kutufuatafuata haita pita wiki mbili tutamfuata kwenda kumsalimia ofisi kwake” alisema Mketo.

Naibu Katibu Mkuu wa Chama cha Wananchi (CUF), Zanzibar, Nassor Ahmed Mazrul

alisema chama hicho kimesikitishwa na kauli ya IGP aliyoitoa hivi karibuni wakati akihojiwa Tido Mhando wa Kituo cha Televisheni cha Azzam kuwa jeshi hilo wakati wowote litamkamata  Katibu Mkuu wa chama hicho, Maalim Seif Sharif Hamad kwa kuwachochea  wafuasi wake ili waichukie serikali iliyopo madarakani.

Alisema baada ya kuitafakari kauli hiyo ya IGP wamebaini kwamba hivi sasa IGP  Mangu ameamua kuwathibitishia watanzania kuwa jeshi la polisi ni idara maalumu ya Chama Cha Mapinduzi (CCM).

Mazrul  alisema kwa muda mrefu IGP Mangu amekuwa akilitumia jeshi la polisi kushiriki katika matukio mbalimbali ya kuhujumu demokrasia na kukiuka haki za binadamu kwa lengo la kukinusuru Chama Cha Mapinduzi (CCM) kutokana na anguko kubwa la kukataliwa na wananchi kama ilivyothibitika kabnla na baada ya uchaguzi Mkuu wa Oktoba 25 mwaka jana.

Alisema jeshi la polisi limekuwa na utaratibu wa kukamata raia, kuwapiga kuwabambikia kesi, kuwashikilia na kuwatesa katika vituo vya polisi bila ya kuwafikisha mahakamani.

Mazrul alisema  hadi sasa zaidi ya wananchi 400 wameathiriwa kutokana na hujuma za jeshi la polisi kwa kuwabambikia kesi.

(Imeandaliwa na mtandao wa www. habari za jamii.com-simu namba 0712-727062)

TAARIFA YA JESHI LA POLISI MKOA WA MBEYA KWA VYOMBO VYA HABARI

 

Jeshi la Polisi mkoa wa Mbeya limeendelea kufanya misako, operesheni na doria zenye tija katika maeneo mbalimbali ili kudhibiti uhalifu na wahalifu na limekuwa likishirikiana na wananchi na wadau wengine katika jitihada hizo za kukabiliana na uhalifu na wahalifu. Hata hivyo kuna matukio mawili ya mauaji yameripotiwa kutokea  katika wilaya za Chunya na Mbarali kama ifuatavyo.

Tukio la kwanza.

NEEMA NELSON MBUNGA [25], mfanyabiashara ya  mazao, mkazi wa Mengele – Chimala, aliuawa kwa kukatwa mapanga kichwani na mikononi akiwa amelala chumbani kwake.

Tukio hilo lilitokea tarehe 19.07.2016 majira ya saa 02:00hrs katika kijiji cha Mengele,  kata ya Chimala,  tarafa ya Ilongo wilaya ya Mbarali.   Watu wawili wanashikiliwa na Polisi kuhusiana na tukio hilo akiwemo kaka wa marehemu ANYAMISYE NELSON [34], mkazi wa Mengele – Chimala ambaye alikuwa amelala chumba cha pili katika nyumba hiyo ambayo haikuvunjwa sehemu yoyote na mtuhumiwa wa pili aliyekamatwa ni FREDY LUPONELO CHOTA [32], mkazi wa Chimala. Chanzo cha tukio hilo bado kinachunguzwa. Begi dogo la marehemu limekutwa eneo la shule ya msingi Mengele umbali wa mita takribani 300 kutoka eneo la tukio likiwa na vitambulisho na nguo.

Tukio la pili.

Watu wawili  SHIJA MIGUDA [40] na mke wake KABULA KATABI [35], wakazi wa kitongoji cha Mpembe waliuawa kwa kukatwa mapanga mwilini wakiwa wamelala nyumbani kwao, baada ya mlango wa nyumba kuvunjwa.

Tukio hilo limetokea tarehe 19.07.2016 saa 02:30hrs kitongoji cha Mpembe, kijiji cha Mwiji, kata ya Lualaje, tarafa ya Kipembawe, wilaya ya Chunya. Chanzo cha tukio hili ni imani potofu za kishirikina kufuatia marehemu hao kutuhumiwa kuwa ni wachawi hapo kijijini. Watuhumiwa ambao ni majirani na marehemu walikimbia baada ya tukio, ufuatiliaji unaendelea.

WITO:

Kaimu Kamanda wa Polisi Mkoa wa Mbeya Kamishna Msaidizi wa Polisi EMANUEL .G .LUKULA anatoa  wito kwa jamii hasa wahalifu kuacha tabia ya kuwa na  tamaa ya  utajiri wa haraka kwa kujipatia kipato  haraka kwa njia ya  mkato / haramu badala yake wajishughulishe kwa kufanya kazi halali na kupata kipato halali. Aidha Kamanda LUKULA anatoa rai kwa yeyote mwenye taarifa juu ya mtu / watu waliohusika katika matukio hayo  azitoe katika mamlaka husika ili wakamatwe na sheria ichukue mkondo wake vinginevyo wajisalimishe mara moja. Pia anaendelea kutoa wito kwa jamii kuepukana na tabia ya kusadiki imani potofu za kishirikina kwani zina madhara makubwa kwa jamii ikiwemo kupoteza nguvu kazi ya Taifa.

[EMANUEL G. LUKULA  – ACP]

KAIMU KAMANDA WA POLISI MKOA WA MBEYA.

MAKAMU WA RAIS MHE. SAMIA AFANYA MAZUNGUMZO NA WAJUMBE WANAWAKE WA HALMASHAURI KUU YA CCM TAIFA

Makamu wa Rais wa Jamhuri ya Muungano wa Tanzania Mhe. Samia Suluhu Hassan akizungumza na Wajumbe wa Halmashauri Kuu ya CCM Taifa ambapo aliwaambia umoja na mshikamano ni nguzo muhimu kwa wanawake .

Aliwataka kutumia fursa zinazopatikana mjini na kujiunga na Majukwaa ya Wanawake.

Mjumbe wa Halmashauri Kuu ya CCM Taifa kutoka Wilaya ya Uvinza ,Asha Baraka akichangia jambo wakati wa Mazungumzo na Makamu wa Rais wa Jamhuri ya Muungano wa Tanzania Mhe. Samia Suluhu Hassan

Sehemu ya Wajumbe wakifuatilia mazungumzo baina yao na Makamu wa Rais wa Jamhuri ya Muungano Mhe. Samia Suluhu Hassan.

WASIFU WA DKT. JOHN POMBE JOSEPH MAGUFULI MGOMBEA NAFASI YA MWENYEKITI WA CCM

 

WASIFU WA DKT. JOHN POMBE JOSEPH MAGUFULI

MGOMBEA NAFASI YA MWENYEKITI WA CCM

1.0.  MAISHA YAKE

 

Ndugu John Pombe Joseph Magufuli alizaliwa Oktoba 29, mwaka 1959 katika kijiji cha Chato, Wilayani Biharamulo katika Mkoa wa Kagera. Hivi sasa Chato ni Wilaya katika Mkoa wa Geita. Ndugu Magufuli ni Daktari wa Falsafa (PhD) ya Kemia. Ana mke  na watoto saba.  Alichaguliwa kuwa Rais wa Jamhuri ya Muungano wa Tanzania mwezi Oktoba, 2015 kwa tiketi ya Chama Cha Mapinduzi (C.C.M). Aliapishwa na kuanza rasmi majukumu yake ya kuiongoza Tanzania tarehe 5 Novemba, 2015.

Tangu ameingia madarakani, Rais Dkt. Magufuli, ameonesha kuwa ana sifa zote muhimu za uongozi. Ana dira, maono na malengo kuhusu anakotaka Taifa liende. Ana mikakati ya kutekeleza dira na maono yake. Haogopi kufanya maamuzi makini. Ana kiu ya kuona Taifa linapata maendeleo. Amejipambanua kuwa yeye ni mtetezi wa wanyonge na dhamira yake kubwa ni kuona wananchi wanapata huduma bora  za jamii na kero zao zinaondoka.

 

2.0.  ELIMU NA MAFUNZO

 

Rais Dkt. Magufuli alianza elimu ya msingi katika Shule ya msingi Chato mwaka 1967 na kumaliza mwaka 1974. Mwaka 1975 alianza masomo ya sekondari katika Shule ya Seminari ya Katoke Mkoani Kagera.  Mwaka 1977 alihamia shule ya sekondari ya Lake iliyopo Mkoani Mwanza  na kuhitimu kidato cha Nne mwaka 1978. Kuanzia mwaka 1979 hadi 1981 alifanya masomo ya kidato cha Tano na  Sita katika shule ya Sekondari ya Mkwawa Mkoa wa Iringa  .

Mwaka 1981 hadi 1982 alisoma Chuo cha Ualimu Mkwawa na kuhitimu Stashahada ya Ualimu ya Masomo ya Kemia na Hisabati.  Mwezi Julai hadi Disemba mwaka 1983, Dkt. Magufuli alipata mafunzo ya kijeshi  katika Jeshi la  kujenga Taifa kikosi cha Makutupora mkoa wa Dodoma. Mwezi Januari hadi Machi 1984 alihamishiwa kikosi cha mafunzo Jeshi la Kujenga Taifa Makuyuni, Arusha.  Mwezi huo wa Machi alihamia kikosi cha Jeshi la Kujenga Taifa Mpwapwa Dodoma na kumaliza mafunzo mwezi Juni 1984.

Mwaka 1985 alijiunga na Chuo Kikuu cha Dar es salaam kusoma Shahada ya kwanza ya Sayansi na Ualimu akijikita katika masomo ya Kemia na Hisabati. Alitunukiwa Shahada hiyo mwaka 1988.  Mwaka 1991 hadi 1994 alisoma na kutunukiwa Shahada ya Uzamili katika fani ya Kemia iliyotolewa na Chuo Kikuu cha Dar es salaam na Chuo Kikuu cha Salford cha Uingereza. Mwaka 2006 alijiunga na  Chuo Kikuu cha Dar es Salaam kwa ajili ya Shahada ya Uzamivu katika Fani ya Kemia na kufanikiwa kuhitimu mwaka 2009.

 

3.0.  UZOEFU WA NDANI YA  SERIKALI

JAMII ZINAZOZUNGUKA MAENEO YA HIFADHI NCHINI ZISHIRIKISHWE KULINDA MALIASILI ZA TAIFA

Naibu Waziri wa Maliasili na Utalii, Eng. Ramo Makani (wa kwanza kulia) akizungumza na Mkuu wa Hifadhi ya Taifa ya Kisiwa cha Rubondo, Massana Mwishawa (wa pili kulia) alipotembelea hifadhi hiyo tarehe 21 Julai, 2016 kwa ajili ya kujionea kero mbalimbali na kuzitafutia ufumbuzi. Kushoto aliyesimama na Mbunge wa Jimbo la Geita Vijijini, Joseph Kasheku maarufu kwa
jina la Msukuma.

Mkuu wa Hifadhi ya Taifa ya Kisiwa cha Rubondo, Massana Mwishawa (wa pili kulia) akimuonesha Naibu Waziri wa Maliasili na Utalii, Eng. Ramo Makani (wa kwanza kulia) sehemu ya fukwe za hifadhi hiyo ambazo ni makazi ya Mamba na Ndege wa aina mbali mbali alipotembelea hifadhi hiyo tarehe 21 Julai, 2016 kwa ajili ya kujionea kero mbalimbali na kuzitafutia ufumbuzi. Kushoto aliyesimama na Mbunge wa Jimbo la Geita Vijijini, Joseph Kasheku maarufu kwa jina la Msukuma. 

Naibu Waziri wa Maliasili na Utalii, Eng. Ramo Makani (wa pili kulia) akiteta jambo na Kaimu Mkuu wa Mkoa wa Geita, Mwl. Herman Kapufi (kulia) katika fukwe ya Hifadhi ya Taifa ya Kisiwa cha Rubondo alipotembelea hifadhi hiyo tarehe 21 Julai, 2016 kwa ajili ya kujionea kero mbalimbali na kuzitafutia ufumbuzi. Kushoto anaesaini kitabu cha wageni ni Mbunge wa Jimbo la Geita Vijijini, Joseph Kasheku maarufu kwa jina la Msukuma.

BENKI YA CRDB YAKABIDHI MSAADA WA MADAWATI 100-KIGOMA

 

Meneja wa Benki ya CRDB tawi la Kasulu mkoani Kigoma Paul Chacha akizungumza wakati wa hafla ya kumkabidhi Mkuu wa Wilaya Kakonko madawati 100 yenye thamani ya Sh. Mil 5 yaliyotolewa na benki hiyo kwa ajili ya kukabiliana na upungufu wa madawati katika Shule za Msingi wilayani humo.

Mkurugenzi Mtendaji wa Halmashauri ya Wilaya Kakonko mkoani Kigoma Lusubilo Mwakabibi (aliyesimama katikati) akizungumza muda mfupi kabla ya benki ya CRDB haijakabidhi madawati 100 yenye thamani ya Sh. Mil 5 kwa ajili ya shule za msingi wilayani humo.

Mkuu wa wilaya Kakonko mkoani Kigoma Kanali Hosea Ndagala akizungumza kabla hajapokea madawati 100 yaliyotolewa na Benki ya CRDB kwa ajili ya Shule za Msingi wilayani humo.

Mkuu wa wilaya Kakonko mkoani Kigoma Kanali Hosea Ndagala (kulia) akipokea kutoka kwa Meneja wa Benki ya CRDB tawi la Kasulu mkoani Kigoma moja ya madawati 100 yaliyotolewa na benki hiyo kwa ajili ya wanafunzi wa Shule za Msingi wilayani humo.

Mkuu wa Wilaya ya Kakonko Mkoani Kigoma, Kanali Hosea Ndagaa (kulia) akipokea sehemu ya msaada wa madawati 100 kutoka kwa Meneja wa CRDB Tawi la Kasuu, Paul Chacha. Wanaoshuhudia ni Mkurugenzi wa Hamashauri ya Wilaya ya Kakonko, Lusubilo Mwakibibi (katikati) na ofisa wa CRDB.

Mkuu wa Wilaya ya Kakonko mkoani Kigoma, Kanali Hosea Ndagala (walioka kulia) akiwa na Meneja wa CRDB Tawi la Kasulu, Paul Chacha (katikati) na Mkurugenzi wa Halmashauri ya Kakonko, Lusubilo Mwakibibi. Kushoto waliosimama ni Katibu Tawala wa Kakonko, Zainab Mbunda.

Mkuu wa Wilaya ya Kakonko mkoani Kigoma, Kanali Hosea Ndagala (kulia) akimshukuru Meneja wa Benki ya CRDB Tawi la Kasulu, Paul Chacha baada ya kupokea msaada wa madawati 100 kwa ajili ya Shule za Msingi Wilayani humo. Kushoto ni Mkurugenzi wa Halmashauri ya Wilaya ya Kakonko, Lusubilo Mwakibibi.

Mkuu wa Wilaya ya Kakonko, Kanali Hosea Ndagala (katikati) akiwa na Meneja wa CRDB Tawi la Kasulu, Paul Chacha (wa pili kulia), Mkurugenzi wa Halmashauri ya Kakonko, Lusubilo Mwakibibi (kushoto) na Katibu Tawala wa Kakonko, Zainab Mbunda.

RIPOTI YA KIUCHUMI BARANI AFRIKA YAZINDULIWA JIJINI DAR ES SALAAM

Ofisa Uchumi  wa Idara ya Afrika wa Nchi Zinazoendelea  kutoka Geneva (Unctad), Claudia Roethlisberger, akizungumza na wadau mbalimbali wa masuala ya uchumi wakati wa uzinduzi wa ripoti ya maendeleo ya kiuchumi barani Afrika iliyofanyika jijini Dar es Salaam,jana. Kulia ni Ofisa habari Umoja wa Mataifa Kitengo cha Mawasiliano (UNIC),Stellah Vuzo.

 Ofisa habari Umoja wa Mataifa Kitengo cha Mawasiliano (UNIC),Stellah Vuzo,akizungumza katika uzinduzi wa ripoti hiyo ya maendeleo ya kiuchumi barani afrika. Kushoto ni Ofisa Uchumi  wa Idara ya Afrika wa Nchi Zinazoendelea  kutoka Geneva (Unctad), Claudia Roethlisberger.

Mtafiti wa Shirika linalojishughulisha na masuala ya utafiti wa masuala ya uchumi (REPOA),Stephen Mwombela,akichangia mada katika mkutano huo.

Wadau mbalimbali wa masuala ya uchumi nchini wakifuatilia kwa makini uzinduzi wa ripoti hiyo .

………………………………………………………………………………

NA ELISA SHUNDA

SERIKALI za Afrika zimeshauriwa kuchukua hatua ya kuzuia ukuaji wa madeni ya mataifa yao ili kuepusha migogoro inayoweza kutokea kama iliyowahi kutokea miaka ya mwishoni mwa 1980 na 1990.

Pia zimetakiwa kuongeza vyanzo vipya vya mapato kwaajili ya kugharamia maendeleo ya nchi zao.

Kauli hiyo imetolewa jijini hapa jana na Ofisa Uchumi Idara ya Afrika,Nchi zinazoendelea ambaye ni mwakilishi kutoka Geniva, Claudia Reothlisberger, wakati alipokuwa akizindua Ripoti ya Maendeleo ya Kiuchumi Barani Afrika.

“Ripoti hii ya UNCTAD inayozinduliwa leo(jana) inayohusu Maendeleo ya Uchumi barani Afrika, lakini tufahamu imekuwa ikichapishwa kila mwaka kuanzia mwaka 2000,lengo likiwa ni kuzisaidia nchi za Afrika kukabiliana na hasara ya uwezekano wa ushirikiano mkubwa wa kiuchumi na uchumi wa dunia kwa kufanya utafiti na uchambuzi sambamba na kujenga maridhiano na ushirikiano wa kiufundi,

“Ripoti hii ambayo imezinduliwa chini ya Umoja wa Mataifa kuhusu Biashara na Maendeleo (UNCTAD), inasisitiza kuwa kukopa inaweza kuwa sehemu muhimu ya kuboresha maisha ya wananchi wa afrika lakini lazima kupata uwiano kati ya wakati wa sasa, na baadaye kwa sababu madeni ni hatari yanapokuwa sio endelevu” alisema.

Aidha alisema kwa mujibu wa ripoti hiyo ilibaini kuwa angalau dola za kimarekani bilioni 600 zinahitajika kila mwaka ili kufikia Malengo ya Maendeleo endelevu(SDGs) barani Afrika.

Alisema licha ya ripoti hiyo kubaini pia kwa sasa nchi nyingi za afrika zimeanza kuondokana na utegemezi wa misaada rasmi ya maendeleo kutokana na kutumia vyanzo vyake vipya vya fedha na vyenye ubunifu lakini zinapaswa kuangalia vyanzo vya mapato vya nyongeza ambavyo vitasaidia afrika kufikia malengo yake.

“Ripoti hii ambayo pia imepewa kichwa kidogo kuwa Mienendo ya Madeni na Fedha za maendeleo barani afrika ilionyesha kuwa zipo nchi kadhaa za Afrika zilikopa sana katika masoko ya ndani, na nchi hizo ni Nigeria, Ghana, Kenya,Tanzania na Zambia” alisema.

Kwa upande wake Mchumi kutoka Benki ya Maendeleoa ya Afrika(AfDB), Prosper Charles alisema kuwa ni wakati sasa serikali kuwa macho na hatari za kukopa kutokana na masharti magumu yaliyopo katika kipindi hiki.

“Ili kufikia malengo endelevu ya  ya millennia ni lazima serikali ijizatiti kutekeleza miradi yake haswa mipango yake ambayo itasaida kuondokana na hatari ya deni la taifa”alisema.

Imeandaliwa na Shunda blog/elisashunda@gmail.com/0719-976633.

Mbunge wa jimbo la Ukonga, Mwita Waitara akabidhi madawati shule ya msingi Kilimani .

 

Mbunge wa jimbo la Ukonga, Mwita Waitara, akimkabidhi madawati mwalim Mkuu msaidizi wa Shule ya Msingi  Kerezange dar es Salaam.

 

Mbunge wa jimbo la Ukonga, Mwita Waitara, akimkabidhi mpira mwalimu wa michezo wa shule ya Msingi Kilimani, Abdull Mukhusin,  iliyopo Kipunguni wakati alipoenda kukabidhi madawati kwa shule tatu.

 

Mbunge wa jimbo la Ukonga, Mwita  Waitara akisalimiana na wanafunzi wa shule ya msingi  Kilimani  iliyopo Kipunguni wakati alipoenda kukabidhi madawati kwa shule tatu za jimbo lake.

 

Mbunge wa jimbo la Ukonga, Mwita Waitara akiongea na wanafunzi wa Shule ya msingi Kilimani iliyopo Kipunguni wakati alipoenda kukabidhi madawati kwa  shule tatu za jimbo lake.

Picha na Mpiga Picha Wetu

MAWAZIRI WA MAJI AFRIKA WATEMBELEA CHANZO CHA MAJI CHA RUVU CHINI

 

Meneja wa Mtambo wa Ruvu Chini Mhandisi Emmanuel Makusa akiwaelezea baadhi ya Mawaziri wa Maji wa nchi za Afrika waliotembelea mtambo huo kujifunza namna Tanzania inavyojidhatiti kuwapatia maji wananchi wake.

 

Baadhi ya Mawaziri wa Maji wa nchi za Afrika wakitembelea maeneo mbalimbali ya mtambo Ruvu Chini kujifunza namna Tanzania inavyojidhatiti kuwapatia maji wananchi wake.

 

Naibu Waziri wa Maji na Umwagiliaji Mhandisi Isack Kamwewe akiwaeleza baadhi ya Mawaziri wa Maji wa nchi za Afrika namna mradi wa Ruvu Chini unavyowahudumia baadhi ya wakazi wa wilaya ya Bagamoyo mkoani Pwani na wakazi wa mkoa wa Dar es salaam.

 

Mhifadhi wa Mji Mkongwe wa Bagamoyo Noel Laswai akiwaeleza baadhi ya Mawaziri wa Maji wa nchi za Afrika namna mji wa kale wa Kaole ulivyokuwa tangu karne ya 13.

Continue reading →

MAKAMU WA RAIS AHUTUBIA KWENYE MKUTANO WA KUMI WA BARAZA LA MAWAZIRI WA MAJI AFRIKA

 

Makamu wa Rais wa Jamhuri ya Muungano wa Tanzania Mhe. Samia Suluhu Hassan akihutubia kwenye Mkutano wa Kumi wa Baraza la Mawaziri wa Maji katika Ukumbi wa Kimataifa wa Mwalimu Nyerere Convention Center ,Dar es Salaam

 

Makamu wa Rais wa Jamhuri ya Muungano wa Tanzania Mhe. Samia Suluhu Hassan akizungumza na Waziri wa Maji na Umwagiliaji Mhandisi Gerson Lwenge wakati wa Mkutano wa Kumi wa Barazala La Mawaziri wa Maji

Baadhi ya wajumbe wakifuatilia mkutano huo.

Makamu wa Rais wa Jamhuri ya Muungano wa Tanzania Mhe. Samia Suluhu Hassan amewaambia wajumbe wa mkutano wa kumi wa Baraza la Mawaziri Afrika kuwa  muda umefika wa kuacha kuongea na kuweka mkazo kwenye kutelekeza malengo tuliyojiwekea ya kufikia dira ya maji ya Afrika ya mwaka 2025

Ikumbukwe ya kwamba misaada kutoka kwa wafadhili inakikomo kwa hivyo ni muhimu kwa nchi kujiwekea malengo ambayo miradi hiyo itaendelea kuwepo hata misaada ikifika kikomo.

Ushirikiano katika matumizi ya vyanzo vya maji ambavyo vinapakana na nchi zetu Kuendelea kutumia mipango ya ushirikiano  iliyopo kama vile ili kuhakikisha upatikanaji wa  maji safi na salama kwa bara la Afrika Taasisi za kifedha za bara kama vile Benki ya Maendeleo ya Afrika iwe katika mstari wa mbele wa kuunda na kupanga mikakati itakayosaidia ili kuhamasisha upatikanaji vya fedha

aliwaomba kuwa azimio litakalofikiwa litoe muongozo kwa wadau wote wakiwemo washirika wa maendeleo kuhusu namna nchi wanachama wanaweza kukabiliana na changamoto za upatikanaji wa maji safi na salama ili kuweza kufikia dira ya Afrika ya maji ya mwaka 2025 na goli namba 6 la malengo ya maendeleo endelevu.

BOFYA HAPA KWA PICHA ZAIDI