Wednesday, July 6, 2016

MH. MHAGAMA AZINDUA BODI YA WADHAMINI YA MFUKO YA MFUKO WA HIFADHI YA JAMII NSSF

Waziri wa Nchi Ofisi ya Waziri Mkuu (Sera, Bunge, Ajira na Watu wenye Ulemavu) Mhe. Jenista Mhagama (mb) akisisitiza jambo wakati wa mkutano wa uzinduzi wa Bodi ya Wadhamini ya Mfuko wa Hifadhi ya Jamii NSSF uliofanyika katika Ukumbi wa Mikutano wa Ofisi ya Waziri Mkuu Julai, 05, 2016.
Baadhi ya wajumbe wa Bodi ya Wadhamini ya Mfuko wa Hifadhi ya Jamii NSSF wakimsikiliza Waziri wa Nchi Ofisi ya Waziri Mkuu (Sera, Bunge, Ajira na Watu wenye Ulemavu) Mhe. Jenista Mhagama (hayupo pichani) wakati wa uzinduzi wa bodi hiyo katika Ukumbi wa Mikutano wa Ofisi hiyo Julai 5, 16 Dar es Salaam.
Waziri wa Nchi Ofisi ya Waziri Mkuu (Sera, Bunge, Ajira na Watu wenye Ulemavu) Mhe. Jenista Mhagama akimkabidhi vitendea kazi Mwenyekiti wa Bodi ya Wadhamini ya Mfuko wa Hifadhi ya Jamii NSSF Prof. Samwel Chacha Wangwe mara baada ya uzinduzi wa bodi hiyo Julai 5, 2016.
Mwenyekiti wa Bodi ya Wadhamini ya Mfuko wa Hifadhi ya Jamii NSSF Prof. Samwel Chacha Wangwe akitoa neno la shukrani kwa Waziri wa Nchi Ofisi ya Waziri Mkuu (Sera, Bunge, Ajira na Watu wenye Ulemavu) Mhe. Jenista Mhagama (hayupo pichani) mara baada ya uzinduzi wa Bodi hiyo Julai 05, 2016 katika Ukumbi wa Ofisi ya Waziri Mkuu.

Waziri wa Nchi Ofisi ya Waziri Mkuu (Sera, Bunge, Ajira na Watu wenye Ulemavu) Mhe. Jenista Mhagama (katikati) akiwa katika picha ya pamoja na wajumbe wa Bodi ya Wadhamini wa Mfuko wa Hifadhi wa Jamii (NSSF) mara baada ya kuuzindua rasmi katika Ofisi yake Jijini Dar es Salaam.(PICHA ZOTE NA OFISI YA WAZIRI MKUU).

DK. SHEIN AHUTUBIA BARAZA LA EID NA KUSISITIZA WAJIBU WA VIONGOZI WA SIASA KUHIMIZA UTII WA SHERIA, AMANI, UTULIVU NA UPENDO

Viongozi wa vyama vya siasa wamekumbushwa kuwa ni wajibu wao kuhimiza utiifu wa sheria, amani, utulivu na usalama wa nchi pamoja na kuhamasisha upendo miongoni mwa jamii.

Akizungumza katika Baraza la Eid leo, Rais wa Zanzibar na Mwenyekiti wa Baraza la Mapinduzi Alhaj Dk. Ali Mohamed Shein alieleza kuwa viongozi hawapaswi kuhamasisha wafuasi wa vyama vyao kufanya vitendo vya hujuma na kuleta sintofahamu katika jamii na kuvuruga amani na utulivu uliopo.

Alisema kuwa viongozi hao kuwachochea wafuasi wao kufanya vitendo kama hivyo ni “kinyume na maamrisho ya Mwenyezi Mungu” na kutolea mfano vitendo ambavyo vimekuwa vikifanyika kisiwani Pemba tangu baada ya kufanyika uchaguzi mkuu.

Alifafanua kuwa vitendo vya kibaguzi, kuharibu mazao, miti na mimea ya chakula pamoja na biashara ni kuzikufuru neema za Mwenyezi Mungu ambazo kila mwanadamu anapaswa kuzienzi na kumshukuru Mola kwa ukarimu wake huo.

“Ni wajibu wetu kuzishukuru neema tulizobarikiwa na Mwenyezi Mungu kwa kuziheshimu, kuzitunza vizuri, badala ya kuonesha kiburi, kuzidharau na kutozijali” Dk. Shein alieleza.

Alisema ni bahati mbaya kuwa baadhi ya vitendo hivyo vimefanyika ndani ya mwezi Mtukufu wa Ramadhani ambao una mafunzo makubwa kwa kila muumini.

“Mafunzo tunayopata katika saumu hayatufundishi ubaguzi, dharau, kejeli na kiburi miongoni mwetu.Tunapaswa kurudi kwa Mola wetu kwa kuyazingatia maamrisho yake” Dk. Shein aliwaasa wanaotenda vitendo hivyo.

Katika mnasaba huo, alitoa wito kwa kila mwananchi kuwa makini na watu ambao wanavuka mipaka na kudharau mafunzo ya dini, mila na tamaduni.

Sambamba na kauli hiyo Dk. Shein alitoa wito kwa viongozi hao wa siasa kufanya siasa kwa mujibu wa sheria, Katiba na maadili ya vyama vya siasa na kusisitiza umuhimu wa kushindana bila ya kugombana na kudharauliana.

Dk. Shein alibainisha kuwa utekelezaji wa shughuli za serikali unategemea sana sio tu ushirikiano kati ya serikali na wananchi bali pia kuwepo kwa amani na utulivu nchini hivyo alito wito kwa kila kiongozi na mwananchi kujiepusha na vitendo vinavyoweza kuhatarisha amani na utulivu.

Alionya dhidi ya vitendo vya kujaribu kuzorotesha utekelezaji wa mipango ya serikali na kutoa tahadhari kuwa hatomvumilia mtu yeyote au kikundi chochote “kitakachojaribu kutuchelewesha kwa mbinu yoyote ile utekelezaji wa majukumu ya serikali”.

Alisisitiza kuwa malengo ya mipango ya maendeleo inaweza kufikiwa ikiwa wananchi wataongeza ushirikiano wao kwa serikali na kuwataka wananchi kuzipuuza habari za kuwepo uchaguzi mwingine au kuundwa serikali ya mpito.

“Hayo yanayosemwa mitaani ni sadiki ukipenda na upotoshwaji wa makusudi, uchaguzi umekwisha hakuna uchaguzi mwingine hadi hapo mwaka 2020”

Dk. Shein aliwaeleza viongozi na wananchi kupitia hotuba yake hiyo ambayo ilikuwa ikitangazwa moja kwa moja katika vituo vya redio na televisheni ikiwemo kituo cha televisheni cha Shirika la Utangazaji la Zanzibar (ZBC).

Katika hotuba hiyo Rais wa Zanzibar na Mwenyekiti wa Baraza la Mapinduzi Dk. Ali Mohamed Shein aliwapongeza waumini wa dini ya Kiislamu nchini na ulimwenguni kote kwa kutimiza nguzo hiyo ya dini yao na kueleza matumaini yake kuwa mafunzo makubwa waliyoyapata katika mwezi wa Ramadhani watayatumia katika miezi mingine ijayo.

“…mambo mema yote tuliyotendeana bado yanahitajika kuelezwa na kutekelezwa wakati wote hata baada ya kumalizika kwa mwezi wa Ramadhani. Tuuendeleze mwendo huu mwema huku tukizingatia kuwa sote ni wamoja na tunamtegemea Mwenyezi Mungu” alieleza Dk. Shein.

Mapema asubuhi, Rais wa Zanzibar na Mwenyekitki wa Baraza la Mapinduzi alihudhuria sala ya Eid iliyofanyika kwenye viwanja vya Maisara na kuongozwa na Katibu wa Mufti Sheikh Fadhil Soraga.

Kabla ya kuhutubia Baraza la Eid, Dk. Shein alikutana na kusalimiana na masheikh mbalimbali huko Ikulu wakiongozwa na Mufti Mkuu wa Zanzibar Sheikh Saleh Omar Kabbi ambapo walitakiana kheri na fanaka ya sikukuu.

Aidha kama kawaida ya siku za Eid el Fitri , alijibu maswali ya kipindi cha watoto cha kituo cha televisheni cha ZBC na alisalimiana pia na wananchi mbalimbali waliofika Ikulu na kuwapa mkono wa Eid. 

                                                                                               Kwa hisani ya ZanziNews

LIONEL MESSI NA BABA YAKE WAHUKUMIWA KIFUNGO CHA JELA KWA KUKWEPA KULIPA KODI


Mchezaji nyota wa Argentina na timu ya Barcelona Lionel Messi amehukumiwa kifungo cha miezi 21 jela kwa kosa la kukwepa kulipa kodi.

Baba yake Jorge Messi naye amehukumiwa kifungo cha jela kwa kukwepa kulipa kodi nchini Hispania inayofikia dola milioni 4.5.

Hata hivyo kunauwezekano wakaepuka kifungo cha jela, kwa kuwa mfumo wa sheria za Hispania hutoa fursa ya kuwa chini ya uangalizi kwa mtu aliyepewa kifungo cha chini ya miaka miwili.

URENO NA WALES: NI VITA KATI YA GARETH BALE NA CRISTIANO RONALDO LEO

Kocha Carlo Abcelotti amechochea homa ya mchezo wa nusu fainali ya Euro 2016, baada ya kusema kuwa Gareth Bale na Cristiano Ronaldo wamekuwa wakishindana wakati wa mazoezi ndani ya klabu yao ya Real Mardid.
Iwapo ushindani huo wa wachezaji hao upo hivyo wakiwa ndani ya klabu moja, leo usiku itakuwaje wakati wawili hao wakiwa na timu zao za taifa za Wales na Ureno kuwania kufuzu faiali za michuano ya Euro 2016.
Hakika kwa wapenzi wa soka duniani leo macho yao watayaelekeza Jijini Lyon, Ufaransa ili kupata jibu la kitendawili kigumu cha nani mkali kati ya Gareth Bale akiwa na Wales ama Cristiano Ronaldo akiwa na Ureno.
                                                       Cristiano Ronaldo akiwa anaiwakilisha Ureno 
                                               Gareth Bale akishangilia ushindi akiwa na Wales

MKUU WA MKOA WA MBEYA ATEMBELEA PANDAHILL PATAKAPOCHIMBWA MADINI ADIMU DUNIANI KABLA YA KUANZA UCHIMBAJI

Mkuu wa Mkoa wa Mbeya Amos Makalla mwenye suti ya kaki akitembezwa na mwenyeji wake Mkurugenzi wa kampuni ya Pandahil limited ndg Derick ambayo ndiyo inahusika na uchimbaji wa madini ya adimu aina ya Niobium ambayo hutumika kutengeneza Ndege na computer katika eneo la Songwe Gerezani Halmashauri ya Wilaya ya Mbeya .(Picha E.madafa, D.Nyembe)
Mkurugenzi wa kampuni ya Pandahil limited ndg Derick ambayo ndiyo inahusika na uchimbaji wa madini ya adimu aina ya Niobium ambayo hutumika kutengeneza Ndege na computer katika eneo la Songwe Gerezani Halmashauri ya Wilaya ya Mbeya akimuonesha Mkuu wa Mkoa wa Mbeya Amos Makalla aneo ambalo litachimbwa madini hayo.
Ramani ya mradi
Mkurugenzi wa kampuni ya Pandahil limited ndg Derick ambayo ndiyo inahusika na uchimbaji wa madini ya adimu aina ya Niobium ambayo hutumika kutengeneza Ndege na computer katika eneo la Songwe Gerezani Halmashauri ya Wilaya ya Mbeya akimuonesha Mkuu wa Mkoa wa Mbeya Amos Makalla ramani itakayotumika katika mradi huo
Mkuu wa Mkoa wa Mbeya Amos Makalla akizungumza jambo na viongozi wa kisiasa, kamati ya Ulinzi na usalama wilaya ya mbeya, uongozi wa kampuni ya Pandahil limited ambayo ndiyo inahusika na uchimbaji wa madini ya adimu aina ya Niobium ambayo hutumika kutengeneza Ndege na computer katika eneo la Songwe Gerezani Halmashauri ya Wilaya ya Mbeya

DK.KIGWANGALLA AFUNGA RASMI JUBILEE YA MIAKA 50 YA KANISA LA WAADVENTISTA WA SABATO JIJINI MWANZA

DSC_9310 DSC_9314
Naibu Waziri wa Afya, Maendeleo ya Jamii, Jinsia,Watoto na Wazee, Dkt. Hamisi Kigwangalla akitoa maelezo namna ya miundo ya Hospitali na viwango vyake.
DSC_9321Naibu Waziri wa Afya, Maendeleo ya Jamii, Jinsia,Watoto na Wazee, Dkt. Hamisi Kigwangalla akiwa katika picha ya pamoja na viongozi wa kanisa hilo
DSC_9331 DSC_9332                                         Kituo cha Afya kilichopo kwa sasa kikiendelea na huduma
DSC_9336Naibu Waziri wa Afya, Maendeleo ya Jamii, Jinsia,Watoto na Wazee, Dkt. Hamisi Kigwangalla wakitoka walipotembelea jengo hilo la Hospitali linalojengwa.

MABADILIKO YA RATIBA YA MAZISHI YA MHESHIMIWA BEATRICE SHELUKINDO

Familia ya William H. Shelukindo inapenda kuwataarifu kuwa mazishi huko Arusha ya Mpendwa wao Beatrice Matumbo ShelukindoMbunge wa zamani wa Kilindi sasa yatafanyika siku ya Alhamisi tarehe 7/7/2016 na sio leo Jumatano tarehe 6/7/2016 kama ilivyotangazwa awali.

                         Bwana Ametoa Bwana Ametwaa,Jina la Bwana Lihimidiwe.
at

No comments :

Post a Comment

Subscribe to: Post Comments ( Atom )