Bilionea wa Tanzania kuwekeza TZS 6.6b katika kiwanda cha unga Zimbabwe

Said Salim Bakhresa ambaye ni mwanzilishi kwa Kampuni ya Bakhresa Group, ni tajiri wa tatu nchini Tanzania na kwa mujibu wa Forbes anakadiriwa kuwa na Utajiri wenye thamani ya kiasi cha $600 milioni (Tshs 1.3 trilioni). 

 Kampuni zake zinajihusisha na Kilimo, Vinywaji, Usafirishaji, Biashara za mafuta, Utangazaji, usindikaji na Ufungaji bidhaa mbali mbali. Tajiri huyo anatarajia kutumia kiasi cha fedha cha USD 30 milioni (ambazo ni sawa na Tshs bilioni 6.6 ili aweze kupata umiliki wa kiwanda cha kutengeneza unga huko Zimbabwe.

Kwa mujibu wa Zimbabwe Mail, Kampuni ya Bakhresa ambayo ni moja ya Makampuni makubwa nchini Tanzania, imekwisha wataarifu washindani wake pamoja na Tume ya Ushuru nchini humo kwamba inatumaini kupata 100% ya hisa za kampuni hiyo inayosuasua.

Mnamo mwaka 2014, Kampuni ya Bakhresa ilishinda Zabuni kuiwezesha kupata umiliki wa hisa za kampuni ya BRI baada ya waliokua wamiliki wa hisa hizo kutoa tenda kwa wawekezaji wowote kununua au kuwekeza mtaji wake ili kufufua shughuli za Kiwanda hicho. BRI ni kiwanda kunachotengeneza unga wa mikate na chakula cha mifugo na kimekua na matatizo ya kuzungusha mtaji wake pamoja na kushindwa kulipa madeni yake katika Benk za Muungano wa Zimbabwe na Washirika wa biashara.

Kampuni ya Bakhresa ni kampuni kubwa kwa upande wa viwanda vya kutengeneza unga kwa Afrika Mashariki na nchi nyingine, na vilevile ilionyesha wazi kwamba itatoa mtaji wa kiasi cha $ 30 milioni ambayo ni sawa na Tsh 6.6 bilioni ili kuweza kukifufua kiwanda hicho cha BRI na kukirudisha katika hali ya kuweza kuendeleza kutoa faida.