Umuhimu wa mkutano mkuu wa mwaka wa wadau

 

Baadhi ya wadau wa mfuko wa sekta ya hifadhi ya jamii waliohudhulia mkutano wa nne wa Shirika la Taifa la Hifadhi ya Jamii (NSSF) kwenye Ukumbi wa Simba Hall AICC-Arusha mwaka jana 2014, ambapo mgeni rasmi alikuwa Rais wa Jamhuri ya Muungano wa Tanzania Dkt. Jakaya Mrisho Kikwete. Madhumuni ya mkutano huu wa TANO wa wadau kwa mwaka 2015 utakuwa kwa ajili ya kutathmini na kujadili maendeleo na maboresho ya sekta nzima ya hifadhi ya jamii, mchango wake katika kuongeza ajira, kuchochea ujasiriamali na kuboresha michezo nchini. Mgeni rasmi atakuwa Waziri Mkuu wa Serikali ya Jamhuri ya Muungano wa Tanzania Mh. Mizengo Kayanza Peter Pinda

Wajibu wa mifuko ya pensheni ya hifadhi ya jamii ni kuhakikisha ya kuwa inawashirikisha wadau wake wote wakuu hasa wanachama, waajiri na serikali, ambapo makundi hayo matatu yanaunda kitu kinachoitwa utatu. Wawekezaji wa mifuko hii ni wafanyakazi na waajiri pale wanapojiandikisha na kuwa wanachama wachangiaji kwa kukatwa asilimia fulani kutoka katika mishahara yao na mwajiri na yeye kuchangia kiasi hicho hicho kila mwezi au zaidi kwa ajili ya mfanyakazi wake kwa makubaliano ya kupata huduma mbalimbali za mafao za muda mfupi na za muda mrefu kutoka katika mifuko ya pensheni ya hifadhi ya jamii. 

Hivyo uwakilishi wao lazima uwemo ndani ya utawala wa mifuko hii ya pensheni ya hifadhi ya jamii mara kwa mara tena kwa vitendo. Vile vile inatambulika kuwa hata serikali ina kazi kubwa juu ya mifuko hii ya hifadhi ya jamii hasa zaidi kwa kuangalia na kusimamia kiwango cha kinga juu ya majanga wanayokumbana nayo jamii hapa nchini pamoja na kuangalia mchango wa mifuko hii kwa upande wa uchumi wa nchi yetu na serikali kama mdhamini mkuu wa mifuko hii ya pensheni ya hifadhi ya jamii chini ya msimamizi na mdhibiti wa sekta hii ya hifadhi ya jamii. 

Njia mojawapo ya wadau wa mifuko ya hifadhi ya jamii ni kufuatilia na kujua utendaji wa mifuko hii inayosimamiwa na bodi za wadhamini kwa njia ya mikutano mikuu inayofanyika kila mwaka. Ambapo wadau kama vile wanachama ambao ndio wachangiaji na waaajiri ambao mara nyingi ndio waliodhaminiwa au wakala wa kuhakikisha ya kuwa wanashirikiana na mifuko hii kama vile kusimamia ukataji na kupeleka michango kwenye mifuko ya hifadhi na kuhakikisha ya kuwa wanatunza kumbukumbu za wafanyakazi wao, pamoja na wawakilishi kutoka katika vyama mbalimbali vya wafanyakazi nchini na baadhi ya taasisi za serikali na zisizo za kiserikali. 

Kwa kawaida hii inakuwa nafasi ya kipekee na muhimu sana kwa wadau kama wanachama wa mifuko hii ya hifadhi ya jamii kuhudhuria kwa ajili ya kuzungumzia mambo muhimu yanayogusa afya na ustawi wa mifuko zinazohusiana na taarifa za hesabu, taarifa za ukaguzi wa mahesabu, zinazohusiana na taarifa za bodi ya wadhamini wa mifuko na kujua nafasi na uwezo wa mfuko kifedha na za kiutekelezaji. Lakini pamoja na hayo wadau wanakuwa na haki ya kujua maamuzi muhimu yaliyoamuliwa kwa mfano na mkutano wa mwaka jana ambayo yalipewa kipa umbele pamoja na yatokanayo ambapo tumeona mara nyingi wadau kama mwanachama inakuwa nafasi nadra sana kwao kama wachangiaji kuitumia vizuri. 

Mfuko wa Taifa wa Hifadhi ya Jamii wa NSSF unategemea kuwa na mkutano wa TANO wa wanachama wa mfuko na wadau mbalimbali wa sekta ya hifadhi ya jamii katika Kituo cha Kimataifa cha Arusha (AICC) ukumbi wa Simba Hall utakaoanza tarehe 02 mpaka 04 Juni, 2015. Wanachama na wadau wote wa sekta ya hifadhi jamii wakiwemo wenyeviti na wajumbe wa bodi, maofisa watendaji wakuu, maofisa wanaoshughulika na raslimali watu na utawala, sheria, uhasibu, fedha, teknolojia na mawasiliano na bima, kutoka serikali kuu na taasisi za serikali, mashirika ya umma, makampuni binafsi, mashirika yasiyo ya kiserikali pamoja na wawakilishi wa vyama vya wafanyakazi kutoka sehemu za kazi, vyama vya waajiri na watu wengine wowote watakaopenda kushiriki kwa lengo la kutaka kujua na kupata elimu ya masuala ya hifadhi ya jamii.

Madhumuni ya mkutano huo utakuwa kwa ajili ya kutathmini na kujadili maendeleo na maboresho ya sekta nzima ya hifadhi ya jamii, mchango wake katika kuongeza ajira, kuchochea ujasiriamali na kuboresha michezo nchini. Mgeni rasmi atakuwa Waziri Mkuu wa Serikali ya Jamhuri ya Muungano wa Tanzania Mh. Mizengo Kayanza Peter Pinda

Kwa maana hiyo wanatakiwa kuandaliwa mapema kwa muda muafaka na kupewa habari bora na za hali ya juu  na isipofanyika hivyo basi uwezo wa nguvu wa kisheria waliopewa unakuwa hauna nguvu yeyote kwa wanachama, waajiri na hata kwa wadau wengine. Ni wajibu wa bodi ya wadhamini ya NSSF kuhakikisha ya kuwa taarifa za kuwapasha wadau zinawafikia wadau wa mfuko huu juu ya kufanyika mkutano mkuu wa mwaka kwa muda muafaka. Maswali ya kujiuliza ni kama vile taarifa au habari hizo zinazotolewa na NSSF zina ubora gani na je, zimewafikia wadau wanaohusika kwa muda unaotakiwa?

Na kwa upande mwingine mtu anaweza kujiuliza ya kwamba chukulia ya kuwa mwanachama amepelekewa habari na kupata taarifa mapema juu ya kuhudhuria mkutano mkuu wa tano (5) wa wanachama na wadau wa NSSF. Je baada ya hapo inafuatiliwa ili kuhakikisha ya kuwa hawa wanachama na wadau watakaochaguliwa kuwawakilisha wenzao kwenye mkutano huo watawajibika kama inavyotakiwa.

Hivyo kwa upande mwingine unaweza kusema ya kuwa wadau kupatiwa taarifa kwa muda muafaka hiyo haitoshi kabisa  kinachotakiwa hapa ni kwa hali na mali mdau kuwa tayari kujua au kuelewa kilichoandaliwa kwenye makabrasha ambalo ni jambo linaloonekana kuwa ni tatizo kubwa kwa wanachama na wadau wengi wa mifuko ya hifadhi ya jamii  hapa nchini.

Chukulia madhalani mtu mwingine kuwa na mashaka na kilichopo ndani ya makabrasha kama siyo pambo tu la kuvutia mfuko kwa idadi kubwa ya wanachama. Kwa upande mwingine wanachama mara nyingi wameonekana kuwa ni kundi ambalo halina nguvu kabisa kwa kusimamia utendaji na uendeshaji wa mifuko ya hifadhi ya jamii ikiwemo kufuatilia tabia na utaratibu wa utendaji wa wadhamini au bodi hizi za hifadhi ya jamii  na hata inaonekana wanatofautiana katika mitazamo kwa upande mwingine

Tunategemea NSSF kutumia vyombo vya habari kwa ajili ya kuwahabarisha idadi kubwa ya wadau wengine ambao hawatapata nafasi kuhudhuria kuhamasishwa kwa njia ya programu za redio, runinga, blog, facebook, twitter, you tube, google, linkedln, magazeti n,k.

Christian Gaya ni mwanzilishi wa Kituo cha HakiPensheni Tanzania, mshauri na mtaalamu wa masuala ya pensheni. Kwa maelezo zaidi wasiliana kwa barua pepe: gayagmc@yahoo.com Au kwa habari zaidi za kila siku juu ya HakiPensheni unaweza kutembelea tovuti www.hakipensheni.blogspot.com Simu namba +255 655 13 13 41