MIILI YA WATU WANNE YAKUTWA KATIKA GHOROFA LILILOANGUKA
Miili ya watu wanne imepatikana
kutoka katika kifusi baada jengo la ghorofa sita kuanguka likiwa bado
lipo katika ujenzi katika eneo la Roysambu Jijini Nairobi nchini
Kenya.
Watu wengine sita wamelazwa katika
hospitali ya jirani na eneo hilo ya Neema Hospital, huku wengine
watatu wakihamishiwa katika hospitali ya taifa ya Kenyatta.
Wakati jengo hilo likianguka
lilikuwa na mafundi 15 wakiendelea na ujenzi, ambapo hadi sasa
mafundi 6 hawajulikani walipo na huenda wamekwama kwenye vifusi.
BAHARIA AISHI BAHARINI MIEZI MIWILI KWA KULA SAMAKI WABICHI BAADA YA BOTI YAKE KUPINDUKA
Baharia mmoja wa Marekani ameishi
kwa miezi miwili baharini baada ya kupotea huku akiishi kwa kula
samaki wabichi na kunywa maji ya mvua.
Baharia huyo Louis Jordan mwenye
umri wa miaka 37, alipatikana na meli ya Ujerumani iliyokuwa ikipita
umbali wa maili 200 kutoka pwani ya North Carolina siku ya Alhamisi.
Baharia huyo alipotea baharini baada
ya boti lake la futi 35, kupinduliwa na mawimbi, ambapo Jordan
alikutwa ameka juu ya boti hilo lililopinduka juu chini.
AMBER ROSE ATAKA KURUDIANA NA MUMEWE WIZ KHALIFA
Inaonekana mbunifu wa mavazi, modo,
rapa na muigizaji Amber Rose na mumewe rapa Wiz Khalifa wanaweza
kumaliza tofauti zao kwa ajili ya manufaa ya mtoto wao ambaye
walikuwa wakigombea kumlea.
Amber Rose ametumia Instagram yake
kutoa ujumbe mzito wa mahaba kwa mumewe huyo mtata akisema kuwa Wiz
Khalifa ndiye mpenzi wa maisha yake.
Amber aliyeomba talaka mwezi
Septemba ikiwa ni chini ya mwaka mmoja tu tangu waoane, lakini sasa
ameonyesha kubadili moyo wake kutokana na kusema hamna mwanaume
anayemfanya awe na furaha kama Wiz Khalifa.
No comments :
Post a Comment