RUSHWA YA MILIONI 100, UNYANYASAJI VYAWAPONZA WATATU TBS

Naibu Waziri wa Viwanda na Biashara Exaud Kagahe akizungumza na waandishi wa habari kuhusiana na watumishi watatu wa TBS waliovamia kiwanda kilichopo Kibaha mkoani Pwani na kuomba sh.milioni 100 na kufanya unyanyasaji kwa wamiliki wa kiwanda hicho, mkutano uliofanyika jijini Dar es Salaam.

Mkurugenzi Mkuu wa Shirika la Viwango Tanzania (TBS) Dkt.Athuman Ngenya akimkaribisha Naibu Waziri wa Viwanda na Biashara kuhusiana na kutoa taarifa kwa waandishi wa habari ,jijini Dar es Salaam.

*Wadaiwa kuomba sh.milioni 100  baada ya majadiliano wachukua sh.milioni 20 kwenye moja ya benki ya NMB

*Watumishi hao wadaiwa kufanya unyanyasaji kwa wamiliki wa kiwanda

Na Chalila Kibuda, Michuzi TV

NAIBU Waziri wa Viwanda na Biashara  Exaud Kigahe  ameliagiza  Shirika la

la Viwango Tanzania (TBS) kuwasimamisha kazi wafanyakazi wa watatu waliokwenda kufanya ukaguzi usiofuata hilo taratibu za shirika hilo huku huku uchunguzi ukifuata dhidi yao.

Wafanyakazi hao ni Afisa Viwango Suleiman Banza,  Dereva Issa Mbaruok Dodo pamoja na Afisa Usafirishaji Thomas Mwamkinga wote hao wanadaiwa kwenda katika kiwanda cha smart Industry Limited ambapo Suleiman Banza alidai wanafanya ukaguzi huo pamoja na polisi wakidai kuwa kiwanda hicho wanatumia bidhaa zilizoisha muda wake.

Kagahe amesema waliweza kumbana mwenye kiwanda na kutaka kuwapa sh.milioni 100 ambapo waliweza kujadiliana kutoka sh.100 wakaja sh.milioni 50 ikashindikana wakafikia sh.milioni 20 ambayo haikuwepo katika mazingira ya kiwanda na kisha kwenda benki ya NMB wakachukua na kilichofuata waliwanyang'anya simu na kuwaweka chini ulinzi wenye kiwanda.

Naibu Waziri Kagahe amesema Suleiman Banza alijitambulisha kwa mwenye kiwanda  kuwa yeye ni Afisa Ukaguzi wakati nafasi yake ni Afisa Kiwango, Dereva kosa lake ni kwenda kumpeleka Afisa huyo kwenye kazi haramu na Afisa usafirishaji kosa lake ni kutoa gari ya kumpeleka aliyejifanya mkaguzi.

Amesema kuwa wakati serikali ikiwa inahamasisha uwekezaji katika sekta binafsi yenye kuajiri watanzania wengi wapo baadhi ya wafanyakazi wasiowaadilifu wanakwamisha za juhudi za serikali ya awamu ya tano.

Naibu Waziri huyo ametaka TBS kushirikiana na vyombo vingine ikiwemo Taasisi ya Kupambana na rushwa(TAKUKURU,)  pamoja na polisi ambao walikwenda katika operesheni hiyo haramu ya kufanya unyanganyi na udhalilishaji kwa mmiliki wa viwanda.

Hata hivyo Naibu Waziri amewataka wafanyakazi  wa Taasisi zilizo chini ya Wizara ya Viwanda na Biashara kuwa na maadili katika utumishi wao  na kuongeza kuwa baada ya uchunguzi huo tararibu zingine zitafuata  ikiwemo na mahakamani.