MAKUNGU AELEZA FURSA LUKUKI ZA UWEKEZAJI MKOANI TABORA

Katibu Tawala Mkoa wa Tabora Msalika Makungu(wa saba kutoka kushoto

mstari wa mbele) akiwa katika picha ya pamoja na Maafisa wa Kijeshi

kutoka Nchi mbalimbali kutoka Chuo cha Taifa cha Ulinzi (NDC)

walikuwa katika ziara ya kimafunzo Mkoani Tabora hivi karibuni

Katibu Tawala Mkoa wa Tabora Msalika Makungu (aliyesimama)

akizungumza na Maafisa wa Kijeshi kutoka Nchi mbalimbali kutoka Chuo

cha Taifa cha Ulinzi (NDC) walikuwa katika ziara ya kimafunzo Mkoani

Tabora hivi karibuni.

WAWEKEZAJI toka ndani na nje ya Tanzania wametakiwa kujitokeza

kuwekeza Mkoani Tabora kwa kuwekeza katika sekta mbalimbali kutokana

na mazingira kuwa rafiki kwa shughuli mbalimbali za uzalishaji.

Kauli hiyo imetolewa hivi karibuni na Katibu Tawala Mkoa wa Tabora

Msalika Makungu kwa Maafisa wa Kijeshi kutoka Nchi mbalimbali kutoka

Chuo cha Taifa cha Ulinzi (NDC) walikuwa katika ziara ya kimafunzo

Mkoani Tabora hivi karibuni

Alisema kuwa maeneo mbalimbali ambayo yanafaa kwa uwekezaji mdogo na mkubwa.

Makungua alisema asilimia 50 ya ardhi yote inayofaa kwa kilimo bado

haijatumika katika shughuli za uzalishaji na hivyo kwa wawekezaji

wahitaji wanakaribishwa.

Alitaja mazao yanayokuwabali mkoani humo ni pamoja na mazao ya nafaka,

aina ya mikunde, mazao ya mizizi na matunda kama vile miembe.

Mazao mengine ya biashara ambayo hukubali Mkoani humo ni pamba na tumbaku na hivi sasa mkoa huo unaendelea mkakati wa kulima korosho katika

mashamba makubwa.

Alisema katika kuhakikisha kuwa wanabadilisha kilimo cha Mkoa huo na

kuwa cha kisasa wameanza kuandaa kilimo cha mashamba makubwa ya

korosho katika eneo la Karangasi wilayani Uyui na wanatarajia kuwa na

aina ya mashamba hayo katika maeneo ya Halmashauri mbalimbali za Mkoa

huo.

Makungu alisema Mkoa huo una maeneo makubwa yanayofaa kwa kilimo cha

umwagiliaji kwa ajili ya uzalishaji wa mpunga na mazao mengine.

Alisema katika kudhibitisha hilo kuna mradi mkubwa wa umwagiliaji wa

Mwamapuli uliopo wilayani Igunga umeonyesha mafanikio makubwa ambao

uzalishaji wake umesababisha kuibuka kwa viwanda vya kati vya kukoboa

na kuchambua mchele ambao unasafirishwa katika Nchi mbalimbli.

 Makungu alisema wanaendelea na mkakati wa uboreshaji wa

mifugo hasa Ng'ombe wa asili ili kuwawezesha Wafugaji kuongeza kipato

badala ya kuendelea na ufugaji wa mazoea ambao kuwa na Ng'ombe wengi

wasiokuwa na tija kwao.

Alisema nje ya mkakati huo tayari wamepata mbegu kutoka Wizara ya

Mifugo kwa ajili ya kuhamilisha ng’ombe wa asili ili kupata koosafu

bora.

Makungu alisema lengo ni kutaka wafugaji Mkoani Tabora kuachana na

ufugaji wa kimazoea wa kuona ufahari wa kuwa na kundi kubwa la ng’ombe

ambao hawana tija na kuingia wa na ng’ombe wachache wanaotikana na

kosafu bora.

Alisema kuna fursa za kuwekeza katika sekta ya Utalii kutokana na

uwepo Hifadhi ya Taifa ya Mto Ugalla ambayo inaweza kuvutia utalii wa

uvuvi na kuangalia wanyama wa aina mbalimbali waliomo katika Hifadhi

hiyo.

Makungu aliongeza kuwa mbalimbali utalii pia zipo shughuli za

uchimbaji madini katika Wilya ya Sikonge , Igunga na Nzega.

Katibu Tawala huyo wa Mkoa alisema uwepo wa mistu asili mikubwa

inaweka mazingira mazuri ya ufuagaji wa nyuki wa kisasa na uanzishwaji

wa viwanda vidogo na vikubwa vya kuchakata asali kwa ajili ya

kuiongezea thamani.