SERIKALI IMEZITAKA KAMATI ZA MAAFA ZA MIKOA KUWA NA MIPANGO KABLA YA MAAFA NA SIO BAADA YA KUTOKEA KWA MAAFA

Katibu tawala mkoa wa Arusha Richard Kwitega akiongea na wanahabari mara baada ya kufungua mkutano wa Kamati za Maafa kwa mikoa miwili ya Kilimanjaro na Arusha ulifanyika jijini Arusha.picha na ahmad Mahmoud

Washiriki wa Mafunzo ya siku tatu ya kamati za maafa kutoka  mikoa ya Kilimanjaro na Arusha wakifuatilia mada zilizokuwa zinatolewa kwenye mafunzo hayo mada zilizoandaliwa na Ofisi ya Waziri mkuu kitengo cha maafa jijini Arusha

……………………………………………………………………..

Na Ahmed Mahmoud,Arusha

Serikali imetoa  Wito kwa Kamati za maafa za Mikoa kuhakikisha kwamba zinakuwa na mipango kabla ya maafa  na sio baada ya kutokea kwa maafa

Hayo yameelezwa jana na Mkuu wa Mkoa wa Arusha Idd Hassan Kimanta katika hotuba yake iliyosomwa na Katibu Tawala  wa Mkoa huo  (RAS) Richard Kwitega wakati wa ufunguzi wa  mafunzoya Siku tatu ya Kamati  za Maafa za Mikoa ya Arusha na Kilimanjaro yanayofanyika katika hoteli ya Four Points By Sheraton Jijini Arusha

Kimanta alisema majanga ya Ukame,Mafuriko na dhoruba, ajali za barabarani na majanga ya moto ni baadhi ya  maafa yanayochangia  idadi kubwa ya vifo vya watu, magonjwa, ulemavu, na  upotevu wa mali

Utafiti unaonyesha kuwa  mvua , vimbuka husababisha  robo tatu ya vifo vinavyotokana na maafa  katika mataifa mbalimbali duniani na pia maafa haya yanaathiri kwa kiwango kikubwa hali ya uchumi

Hivyo alisisitiza  umuhimu wa kuwepo na mipango kwa ajili  ya awali kuzuia  ama kupunguza kabla ya kutokea kwa maafa kama hayo kwa kujenga uwezo wa kupunguza  kuanzia ngazi za Vijiji, Wilaya  na Mikoa kwa kujiandaa kuwa na wataalam ili waweze kupatiwa mafunzo, vifaa vya kisasa kwa ajili ya Uokoaji

Mkuu huyo wa Mkoa amesema matukio ya maafa ya asili yanatokana na mabadiliko ya  tabiaya nchi katika mataifa mbalimbali duniani

Mafunzo hayo yamelenga  kuzijengea  uwezo Kamati  za Menejimenti  ya maafa ya Mikoa ya Arusha na Kilimanjaro na Wadau mbalimbali katika masuala ya menejimenti ya maafa katika Mikoa hii

Mafunzo haya yameandaliwa na Ofisi ya Waziri Mkuu Idara ya Uratibu wa Maafa  yatawapa fursa  washiriki hao kujadili na kujifunza  masuala  mbalimbali ya menejimenti  ya maafa juu ya namna ya kuyazuia, kujiandaa na namna ya kukabiliana na maafa pindi yanapotokea

Pia Washiriki wataweza kufahamu Sera ya Taifa ya Menejimenti ya Maafa, Mwongozo wa Taif awa Kukabiliana na Maafa,Sheria ya Mipango Miji na pia Watajadili  Mfumo wa Uratibu wa Maafa hapa nchini Tanzania

Pia watajifunza Mikakati ya Kitaifa na Kimataifa ili kupunguza  athari na pia namna ya kujiandaa  katika kukabiliana na maafa ,upatikanaji na utoaji wa Habari na mawasiliano wakati wa dharura za maafa, Uratibu wa Maafa katika eneo la tukio na namna ya utoaji wa huduma ya kwanza kwa Jamii mara maafa yanapotokea

Serikali imesema matukio ya maafa ya  asili  hapa Tanzania  yanayotokana na mabadiliko ya tabianchi yamekuwa yakiongezeka mara kwa mara ambapo Mikoa ya Arusha na Kilimanjaro ni kati ya Mikoa ambayo imekuwa ikiathirika kwa kiasi kikubwa.

Mkuu huyo wa Mkoa  ameyataja maafa hayo kuwa ni Ukame , Mafuriko, Magonjwa ya mlipuko (Kipindupindu) Upepo Mkali, Matetemeko ya Ardhi na Ajali za barabarani kutokana na Vyombo vya Usafiri

Amesema maafa haya Pamoja na kuathiri Maisha ya watu  pia yamekuwa yakileta  madhara makubwa za Kiuchumi,Kijamii na Kimazingira katika maeneo mbalimbali ya nchi na kwa kiasi kikubwa huathiri hali ya ukuaji wa uchumi wa nchi

Kimanta aidha amesisitiza kwamba maafa  yanapotokea  husababisha  hasara na madhara makubwa  kwa Jamii,Kimazingira  na Kiuchumi

Ameeleza kuwa  madhara hayo ni Pamoja na  watu kupoteza Maisha, uharibifu wa mazingira, uharibifu wa miundo mbinu, upotevu wa mali, watu kupata  vilema vya kudumu na Sekta nyingine  za Kiuchumi huharibika

Kimanta alisisitiza kwamba ili kukabiliana na  maafa ya aina  mbalimbali ili kuokoa Maisha ya watu, upotevu wa  mali, uharibifu wa  Miundo mbinmu, Maizingira na Uchumi nafasi ya masuala ya Utaalam  katika kukabiliana na hali hii una nafasi yake

Alitaja baadhi ya mikakati hiyo kuwa ni kuimarisha masuala ya Utawala Bora unaotoa nafasi kw aJamii kushiriki katika kuzuia , kujiandaa na kukabili Maafa ya aina mbalimbali

Pia kuimarisha elimu na taarifa kwa wakati katika maeneo mbalimbali hivyo Kamati za Maafa za Miko ana Wilaya zinawajibu Mkubwa kluhakikisha Sheria, Taratibu,Kanuni na Miongozo ilkiyopo katika Kukabiliana na maafa inasimamiwa Kikamilifu ngazi zote

Alitaja Mikakati mingine katika kukabiliana na Maafa ni suala zima la kuhifadhi mazingira ,Misitu  ya Asili.Shiroba  za Mapito ya Wanyamapori na Vyanzo vyote vya Maji

Alisisitiza suala la kuimarisha utoaji wa elimu ya maafa katika Jamii Vijijini ili Wananchi waelewe  masuala yote ya Menejimenti  ya Maafa, Madhara ya Maafa, hatua Madhubuti za kuchukua ili kupunguza  athari za Maafa katika Vijiji vyao

Mkuu huyo wa Mkoa wa Arusha ameishukuru Ofisi ya Waziri Mkuu,Idara ya Uratibu wa Maafa na Shirika la Umoja wa Mataifa la Elimu,Sayansi na Utamaduni (UNESCO) kwa Kuandaa Mafunzo haya muhimu kuhusu Menejimenti ya Maafa kwa Kamati  hizo za Maafa za Mikoa ya Arusha na Kilimanjaro

Mafunzo haya yanahudhuriwa na Makatibu Tawala wa Mikoa hiyo ya Arusha na Kilimanjaro,Mwakilishi kutoka UNESCO,Makatibu Tawala Wasadizi wa Mikoa hii,Mwakilishi kutoka Wizara ya Afya,Mwakilishi kutoka Wizara ya Habari ,Utamaduni na Michezo, na Wawakilishi kutoka Madhehebu ya Dini kutoka Mikoa hii

Washiriki wengine ni kutoka Jeshi la Polisi na Zimamoto kutoka Mikoa ya Arusha na Kilimanjaro,Waratibu wa Maafa katika Mikoa hii ambapo maada zaidi ya 15 zinawasilishwa na kujadiliwa na washiriki wa mafunzo haya muhimu katika kukabiliana na maafa katika Mikoa ya Arusha na Kilimanjaro