BILIONEA LAIZER AFANYA MAOMBI KULAANI MAUAJI YA MLINZI WAKE

Bilionea i Saniniu Laizer akiwa katika maombi maalumu

katika eneo la mgodi wake uliopo Mererani mkoani Manyara, sehemu

ambayo mlinzi wake Manase Wiliam (47)aliuwawa kikatili hivi karibuni

maombi. Hayo ni ya kulaani kitendo hicho na kutaka aliyehusika

apatikane.

mchungaji Joshua Laizer akifanya maombi katika mgodi wa bilionea

Saniniu ambapo ameeleza kuwa tukio hilo ni baya na linapaswa

kulaaniwa na kila mtu na kumwomba Mungu awaonyeshe waliotenda uhalifu

huo wa kinyama ndani ya siku saba ili sheria iweze kuchukua mkondo

wake (picha na Woinde Shizza, Mereran.i)

Na Woinde Shizza, Michuzi Tv -Arusha

SIKU chache  baada ya kutokea tukio la kifo cha kutatanisha kwa

mlinzi wa mgodi wa bilionea Saniniu Laizer anayefahamika kwa jina la Manase William(47) kuuawa na watu wasiojulikana, bilionea huyo amefanya maombi maalumu katika eneo la tukio na kulaani kitendo hicho na kutaka aliyehusika apatikane.

Maombi hayo ya aina yake yamefanyika mapema Leo katika Mgodi wa Laizer

uliopo Mererani, Mkoani Manyara, kwa kuwahusisha wafanyakazi wote wa

mgodini hapo pamoja ambapo Laizer ameshika udongo kutoka eneo ambao mlinzi huyo alikutwa ameuawa .

"Nimeamua kufanya maombi haya na wafanyakazi wangu ili kama kuna

waliohusika wapo hapa waweze kuumbuliwa mapema na serikali iweze

kuchukua hatua mapema." amesema Laizer.

Laizer alisema ameumizwa sana na tukio hilo ambalo halikuwahi kutokea

katika mgodi wake, Ni tukio la kwanza ndio maana ameamua kufanya maombi

hayo ya kulaani tukio hilo lisijirudie tena na kama kuna mfanyakazi

wake alihusika, Mungu atamfichua.

" Marehemu ameajiriwa na ni mdhamini wa mgodi wangu.... hana muda

mrefu tangu aanze kufanyakazi na alikuwa kijana mwema hana makuu na

mtu yoyote ila mimi naamini aliyehusika si mtu wa hapa ndani atakuwa

ametoka nje na eneo langu la mgodi"amesema Laizer.

Aidha Laizer ameongeza kuwa yeye anamwamini Mungu na mali anayoipata

inatokana na maombi ya imani yake hivyo anaamini kwa kupitia maombi

hayo mhusika wa tukio hilo atapatikana kwa kuwa anamwamini Mungu.

Akiongoza ibada hiyo mchungaji Joshua Laizer alieleza kuwa tukio hilo

ni baya na linapaswa kulaaniwa na kila mtu na kumwomba Mungu

awaonyeshe waliotenda uhalifu huo wa kinyama ndani ya siku saba ili

sheria iweze kuchukua mkondo wake.

"Damu ya Manase inalia hapa ardhini, tutashika udongo huu mahala damu

yake ilipomwagika sisi hatumjui aliyemuua tunamwomba mungu atuonyeshe

ndani ya siku saba" amesema mchungaji Joshua.

Akinukuu maandiko matakatifu ya bibilia, amesema kumbukumbu la Torati

la 27 mstari 24 na 25 na 'alaaniwe mtu yoyote ampigaye mwenzake kwa

siri na alaaniwe yoyote atakayemuua mwenzake pasipo na kosa '.

Marehemu Manase anadaiwa kuuawa na watu wasiojulikana septemba 27

mwaka huu katika mgodi wa laizer na mwili wake kukutwa eneo la tukio

na Marehemu atazikwa siku ya Jumamosi oktoba 10 mwaka huu kijijini

kwao Ilkiding'a wilayani Arumeru.

Kamanda wa polisi Mkoa wa Manyara, Paul Kasabago alisema hadi sasa

jeshi hilo linawashikilia watu saba wakiwemo wafanyakazi wa Laizer

wakihusishwa na tukio hilo.