WAKAZI LAKI 521,897 WAISHIO VIJIJINI KUPELEKEWA HUDUMA YA MAWASILIANO

Mkurugenzi Mkuu wa Shirika la Mawasiliano Tanzania (TTCL) Bw.Waziri Kindamba na Mtendaji Mkuu wa Mfuko wa Mawasiliano kwa Wote (UCSAF) Bi.Justina Mashiba wakitilia saini mikataba wa mradi wa mpango wa upelekaji wa huduma ya mawasiliano katika maeneo yenye mawasiliano hafifu.

Mkurugenzi Mkuu wa Shirika la Mawasiliano Tanzania (TTCL) Bw.Waziri Kindamba na Mtendaji Mkuu wa Mfuko wa Mawasiliano kwa Wote (UCSAF) Bi.Justina Mashiba wakipongezana baada ya kusaini mkataba wa wa mradi wa mpango wa upelekaji wa huduma ya mawasiliano katika maeneo yenye mawasiliano hafifu.

******************************

NA EMMANUEL MBATILO

Takribani wakazi laki 521,897 waishio vijijini wanatarajiwa kupelekewa huduma ya mwasiliano kupitia mpango wa upelekaji wa huduma ya mawasiliano katika maeneo yenye

mawasiliano hafifu.

Hayo yamesemwa leo na Waziri wa Ujenzi,Uchukuzi na Mawasiliano Mhandisi Isack Kamwelwe wakati wa hafla ya utiaji saini mkataba wa mradi huo kati ya Mfuko wa Mawasiliano kwa wote (UCSAF) na Shirika la Mawasiliano Tanzania (TTCL) iliyofanyika katika ofisi za Mamlaka ya Mawasiliano Tanzania (TCRA) Jijini Dar es Salaam.

Amesema mradi huo utanufaisha kata 32 zenye vijiji 45 katika maeneo ya mipakani na Kanda Maalumu kwa gharama za shilingi Bilioni 5.1, ikiwa ni utekelezaji wa awamu ya tano ya mradi huo.

“Ninashauku kubwa kuona huduma zote wanazofurahia watu wa mijini ikiwemo kupiga na kupokea simu,kutuma na kupokea fedha na matumizi ya mtandao wa intaneti zinawafikia pia watu wa vijijini kabla ya kumalizika mwaka 2021”. Amesema Mhandisi Kamwelwe.

Amesema kuwa Serikali kupitia UCSAF imefanikiwa kufikisha huduma za mawasiliano kwa wananchi wengi awali hawakuwa na huduma hiyo muhimu.

Aidha Mhandisi Kamwelwe ameitaka NEMC kuharakisha mchakato wa kupatikana kibari cha mazingira ili mradi huo uweze kutekelezwa kwa haraka.