TBL GROUP YAADHIMISHA VALENTINE NA WANAFUNZI WENYE ULEMAVU

Mkuu wa kitengo cha Watoto wenye ulemavu wa akili katika shule ya Uhuru Mchanganyiko,Eugen Stephano, (kulia) akipokea msaada wa vifaa vya shule kutoka Wafanyakazi wa Kampuni ya TBL Group

Baadhi ya wafanyakazi wakigawa zawadi kwa watoto wenye ulemavu wanaosoma katika shule ya msingi ya Uhuru Mchanganyiko

Baadhi ya wafanyakazi wa  TBL Group wakifurahi na wanafunzi wenye ulemavu wa kusikia  katika  shule ya msingi Msasaani  jijini Dar es Ssalaam, kitengo cha viziwi wakati wa maadhimisho ya siku ya wapendanao .

Mwanafunzi   ,Yusra said  akiwaonyesha wafanyakazi wa TBL   Group Amanda Walter (wa tatu kushoto ) na  Matilda Kitwanga  jinsi anavyoweza kusoma kwa vitendo .

Baadhi ya wafanyakazi wa TBL Mwanza wakitoa zawadi kwa watoto katika kituo cha Huruma

Baadhi ya wafanyakazi wa TBL Mwanza wakiangalia watoto wenye ulemavu wanavyofundishwa katika kituo cha Huruma jijini Mwanza

Baadhi ya wafanyakazi wa TBL  wakifundisha watoto kusoma katika shule ya Msasani

Baadhi ya wafanyakazi wa TBL Group katika picha ya pamoja na watoto wenye ulemavu wanaosoma katika shule ya Msasani.

…………………

Wafanyakazi wa kampuni ya TBL Group wameitumia siku ya Wapendanao kusaidia na kutoa faraja kwa watoto wanaosoma kwenye shule za walemavu katika mikoa ya Dar es Salaam,Mwanza,Mbeya,Kilimanjaro na Arusha ambapo pia walitoa misaada ya kufanikisha masomo kwa wanafunzi  hao.

 

Kwa kutumia kauli mbiu ya Sambaza upendo,Sambaza furaha wameweza kutekeleza moja ya mkakati wa kampuni kuhudumia jamii kukabiliana na changamoto mbalimbali katika maeneo inakofanyia biashara zake ikiwemo kuhamasisha wafanyakazi wake kutumia muda katika shughuli mbalimbali za kijamii.

 

Meneja Mawasiliano wa TBL Group,Amanda Walter,ameeleza kuwa  wameamua kuitumia  siku hii kusambaza upendo na furaha kwa watoto wa shule zenye wanafunzi wenye ulemavu  ambapo wafanyakazi wamezitembelea na kushiriki shughuli mbalimbali katika maeneo hayo ikiwemo kucheza na kutoa zawadi kwa  watoto kwa ajili ya kuwapatia faraja.

 

“Mkakati wetu zaidi katika kusaidia changamoto zilizopo kwenye jamii haulengi kutoa fedha na zawadi bali wafanyakazi kujitoa muda wao kushiriki katika  kazi za jamii kama vile kusafisha mazingira,kufundisha watoto.kupaka rangi majengo ya shule,kupanda miti ,kuwatembelea wagonjwa ,kusafisha maeneo ya hospitali na tumekuwa mstari wa mbele pia kushiriki matembezi mbalimbali ya hisani yenye lengo la kuchangia kuondoa changamoto za kijamii”.Alisema Amanda.

 

Alisema TBL Group itaendelea kushiriki shughuli za kijamii kwa kuwa moja ya sera yake ni kuwaleta watu pamoja na kufanya maisha yao kuwa murua inaelekeza kusaidia jamii na kuleta maendeleo endelevu kwa jamii kupitia biashara zake. “Kampuni imekuwa mstari wa mbele kusaidia kukabiliana na changamoto  mbalimbali hususani katika sekta ya elimu,afya na maji ,uwezeshaji wanawake kiuchumi na kampeni za usalama barabarabani.

 

Mkurugenzi wa Kituo cha watoto wenye ulemavu Huruma Special Unit, Andrew Jacob ameishukuru kampuni ya TBL Group na wafanyakazi wake kwa kuwakumbuka watoto  wenye mahitaji maalumu hususani katika kuadhimisha siku ya wapendanao,”Kwa niaba ya shule nawashukuru na mmedhihirisha upendo wa kweli kwa kuwakumbuka watoto hawa na kushirikin kucheza nao na kuwapatia zawadi na faraja ya upendo”.Alisema