TAARIFA KWA VYOMBO VYA HABARI KUTOKA JESHI LA POLISI MKOA WA MWANZA

 

WATU SABA (07) WANASHIKILIWA NA JESHI LA POLISI KWA KOSA LA KUPATIKANA WAKIWA NA MADAWA YA KULEVYA YANAYOZANIWA KUWA YA HEROINE KIASI CHA KETE 32, BHANGI KILO MBILI NA NUSU NA MISOKOTO 75 YA BHANGI, WILAYANI NYAMAGANA.

WATU WAWILI WANAOZANIWA KUWA NI WEZI WAMEPORA FEDHA NA SIMU MBILI KATIKA TUKIO LILILOTOKEA WILAYANI MISUNGWI.

KWAMBA TAREHE 22.02.2017 MAJIRA YA SAA 10:30HRS ASUBUHI NA KUENDELEA KATIKA MAENEO YA KATIKATI MWA JIJI WILAYA YA NYAMAGANA MKOA WA

MWANZA, WATU SABA (07) WALIOJULIKANA KWA MAJINA YA 1. MAGO AILA MIAKA 29, MJALUO NA MKAZI WA MABATINI 2. EMMANUEL MARCO, MIAKA 24, MKAZI WA BUGARIKA, 3.JOSIAH LEORNAD @ DOTO MIAKA 30, MKAZI WA KIRUMBA 4. ALLAN MARWA, MIAKA 19, MWANAFUNZI, 5. FIKIRI MSAFIRI, MIAKA 36, 6.IZACK ANDERSON MIAKA 31, MGOGO, MKAZI WA IGOGO 7.OMARI ALLY MIAKA 27, MNYAMWEZI NA MKAZI WA MABATINI, WANASHIKILIWA NA JESHI LA POLISI KWA KOSA LA KUPATIKANA WAKIWA NA MADAWA YA KULEVYA YANATOZANIWA KUWA YA HEROINE KIASI CHA KETE 32, BHANGI KILO MOJA NA NUSU NA MISOKOTO 75,KITENDO AMBACHO NI KOSA LA JINAI.

AWALI BAADA YA OPERESHENI DHIDI YA MADAWA YA KULEVYA KUANZA NCHINI POLISI MWANZA WALIPOKEA ORODHA YA MAJINA YA WATU KUTOKA KWA RAIA WEMA JUU YA WATU WANAOJIHUSISHA NA BIASHARA, UTUMIAJI NA USAFIRISHAJI WA MADAWA YA KUELVYA MKOANI MWANZA, AIDHA KUTOKANA NA TAARIFA HIZO ASKARI WALIANZA KUFANYA UFUATILIAJI WA WATU HAO DHIDI YA TUHUMA ZINAZOWAKABILI KATIKA MAENEO YOTE YA JIJI NA MKOA MWANZA, NDIPO SIKU YA JANA YA TAREHE 22.02.2017 WALIKAMATWA WATU SABA TAJWA HAPO JUU WAKIWA NA KETE 32 ZA MADAWA YA KULEVYA YANAYOZANIWA KUWA NI HEROINE, BHANGI KIASI CHA KILO MBILI NA NUSU PAMOJA NA MISOKOTO 75 YA BHANGI.

POLISI WAPO KATIKA MAHOJIANO NA WATUHUMIWA WOTE SABA, ILI KUWEZA KUBAINI MTANDAO WA WATU WANAOSHIRIKIANA KATIKA BIASHARA HIYO HARAMU YA MADAWA YA KULEVYA. PINDI UCHUNGUZI UKIKAMILIKA WATUHUMIWA WOTE SABA WATAFIKISHWA MAHAKAMANI ILI HATUA STAHIKI ZA KISHERIA ZIWEZE KUCHUKULIWA DHIDI YAO, AIDHA UPELELEZI NA MISAKO BADO INAENDELEA DHIDI YA WATU WENGINE WANAOTUHUMIWA KUJIHUSISHA NA BIASHARA  HARAMU YA MADAWA YA KULEVYA.

KAMANDA WA POLISI MKOA WA MWANZA NAIBU KAMISHINAWA POLISI AHMED MSANGI ANATOA WITO KWA WAKAZI WA JIJI NA MKOA WA MWANZA, AKIWATAKA KUENDELEA KUTOA USHIRIKIANO KWA JESHI LA POLISI ILI LIWEZE KUDHIBI BIASHARA ZA MADAWA YA KULEVYA KATIKA MKOA WETU WA MWANZA. AIDHA ANAONGEZA KUWA OPERESHINI DHIDI YA MADWA YA KULEVYA NI ENDELEVU KATIKA MAENEO YOTE YA JIJI NA MKOA MWANZAHIVYO WANANCHI WAENDELEA KUTOA TAARIFA MAPEMA POLISI ZA WATUMIAJI, WAUZAJI NA WASAFIRISHAJI WA MADAWA YA KULEVYA, ILI WAWEZE KUKAMATWA KISHA WAFIKISHWE KATIKA VYOMBO VYA SHERIA.

KATIKA TUKIO LA PILI;

MNAMO TAREHE 22.02.2017 MAJIRA YA SAA 20:15HRS USIKU KATIKA MAENEO YA  KIJIJI NA KATA YA USAGARA SOKONI WILAYA YA MISUNGWI  MKOA WA MWANZA, WATU WAWILI WANAOZANIWA KUWA NI WEZI WALIVAMIA  DUKA LA MFANYA BIASHARA MMOJA ALIYEJULIKANA KWA JINA LA MOSES CHARLES MIAKA 45 MKAZI WA KIJIJI CHA USAGARA, KISHA UKASIKIKA MLIO AMBAO UNASEMEKANA KUWA  UNAFANANA KAMA WA BARUTI AU WA BUNDUKI NA KUPORA FEDHA KIASI CHA TSH 1,100,000/=, PAMOJA NA SIMU MBILI ZENYE THAMNI YA TSH 105,000/=, KISHA KUKIMBILIA GIZANI.

INADAIWA KUWA MAJIRA TAJWA HAPO JUU WAKATI MMILIKI WA DUKA HILO  AKIJIANDAA KUFUNGA ILI AKAPUMZIKE GHAFLA ALISIKIA MLIO UNAOFANANA KAMA WA BARUTI AU WA SILAHA NJE KISHA WATU WAWILI ASIO WAFAHAMU SURA WALA MAJINA WALIMVAMIA NA KUMPORA FEDHA NA SIMU MBILI KISHA KUKIMBILIA GIZANI. WANANCHI WALITOA TAARIFA POLISI KUHUSIANA NA TUKIO HILO,  ASKARI WALIFIKA KWA HARAKA ENEO LA TUKIO LAKINI WEZI HAO WALIKUWA TAYARI WAMEKIMBIA ENEO LA TUKIO.

AIDHA HAKUNA MTU YEYETO ALIYEPOTEZA MAISHA AU KUJERUHIWA KATIKA TUKIO HILO, POLISI WANAENDELEA NA UPELELEZI PAMOJA NA MSAKO MKALI DHIDI YA WEZI HAO ILI KUHAKIKISHA WANAKAMATWA NA KUFIKISHWA KATIKA VYOMBO VYA SHERIA.

KAMANDA WA POLISI MKOA WA MWANZA NAIBU KAMISHINA WA POLISI AHMED MSANGI ANATOA WITO KWA WAKAZI WA JIJI NA MKOA WA MWANZA AKIWATAKA KUTOA USHIRIKIANO KWA JESHI LA POLISI KWA KUWATAJA MAPEMA WEZI WA AINA KAMA HII, ILI WAWEZE KUKAMATWA NA KUFIKISHWA KATIKA VYOMBO VYA SHERIA KABLA HAWAJALETA MADHARA MAKUBWA KWA WANANCHI.

IMETOLEWA NA;

DCP: AHMED MSANGI

KAMANDA WA POLISI (M) MWANZA