MAKAMU WA RAIS ATUA MWANZA NA NDEGE YA ATCL, BOMBADIER Q400

 Makamu wa Rais, mama Samia Suluhu Hassan, akikabidjiwa mfano pasi ya kupanda ndege ya ATCL, kutoka Dar es Salaam kwenda Mwanza Jana.Makamu wa.Rais aliisifu ndege hiyo haina ya Bombardier Q400 kwa usafiri mzuri na kwamba umepunguza gharama kwa watumishi wa serikali kama yeye, bapo badala ya kukodi ndege, ameweza kutumia usafiri huo na hivyo kupunguza gharama. Ndege hiyo pia ilikodishwa na serikali kupeleka viongozi mkoani Tabora kwenye msiba wa spika mstaafu marehemu Samwel Sitta.

MAKAMU WA RAIS KUZINDUA KAMPENI YA UCHUNGUZI WA BURE WA SARATANI YA MATITI NA MLANGO WA KIZAZI MKOANI MWANZA.

Rais wa Chama cha Madaktari Wanawake Tanzania (MEWATA), Dkt.Serafina Mkuwa (kulia), akitoa taarifa kwa wanahabari kuhusu uzinduzi wa kampeni ya uchunguzi na matibabu ya Saratani ya Matiti na mlango wa kizazi mkoani Mwanza.

Kampeni hiyo itazinduliwa kesho katika Uwanja wa Furahisha Jijini Mwanza na Makamu wa Rais Mhe.Samia Suluhu Hassan na baadaye kufanyika kwa siku mbili bure.

Na BMG

Kutoka kushoto ni Dkt.Mary Charles ambaye ni Makamu wa Rais MEWATA, Mganga Mkuu mkoa wa Mwanza, Dkt.Leonald Subi, Rais wa MEWATI, Dkt.Serafina Mkuwa, Mwenyekiti Kamati ya Kampeni na Mjumbe kamati tendaji MEWATA, Dkt.Magdalena Lyimo pamoja na Mratibu wa huduma za afya ya uzazi na mtoto mkoa wa Mwanza, Secilia Mrema.

Pia watumishi wa afya mkoani Mwanza wamepatiwa mafunzo kwa ajili ya kusaidia utoaji wa huduma za uchunguzi wa saratani ya matiti na mlango wa kizazi

WASAIDIZI WA KISHERIA WA SHIRIKA LA EfG WAUNGA JITIHADA ZA RAIS MAGUFULI KATIKA KUFANYA USAFI

Msaidizi wa sheria kutoka Soko la Mchikichini Manispaa ya Ilala, Charles Beatus (kushoto), akitoa somo kwa wafanyabiashara wa soko hilo kuhusu ukatili wa kijinsia.

Shughuli za usafi zikiendelea.

Hapa kazi tu.

Takataka zikiondolewa sokoni hapo baada ya kufanyika usafi.

Na Dotto Mwaibale

WASAIDIZI wa kisheria wanawake kutoka Shirika la Equality for Growth (EfG), wamemuunga mkono Rais Dk. John Magufuli katika uhimizaji wa kufanya usafi Soko la Temeke Sterio jijini Dar es Salaam.

Akizungumza katika tukio hilo lililofanyika mwishoni mwa wiki sokoni hapo Ofisa Ufuatiliaji na Tathmini wa EFG, Shaban Rulimbiye alisema wameamua kufanya usafi wa mazingira katika masoko sita yaliyopo chini ya mradi wa kupinga ukatili wa kijinsia masoko unaoendeshwa na shirika hilo.

"Tunamuunga mkono rais wetu kwa jitihada zake anazozifanya za kuhimiza usafi ndio maana wasaidizi wetu wa kisheria kutoka katika masoko hayo tupo nao hapa Temeke kufanya usafi na baada ya hapo watatoa elimu kwa wafanyabiashara ya kupinga ukatili huo " alisema Rulimbiye.

 Alisema ukatili wa kijinsia masokoni si kumshika maungoni mfanyabiasha na matusi hata pale wanawake wanapofanya biashara zao kwa kuziweka chini bila ya kuwa katika mazingira mazuri pia ni ukatili wa kijinsia.

Alisema mpango huo wa kufanya usafi katika masoko hayo ni endelevu na kuwa kila Jumamosi watakuwa wakifanya hivyo kumuunga mkono rais.

Rulimbiye aliyataja masoko ambayo yapo chini ya mradi huo ambayo yatanufaika na usafi huo wa mazingira kuwa ni Temeke Stereo, Mchikichini, Kisutu, Feri, Gezaulole na Tabata Muslim.

Makamu Mwenyekiti wa soko la Temeke Sterio, Issa Ndilima alilishukuru shirika hilo kwa mpango huo wa usafi kwani umeleta hamasa kwa wafanyabiashara wa soko hasa katika mafunzo wanayopata kupitia wasaidizi wa kisheria kupinga ukati wa kijinsia masokoni.

MWAKILISHI WA TANZANIA KWENYE MASHINDANO YA MISS AFRIKA 2016 AKABIDHIWA BENDERA YA TAIFA NA WAZIRI NAPE

Waziri wa Habari Utamaduni Sanaa na Michezo Mhe. Nape Moses Nnauye,(kulia), akimkabidhi Bendera ya Taifa, mwakilishi wa Tanzania kwenye mashindano ya Miss Africa 2016 Julietha Kabete wakati wa mkutano na waandishi wa habari ofisini kwa waziri jijini Dar es Salaam, Novemba 14, 2016. Mashindano hayo yatafanyika nchini Nigeria. (PICHA NA

RAYMOND MUSHUMBUSI WHUSM).

NA SHAMIMU NYAKI WHUSM

Waziri wa Habari,Utamaduni,Sanaa na Michezo Mhe. Nape Moses Nnauye  ameahidi  kuendelea kufanya mageuzi makubwa katika mashindano ya urembo hapa nchini ili kuondoa dosari zinazojitokeza katika mashindano hayo.

Mhe. Nape ametoa ahadi hiyo leo Jijini Dar es Salaam wakati akimkabidhi Bendera Mshiriki wa  Tanzania katika mashindano ya urembo Bara la Afrika kwa mwaka 2016 yatakayofanyika Novemba 28 mwaka huu nchini Nigeria.

Mhe Nnauye  ameongeza kuwa lengo la Serikali ni kuhakikisha kuwa mashindano kama haya yanakuwa na tija kwa Taifa hasa katika kuleta ajira kwa vijana pamoja na kuitangaza nchi kimataifa kupitia urembo. 

“Serikali  nia yake ni kuhakikisha kuwa jambo hili linakuwa bora, linaminiwa na kuheshimika hivyo  watanzania wote watajivunia uwepo wa mashindano ya urembo nchini” alisistiza Mhe Nnauye.

Aidha Mwakilishi wa Millen Magese group Ltd Bw. Matukio Aranyande Chuma amesema kuwa shindano hili litailetea sifa Tanzania na ni kwa mara ya kwanza kufanyika hivyo wataitumia fursa hiyo kuitangaza nchi kimataifa kupitia urembo.

“ kwa niaba ya Millen Magese group Ltd tunatoa shukrani zetu kwa Serikali na Kamati ya Miss Tanzania kwa kutuunga mkono katika jambo hili na tunaahidi kufanya vizuri katika mashindano haya”Alisema Bw. Chuma.

Kwa upande wake Mshiriki kutoka Tanzania anayekwenda kushiriki mashindano hayo Bi. Julietha Kabete ameishukuru Serikali kwa kuendelea kuunga mkono mashindano mbalimbali ya urembo Tanzania inaposhiriki.

“Naahidi kuitangaza nchi yangu vizuri katika mashindano haya na naomba watanzania waniombee na wanipigie kura ili niweze kushinda na kuitangaza Tanzania kimataifa katika urembo” Alisema Bi Julietha.

Mashindano ya Miss Afrika yameanzishwa mwaka 2016 na Prof. Bena Yage ambaye ni Gavana wa Jimbo la Cross River nchini Nigeria kwa lengo kupata mabalozi wa nchi za Afrika watakaosaidia kutangaza na kuelimsha waafrika kuhusu uchumi unaozingatia utunzaji wa mazingira.

Waziri wa Habari Utamaduni Sanaa na Michezo Mhe. Nape Moses Nnauye,(kulia), akizungumza na waandishi wa habari wakati wa hafla hiyo.

Julietha Kabete,(katikati), akizungumza na waandishi wa habari leo Jijini Dar es Salaam kuhusu ushiriki wake kwenye mashindano hayo

Mwenyekiti wa Kamati ya Miss Tanzania Bw. Hashim Lundenga ( katikati) akifafanua jambo kwa waandishi wa kuhusu mchakato wa kumpata mshiriki wa mashindano hayo kutoka kwa washiriki wa Miss Tanzania 2016 wakati wa hafla ya kumkabidhi Bendera ya Taifa, Julietha Kabete

Mwakilishi wa Millen Magese group company Ltd Bw. Matukio Aranyande Chuma.(katikati) akitoa maelezo kuhusu mashindano ya Urembo ya Afrika kwa mwaka 2016 kwa waandishi wa habari leo Novemba 14, 2016 Jijini Dar es Salaam.