Friday, October 28, 2016

TTCL, HUAWEI WAZINDUA HUDUMA YA TEKNOLOJIA YA 4.5G TANZANIA


Katibu Mkuu Wizara ya Ujenzi, Uchukuzi na Mawasiliano, anayesimamia Sekta ya Mawasiliano, Profesa Faustine Kamuzora (katikati) akibonyeza kitufe kuashiria uzinduzi rasmi wa matumizi ya teknolojia ya 4.5G inayotolewa na Kampuni ya Huawei ambayo ni mshirika wa TTCL katika huduma za teknolojia ya Mawasiliano. Kulia ni Kaimu Afisa Mtendaji Mkuu wa TTCL, Bw. Waziri Waziri Kindamba na Mkurugenzi Mkuu wa Huawei Tanzania, Bruth Zhang (kushoto) wakishuhudia.
Katibu Mkuu Wizara ya Ujenzi, Uchukuzi na Mawasiliano, anayesimamia Sekta ya Mawasiliano, Profesa Faustine Kamuzora (katikati) akipiga makofi pamoja na Kaimu Afisa Mtendaji Mkuu wa TTCL, Bw. Waziri Waziri Kindamba (kulia) na Mkurugenzi Mkuu wa Huawei Tanzania, Bruth Zhang (kushoto) mara baada ya uzinduzi wa matumizi ya teknolojia ya 4.5G inayotolewa na Kampuni ya Huawei ambayo ni mshirika wa TTCL katika huduma za teknolojia ya Mawasiliano.
Kaimu Afisa Mtendaji Mkuu wa TTCL, Bw. Waziri Waziri Kindamba akizungumza katika hafla ya uzinduzi rasmi wa matumizi ya teknolojia ya 4.5G inayotolewa na Kampuni ya Huawei ambayo ni mshirika wa TTCL katika huduma za teknolojia ya Mawasiliano. Hafla hiyo ilifanyika jana katika Ukumbi wa Mlimani City jijini Dar es Salaam.

MTU MMOJA AUWAWA KWA KUPIGWA RISASI NJE YA UBALOZI WA MAREKANI NCHINI KENYA

Mtu anayedaiwa kuwa ni gaidi wa kundi la al-Shabaab amepigwa risasi na kufa baada ya kumchoma kisu askari wa kikosi cha GSU nje ya ubalozi wa Marekani uliopo eneo la Gigiri Jijini Nairobi nchini Kenya.
Ubalozi wa Marekani umethibitisha kutokea kwa tukio hilo jana, ambapo hakuna mtumishi wa ubalozi huo aliyejeruhiwa, na kuviagiza vyombo vya habari kupata taarifa zaidi kwa serikali ya Kenya.
Mtuhumiwa huyo wa ugaidi inadaiwa kuwa alikuwa akilazimisha kungia kwenye Ubalozi wa Marekani nandipo alipozuiwa na maafisa polisi wa Kenya kwenye geti na kisha alichomoa kisu na kumchoma askari polisi kabla ya kupigwa risasi na kufa.
  Maafisa wa upelelezi wa Marekani wa kikosi cha FBI wakiuchunguza mwili wa mtu aliyeuwawa

ILIVYOKUWA KWENYE USIKU WA MSHIKE MSHIKE NA KHADIJA OMAR KOPA JIJINI MWANZA.

Malikia wa Taarabu Afrika Mashariki na Kati, Khadija Omar Kopa, akitoa burudani kwa wakazi wa Jiji la Mwanza usiku wa kuamkia leo ndani ya Villa Park Resort kwenye show ya Usiku wa Mshike Mshike iliyoandaliwa na 102.5 Lake Fm Mwanza.
Na BMG
Bi.Khadija Omar Kopa pamoja na bendi yake ya Ogopa Kopa Classic alikonga nyoyo za wakazi wa Jiji la Mwanza.
Bi.Khadija Omar Kopa pamoja na bendi yake ya Ogopa Kopa Classic alikonga nyoyo za wakazi wa Jiji la Mwanza.

NAIBU KATIBU MKUU, BALOZI SIMBA AITAKA KAMATI YA KUPAMBANA NA BIASHARA HARAMU YA USAFIRISHAJI BINADAMU KUWEKA MIKAKATI YA KUDHIBITI WAHALIFU WA BIASHARA HIYO HATARI NCHINI

Naibu Katibu Mkuu wa Wizara ya Mambo ya Ndani ya Nchi, Balozi Simba Yahya akizungumza na Wajumbe wa Kamati na Sekretarieti ya Kitaifa ya Kuzuia na Kupambana na Biashara Haramu ya Usafirishaji Binadamu kabla ya kufungua Mkutano wa siku mbili wa wajumbe hao unaofanyika katika Ukumbi wa Mikutano wa Wizara hiyo, jijini Dar es Salaam leo. Katika hotuba yake, Balozi Simba aliwataka wajumbe wa kamati hiyo kuweka mikakati imara ya kupambana na uhalifu huo wa usafirishaji wa binadamu ambapo Tanzania ni mojawapo kati ya nchi zilizoathirika na tatizo hilo. Kulia meza kuu ni Mwenyekiti wa Kamati hiyo, Vicent Magere, na kushoto ni Katibu wa Sekretarieti kutoka Wizara ya Mambo ya Ndani ya Nchi, Separatus Fella. Picha zote na Wizara ya Mambo ya Ndani ya Nchi.
Mwenyekiti wa Kamati ya Kitaifa ya Kupambana na Biashara Haramu ya Usafirishaji Binadamu, Vicent Magere akizungumza na Wajumbe wa Kamati hiyo (hawapo pichani) kabla ya kumkaribisha Mgeni Rasmi, Naibu Katibu Mkuu wa Wizara ya Mambo ya Ndani ya Nchi, Balozi Simba Yahya (katikati) kufungua mkutano wa kamati hiyo wenye lengo la kujadili pamoja na kuweka mkakati wa kukabiliana na biashara haramu ya usafirishaji wa binadamu nchini. Kushoto ni Katibu wa Sekretarieti ya Kitaifa ya Kuzuia na Kupambana na Biashara hiyo kutoka Wizara ya Mambo ya Ndani ya Nchi. Picha na Wizara ya Mambo ya Ndani ya Nchi.
Naibu Katibu wa Sekretarieti ya Kitaifa ya Kuzuia na Kupambana na Biashara Haramu ya Binadamu, John Makuri akizungumza katika kikao cha kujadili pamoja na kuweka mkakati wa kukabiliana na biashara haramu ya usafirishaji wa binadamu nchini kinachofanyika katika Ukumbi wa Mikutano wa Wizara ya Mambo ya Ndani ya Nchi, jijini Dar es Salaam leo. Kikao hicho kilifunnguliwa na Naibu Katibu Mkuu wa Wizara hiyo, Balozi Simba Yahya (katikati meza kuu). Kulia meza kuu ni Mwenyekiti wa Kamati ya Kitaifa ya Kupambana na Biashara Haramu ya Usafirishaji Binadamu, Vicent Magere na kushoto ni Katibu wa Sekretarieti kutoka Wizara ya Mambo ya Ndani ya Nchi, Separatus Fella. Picha na Wizara ya Mambo ya Ndani ya Nchi.
Katibu wa Sekretarieti ya Kitaifa ya Kuzuia na Kupambana na Biashara Haramu ya Binadamu kutoka Wizara ya Mambo ya Ndani ya Nchi, Separatus Fella, akiwasilisha mada juu ya Biashara Haramu ya Usafirishaji Binadamu na juhudi zilizofanywa na serikali hadi kufikia sasa. Fella alisema Serikali imejipanga kuhakikisha elimu inatolewa kuhusu biashara hiyo na pia kikao hicho kitasaidia kuweka mikakati imara zaidi ya kuendelea kupambana na biashara hiyo haramu. Picha na Wizara ya Mambo ya Ndani ya Nchi.

WAPIGA CHENI WALALAMIKIWA KWA KUVIZIA MAGARI JIJINI MWANZA.

"Kama kuna watu wanajua kuvizia, basi hawa jamaa wa cheni wanaongoza, wanaweza kukuona unaelekea kuegesha gari eneo lisilo sahihi pengine bila kujua, badala wakuambie, wao hujificha na ukiisha egesha gari utaona wanavyolikimbilia". Amelalamika mmoja wa madereva Jijini Mwanza ambaye gari lake limeviziwa na kufungwa cheni na vijana wanaokusanya ushuru wa maegesho. Na BMG
Kumekuwepo na malalamiko ya mara kwa mara kwamba huenda wakusanya ushuru hao ni kama wamepewa maagizo ya utendaji kazi ikiwemo kuzingatia kiwango cha kukusanya pesa, hali ambayo husababisha watumie njia za kuvizia ili kufikia lengo hilo.
Hapa ni baada ya dereva kusimamisha gari ili kushusha mzigo wake katika eneo la ofisini, wazee wa cheni wakatimba bila kujua wametokea wapi.

KUMBUKUMBU YA BABA YETU OMUTWALE PASCHAL RUTAIHWA KAKIZIBA

                                                          OMUTWALE Paschal Rutaihwa Kakiziba
 
                                                             13 JULAI 1935 – 28 OKTOBA 2004
Baba yetu mpendwa umetimiza mwaka wa 12 tangu ulipotwaliwa na Bwana. Picha yako inatukumbusha uwepo wako tulipokuwa sote hapa duniani, na hasa ukarimu, upendo, upole, uchangamfu na wingi wa busara.
 
Ni vigumu kukubali kwamba haupo nasi lakini hatuna budi kuamini kwamba uko nasi kiroho kwa vile tunaye Mungu ambaye anaendelea kututia nguvu kila iitwapo leo. Busara zako na ucheshi wako vinazidi kutuimarisha kila siku na tunaendelea kuzingatia maneno yako uliyokuwa ukihimiza juu ya kuwa na upendo na umoja katika familia huku tukiendelea kumtumaini Mungu wetu ambaye amekuita kwake.
Mke wako Mary-Hilda Kakiziba, rafiki yako Galita, watoto wako, wajukuu, wakwe zako, dada zako, kaka zako na wadogo zako, ndugu, marafiki na majirani wanakosa ucheshi na ushauri wako na wanakukumbuka daima.
MISA YA KUMBUKUMBU ITAFANYIKA JUMAPILI, OKTOBA 30, 2016, SAA 3 ASUBUHI KWENYE KIGANGO CHA MT. ANTHONY WA PADUA, BOKO, DSM.
Tumaini letu linajengwa na neno lisemalo: ”Umevipiga vita vilivyo vizuri, mwendo umeumaliza na imani umeilinda” (2Tim. 4:7)
Tunakuomba Ee Bwana uendelee kuipumzisha roho yake mahali pema peponi, AMEN

BENKI YA POSTA YAJENGA CHOO CHA SH.MILIONI 14.5 SHULE YA MSINGI PANDE JIJINI TANGA

 Meneja Mwandamizi wa Uhusiano wa Umma wa Benki ya Posta Tanzania (TPB), Noves Moses akizundua Jengo jipya la Choo cha Shule ya Msingi Pande ambalo wamelijenga.
 Meneja Mwandamizi wa Uhusiano wa Umma wa Benki ya Posta Tanzania (TPB), Noves Moses pamoja na wageni wengine wakipiga makofi mara baada ya kulizundua jengo hilo
 Meneja Mwandamizi wa Uhusiano wa Umma wa Benki ya Posta Tanzania (TPB), Noves Moses kulia akipongezwa na mwalimu mkuu wa shule ya Msingi Pande,Mathias Anthony mara baada ya kuzindua Jengo la Choo
SOMA ZAIDI 

RAIS WA PHILIPPINE RODRIGO DUTERTE ASEMA AMEMUAHIDI MUNGU KUACHA LUGHA CHAFU

Rais wa Philippine Rodrigo Duterte amesema kuwa amemuahidi Mungu kuwa atajaribu kuachana na tabia yake ya kuwa na mdomo mchafu unaomfanya kutoa lugha chafu kwa viongozi wenzake.
Rais Duterte ambaye ni maarufu kwa kutoa lugha chafu kwa viongozi wenzake, ametoa kauli hiyo wakati akiwasili katika mji wa nyumbani kwao wa Davao baada ya kufanya ziara ya Japan, na kusema Mungu amemtaka kuachana na tabia ya lugha chafu alipokuwa kwenye ndege.
“Nikiwa angani nilisikia sauti ikiniambia kuwa acha tabia ya kutoa lugha za matusi ama ndege itaanguka, na ndipo nilipomuahidi Mungu kuwa ataacha kabisa kutukana,” alisema rais Duterte.
Duterte aliwahi kumuita rais Barack Obama mtoto wa kahaba, na kuuita Umoja wa Ulaya kuwa ni umoja wa kinafiki, pia alitishia kujitoa Umoja wa Mataifa kwa kumfananisha na Hitler, baada ya kusema angejisikia faraja kuwauwa wafanyabiashara wa dawa za kulevya milioni tatu.

MAROUANE FELLAINI AKATIZA MITAANI NA MDOGO WAKE ANAYEFANANA NAYE

Kiungo wa Manchester United, Marouane Fellaini, ameonekana akiwa na furaha baada ya timu yake kuibuka na ushindi dhidi ya Manchester City siku ya jumatano licha ya kutocheza.
Mchezaji huyo wa kimataifa wa Ubelgiji alionekana akiwa mitaani Manchester jana na ndugu yake Mansour ambaye wanafanana sana kwa muonekano pamoja na afro zao.
                Marouane Fellaini na mdogo wake Mansour wakionekana wenye furaha

BALOZI SEIF AFUNGUA MKUTANO WA KIKANDA WA KIMATAIFA WA SEKTA YA MAFUTA NA GESI ASILIA, ZANZIBAR

Makamu wa Pili wa Rais wa Zanzibar Balozi Seif Ali Iddi wa pili kutoka kulia akiwa pamoja na Viongozi waandamizi kabla ya kuufungua Mkutano wa Kikanda wa Kimataifa wa Siku Mbili unaohusiana na Sekta ya Mafuta na Gesi asilia ulioandaliwa na Taasisi ya Uongozi na kufanyika katika Ukumbi wa Hoteli ya Park Hyatt Mjini Zanzibar.
Baadhi ya washiriki wa Mkutano wa Kikanda wa Kimataifa wa Siku Mbili unaohusiana na Sekta ya Mafuta na Gesi asilia wakimsikiliza Balozi Seif wakati akiufungua Mkutano huo.
Baadhi ya washiriki wa Mkutano wa Kikanda wa Kimataifa wa Siku Mbili unaohusiana na Sekta ya Mafuta na Gesi asilia wakimsikiliza Balozi Seif wakati akiufungua Mkutano huo.
Balozi Seif akiwa katika picha ya pamoja na wajumbe wa Mkutano wa Kikanda wa Kimataifa wa Siku Mbili unaohusiana na Sekta ya Mafuta na Gesi asilia.
 
Picha na – OMPR – ZNZ.

Makamu wa Pili wa Rais wa Zanzibar Balozi Seif Ali Iddi amesema licha ya juhudi kubwa zinazochukuliwa na Mataifa na Taasisi za Kimataifa kuunga mkono miradi ya Kiuchumi inayoanzishwa na Serikali, lakini bado nguvu za pamoja kwa Taasisi za ndani zinahitajika katika kushirikiana na Serikali kiuendeleza miradi hiyo.

Alisema zipo jitihada zinazofanywa na Serikali kuandaa Sera,mipango na Mikakati ya kujiandaa na miradi mipya kama Mafuta na Gesi asilia ambayo kufanikiwa kwake mbali ya kuinua pato la Taifa lakini pia inaweza kutoa ajira kubwa itakayopunguza wimbi la Vijana wasiokuwa na kazi za kujikidhi kimaisha.

Balozi Seif Ali Iddi alitoa kauli hiyo wakati akiufungua Mkutano wa Kikanda wa Kimataifa wa Siku Mbili unaohusiana na Sekta ya Mafuta na Gesi asilia ulioandaliwa na Taasisi ya Uongozi na kufanyika katika Ukumbi wa Hoteli ya Park Hyatt Mjini Zanzibar.

Alisema ingawa usimamizi wa kuendesha miradi ya sekta ya Mafuta na gesi asilia hupangwa na kupewa dhamana wawekezaji kulingana na kiwango cha taaluma walichonacho, hata hivyo jukumu la kusimamia sera litabakia kuwa mikononi mwa wazalendo wenyewe ili kujilinda mapema na changamoto za

UJERUMANI WAIPIGA JEKI SAUTI ZA BUSARA 2017

Mwenyekiti wa Tamasha la Sauti za Busara Zanzibar Ndg Simai Mohammed Said akitiliana saini ya Makubaliano ya kusaidia Tamasha la Sauti za Busara Zanzibar na Balozi wa Ujerumani Tanzania Balozi Egon Kochanke, Ujerumani imekubali kuchangia €5000 sawa na shilingi za Kitanzania milioni 12,hafla hiyo imefanyika katika Ukumbi wa Hoteli ya Kitalii ya Park Hyyat Shangani Zanzibar leo. Tamasha la Sauti za Busara Zanzibar hufanyika kila mwaka katika mwezi wa Febuary na kuhudhuriwa na Wageni mbalimbali wanaotembelea Zanzibar.
Mwenyekiti wa Tamasha la Sauti za Busara Zanzibar Mhe Simai Mohammed Said, akibadilishana mkataba na Balozi wa Ujerumani Nchini Tanzania Balozi Egon Kochanke, baada kumaliza kutiliana saini ya makubaliano ya kuchangia Tamasha hilo kwa mwaka 2017, hafla hiyo imefanyika katika Ukumbi wa Hoteli ya Park Hyyat Shangani Zanzibar, leo mchana. Kwa hisani ya ZanziNews
at

No comments :

Post a Comment

Subscribe to: Post Comments ( Atom )