Tuesday, August 23, 2016

RAIS MAGUFULI APOKEA HATI ZA UTAMBULISHO KUTOKA KWA MABALOZI WA NCHI MBALIMBALI IKULU JIJINI DAR ES SALAAM



Rais Dkt. John Pombe Magufuli akiagana na Balozi wa Somalia hapa nchini Mohammed Hassan Abdi mara baada ya kupokea Hati zake za Utambulisho Ikulu jijini Dar es Salaam Agosti 23, 2016. (PICHA NA IKULU)

Rais Dkt. John Pombe Magufuli akisalimiana na Balozi wa Somalia hapa nchini Mohammed Hassan Abdi mara baada ya kuwasili Ikulu kwa ajili ya kuwasilisha Hati zake za Utambulisho

Rais wa Jamhuri ya Muungano wa Tanzania Dkt. John Pombe Magufuli akipokea Hati za Utambulisho kutoka kwa Balozi wa Italia hapa nchini Roberto Mengoni Ikulu jijini Dar es Salaam.


Rais Dkt. John Pombe Magufuli akizungumza na Balozi wa Italia hapa nchini Roberto Mengoni mara baada ya kupokea Hati zake za Utambulisho Ikulu jijini Dar es Salaam.


Rais Dkt. John Pombe Magufuli akizungumza na Balozi wa Italia hapa nchini Roberto Mengoni mara baada ya kupokea Hati zake za Utambulisho Ikulu jijini Dar es Salaam.

Balozi wa Italia hapa nchini Roberto Mengoni akisaini kitabu kabla ya kuwasilisha Hati zake za Utambulisho kwa Rais Dkt. John Pombe Magufuli Ikulu jijini Dar es Salaam

Rais Dkt. John Pombe Magufuli akiagana na Balozi wa Jamhuri ya Kidemokrasia ya Watu wa Korea hapa nchini Kim Yong Su mara baada ya kupokea Hati zake za Utambulisho Ikulu jijini Dar es SalaamMAFUNZO KUHUSU MWONGOZO WA USIMAMIZI WA RASILIMALI ZA UMMA KWA MIKOA YA KANDA YA ZIWA YAANZA.
Mgeni Rasmi Bw. Maduka Paul Kessy, Naibu Katibu Mtendaji, kundi la Uzalishaji, Tume ya Mipango (aliyesimama) akitoa hotuba kwa ajili ya ufunguzi rasmi wa mafunzo kuhusu Mwongozo wa Usimamizi wa Rasilimali za Umma kwa washiriki kutoka mikoa ya Mwanza, Mara, Geita and Simiyu. Wengine ni Bi. Lorah Madete, Kaimu Naibu Katibu Mtendaji, Klasta ya Uchumi Jumla, Tume ya Mipango (kushoto) na Bw. John Mduma, Mhadhiri Mwandamizi, Chuo Kikuu cha Dar es Salaam (kulia).

Bi. Lorah Madete, Kaimu Naibu Katibu Mtendaji, Klasta ya Uchumi Jumla, Tume ya Mipango, akitoa neno kwa washiriki wa mafunzo kabla ya kumkaribisha mgeni rasmi ili afungue mafunzo hayo ya siku tano.  Waliokaa ni Bw. Maduka Paul Kessy, Naibu Katibu Mtendaji, Klasta ya Uzalishaji, Tume ya Mipango (katikati) na Bw. John Mduma, Mhadhiri Mwanamizi, Chuo Kikuu cha Dar es Salaam

Muwezeshaji Dr. Kenneth Mdadila, Mhadhiri, Chuo Kikuu cha Dar es Salaam akishusha nondo kwa washiriki wa mafunzo hayo.


Washiriki wakisikiliza na kufuatilia kwa makini mafunzo waliyokua wakipata kutoka kwa muwezeshaji.


Washiriki wakisikiliza na kufuatilia kwa makini mafunzo waliyokua wakipata kutoka kwa muwezeshaji.

Picha yan pamoja

TIGO YAANZISHA MKAKATI WA HUDUMA KWA JAMII NCHI NZIMA KATIKA MSIMU WA FIESTA 2016

Wanafunzi wa Shule ya Msingi Bwiru Mkoani Mwanza wakiwa wamekalia madawati 60 waliyopewa na kampuni ya Tigo,wakati wa hafla iliyofanyika jana.


Kampuni ya Simu ya Tigo Tanzania leo  imeanzisha rasmi  mkakati wake wa nchi nzima wa kutoa huduma kwa jamii  kwa kuchangia madawati 385  yenye thamani ya shilingi milioni 64 kwa shule tisa za msingi mkoani Mwanza  ambayo  yatazinufaisha shule za msingi katika wilaya za  Ukerewe, Nyamagana, Ilemela na Sengerema wakati wa msimu wa tamasha la Fiesta 2016 mkoani Mwanza

RAIS WA ZANZIBAR, DK.SHEIN AKUTANA NA MTENDAJI MKUU WA KAMPUNI YA MILLICOM NA UJUMBE WAKE

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (kulia) akisalimiana na Bw,Mauricio Ramos,Mtendaji Mkuu wa kampuni ya "Millicom Group" akiwa na ujumbe wake walipofika Ikulu Mjini Unguja kwa mazungumzo leo (kushoto) Nd,Benoit Janin Mtendaji Mkuu wa Zanztel.
Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (kulia) akisalimiana na Bibi Rachel Samren Naibu Mtendaji Mkuu wa kampuni ya Millicom Group pia Mtendaji Mkuu wa Bodi ya Zanztel (katikati) Bw,Mauricio Ramos,Mtendaji Mkuu wa kampuni ya "Millicom Group"(wa pili kulia) na (kushoto) Nd,Benoit Janin Mtendaji Mkuu wa Zanztel ujumbe huo ulifika Ikulu Mjini Unguja leo kwa mazungumzo na Rais.
Rais wa Zanzibar na Mwenyekiti wa Baraza la Mapinduzi Dk. Ali Mohamed Shein akizungumza na Bw,Mauricio Ramos,Mtendaji Mkuu wa kampuni ya "Millicom Group"akiwa na ujumbe wake walipofika Ikulu Mjini Unguja kwa mazungumzo leo

NIGERIA NA TANZANIA KUCHEZA SEPTEMBA 3

Shirikisho la Mpira wa Miguu Nigeria (NFA), limesogeza mbele kwa siku moja mchezo kati ya timu ya taifa ya Nigeria ‘The Super Eagles’ na Tanzania ‘Taifa Stars’ ambako sasa utafanyika Septemba 3, 2016 badala ya Septemba 2, 2016 iliyotangazwa awali.

Na Kocha Mkuu wa Taifa Stars, Charles Boniface Mkwasa kesho anatarajiwa kutangaza kikosi ambacho atakiandaa maalumu kwa mchezo huo. Mkwasa amesema kwamba anatarajia kuita wachezaji 20 ambao atasafiri nao kwenda Nigeria kwa ajili ya mchezo huo.

“Kutakuwa na mabadiliko kidogo katika kikosi nitakachotangaza. Kwanza watakuwa wachezaji 20 badala ya 24, pili wachezaji ambao nitawachukua ni tofauti tofauti maana wengine kwa sasa ni majeruhi,” amesema Mkwasa.

Mchezo huo ni wa kukamilisha ratiba katika kundi G baada ya Misri kukata tiketi ya kucheza Kombe la Mataifa ya Afrika, fainali zitakazofanyika Gabon, mwakani. Katika kundi hilo, Chad ilijitoa hivyo kuathiri mbio za ushindani wa nafasi hiyo kwa timu za Tanzania na Nigeria.

MAJALIWA AKIWASALIMU WANANCHI WA KIJIJI CHA MAJIMOTO WILAYANI MLELE

Waziri Mkuu, Kassim Majaliwa na Mkewe Mary wakiwapungia wananchi wa kijiji cha Majimoto wialyani Mlele kabla ya kuhutubia mkutano wa hadhara kijijini hapo, Agosti23, 2016. (Picha na Ofisi ya Waziri Mkuu)

MBUNGE WA ILEJE JANET MBENE ATAKA WALIOKULA FEDHA ZA MRADI WA HOSPITALI WACHUNGUZWE

Mbunge wa Ileje Mh Janet Mbene, akiwa na watendaji wa Halmashauri hiyo akikagua sehemu ya juu ya jengo jipya la Hospitali ya Wilaya ya Ileje Ksata ya Itumba inayojengwa kwa pesa za Serikali ya Tanzania
Mganga mkuu wa Hospitali ya Ileje akitoa maelezo kwa Mbunge wa Jimbo hilo Mh Janet Mbene alipokuwa akikagua ujenzi wa jengo jipya la Hospitali hiyo
Mbunge wa Ileje Mh Janet Mbene akitoa pole katika wodi ya Wanawake amabao walibahatika kujifungua kwa Upasuaji katika Hospitali ya Wilaya ya Ileje.

IVORY COAST YAWASILI DAR, MECHI IJUMAA

Timu ya Taifa ya Mpira wa Miguu Ufukweni ya Ivory Coast, imeingia Dar es Salaam, Tanzania leo saa 8.00 usiku kwa ndege ya Shirika la Ndege la Ethiopia ikitokea jijini Abidjan.

Timu hiyo imekuja Dar es Salaam kwa ajili ya mchezo wa kwanza wa kuwania nafasi ya kucheza Kombe la Mataifa ya Afrika kwa mpira wa miguu wa ufukweni ambako itacheza na wenyeji Tanzania Ijumaa wiki hii kwenye uwanja maalumu ulioandaliwa kwa ajili ya mchezo huo.

Mchezo huo utachezeshwa na waamuzi kutoka Uganda ambao ni Shafic Mugerwa atakayepuliza kipyenga na wasaidizi wake ni Ivan Bayige Kintu na Muhammad Ssenteza.

Mtunza muda katika mchezo huo atakuwa Adil Ouchker wa Morocco huku Kamishna akiwa ni Reverien Ndikuriyo wa Burundi. Timu hizo zinatarajiwa kucheza mechi mbili za kuwania kufuzu kwani mara baada ya mchezo wa Dar es Salaam, zitarudiana tena Ivory Coast na mshindi wa jumla atakuwa amefanikiwa kufuzu kwa fainali.

Kwa upande wa Tanzania, Kocha Mkuu wa timu hiyo, John Mwansasu, anaendelea na mazoezi na wachezaji wake 16 aliowatangaza wiki iliyopita. Kikosi hicho kinaundwa na wachezaji sita kutoka Zanzibar na 10 Tanzania Bara.

Wanaounda kikosi hicho ni Talib Ame, Ahamada Ahmad, Mohammed Makame, Ahamed Rajab (golikipa) Khamis Said na Yacob Mohamed wote kutoka Zanzibar.

Wengine ni Ally Raby, Mwalimu Akida, Khalifa Mgaya, Rolland Revocatus, Juma Sultan, Rajab Ghana, Samwel Salonge, Kashiru Salum, Juma Juma na Kevin Baraka.

MAJALIWA AKAGUA JENZI WA DARAJA LA MTO KAVUU

Ujenzi wa daraja la mto Kavuu wilayani Mlele ambalo Waziri Mkuu, Kassim Majaliwa alikagua ujenzi wake Agosti 23, 2016. (Picha na Ofisi ya Waziri Mkuu)
Waziri Mkuu, Kassim Majaliwa akikagua ujenzi wa daraja la mto Kavuu wilayani Mlele Agosti 23, 2016. (Picha na Ofisi ya Waziri Mkuu)

WAZIRI MKUU Kassim Majaliwa amekagua mradi wa ujenzi wa daraja la Kavuu linalojengwa na kampuni ya Nandra Engineering and Construction Ltd ya mkoani Morogoro na kumtaka mkandarasi huyo kulikamilisha haraka.

Ujenzi wa mradi wa daraja hilo lenye urefu wa mita 85.34 ulianza Septemba 2013 na ulitarajiwa kukamilika Septemba 27, 2014. Mradi huo wenye thamani ya sh. Bilioni 2.718 unagharamiwa na Serikali kwa asilimia 100.

“Serikali imedhamiria kuimarisha barabara katika maeneo mbalimbali nchini ikiwa ni pamoja na ujenzi wa madaraja. Ujenzi wa daraja la Kavuu utakamilika katika kipindi cha mwaka huu wa fedha hivyo nawaomba muendelee kuiamini Serikali yenu,” amesema.

Waziri Mkuu ametoa kauli hiyo leo (Jumanne, Agosti 23, 2016) wakati akizungumza na wananchi kwenye mkutano wa hadhara uliofanyika katika Kata ya Majimoto, Halmashauri ya Mpimbwe wilayani Mlele.

“Tumeamua kuwapa kazi wakandarasi wa ndani tunataka mfanye kazi daraja likamilike kwa viwango vyenye ubora ili kuthibitisha kama wasomi wetu mnafanya kazi na hatimaye tuwape kazi nyingine,” amesema.

Wakati huo huo Waziri Mkuu amewatahadharisha wananchi kuwa makini na kujiepusha na matapeli wanaopita katika maeneo yao na kuwataka wachange fedha za kuanzisha vikundi ili wapewe sh. milioni 50 zilizoahidiwa na Serikali.

“Serikali bado hatujaanza kusambaza fedha hizo. Jihadharini na hao matapeli na wezi hivyo wakija kwenye maeno yenu wakamateni. Zoezi hilo likianza mtajulishwa kupitia halmashauri zenu,” amewasisitiza.

Awali mbunge wa jimbo la Kavuu, Dk. Pudensiana Kikwembe alimuomba Waziri Mkuu kutoa kipaumbele kwenye ujenzi wa daraja la Kavuu ili likamilike mapema na kuwawezesha wananchi kusafirisha mazao yao kwa urahisi.

Pia ameiomba Serikali kutekeleza ahadi ya Mhe. Rais Dk. John Magufuli ya ujenzi wa barabara ya kutoka Majimoto hadi Inyonga yenye urefu wa kilomita 130 kwa kiwango cha lami aliyoitoa wakati wa kampeni. Waziri Mkuu amesema barabara hiyo itajengwa katika kipindi cha mwaka ujao wa fedha.

BONDIA IDDI MKWELA ALIVYO MSAMBALATISHA MWINYI MZANGELA TAIFA



Mabondia Mwinyi Mzengela kushoto na Iddi Mkwela wakioneshana umwamba wa kutupiana makonde wakati wa mpambano wao uliofanyika mwishoni mwa wiki iliyopita Mkwela alishinda kwa point katika mpambano uho wa raundi sita Picha na SUPER D BOXING NEWS
Bondia Iddi Mkwela kulia akipiga ngumi ya mkunjo wa chini 'Upcut' uku akirudi nyuma wakati mpinzani wake akiwa kamkumbatia Mkwela alishinda kwa pointi mpambano uho wa raundi sita uliofanyika mwishoni mwa wki iliyopita katika uwanja wa ndani wa Taifa Picha na SUPER D BOXING NEWS
Kocha wa kimataifa wa masumbwi nchini Rajabu Mhamila 'Super D' kulia akimpatia mahelekezo bondia Iddi Mkwela wakati wa mpambano wake na Mwinyi Mzengela Mkwela alishinda kwa point mpambano uho wa raundi sita Picha na SUPER D BOXING NEWS

TFF YAIANDALIA SERENGETI BOYS KAMBI TULIVU

Baada ya kutekeleza ahadi ya mwanzo ya kuipeleka Madagascar kwa ajili ya kambi ya kuivaa Afrika Kusini ‘Amajimbos’, Rais wa Shirikisho la Mpira wa Miguu Tanzania (TFF), Jamal Malinzi amepanga kutekeleza ahadi yake nyingine kwa kuipeleka timu ya taifa ya Tanzania ya vijana wenye umri wa chini ya miaka 17 ‘Serengeti Boys’ kwenye kambi tulivu, ikiwezekana nje ya nchi.

Rais Malinzi aliahidi na kutekeleza ahadi yake kuipeleka Madagascar Serengeti Boys baada ya kuitoa Shelisheli katika michuano ya Kombe la Mataifa ya Afrika zitakazofanyika Madagascar, mwakani. Kadhalika aliahidi kuipeleka timu hiyo nje ya nchi ambayo hata hivyo haijateuliwa baada ya kuindoa Afrika Kusini. Ameahidi kambi hiyo itaanza Septemba mosi, mwaka huuu.

Serengeti Boys ilipiga kambi Hosteli za TFF, zilizo Karume kwa wiki moja kabla ya kuhamia Hoteli ya Urban Rose, katikati ya jiji la Dar es Salaam ambako ilivunjwa kwa muda jana Agosti 22, 2016 ambako vijana wamekwenda makwao kusalimia ndugu zao na itaitwa mwishoni mwa mwezi huu kwa ajili ya maandalizi ya kambi ya nje ya nchi.

Serengeti Boys imebakiwa na mtihani mmoja kufuzu kucheza fainali hizo kwa kucheza na Congo – Brazaville na mchezo wa kwanza utafanyika Dar es Salaam, Septemba 18, 2016 kabla ya kurudiana Septemba 30, 2016, Oktoba 1 au Oktoba 2, 2016.

TFF imejipanga kwa ajili ya kambi hiyo, na kinachosubiriwa kwa sasa ni mapendekezo ya makocha ili shirikisho itekeleze hatua hiyo ya kambi ya utulivu.

Kocha Mkuu wa Serengeti Boys, Bakari Shime maarufu kama Mchawi Mweusi amesema kwamba anaamini kuwa mchezo ujao utakuwa mgumu kwa kuwa kila timu nitajipanga kuvuka ili kucheza fainali hizo.

MAJALIWA AHUTUBIA MKUTANO WA HADHARA KIJIJI CHA MAJIMOTO

Waziri Mkuu, Kassim Majaliwa na Mkewe Mary wakitazama ngoma ya asili ya Wapimbwe wakati walipowasili kwenye uwanja wa kijiji cha Majimoto wilayani Mlele kuhutubia mkutano wa hadhara Agosti 23, 2016. (Picha na Ofisi ya Waziri Mkuu)
Wananchi wa kjiji cha Majimoto wilayani Mlele wakimsikiliza Waziri Mkuu, Kassim Majaliwa wakati alipowahutubia Agosti 23, 2016. (Picha na Ofisi ya Waziri Mkuu)
Waziri Mkuu, Kassim Majaliwa na mkewe  Mary wakiwapungia wananchi wa kijiji cha Majimoto wilayani Mlele baada ya kuhutubia mkutano wa hadhara kijijini hapo Agosti 23, 2016 . (Picha na Ofisi ya Waziri Mkuu)

MADAKTARI WAMFANYIA UPASUAJI NYOKA ANACONDA NA KUMTOA UVIMBE

Madaktari wa wanyama nchini Thailand wamemfanyia upasuaji nyoka mkubwa aina ya anaconda mwenye umri wa miaka 10 na kufanikiwa kuondoa uvimbe uliokuwa karibu na moyo wake.
Nyoka huyo alipewa dawa za usingizi katika upasuaji huo uliofanyika kwa muda wa saa saba, Dk. Taweesak Anansiriwattana wa hospitali ya wanyama ya Klongluang ameliambia shirika la habari la BBC.
Madaktari hao waliupasua mwili wa nyoka huyo na kuutoa uvimbe wa kilo 1, na kisha kuchukua sambuli zake kwa ajili ya vipimo vya kimaabara ili kubaini iwapo nyoka huyo alikuwa na saratani.
                      Nyoka anaconda akiwa amewekewa mirija ya oxygen mdomoni 

WATU 1,900 WAMEUAWA NDANI YA WIKI SABA KATIKA MSAKO WA WAUZA 'UNGA' PHILIPPINE

Mkuu wa Jeshi la Polisi nchini Philippine amesema zaidi ya watu 1,900 wameuwawa wakati wa msako dhidi ya biashara za dawa za kulevya katika muda wa wiki saba zilizopita.
Mkuu huyo Ronald dela Rosa ametoa maelezo hayo mbele ya baraza la seneti kuhusiana na ongezeko kubwa la mauaji tangu rais Rodrigo Duterte awe rais wa nchi hiyo.
Amesema kuwa operesheni za polisi zimeuwa watu 750, lakini vifo vingine bado vinafayiwa uchunguzi.
Rais Duterte alishinda urais akiwa na sera zake za msimamo mkali za kutokomeza biashara ya dawa za kulevya.
                                                                           Rais wa Philippine Rodrigo Duterte
at

No comments :

Post a Comment

Subscribe to: Post Comments ( Atom )