MWENYEKITI WA CCM DK. JAKAYA KIKWETE AKAGUA UKUMBI KABLA YA MKUTANO MKUU MAALUM WA CCM KUFANYIKA

wenyekiti wa Chama cha Mapinduzi Mh. Dk. Jakaya Kikwete akiongozana na Katibu Mkuu wa Chama cha Mapinduzi CCM Ndugu Abdulrahman Kinana katikati pamoja na Katibu Mwenezi wa CCM Taifa Ndugu Nape Nnauye wakati alipowasili kwenye ukumbi wa Dodoma Convention Centre uliopo  mjini Dodoma ambapo ndipo mkutano mkuu maalum wa kuthibitisha  jina la Rais Dk John Pombe Magufuli kuwa  Mwenyekiti  mpya wa chama hicho baada ya kukabidhiwa na Mtangulizi wake Mh. Dk Jakaya Kikwete.

Mwenyekiti wa Chama cha Mapinduzi Mh. Dk. Jakaya Kikwete akimsikiliza Katibu Mkuu wa CCM Ndugu Abdulrahman Kinana wakati alipokuwa akikagua matayarisho ya mkutano huo, kushoto ni Ndugu Rajab Luhwavi Naibu Katibu Mkuu Bara.

Makamu Mwenyekiti wa CCM Mzee Philip Mangula akizungumza na mjumbe wa kamati kuu Ndugu Mohamed Seif Khatib.

Mwenyekiti wa Chama cha Mapinduzi Mh. Dk. Jakaya Kikwete akizungumza jambo wakati akikagua kumbi mbalimbali za Wageni Maalum, wanaomsikiliza kulia ni Ndugu Abdulrahman Kinana Katibu Mkuu wa CCM na kusoho ni Nape Nnauye Katibu Mwenezi wa CCM Taifa na Naibu Katibu Mkuu Bara Ndugu Rajab Luhwavi.

Mwenyekiti wa Chama cha Mapinduzi Mh. Dk. Jakaya Kikwete akijaribu kipaza sauti huku Katibu Mkuu wa CCM Ndugu Abdulrahman Kinana akiangalia.

Mwenyekiti wa CCM Dk. Jakaya Kikwete akionyesha mandhali ya ukumbi na Nape Nnauye Katibu Mwenezi Taifa wa CCM wakati alipokuwa akikagua ukumbi huo.

Mwenyekiti wa Chama cha Mapinduzi Mh. Dk. Jakaya Kikwete akifurahia jambo na Katibu Mkuu wa CCM Ndugu Abdulrahman Kinana na Nape Nnauye Katibu Mwenezi Taifa CCM

Mwenyekiti wa Chama cha Mapinduzi Mh. Dk. Jakaya Kikwete akitoa maelekezo kwa Katibu Mkuu wa CCM Ndugu Abdulrahman Kinana baadhi ya mambo kwa ajili ya matayarisho ya mkutano mkuu wa maalum wa CCM.

Mwenyekiti wa Chama cha Mapinduzi Mh. Dk. Jakaya Kikwete akiendelea kukagua ukumbi huo huku akiwa ameongozana na viongozi waandamizi wa Chama hicho.

WARSHA YA WADAU YA KUPITIA RASIMU YA SERA YA TAIFA YA MAZINGIRA YAFANYIKA DAR ES SALAAM

 

Sehemu  ya wadau kutoka Idara na Taasisi mbalimbali za Serikali wakifuatilia Hotuba ya ufunguzi iliyotolewa na Katibu Mkuu Ofisi ya Makamu wa Rais (hayupo pichani) katika Warsha ya kupitia Rasimu ya Sera ya Taifa ya Mazingira.

 

Katibu Mkuu Ofisi ya Makamu wa Rais Bw. Mbaraka AbdulWakil akiteta jambo na Kaimu Mkurugenzi wa Mazingira Bw. Richard Muyungi (kushoto) mara baada ya kufungua Warsha ya kupitia Rasimu ya Sera ya Taifa ya Mazingira. Warsha hiyo imefanyika katika Ukumbi wa Makumbusho ya Taifa, jijini Dar es Salaam. Kulia ni Kaimu Mkurugenzi Msaidizi Bw. Deogratius Paul.

 

Wana warsha wakiwa katika picha ya pamoja na Mgeni Rasmi mara baada ya ufunguzi wa Warsha katika Ukumbi wa Makumbusho ya Taifa jijini Dar es Salaam.

Picha na Mpiga Picha Wetu

MWENYEKITI WA CCM, DKT. JAKAYA KIKWETE AONGOZA KIKAO CHA KAMATI KUU MJINI DODOMA

Mwenyekiti wa CCM na Rais Mstaafu, Dkt Jakaya Kikwete akifungua Mkutano wa Kamati Kuu ya CCM kwenye ukumbi wa Halmashauri Kuu ya Taifa ya CCM mjini Dodoma Julai 21, 2016. Kushoto ni Mwenyekiti wa CCM Mtarajiwa, Rais John Magufuli, Wapili kushoto ni Makamu Mwenyekiti wa CCM , Zanzibar, Dkt. Ali Mohamed Shein, kuliani ni Makamu Mwenyekiti wa CCM , Bara, Philip Mangula na wapili kulia ni Katibu Mkuu wa CCM, Abdulrahman Kinana. 

Katibu Mkuu wa CCM,Ndugu Abdulrahman Kinana akimkaribisha Mwenyekiti wa CCM na Rais Mstaafu, Dkt Jakaya Kikwete kwa ajili ya kufungua Mkutano wa Kamati Kuu ya CCM kwenye ukumbi wa Halmashauri Kuu ya Taifa ya CCM mjini Dodoma Julai 21, 2016 pamoja na wajumbe wa mkutano huo. Kushoto ni Mwenyekiti wa CCM Mtarajiwa, Rais Dkt John Magufuli, Wapili kushoto ni Makamu Mwenyekiti wa CCM , Zanzibar, Dkt. Ali Mohamed Shein, kuliani ni Makamu Mwenyekiti wa CCM , Bara, Philip Mangula na wapili kulia ni Katibu Mkuu wa CCM, Abdulrahman Kinana. Kamati kuu hiyo ilikuwa ni kwa ajili ya kupendekeza jina la Dkt John Pombe Magufuli kuwa Mwenyekiti na baadae kuliwasilisha jina hilo kwenye Halmashauri kuu ya Taifa kwa ajili ya kupeleka kwenye mkutano unaotarajiwa kufanyika Julai 23,2016.

Mjumbe wa Kamati Kuu ya CCM na Waziri Mkuu, Kassim Majaliwa akisalimiana na baadhi ya wajumbe wa kamati hiyo kabla ya kuanza kwa kikao chao kwenye ukumbi wa Halmashauri Kuu ya Taifa ya CCM mjini Dodoma

Mjumbe wa Kamati Kuu ya CCM na Waziri Mkuu, Kassim Majaliwa akisalimiana na Katibu Mkuu wa CCM,Ndugu Abdulrahman Kinana kabla ya kuanza kwa kikao chao kwenye ukumbi wa Halmashauri Kuu ya Taifa ya CCM mjini Dodoma Julai 21, 2016.

Katibu Mkuu wa CCM,Ndugu Abdulrahman Kinana akimpokea Mwenyekiti Mtarajiwa wa CCM,Rais Dkt John Pombe Magufuli walipokuwa wakiwasili kwenye ukumbi wa Sekretarieti, katika jengo la White House, Makao Makuu ya CCM mjini Dodoma, leo.Kamati kuu hiyo ilikuwa ni kwa ajili ya kupendekeza jina la Dkt Magufuli kuwa Mwenyekiti na baadae kuliwasilisha jina hilo kwenye Halmashauri kuu ya Taifa kwa ajili ya kupeleka kwenye mkutano.

Mwenyekiti Mtarajiwa Dkt John Pombe Magufuli akiwasalimia baadhi ya wanachama na wafuasi wa chama cha CCM nje ya ukumbi wa ukumbi wa Halmashauri Kuu ya Taifa ya CCM mjini Dodoma Julai 21, 2016.

MAKAMU WA RAIS AZINDUA RIPOTI YA LISHE YA DUNIA LEO JIJINI DAR ES SALAAM

 Makamu wa Rais wa Jamhuri ya Muungano wa Tanzania Mhe. Samia Suluhu Hassan akihutubia wakati wa Uzinduzi wa Ripoti ya Lishe ya Dunia kwenye mkutano uliofanyika jijini Dar es Salaam.

 Waziri wa Afya,Maendeleo ya Jamii,Jinsia,Wazee na Watoto Mhe.Ummy Mwalimu akizungumza kwenye mkutano wa kuzindua ripoti ya lishe ya Dunia ambao mgeni rasmi alikuwa Makamu wa Rais wa Jamhuri ya Muungano Mhe. Samia Suluhu Hassan.

 Baadhi ya Wadau wakifuatilia kwa makini mkutano huo wa uzinduzi ya ripoti ya Lishe ya Dunia.

Makamu wa Rais wa Jamhuri ya Muungano wa Tanzania Mhe. Samia Suluhu Hassan  (kulia) akikata utepe kuashiria kuzindua ripoti ya Lishe ya Dunia, katkati ni  Waziri wa Afya,Maendeleo ya Jamii,Jinsia,Wazee na Watoto Mhe.Ummy Mwalimu na Mkurugenzi Mtendaji wa PANITA ,Dkt. Tumaini Mikindo

……………………………………………………………………………………

Makamu wa Rais wa Jamhuri ya Muungano wa Tanzania Samia Suluhu Hassan amesema serikali ya awamu ya TANO itatoa msukumo mkubwa katika kukabiliana na tatizo la utapiamlo nchini kwa kuweka mipango na mikakati imara ikiwemo kuongeza bajeti ya lishe, kuongeza virutubisho kwenye vyakula na kutumia vyema wataalamu wa lishe katika kupambana na tatizo hilo hapa nchini. 

Makamu wa Rais Samia Suluhu Hassan ametoa kauli  hiyo jijini Dar es Salaam Trh 20-Jul-16 katika hotuba yake ya uzinduzi  wa Ripoti ya Dunia ya Utapiamlo
ambayo imetilia mkazo masuala ya lishe kama msingi wa Maendeleo hapa nchini na Duniani kwa ujumla.

Makamu wa Rais amesema viongozi wa serikali katika ngazi zote za wilaya na mikoa wanatakiwa kuunga mkono jitihada za kuondoa utapimlo nchini kwa kuweka msukuko wa kipekee katika ngazi zote za maamuzi.

Ameeleza kuwa jitihada zinazofanywa na serikali kwa ushirikiano na wadau wa Maendeleo wa Ndani na Nje ya Nchi zimesaidia kwa kiasi kikubwa kushusha kiwango cha udumavu nchini kutoka asilimia 42 mwaka 2010 hadi kufikia asilimia  34 mwaka 2015.

Amefafanua kuwa kutokana na mafanikio hayo, serikali imetoa mwongozo wa bajeti ya mwaka 2016/17 kwa kutenga kiasi cha shilingi milioni 500 kwa ajili ya masuala ya lishe kwa kila mtoto wa umri chini ya miaka MITANO hapa nchini Makamu wa Rais Samia Suluhu Hassan amesema pamoja na fedha hiyo kuwa kidogo lakini serikali itaendelea kuongeza kiasi cha fedha kwenye bajeti zijazo hadi kufikia kiasi cha dola 8.5 sawa na shilingi elfu 18000 kwa kila mtoto hapa nchini kama
ilivyoshauriwa na jopo la wataalamu wa Benki ya Dunia na wa masuala ya afya na uchumi duniani.

Makamu wa Rais pia ameziagiza Halmashauri zote
Nchini kupitia TAMISEMI zihakikishe zinatumia fedha hizo vizuri na kwa malengo
yaliyokusudiwa na sio vinginevyo.

BOFYA HAPA KWA PICHA ZAIDI

MADIWANI WA BIHARAMULO NA KYERWA WAFUNDWA KUHUSU MAADILI, RUSHWA NA UENDESHAJI MIKUTANO

MKUFUNZI katika Mafunzo elekezi kwa Madiwani, Lazaro Kasumbe Busiga kutoka Mradi wa Uimarishaji Mifumo ya Sekta za Umma (PS3) unaofadhiliwa na Shirika la Misaada la Kimataifa la Marekani (USAID) akitoa mada ya Kanuni na Taratibu za Uendeshaji wa Mikutano katika Serikali za Mitaa na panoja na mada ya Kanuni
kuhusu Maadili ya Madiwani kwa madiwani wa Halmashauri za Biharamulo na Kyerwa mkoani Kagera leo.

Kasumbe ambaye ni Mhadhiri kutoka Chuo cha Serikali za Mitaa Hombolo mkoani Dodoma, alisema lengo la mada hiyo ni kuwawezesha madiwani hao ambao Halamashauri zao zinaanza utekelezaji wa mradi wa PS3 Mkoani Kagera kujua taratibu muhimu zinazotumika katika kuendesha mikutano na shughuli nyingine muhimu za serikali
za mitaa. Source: Father Kidevu Blog, Bukoba.

Mwezeshaji wa Mradi wa PS3, kutoka Chuo cha Serikali za Mitaa Hombolo, Manumbu Daudi akiwasilisha mada kuhusu Usimamizi wa Watumishi katika Mamlaka za Serikali za Mitaa.

Mkuu wa Taasisi ya Kuzuia na kupambana na Rushwa (TAKUKURU)Mkoani Kagera,
Joseph Mwaiswelo akitoa mada juu ya athari  zakutoa ama kupokea  Rushwa, vyanzo vya rushwa katika serikali za mitaa, Hatua zinazochukuliwa na taasisi kukabiliana na tatizo la rushwa na Mambo ya kuzingatiwa na Madiwani katika kupambana na rushwa.

Madiwani wengi waliilalamikia taasisi hiyo kutoakana na kuchelewa kutolea maamuzi baadhi ya malalamiko ya Rushwa pamoja na kukosekana kwa ofisi za TAKUKURU katika maeneo yao na kuwataka kufungua ofisi katika ngazi ya Kata.

Mwaiswelo alisema changamoto kubwa wanayokabiliana nayo katika kesi nyingi za Rushwa ni kukosekana kwa ushahidi hasa pale Mtoa taarifa anaposhindwa kufika kutoa ushahidi. 

Pia alisema lengo linguine ni kumpa Diwani ufahamu muhimu juu ya kanuni za Maadili ya Madiwani ili kumwezesha kuwa na mwenendo unaotazamiwa na jamii anayoitumikia katika maisha ya utekelezaji wa majukumu yake.

Mafunzo hayo yanamuwezesha Diwani kuainisha mahitaji muhimu ya uendeshaji wa vikao, kueleza maana na dhana ya akidi ya mikutano na vikao, kuainisha mambo muhimu wakati wa maandalizi ya mikutano pamoja na kumuwezesha diwani kuanisha taratibu za uundaji wa Kamati za kudumu.

Aidha kwa upande wa mafunzo juu ya Kanuni kuhusu maadili ya Madiwani yatamuwezesha diwani kuainisha kanuni za maadili ya madiwani , kuzingatia maadili hayo wakati wa utekelezaji wa majukumu yake na yatamfanya diwani kutambua mahusiano ya kiutendaji kati yake na watumishi wa halmashauri.

 Washiriki wakiuliza maswali mbalimbali kutokana na mada zilizo wasilishwa na wawezeshaji.

 Washiriki wakifuatilia kwa makini mada hizo.

Wakuu wa Wilaya za Kyerwa, Kanali (Mstaafu) Shaaban Lissu akiwa na Mkuu wa Wilaya ya Biharamulo, Saada Malunde (katikati) na Mkurugenzi wa Halmashauri hiyo, Wende Ng’ahala wakifuatilia mada hizo. BOFYA HAPA KUSOMA ZAIDI.

Maswali yaliendelea kwa pande zote.

Naibu Waziri Habari, Utamaduni, Sanaa na Michezo Mhe. Annastazia Wambura akutana na uongozi wa Radio Maarifa iliyopo Jijini Tanga.

Mkurugenzi na mmiliki  wa Redio Maarifa Bw. Mohamed Somji akisaini kitabu cha wageni mara baada ya kuwasili katika ofisi ya Naibu Waziri wa Habari, Utamaduni, Sanaa na Michezo kwa mazungumzo kuhusu kupata masafa ya kurusha matangazo kutoka Mamlaka ya Mawasiliano
Tanzania (TCRA) kushoto ni mtangazaji na mchambuzi wa mada katika Redio hiyo Sheikh Jalala leo Julai 20, 2016 Jijini Dar es Salaam.

Naibu Waziri wa Habari, Utamaduni, Sanaa na Michezo Mhe. Annastazia Wambura akizungumza  na uongozi wa Redio Maarifa kuhusu kupata masafa ya kurusha matangazo kutoka Mamlaka ya Mawasiliano Tanzania (TCRA) Ofisini kwake Jijini Dar es Salaam leo Julai 2016, wa pili  kushoto ni Mkurugenzi na mmiliki wa wa Redio Maarifa Bw. Mohamed Somji na kushoto ni mtangazaji na mchambuzi wa mada katika Redio
hiyo Sheikh Jalala.

Mkurugenzi na mmilikiwa wa Redio Maarifa Bw. Mohamed Somji akizungumza na Naibu Waziri wa Habari, Utamaduni, Sanaa na Michezo Mhe. Annastazia Wambura Ofisini kwa Naibu Waziri kuhusu kupata
masafa ya kurusha matangazo kutoka Mamlaka ya mawasiliano Tanzania (TCRA) Jijini Dar es Salaam leo Julai 2016.

Mkurugenzi na mmilikiwa wa Redio Maarifa Bw. Mohamed Somji akimuonesha Naibu Waziri wa Habari ,Utamaduni, Sanaa na Michezo Mhe. Annastazia Wambura baadhi ya nyaraka za kibali cha awali
cha kurusha matangazo kutoka Mamlaka ya Mawasiliano Tanzania (TCRA) Ofisini kwa Naibu Waziri leo Jijini Dar es Salaam Julai 20, 2016.

DC KAKONKO APOKEA MSAADA WA MADAWATI 100 KUTOKA BENKI YA CRDB KIGOMA

Mkuu wa Wilaya ya Kankonko Mkoani Kigoma, Kanali Hosea Ndagaa (kulia) akipokea moja ya madawati 100 yaliyotolewa na Benki ya CRDB Kigoma na kukabidhiwa kwake na meneja wa CRDB Tawi a Kasuu, Paul Chacha kushoto. Wanao shuhudia ni Mkurugenzi wa Hamashauri ya Wilaya ya Kakonko, Lusubilo Mwakibibi katikati na ofisa wa CRDB.

Mkuu wa Wialaya ya Kakonko, Kanali Hosea Ndagala (waioketi kulia) akiwa na Meneja wa CRDB Tawi la Kasulu, Paul Chacha (katikati) na Mkurugenzi wa Halmashauri ya Kakonko, Lusubilo Mwakibibi na walio simama kushoto ni Katibu Tawala wa Kakonko, Zainab Mbunda na watumishi wengine wakipokea madawati hayo 100 kutoka Benki ya CRDB.

Mkuu wa Wialaya ya Kakonko, Kanali Hosea Ndagala (kulia) akimshukuru Meneja wa CRDB Tawi la Kasulu, Paul Chacha (katikati) baada ya makabidhiano ya madawati hayo. Kushoto ni Mkurugenzi wa Halmashauri ya Kakonko, Lusubilo Mwakibibi.

Mkuu wa Wialaya ya Kakonko, Kanali Hosea Ndagala (wapili kushoto) akiwa na Meneja wa CRDB Tawi la Kasulu, Paul Chacha (wapili kulia), Mkurugenzi wa Halmashauri ya Kakonko, Lusubilo Mwakibibi (kushoto) na Katibu Tawala wa Kakonko, Zainab Mbund. Benki ya CRDB Mkoani Kigoma ilikabidhi msaada wa madawati 100 leo ikiwa niungaji mkono jitihada za serikali katika kukabiliana na tatizo la madawati na kuboresha maeneo ya kufundisha na kufundishia katika shue za Msingi na Sekondari Mkoani Kigoma hususani Wilayani Kakonko. Mkuu wa Wilaya ya Kakonko, Kanali Hosea Ndagala ameishukuru Benki ya CRDB kwa msaada huo ambao umeendelea kupunguza hitaji a madawati Wilayani humo ambapo hadi sasa imekamilisha asiliamia 73 ya mahitaji na bado wakiendelea kusubiri utekelezaji wa ahadi za madawati 3,000 kutoka kwa wadau mbalimbali walioko ndani na nje ya Wilaya hiyo. 

RAIS DKT. MAGUFULI AKUTANA NA RAIS WA BENKI YA EXIM YA CHINA IKULU NDOGO YA CHAMWINO MKOANI DODOMA.

 

Rais wa Jamhuri ya Muungano wa Tanzania Dkt. John Pombe Magufuli akimkaribisha Rais wa Benki ya Exim ya China Liu Liang katika Ikulu ndogo ya Chamwino mkoani Dodoma.

 

Rais wa Jamhuri ya Muungano wa Tanzania Dkt. John Pombe Magufuli akizungumza na Rais wa Benki ya Exim ya China Liu Liang  wa kwanza kulia katika Ikulu ndogo ya Chamwino mkoani Dodoma. Wakwanza kushoto ni Balozi wa China hapa nchini Lu Youqing.

 

Rais wa Jamhuri ya Muungano wa Tanzania Dkt. John Pombe Magufuli akiongoza kikao cha pamoja na ujumbe wa Rais wa Benki ya Exim ya China Liu Liang katika Ikulu ndogo ya Chamwino mkoani Dodoma.

Rais wa Jamhuri ya Muungano wa Tanzania Dkt. John Pombe Magufuli akimshukuru Rais wa Benki ya Exim ya China Liu Liang  mara baada ya kumaliza mazungumzo yao katika  Ikulu ndogo ya Chamwino mkoani Dodoma.

 

Rais wa Jamhuri ya Muungano wa Tanzania Dkt. John Pombe Magufuli akiwa katika picha ya pamoja na Rais wa Benki ya Exim ya China Liu Liang  (watatu) kutoka kulia mara baada ya kumaliza mazungumzo yao Ikulu ndogo ya Chamwino mkoani Dodoma. Wengine katika picha ni Balozi wa China hapa nchini Lu Youqing wakwanza kushoto, Waziri wa Fedha na Mipango Filipo Mpango, Waziri wa Ujenzi, Uchukuzi na Mawasiliano Profesa Makame Mbarawa na Naibu Waziri wa Fedha na Mipango Dkt. Suzan Kolimba.

 

Rais wa Jamhuri ya Muungano wa Tanzania Dkt. John Pombe Magufuli akiwa katika picha ya pamoja na Rais wa Benki ya Exim ya China Liu Liang watatu kutoka kulia mara baada ya kumaliza mazungumzo yao Ikulu ndogo ya Chamwino mkoani Dodoma.

 

Rais wa Jamhuri ya Muungano wa Tanzania Dkt. John Pombe Magufuli akizungumza kwa msisitizo mara baada ya kikao chake na ujumbe wa Rais wa Benki ya Exim ya China Liu Liang katika Ikulu ndogo ya Chamwino mkoani Dodoma.

 

Rais wa Jamhuri ya Muungano wa Tanzania Dkt. John Pombe Magufuli akijadiliana jambo na Rais wa Benki ya Exim ya China Liu Liang katika Ikulu ndogo ya Chamwino mkoani Dodoma.

Prof. Ndalichako akiomba chuo Kikuu Ardhi kubuni majengo ya shule.

 

Waziri wa Elimu , Sayansi , teknolojia na mafunzo ya  Ufundi Prof. Joyce Ndalichako wa kwanza kulia akitoa maelekezo kwa Makamu Mkuu wa Chuo Kikuu Ardhi Prof. Idrissa Mshoro wa pili kulia alipotembelea banda la chuo hiko wakati wa ufunguzi wa wa maonesho ya 11 ya elimu ya juu , sayansi na teknolojia leo jijini Dar es salaam wa (tatu kulia) ni Katibu Mtendaji (TCU) Prof. Eleuther Mwageni.

 

Afisa uhusiano Mwandamizi kutoka Chuo Kikuu Ardhi  Bi. Hadija Maulid wa kwanza kulia  akitoa maelekezo kwa baadhi ya wateja waliofika kwenye banda lao wakati wa ufunguzi  wa maonesho ya 11 ya elimu ya juu , sayansi na teknolojia yaliyofanyika jijini Dar es salaam.

………………………………………………………………………………………..

Na Ally Daud-Maelezo

Chuo Kikuu Ardhi kimetakiwa kubuni majengo ya shule kwa kiwango kikubwa na teknolojia ya sasa ili kuweza kupata majengo imara na usanifu mkubwa nchini kwa ajili ya maendeleo ya elimu kwa wasomi wa ndani.

Akizungumza hayo Waziri wa Elimu , Sayansi , teknolojia na mafunzo ya  Ufundi Prof. Joyce Ndalichako wakati wa ufunguzi wa maonesho ya 11 ya elimu ya juu , sayansi na teknolojia  na kutembelea banda la chuo hiko amesema kuwa wana uwezo wa kubuni majengo hivyo wajitahidi na kuwakilisha kwake.

“Kwa kuwa mmeweza kunionyesha baadhi ya ubunifu wa majengo katika banda lenu basi nawaomba muendelee na kubuni majengo ya shule kwa usanifu mkubwa ili yatusaidie kukuza elimu nchini” aliongeza Prof. Ndalichako.

Katika maonyesho hayo yalioanza leo na kufikia tamati Julai 22 mwaka huu banda la Chuo kikuu Ardhi kina baadhi ya michoro ya majengo yaliyobuniwa na wanafunzi wa chuo hiko na ramani mbalimbali za majengo.

DKT. REGINALD MENGI AMTUMIA UJUMBE MZITO WAZIRI MKUU, KASSIM MAJALIWA

Mwenyekiti wa Taasisi za Sekta Binafsi (TPSF), Dkt. Reginald Mengi akizungumza katika Kongamano la Mashauriano ya Ushiriki wa Watanzania katika Uwekezaji kwa niaba ya TPSF ambapo alitumia fursa hiyo kuishauri serikali mambo ambayo anaamini serikali ikiyafanyia kazi uchumi wa Tanzania utakua kwa kasi tofauti na sasa.

Waziri wa nchi Ofisi ya Waziri mkuu Kazi, Ajira, Vijana, Wazee na Wenye Ulemavu Mh. Jenista Mhagama akitoa hotuba katika kongamano hilo pamoja na kujibu baadhi ya hoja alizotoa Dkt. Mengi.

Katibu Mtendaji wa Baraza la Taifa la Uwezeshaji Wananchi Kiuchumi (NEEC), Beng`i Issa akielezea malengo ya kongamano hilo la siku mbili.

Baadhi ya wageni waalikwa ambao wamehudhuria kongamano hilo la siku mbili.

KUELEKEA MKUTANO MKUU MAALUMU WA CCM MJINI DODOMA, WAJUMBE KUTOKA MKOANI MWANZA WAELEZEA IMANI YAO.

TAIFA STARS KAMBINI AGOSTI MOSI, 2016

MAN UTD DORTMUND KUFUNGUA PAZIA LA MICHUANO YA ICC ITAKAYOONEKANA KUPITIA STARTIMES

KOZI YA WAAMUZI SASA JULAI 25, FIFA YATEUA WASIMAMIZI WATATU

WAZIRI MWIGULU NCHEMBA AFANYA MAZUNGUMZO NA BALOZI WA KUWAIT NA CONGO JIJINI DAR ES SALAAM

Waziri wa Mambo ya Ndani ya Nchi, Mwigulu Nchemba (katikati) akizungumza na Balozi wa Kuwait nchini, Jasem Al Najem (kulia) masuala mbalimbali ya ushirikiano kati ya Kuwait na Tanzania. Mazungumzo hayo yalifanyika katika ofisi ya Waziri Mwigulu, jijini Dar es Salaam leo. Wapili kushoto ni Naibu Waziri wa Wizara hiyo, Mhandisi Hamad Masauni, kushoto ni Katibu Mkuu, Meja Jenerali Projest Rwegasira na Naibu Katibu Mkuu, Balozi Simba Yahya. Picha zote na Wizara ya Mambo ya Ndani ya Nchi.

Waziri wa Mambo ya Ndani ya Nchi, Mwigulu Nchemba akizungumza na Balozi wa Jamhuri ya Kidemokrasia ya Kongo nchini, Jean-Pierre Mutamba (kushoto) masuala mbalimbali ya ushirikiano kati ya Kongo na Tanzania. Mazungumzo hayo yalifanyika katika ofisi ya Waziri Mwigulu, jijini Dar es Salaam leo. Picha na Wizara ya Mambo ya Ndani ya Nchi.

Waziri wa Mambo ya Ndani ya Nchi, Mwigulu Nchemba (katikati) akimsikiliza na Balozi wa Kuwait nchini, Jasem Al Najem (kulia) wakati alipokuwa akizungumzia masuala mbalimbali ya ushirikiano kati ya Kuwait na Tanzania. Mazungumzo hayo yalifanyika katika ofisi ya Waziri Mwigulu, jijini Dar es Salaam leo. Wapili kushoto ni Naibu Waziri wa Wizara hiyo, Mhandisi Hamad Masauni, kushoto ni Katibu Mkuu, Meja Jenerali Projest Rwegasira na Naibu Katibu Mkuu, Balozi Simba Yahya. Picha na Wizara ya Mambo ya Ndani ya Nchi.

NAVY KENZO KUMSINDIKIZA MISS TANGA 2016

WANACHAMA WA REPUBLICAN WAMZOMEA SENETA TED CRUZ

MSUBI BINAGI KUIBUKA NA KIPINDI KIPYA CHA RUNINGA.

SAM ALLARDYCE KUTANGAZWA KUWA KOCHA MKUU WA UINGEREZA

KOCHA PEP GUARDIOLA AKARIBISHWA NA KIPIGO BAYERN MUNICH

RASILIMALI KUBWA NI BINAADAMU, ASEMA MKUU WA WILAYA YA IRINGA AKIFUNGUA KONGAMANO

Mkuu wa wilaya Iringa, Richard Kasesela akipokea kitabu toka kwa Bwana Daniel El Noshokaty ambaye alikabidhi vitabu kwa kila mwanafunzi kwa ajili ya kujisomea. 

MKUU wa wilaya ya Iringa,Richard Kasesela leo amefungua kongamano la wanafunzi wa shule za sekondari kujadili maendeleo na matumizi ya rasilimali. 

Kongamano hilo liliandaliwa na umoja wa walimu wa masomo ya Uraia CETA wakishirikiana na KAS -taasisi ya kujerumani. Katika hotuba yake, mkuu wa wilaya alisistiza kuwa rasilimali kubwa inayotakiwa kufanyiwa kazi ni Binadamu.

Alisema " binadamu akijengewa uwezo anaweza kubadilisha rasilimali hizi ziwe na faida kwa maisha yake na wengine". Mkuu wilaya alisistiza suala la nidhamu kama msingi wa maisha, upendo na udailifu vinaleta mabadiliko katika maisha ya mwanadamu. 

Naye Mwakilishi wa KAS, Bwana Daniel El Noshokaty akimkaribisha Mkuu wa wilaya alisema, Taasisi ya KAS imeanza toka mwaka 1964 ikiwa na kazi ya kuelimisha wananchi juu ya elimu ya uraia hapa Tanzania, na imetoa vitabu vingi kuhakikisha Watanzania wanapata uelewa wa elimu hiyo. 

Kwa Iringa wataendelea kuelimisha wanafunzi watambue fursa zilizopo katika rasilimali nyingi. Kongamano la siku moja lilikuwa na na mada zenye kutambua uwezo wa nchi katika kuleta thamani kwa rasilimali zilizopo Tanzania hasusan Iringa. 

Shule za Lugalo, St Joseph, Kleruu, Kwelu, Highland na Mkwawa zililishirki katika kongamno hilo.

Wanafunzi wakimsikiliza Mkuu wa wilaya Iringa, Richard Kasesela (hayupo pichani)

Mkuu wa wilaya Iringa, Richard Kaseselaakiongea na wanafunzi hao mara baada ya kupkea vitabu kwa kila mwanafunzi kwa ajili ya kujisomea.

WAZIRI, MAHIGA AZUNGUMZA NA WAANDISHI WA HABARI KUHUSU MKUTANO WA AU

UJUMBE WA HUAWEI WAKUTANA NA RAIS DK.SHEIN

MAJALIWA AWEKA JIWE LA MSINGI LA UPANUZI NA UKARABATI UWANJA WA NDEGE DODOMA

 

Waziri Mkuu, Kassim Majaliwa akibonyeza king’ola kuashiria uwekaji jiwe la msingi la Mradi wa Ukarabati na Upanuzi wa Uwanja wa Ndege wa Dodoma Julai 302016. Kulia kwake ni Waziri wa Ujenzi, Uchukuzi na Mawasiliano, Profesa Makame Mbarawa na kulia ni Mkuu wa mkoa wa Dodoma, Jordan Lugimbana. Kushoto ni Meya wa manispaa ya Dodoma, Jafari Mwanyembwa na wapili kushoto ni Mwenyekiti wa CCM wa mkoa wa Dodoma Adam Kimbisa.

Waziri Mkuu,Kassim Majliwa akikagua upanizi na ukarabati wa uwanja wa ndege wa Dodoma kabla ya kuweka jiwe la msingi mjini Dodoma Julai 20, 2016.

Waziri Mkuu, Kassim Majaliwa akizungumza baada ya kuweka jiwe la misngi la upanuzi na ukarabati wa uwanja wa ndege wa Dodoma mjini Dodoma Julai 20, 2016.

Waziri Mkuu, Kassim Majaliwa akiwa katika picha ya pamoja na viongozi walioshiriki katika hafla ya kuweka jiwe la msingi la upanuzi na ukarabati wa uwanja wa ndege wa Dodoma Julai 20, 2016. Kulia kwake ni Waziri wa Ujenzi, Uchukuzi na Mawasiliano, Profesa Makame Mbarawa na kushoto kwake ni Mkuu wa Mkoa wa Dodoma Jordan Lugimbana. (Picha na Ofisi ya Waziri Mkuu)

UDOM WASHIRIKI MAONESHO YA VYUO VIKUU KATIKA VIWANJA VYA KARIMJEE

Mhadhiri Msaidizi kutoka chuo kikuu cha Dodoma, Lucian Ngeze akitoa ufafanuzi kuhusu kutenga matumizi ya LUKU ya nyumba moja kadili ya matumizi ya kila mtu.

Mhadhiri kutoka collage ya Education chuo kikuu cha Dodoma, Dk. Pambasi Tandika akimsikiliza mwanafunzi baada ya kumweleza jinsi ya kujiunga chuoni hapo wakati wa maonesho ya vyuo vikuu yaliyoshirikisha vyuo mbalimbali hapa nchini.

CHUO kikuu cha Dodoma chashiriki Maonesho ya Vyuo vikuu hapa nchini yanayoendelea kufanyika katika viwanja vya Karimjee jijini Dar es Salaam, ambayo yatafanyika kwa kwa takribani siku tatu kuanzia leo Julai 20 hadi Julai 22 mwaka huu.

Katika maenesho hayo Waziri wa Elimu, Sayansi, Teknolojia na Ufundi, Profesa Joyce Ndalichako ametembelea mabanda mbalimbali katika maonesho hayo ya Vyuo Vikuu(TCU)

Mhadhiri Msaidizi kutoka collage ya CIVE chuo kikuu cha Dodoma, Ms Tulibako Tulibonywa akitoa ufafanuzi mbele ya vijana waliotembelea kwenye banda la chuo hicho

Mhadhiri wa Chuo Kikuu cha Dodoma, Kadaso Kipingili(Mwenye Tshart Nyeupe) akitoa ufafanuzi kuhusu maelezo kwa wananchi waliofika katika banda la chuo kikuu cha Dodoma leo wakati wa maonesho ya Vyuo vikuu yaliyoandaliwa na TCU.

UTUMIKISHWAJI WA WATOTO BADO NI TATIZO NCHINI

 Mkurugenzi Mkuu wa Ofisi ya Taifa ya Takwimu Dkt. Albina Chuwa akitoa maelezo ya utangulizi kuhusu Utafiti wa Utumikishwaji wa Watoto Tanzania wa Mwaka 2014 katika uzinduzi wa matokeo hayo uliofanyika leo jijini Dar es Salaam katika ukumbi wa Wizara ya Fedha na Mipango.

Mwakilishi wa Shirika la Kazi Duniani nchini Tanzania, Azfar Khan akizungumza leo jijini Dar es Salaam katika uzinduzi wa Matokeo ya Utafiti wa Utumikishwaji wa Watoto Tanzania wa Mwaka 2014.

Naibu Waziri wa Ofisi ya Waziri Mkuu, Sera, Bunge, Kazi, Ajira, Vijana na Watu wenye Ulemavu Dkt. Abdallah Possi akionyesha Ripoti ya Matokeo ya Utafiti wa Utumikishwaji wa Watoto Tanzania wa Mwaka 2014. Uzinduzi huu umefanyika leo jijini Dar es Salaam katika ukumbi wa Wizara ya Fedha na Mipango. (PICHA ZOTE NA EMMANUEL GHULA)
 
                                                                                    Na: Veronica Kazimoto
UTUMIKISHWAJI wa Watoto bado ni tatizo kubwa nchini ambapo kati ya watoto watatu wenye umri wa miaka 5 – 17, mtoto mmoja anafanya kazi ambazo ni hatarishi katika maisha yake kiafya, kimwili na kisaikolojia.
Hayo yamesemwa leo na Naibu Waziri wa Ofisi ya Waziri Mkuu, Sera, Bunge, Kazi, Ajira, Vijana na Watu wenye Ulemavu Mhe. Dkt. Abdallah Possi wakati wa uzinduzi wa Matokeo ya Utafiti wa Utumikishwaji wa Watoto Tanzania wa Mwaka 2014 uliofanyika katika ukumbi wa Wizara ya Fedha na Mipango jijini Dar es Salaam.
Matokeo ya Utafiti huo yameonyesha kuwa, kati ya watoto milioni 15 wenye umri kati ya miaka 5 – 17, watoto milioni 4.2 sawa na asilimia 28.8 wanatumikishwa katika kazi mbalimbali za kiuchumi.
Matokeo haya yameonesha kuwa hali ya utumikishwaji wa watoto umepungua kutoka asilimia 31.1 kwa mwaka 2006 hadi asilimia 28.8 kwa mwaka 2014.

“Kutokana na matokeo ya utafiti huu, ni dhahiri kwamba, utumikishwaji wa watoto bado ni tatizo kubwa nchini na duniani kwa ujumla. Kwa mujibu wa takwimu za Shirika la Kazi Duniani (ILO), asilimia 11 ya watoto wote duniani sawa na watoto milioni 264 wenye umri wa miaka 5 – 17 wanatumikishwa kwenye ajira za aina mbalimbali,” amesema Dkt. Possi.

WAZIRI MKUU ATAKA CDA ITENGE ENEO LA BANDARI KAVU

WAZIRI MKUU Kassim Majaliwa ameutaka uongozi wa mkoa wa Dodoma pamoja na Mamlaka ya Ustawishaji Makao Makuu (CDA) kutenga eneo la bandari kavu ili mkoa huo uweze kupokea na kuhifadhi mizigo na kurahisisha biashara kwa mikoa jirani.

Ametoa agizo hilo leo jioni (Jumatano, Julai 20, 2016) wakati akizungumza na mamia ya wakazi wa mkoa wa Dodoma mara baada ya kuweka jiwe la msingi kuashiria uzinduzi wa awamu ya kwanza ya ukarabati na upanuzi wa uwanja wa ndege wa Dodoma.

"Ninazo taarifa kiwa Benki ya Dunia kupitia shirika la Local Investment Climate (LIC) tayari wametenga fedha kiasi cha shilingi milioni 100kwa ajili ya kujenga bandari kavu na tayari fedha hizo zimeshapokelewa na Mkoa wa Dodoma kwa ajili ya kazi hiyo.”

“Uzuri wa mkoa wa Dodoma kuna reli. Kwa hiyo makontena yanayoenda Burundi na mahali kwingine yatashushwa hapa na kukaa kwenye bandari kavu; hivyo, wafanyabiashara watachukua mizigo yao hapa badala ya kupata shida ya kuyafuata Dar es Salaam kama ilivyo sasa,” amesema.

Waziri Mkuu ameitaka Wizara ya Ujenzi, Uchukuzi na Mawasiliano itoe wataalam ili washirikiane na CDA kufanikisha kazi hiyo. Amesema hatua hiyo itasaidia kurahisisha wananchi na wafanyabiashara kupata huduma hiyo kwa urahisi na umbali mfupi tofauti na hali ilivyo sasa.

Ameuagiza pia uongozi wa CDA utenge eneo maalum la kituo cha biashara (commercial hub)) ili Kanda zote zinazozunguka mkoa wa Dodoma na nchi jirani wapate bidhaa mbalimbali kutokea Dodoma. “Kutokana na upanuzi huu na fursa zinazojitokeza, hii iende sambamba na kuwatengea maeneo maalum wajasiriamali badala ya kuwaacha kuzagaa kila mahali,” amesisitiza Waziri Mkuu.

Akizungumzia kuhusu upanuzi wa uwanja huo, Waziri Mkuu amesema kukamilika kwa mradi huo kutaziwezesha ndege zenye uwezo wa kubeba abiria 90 zianze kutua kwenye kiwanja hicho na kukuza fursa za kibiashara zinazohitaji usafiri wa haraka na salama.

“Katika Ilani ya CCM, suala la ujenzi na uboreshaji wa miundombinu ya viwanja vya ndege limepewa umuhimu mkubwa sana na ndiyo maana leo tunashuhudia utekelezaji wa ahadi za Mheshimiwa Rais ambaye amewezesha upatikanaji wa fedha za ukarabati na fidia kwa wananchi wa kata za Makole na Uwanja wa Ndege ambao maeneo yao yametwaliwa na Serikali ili kufanikisha upanuzi huu,” amesema.

Amesema uzinduzi huo ni mwanzo tu wa utekelezaji wa miradi mingine ya kuboresha na kupanua viwanja vya ndege nchini ambapo Serikali kwa kutumia vyanzo vyake vya mapato ya ndani na ya nje, itaendelea kuboresha zaidi miundombinu na huduma nyingine za viwanja vya ndege kama vile Mtwara na Mwanza ambavyo amesema vitapanuliwa kufikia hadhi ya kimataifa.

MADUKA MAKUBWA YA BIDHAA YA TESCO YAANZA KUUZA PILIPILI KALI KULIKO ZOTE DUNIANI

Pilipili kali kuliko zote duniani sasa imeanza kuuzwa kwenye maduka makubwa ya bidhaa ya Tesco, pilipili ambayo inaogopwa mno kwa ukali wake kuliko hata sprei ya kutoa machozi ya pilipili.

Pilipili hiyo iitwayo Carolina Reaper sasa inaweza kununuliwa kwa mara ya kwanza Uingereza, na imewekewa tahadhari kwa wateja kutoishika kwa mikono yao bila kuvaa glovu.

Pilipili hiyo kali kuliko zote duniani imeingia kwenye kitabu cha kumbukumbu cha Guinness, baada ya kupimwa na kufikia alama milioni 1.5 za ukali, zinazoashiria moto uliopo kwenye pilipili hiyo.