Tuesday, April 19, 2016

RAIS DKT MAGUFULI AZINDUA RASMI DARAJA LA KIGAMBONI, ALIBATIZA JINA LA DARAJA LA NYERERE

Rais wa Jamhuri ya Muungano wa Tanzania Dkt John Pombe Joseph Magufuli akikata utepe huku viongozi wengine wakiushikilia kuashiria uzinduzi rasmi wa Daraja la Kigamboni katika wilaya mpya ya Kigamboni jijini Dar es salaam leo Aprili 19, 2016
  Rais wa Jamhuri ya Muungano wa Tanzania Dkt John Pombe Joseph Magufuli akipata picha ya kumbukumbu viongozi wengine baada ya uzinduzi rasmi wa Daraja la Kigamboni katika wilaya mpya ya Kigamboni jijini Dar es salaam leo Aprili 19, 2016
Rais wa Jamhuri ya Muungano wa Tanzania Dkt John Pombe Joseph Magufuli akiteta jambo na aliyekuwa Mkurugenzi Mkuu wa NSSF Dkt Ramadhani Dau wakati wa uzinduzi rasmi wa Daraja la Kigamboni katika wilaya mpya ya Kigamboni jijini Dar es salaam leo Aprili 19, 2016
Rais wa Jamhuri ya Muungano wa Tanzania Dkt John Pombe Joseph Magufuli na viongozi wengine wakitembea juu ya Daraja la Kigamboni baada ya kulizindua katika wilaya mpya ya Kigamboni jijini Dar es salaam leo Aprili 19, 2016
 
PICHA NA IKULU

MLIPUKO KATIKA JIJI LA KABUL WASABABISHA VIFO VYA WATU KADHAA

Watu kadhaa wamekufa na wengine zaidi ya 200 kujeruhiwa katika shambulizi la bomu la kutumia silaha lililofanywa katika wilaya tajiri ya Jiji la Kabul nchini Afghanistan.
Picha zimeonyesha majengo yaliyolipuliwa yakiwa na moshi mzito unaoelekea anagani, baada ya kutokea kwa shambulizi hilo ambalo kundi la Taliban limekiri kuhusika nalo.
Rais Ashraf Ghani ameshutumu vikali shambulizi hilo lililofanyika baada ya wiki chache tu tangu kikundi cha wapiganaji wa taliban kutangaza kuanza mashambulizi ya kikagidi kwa kasi.
                                       Wanajeshi wakiwa katika eneo la tukio kutoa msaada 
                                             Mtu aliyejeruhiwa akipatiwa matibabu hospitalini

MTOTO MCHANGA AFARIKI DUNIA AKIWA ANGANI KWENYE NDEGE

Mtoto wa kike wa miezi minne amefariki dunia akiwa kwenye ndege angani kutoka Jijini London kwenda Hong Kong baada ya kupata tatizo lililosababisha ndege hiyo kutua kwa dharura Kazakhstan.
Wazazi wake waliomba msaada baada ya kumuona akiwa amepoteza fahamu akiwa kwenye ndege ya shirika la Cathay Pacific wakati akisafiri kwenda kuwaona ndugu zake nchini China.
Abiria mmoja ambaye ni muuguzi alijitokeza kutoa msaada kwa mtoto huyo mchanga, hata hivyo baada ya ndege hiyo kutua uwanja wa ndege wa Almaty, Kazakhstan ambako madaktari walikuwepo kumhudumia lakini wakabaini tayari ameshafariki duni.

OSCAR DE LA HOYA AMPATIA USHAURI BONDIA AMIR KHAN

Bondia Oscar De La Hoya amemshauri bondia Amir Khan kutumia kasi yake ya kurusha masumbwi ili kumshinda kirahisi Canelo' Alvarez
Amir Khan amekuwa akijifua vikali kujiandaa na pambano hilo litakalofanyika Jijini Las Vegas Marekani mwezi Mei mwaka huu.
                           Amir Khan akijifua katika kambi yake kujiandaa na pambano 
                               Amir Khan akifanya mazoezi huku akijiangalia kwenye kioo

VIJANA WA CHELSEA WATWAA TENA UBINGWA WA UEFA

Wakati wakubwa zao wakifanya vibaya, timu ya vijana ya Chelsea imefanikiwa kutwaa kwa mara ya pili mfululizo taji la Ligi ya Mabingwa Ulaya kwa Vijana baada ya kuwafunga wenzao wa PSG kwa mabao 2-1.
Beki wa Chelsea Fikayo Tomori aliipatia timu yake goli la kuongoza katika dakika 10. Baada ya kukosa penati katika kipindi cha kwanza PSG ilisawazishwa kupitia kwa Yakou Meite, hata hivyo baadaye Casey Palmer aliifungia Chelsea goli la pili.
                                 Vijana wa Chelsea wakiwa na kombe pamoja na medali zao
                              Casey Palmer akishangilia na wenzake goli la pili alilofunga

VICHAKA HATARISHI KATIKA KITUO CHA AFYA BUZURUGA JIJINI MWANZA VYAFYEKWA.

Hali ya Usalama katika Kituo cha Afya cha Kata ya Buzuruga kilichopo Manispaa ya Ilemela Mkoani Mwanza imeimarika, baada ya Wakazi wa Kata hiyo wanaounda Kikundi cha Kijamii cha “Ulipo Tupo” kufyeka vichaka vilivyokuwa katika kituo hicho ambavyo vilikuwa vikitumiwa na
wahalifu kama maficho yao.

Baada ya kufyeka vichaka hivyo jumamosi iliyopita, Mwenyekiti wa Kikundi hicho, Ndaisaba Aron alisema kuwa vichaka hivyo vilikuwa hatarishi kwa wananchi, wagonjwa pamoja na wahudumu wa Afya katika Kituo hicho, kutokana na kupata malalamiko kwamba vibaka walikuwa wakikimbilia katika vichaka hivyo baada ya kufanya uhalifu.

Hidaya Bashiru ambae ni mwanachama wa kikundi hicho pamoja na Sixtus Ijugo ambae ni Katibu, waliwasihi wananchi wengine kuwa na desturi ya kushiriki katika shughuli za kijamii ikiwemo katika maeneo mbalimbali kama hospitali, shule nakwingineko kwa ajili ya maendeleo yao wenyewe.

Diwani wa Kata ya Buzuruga, Richard Machemba, alijumuika na Kikundi hicho kwa ajili ya kufanya usafi katika Kituo hicho ambapo alipongeza juhudi mbalimbali zinazofanywa na wakazi pamoja na vikundi mbalimbali vya maendeleo katika Kata yake ambapo amewasihi wananchi kuendelea kujitoa kwa ajili ya kushirikishughuli za maendeleo.
 
Tazama Picha zaidi hapa chini

RAIS MAGUFULI ATUMBUA JIPU LINGINE, AMSIMAMISHA KAZI MKURUGENZI WA JIJI LA DAR ES SALAAM

Rais wa Jamuhuri ya Muungano wa Tanzania, Dkt. John Pombe Magufuli ametangaza kumsimamisha kazi kuanzia leo Mkurugenzi wa jiji la Dar es Salaam, Wilson Kabwe kutokana na kuingia mikataba tata ambayo imeisababishia serikali hasara ya shilingi bilioni 3. 

 Rais Magufuli ametangaza uamuzi huo wakati akilizindua daraja la Kigamboni ambalo amependekeza liitwe daraja la Nyerere. 

 Hatua hiyo imekuja baada ya Mkuu wa Mkoa wa Dar es Salaam, Mh. Paul Makonda kuweka hadharani mikataba mibovu iliyoingiwa na Mkurugenzi huyo
Timu ya taifa ya Tanzania vijana wenye umri chini ya miaka 17 ‘Serengeti Boys’ inatarajiwa kushiriki mashindano maalumu ya vijana wenye umri chini ya miaka 17 nchini India, yatakayozishirikisha nchi za Marekani, Malasyia na Korea Kusini na wenyeji mapema mwezi Mei, 2016.

Chama cha Soka nchini India (AIFF) kimeandaa mashindano ya vijana wenye umri chini ya miaka 17, ikiwa ni sehemu ya maandalizi ya kikosi chao kwa ajili ya Fainali za Kombe la Dunia kwa Vijana zitakazofanyika nchini humo mwaka 2017.

umla ya nchi tano zitashiriki mashindano hayo yatakayofanyika katika mji wa Goa kuanzia Mei 15-25, 2016 ambapo michezo itachezwa kwa mfumo wa ligi kwa kila timu kucheza michezo minne, kabla ya mchezo wa mwisho wa fainali wa kumpata Bingwa wa mashiandano hayo.

Serengeti Boys ambayo imeshacheza michezo mitatu ya kirafiki ya kimataifa mpaka sasa, mmoja dhidi ya Burundi na miwili dhidi ya timu ya vijana wa Misri (The Pharaohs) inatarajiwa kuingia kambini mwishoni mwa mwezi Aprili, 2016 katika hosteli za TFF zilizopo Karume kujiandaa kwa safari ya kuelekea nchini India kushiriki michuano hiyo.

Kikosi cha Serengeti Boys kinachonolewa na kocha Bakari Shime, akisaidiwa na Sebastian Mkomwa chini ya mshauri wa ufundi wa timu za vijana Kim Poulsen, kinatarajiwa kuwa kambini kwa muda wa wiki mbili kabla ya safari kuelekea Goa India kushirki mashindano hayo.

Kupata nafasi ya kushiriki mashindano hayo maalumu ya vijana kimataifa ni sehemu ya maandalizi ya kikosi cha Serengeti Boys, kujiandaa na mchezo wa kuwania kufuzu kwa Fainali za Vijanaa barani Afrika dhidi ya Shelisheli Juni 25 – 2 Julai, 2016.

SERIKALI KUCHUNGUZA MKATABA WA JENGO LA MACHINGA COMPLEX

 Mkuu wa Mkoa wa Dar es Salaa, Paul Makonda (kulia), akikagua vizimba katika Jengo la Machinga Complex Dar es Salaam jana, baada ya kufanyika kikao cha kamati ya ulinzi na usalama ya mkoa kilichoketi jana kujadili uendeshaji wa biashara wa katika jengo hilo pamoja na kamati ya mkoa iliyoundwa kuchunguza mkataba wa jengo.
Mkuu wa Mkoa wa Dar es Salaa, Paul Makonda akizungumza na wafanyabiashara katika Jengo la Machinga Complex Dar es Salaam jana, kuhusu uendeshaji wa jengo hilo.
Makonda akiwasili katika viwanja vya Jengo la Machinga Complex kuzungumza na wafanyabiashara na wadau wengine. Kulia ni Mkuu wa Wilaya ya Ilala, Raymond Mushi wengine ni viongozi wa jengo hilo.
       Makonda akiangalia Uwanja wa Karume akiwa jengo la Machinga Complex.

KILA LA KHERI AZAM, YANGA

Shirikisho la Mpira wa Miguu Tanzania (TFF) limezitakia kila la kheri timu za Azam FC na Yanga SC katika michezo yao ya kimataifa inayoandaliwa na Shirikisho la Mpira wa Miguu barani Afrika (CAF).

TFF imezitaka Azam FC na Yanga kupambana katika michezo yao ugenini ili kupata matokeo mazuri yatakayozifanya ziweze kusonga mbele katika hatua inayofuata, ikiwa kwa sasa ndio wawakilishi pekee wa Tanzania katika michuano ya kimataifa.

Azam FC inayoshirki michuano ya Kombe la Shirkisho barani Afrika (CAF CC), leo saa 3 usiku kwa saa za Afrika Mashariki inashuka dimba la Olymique 07 November, Rades jijini Tunis kuwakabili wenyeji Esperance ST katika mchezo wa marudiano.

Kesho Jumatano, Yanga SC watakuwa ugenini kuwakabili wenyeji Al Ahly SC katika mchezo wa marudiano wa Ligi ya mabingwa barani Afrika (CAF CL), mchezo utakaochezwa saa 12:30 jioni katika uwanja wa Borg El Arab kwa saa za Afrika Mashariki na Kati

UCHUKUZI WAENDELEA KUJIFUA KWA KASI

Hawa Senkondo (mbele) akikiongoza kikosi cha wanawake cha kuvuta kamba cha Uchukuzi SC katika mazoezi. Wengine ni Germana Vicent, Janeth Komba na Tatu Cosmas


Kocha Abuno Issa (kustoto) akitoa maelekezo kwa timu ya wanawake ya Uchukuzi SC.
Kocha Abuno Issa (kulia) akitoa maelekezo kwa timu ya wanaume ya Uchukuzi SC.
Sharifa Mustafa (mwenye mpira) akiangalia wa kumrushia wakati (katikati) Mayasa Hamidu akitazama.

MAKAMU WA PILI WA RAIS ZANZIBAR BALOZI SEIF AWATEMBELEA WAATHIRIWA WA MAFURIKO WALIOPO KATIKA KAMBI MAALUM YA SEKONDARI YA NYERERE

Makamu wa Pili wa Rais wa Zanzibar Balozi Seif Ali Iddi akizungumza na wananchi waliopata majanga ya kuingiliwa na maji katika nyumba zao wakati alipotembelea kambi maalum iliowekwa katika Skuli ya Sekondari ya Nyerere, alipofika kuwafariji na kuwapa pole na mtihani huo.
Baadhi ya Wananchi wa maeneo ya Nyerere, Kwahani Kwa Wazee na Sebleni wakiwa katika Kambi maalum ilioandaliwa kwa Wananchi waliopata maafa ya kuingiliwa na Maji Nyumba zao wakati wa mvua ilionyesha juzi jumapili katika maeneo ya Visiwa vya Zanzibar.
Makamu wa Pili wa Rais wa Zanzibar Balozi Seif Ali Iddi akiwafariji Wananchi waliopata maafa ya mvua katika baadhi ya maeneo ya Visiwa vya Unguja, Katika Kituo hicho kuna Wananchi zaidi ya mia nne waliopata maafa hayo wakiishi kwa muda katika kituo hicho.
at

No comments :

Post a Comment

Subscribe to: Post Comments ( Atom )