Thursday, July 30, 2015

ZANZIBAR YAANZA KUTUMIA MFUMO WA KIELEKTRONIKI KUSAMBAZA NA KUPATA TAARIFA MADAWA VITUONI

Mfamasia Mkuu wa Zanzibar Habib Ali Shariff akitoa maelezo kuhusu Mfumo mpya wa Kielectroniki wa Ugavi wa madawa jinsi unavyofanyakazi zake kwa haraka, katika hafla ya uzinduzi wa mfumo huo. Uliofanyika Park Hyatt Hotel Shangani Mjini Zanzibar.
Mkurugenzi wa Shirika la John Snow Incorporated (JSI) nchini, Deo Kimera akitoa nasaha zake kwa Viongozi na Maafisa wa Afya waliopata elimu juu ya matumizi ya mfumo mpya wa Ugavi wa madawa wa kielektroniki walioshiriki katika hafla ya uzinduzi wa mfumo huo uliofanyika Park Hyatt Hotel Shangani Mjini Zanzibar.
Mshauri Mwandamizi kutoka Shirika la Misaada la Marekani USAID Kelly Hamblin akitoa shukran zake kwa Viongozi wa Serikali ya Mapinduzi ya Zanzibar kwa mashirikiano yao ya kufanikisha Mfumo mpya wa Kielectroniki wa Ugavi wa madawa nchini, katika hafla ya uzinduzi wa mfumo huo. Uliofanyika Park Hyatt Hotel Shangani Mjini Zanzibar.
Waziri wa Afya Zanzibar Rashid Seif Suleiman akitoa shukrani zake kwa Shirika la John Snow Incorporated (JSI) kutokana na juhudi zao za kuwawezesha maafisa wa Afya wa Zanzibar kuhusu matumizi ya mfumo mpya wa Ugavi wa madawa kwa njia ya kielektroniki katika hafla ya uzinduzi wa mfumo huo uliofanyika Park Hyatt Hotel Shangani Mjini Zanzibar.
Mfamasia kutoka Bohari Kuu Zanzibar Bi. Khadija Ali Shehe akielezea changamoto walizokumbana nazo wakati wa kutumuia mfumo wa Karatasi katika Usambazaji wa Madawa vituoni kabla ya kuzinduliwa Mfumo mpya wa kielectroniki hii leo
Mganga Mkuu wa Kituo cha Afya Gombani Pemba Abdalla Mbaruk Saleh akitoa ushuhuda wa namna Mfumo mpya wa Kielectroniki wa Ugavi wa madawa unavyofanya kazi zake kwa haraka na ufanisi, katika hafla ya uzinduzi wa mfumo huo. Uliofanyika Park Hyatt Hotel Shangani Mjini Zanzibar.
Waziri wa Elimu na Mafunzo ya Amali Zanzibar Ali Juma Shamhuna katikati akizindua Mfumo mpya wa Kielectroniki wa Ugavi na Usambazaji wa Madawa kwa niaba ya Makamu wa Pili wa rais Balozi Seif Ali Idd. Kulia kwake ni Msimamizi wa taaluma kutoka Shirika la John Snow Incorporated (JSI) Anselm Namala ,na kushoto ni Waziri wa Afya Rashid Seif Suleiman. Hafla ya uzinduzi wa mfumo huo imefanyika Park Hyatt Hotel Shangani Mjini Zanzibar.
Waziri wa Elimu na Mafunzo ya Amali Zanzibar Ali Juma Shamhuna kushoto akihutubia mara baada ya uzinduzi wa Mfumo mpya wa Kielectroniki wa Ugavi na Usambazaji wa Madawa kwa niaba ya Makamu wa Pili wa rais Balozi Seif Ali Idd. Hafla ya uzinduzi wa mfumo huo imefanyika Park Hyatt Hotel Shangani Mjini Zanzibar. Picha zote na Makame Mshenga-Maelezo Zanzibar. 
 
                                                                                       Kwa hisani ya ZanziNews
 

LOWASSA AWASILI MAKAO MAKUU YA CHADEMA KUCHUKUA FOMU YA KUWANIA URAIS NDANI YA CHAMA HICHO

Waziri Mkuu Mstaafu Mh.Edward Lowassa akiwa sambamba na Mkewe Mama Reginal akiwasili makao Makuu ya chama cha CHADEMA yaliyopo Kinondoni jijini Dar hivi punde ,kuchukua fomu ya kuwania nafasi ya Urais kupitia chama hicho,Mhe.Lowassa amekihama chama chake cha CCM na kujiunga na UKAWA kupitia chama cha CHADEMA na kukabidhiwa kadi ya uanachama hivi karibu,jijini Dar es Salaam.
Mke wa Waziri Mkuu Mstaafu,Mama Regina Lowassa akiwasili ofisi za Makao makuu ya CHADEMA yaliyopo Kinondoni jijini Dar,akiwa ameambatana na Mh Lowassa (hayupo pichani),kuchukua fomu ya kuwania nafasi ya Urais kupitia chama hicho,Mhe.Lowassa amekihama chama chake cha CCM na kujiunga na UKAWA kupitia chama cha CHADEMA na kukabidhiwa kadi ya uanachama hivi karibu,jijini Dar es Salaam.
Waziri Mkuu Mstaafu Mh.Edward Lowassa pichani akiwapungia wanachama na wafuasi mbalimbali wa chama cha CHADEMA waliofika kumshuhudia akiwa sambamba na Mkewe Mama Regina akiwasili makao Makuu ya chama cha CHADEMA yaliyopo Kinondoni jijini Dar hivi punde ,kuchukua fomu ya kuwania nafasi ya Urais kupitia chama hicho,Mhe.Lowassa amekihama chama chake cha CCM na kujiunga na UKAWA kupitia chama cha CHADEMA na kukabidhiwa kadi ya uanachama hivi karibu,jijini Dar es Salaam.
Rabsha za hapa na pale zilikuwepo kama uonavyo pichani wakati Mh.Lowassa akiwasili Makao Makuu ya CHADEMA yaliyopo Kinondoni jijini Dar hivi punde,kuchukua fomu ya kuwania nafasi ya Urais kupitia chama hicho.
Waziri Mkuu Mstaafu Mh.Edward Lowassa pichani akiwapungia wanachama na wafuasi mbalimbali wa chama cha CHADEMA waliofika kumshuhudia akiwa sambamba na Mkewe Mama Regina akiwasili makao Makuu ya chama cha CHADEMA yaliyopo Kinondoni jijini Dar hivi punde ,kuchukua fomu ya kuwania nafasi ya Urais kupitia chama hicho,Mhe.Lowassa amekihama chama chake cha CCM na kujiunga na UKAWA kupitia chama cha CHADEMA na kukabidhiwa kadi ya uanachama hivi karibu,jijini Dar es Salaam.
Waziri Mkuu Mstaafu Mh.Edward Lowassa akiwa sambamba na Mkewe Mama Reginal akiwasili makao Makuu ya chama cha CHADEMA yaliyopo Kinondoni jijini Dar hivi punde,kuchukua fomu ya kuwania nafasi ya Urais kupitia chama hicho,Mhe.Lowassa amekihama chama chake cha CCM na kujiunga na UKAWA kupitia chama cha CHADEMA na kukabidhiwa kadi ya uanachama hivi karibu,jijini Dar es Salaam.
Mbunge wa Jimbo la Kitope ambae pia ni Makamu wa Pili wa Rais wa Zanzibar Balozi Seif Ali Iddi. Picha na – OMPR – ZNZ.

Mbunge wa Jimbo la Kitope Balozi Seif Ali Iddi alisema kwamba ahadi alizotoa kwa Wananchi wa Jimbo hilo wakati akiwatumikia ndani ya Kipindi cha Miaka 10 iliyopita atahakikisha kwamba anazikamilisha kabla ya kuanza kwa kipindi chengine cha Uongozi baada ya kumalizika kwa uchaguzi Mkuu wa Mwezi Oktoba mwaka huu.

Alisema yeye bado anaendelea kuwa Kiongozi wa Jimbo hilo kwa vile jukumu la kuwatumikia Wananchi wa Maeneo hayo uko mikononi mwake na wala hafanyi kampeni kwa mujibu wa kanuni kwa vile muda wa kufanya hivyo haujafika licha ya kwamba unakaribia.

Balozi Seif Ali Iddi alisema hayo wakati akizungumza na Wananchi wa Kijiji cha Kiomba Mvua katika hafla fupi ya kukabidhi mchango wa shilingi Milioni 5,000,000/- kwa Uongozi wa Mamlaka ya Maji Zanzibar { ZAWA } zitakazotumika katika ujenzi wa Kibanda kwenye Kisima Kilichochimbwa na Mamlaka hiyo kitakachosambaza maji katika kijiji hicho na vile vya jirani.

Alisema Wananchi wa Kijiji cha Kiomba Mvua wamekuwa wakikabilia na tatizo la huduma za maji safi na salama kwa kipindi kirefu ambapo yeye kama kiongozi aliwaahidi kufanya juhudi kwa kushirikiana na washirika wa maendeleo kutatua changamoto hiyo ya muda mrefu.

Balozi Seif alielezea faraja yake kutokana na mchango mkubwa uliotolewa na Serikali ya Ras AL-Khaimah wa kusaidia ujenzi wa visima katika maeneo mbali mbali Unguja na Pemba msaada utakaowakomboa Wananchi walio wengi hasa akina Mama.

Hata hivyo alieleza na kufafanua kwamba Visima vinavyofadhiliwa na Serikali ya Ras Al – Khaimah lazima Viongozi wa Majimbo wachangie ili kuunga mkono miradi hiyo iende kwa haraka.

Balozi Seif aliahidi pia kuchangia Mabomba ya Kusambazia Maji kutoka kwenye Kisima hicho na kuwaomba Wananchi hao kujitokeza kwa wingi wakati wa uchimbaji wa Mitaro ya kulaza Mabomba hayo.

Akipokea mchango huo wa shilingi Milioni 5,000,000/- Mkurugenzi Mkuu wa Mamlaka ya Maji Zanzibar Dr. Mustafa Garu alisema Mamlaka hiyo inaendeleza jitihada za kuimarisha miundo mbinu ya sekta ya Maji ili kuwaondoshea usumbufu unaowapata Wananchi katika baadhi ya maeneo hapa Nchini.

Dr. Garu aliwahakikishia Wananchi hao wa Kijiji cha Kiomba Mvua kwamba Kisima hicho kina maji ya kutosha na ujenzi wa miundo mbinu iliyobakia kwenye kisima hicho itamalikia kwa haraka kama ilivyopangwa ilikuwapa faraja Wananchi hao ya kupata huduma ya maji safi badala ya kutumia yale yasiyo salama kwa afya zao.

Mapema Sheha wa Shehia ya Kiomba Mvua Bwana Mzee Ramadhan Mzee aliwanasihi na kuwatahadharisha Wananchi hao kujiepusha na tabia ya uchafuzi wa mazingira katika eneo hilo la Kisima ili huduma ya maji itakayotoka eneo hilo iendelee kuwa salama.

Wakati huo huo Balozi Seif Ali Iddi alikabidhi mchango wa Shilingi Milioni 5,000,000/- akitekeleza ahadi aliyotoa ya kusaidia kuifanyia matengenezo makubwa Ofisi ya Tawi la Chama cha Mapinduzi ya Kinduni.

Matengenezo ya Ofisi hiyo yamekisiwa kugharimu jumla ya shilingi Milioni 8600,000/- ambazo Balozi Seif aliahidi kutoa kwa awamu kadri hali itakavyomruhu kufanya hivyo.

Akizungumza katika hafla hiyo fupi Balozi Seif aliwakumbusha Viongozi pamoja na Wanachama wa CCM wa Tawi hilo kuwachagua Viongozi makini watakaokubali kushirikiana na Wananchi katika harakati za maendeleo yao.

Balozi Seif alitahadharisha kwamba kipindi cha miaka Mitano ni kikubwa mno endapo Wananchi hao watafanya makosa kwa kumchagua Kiongozi maslahi na kusubiri aondoke madarakani muda ambao utakuwa umeviza maendeleo yao.

Akipokea mchango huo kwa Niaba ya Wanachama hao wa Chama cha Mapinduzi Tawi la Kinduni Katibu wa CCM wa Tawi hilo Nd. Shaaban Mohammed alimpongeza Balozi Seif kwa uungwana wake wa kutekeleza ahadi anazotoa katika kipindi kifupi.

Nd. Shaaban alisema jitihada za Balozi Seif ambazo ziko wazi na kushuhudiwa na Jamii katika maeneo mbali mbali Nchini zimekuwa zikileta faraja na nguvu kwa Wanachama pamoja na Wananchi Wazalendo.

Mapema Mke wa Mbunge huyo wa Jimbo la Kitope Mama Asha Suleiman Iddi alisema jukumu la kuwachagua Viongozi bora wanaofaa kusimamia changamoto zinazowakabili Wananchi limo mikononi mwa Akina Mama.

Mama Asha alisema kwamba asilimia kubwa ya wapiga kura katika majimbo mbali mbali Nchini iko kwa akina Mama. Hivyo fursa hiyo kubwa waliyoipata akina mama hao wana wajibu wa kuitumia vyema.

Othman Khamis Ame
Ofisi ya Makamu wa Pili wa Rais wa Zanzibar

MUWINDAJI ALIYEMSAIDIA MTALII KUMUUA SIMBA WA ZIMBABWE AACHIWA KWA DHAMANA

Muwindaji anayetuhumiwa kumsaidia mtalii Mmarekani kumuua simba maarufu nchini Zimbabwe ameachiwa hutu kwa dhamana.
Muwindaji huyo Theo Bronkhorst amekiri kosa la kushindwa kuzuia uwindaji haramu, na kuachiwa kwa dhamana ya kiasi cha dola 1,000.
Bronkhorst pamoja na mmiliki wa kapuni yake Honest Ndlovu wataitwa tena mahakamani Agosti 5.
Mmarekani Walter Palmer, ambaye ni daktari wa maneo aliyemuua simba huyo aitwae Cecil kwa kumpiga risasi ameondoka nchini Zimbabwe lakini naye atakabiliwa na mashtaka.

WAHAMIAJI WAANGUSHA UZIO KUWAHI KUPANDA TRENI KUZAMIA UINGEREZA

Mamia ya wahamiaji wameangusha uzio wa fensi kuelekea katika njia ya reli usiku wa jana wakati wakikatiza kujaribu kuwahi kupanda treni kuelekwa Kent katika safari iliyobatizwa jina la kuingia Uingereza ama kifo.
Wabunge waandamizi wa Uingereza wamesema jeshi la Uingereza linapaswa kupelekwa kuwadhibiti wahamiaji hao kwa kuwa inaonekana mamlaka za Ufaransa zimezidiwa na kushindwa kuwazuia.
Hali hiyo imechangia maafisa polisi wa kutuliza ghasia wa Ufaransa 120 kupelekwa katika eneo hilo, ili kusaidiana na askari kanzu 250 walipo katika eneo hilo, hata hivyo idadi hiyo inasemekana haitoshi.
                                          Wahamiaji wanawake wakikatiza juu ya uzio
                                       Mhamiaji akipenya kwenye tundu katika uzio huo

 
at

No comments :

Post a Comment

Subscribe to: Post Comments ( Atom )