NAIBU WAZIRI NDITIYE AIAGIZA TAA KUFANYA UKAGUZI WA MWISHO WA VIWANJA VYA WANANCHI WALIOHAMISHWA KIPAWA ILI WAKABIDHIWE

NAIBU Waziri Ujenzi, Uchukuzi na Mawasiliano, Mhandisi Atashasta Nditiye, (kushoto), akiwa na Mkurugenzi Mkuu wa Mamlaka ya Viwanja vya Ndege Tanzania (TAA), Bw.Richard Mayongela, akizungumza na waandishi w ahabari kwenye uwanja wa ndege wa Kimataifa wa Dar es Salaam, Agosti 30, 2018.

NA K-VIS BLOG, Khalfan Said

NAIBU Waziri  Ujenzi, Uchukuzi na Mawasiliano, Mhandisi Atashasta Nditiye, ameagiza Mamlaka ya Viwanja vya Ndege Tanzania (TAA), kwa kushirikiana na Ofisi ya Mkuu wa Wilaya ya Ilala, kukagua viwanja 537 vilivyotengwa huko Msongola, kwa ajili ya waliokuwa wakazi wa eneo la Kipawa jijini Dar es Salaam Jumanne wiki ijayo ili kujiridhisha kama viwanja hivyo vipo na  vinafaa.

Mhandisi Nditiye ametoa agizo hilo leo Agostri 30, 2018, wakati akizungumza na waandishi wa habari kwe nye uwanja wa ndege wa Kimataifa wa Julius Nyerere jijini Dar es Salaam ambapo alieleza wasiwasi wake kuwa kampuni iliyopewa kandarasi ya kuwatafutia viwanja wananchi hao haijatekeleza wajibu wake ipasavyo licha ya kuwa tayari imelipwa kiasi cha shilingi bilioni 3.7.

“Nakuagiza Mkurugenzi wa TAA, kwa kushirikiana na Mkurugenzi wa Wilaya Jumanne ijayo muende mkakague eno hilo la viwanja 537 muone kama vipo kwa sababu kumekuwa na shida sana na hawa wenzetu wa Tanzania Remix Centre  nyinyi wenyewe mnajua, kuna shida ya miundombinu, sasa lazime mjue eneo hilo linafikika, na viwanja hivyo vinajengeka.” Alisema

Alisema Wananchi wako tayari kushirikiana na serikali katika kuhakikisha upanuzi wa uwanja unakwenda vizuri.

Kampuni ya Tanzania Remix Centre ilipendekezwa na Manispaa ya  Ilala na kupewa kandarasi ya kutafuta viwanja kwa ajili ya makazi mapya ya wananchi waliokuwa wakiishi eneo la Kipawa jijini Dar es Salaam.

Hata hivyo kulikuwepo na mivutano kati ya Mamlaka na Wananchi ambapo baadhi yao walipeleka shauri hilo mahakamani na hiovyo kufanya zoezi hilo la kuwahamisha wananchi hao kwenye eneo hilo jipya kusuasua.

Hata hivyo akitoa taarifa kwa Mhe. Naibu Waziri Nditiye, Mkurugenzi Mkuu wa Mamlaka ya Viwanja vya Ndege Tanzania (TAA), Bw.Richard Mayongela alisema, Novemba mwaka jana, TAA ilikutana na wadau wakiwemo wananchi, Manispaa ya Ilala, Ofisi ya Mkuu wa Wilaya na Kampuni iliyoingia ubia na Manispaa ya Ilala katika kutafuta viwanja kwa ajili ya wananchi hao.

“Mradi huu ulihusisha upatikanaji wa viwanja 1,600 kwa mujibu wa mkataba wa awali ambapo fidia yake ilipaswa kufanywa kwa awamu mbili ya watu 800, hata hivyo kwa mujibu wa sheria kipinde kile ilitaka mwananchi apewe eneo lakini alipwe fidia pia.” Alisema na kufafanua kuwa.

“Sasa wananchi wa Kipawa na Kigilagila walilipwa fidia kwa mujibu wa sheria na kwao hakukuwa na tatizo, kwa maana walipewa fedha taslimu na viwanja maeneo ya Pugu Mwakanga.” Alisema Bw. Mayongela

Akieleza zaidi Bw. Mayongela alsiema Baada ya kufanya tathmini, ilibainika kuwa wananchi wa Kipunguni A na Kipunguni Mashariki ambapo kulikuwa na viwanja 1,186 baada ya kufanya tathmini viwanja vilivyohitajika siyo 1,600, bali ni 1,186, kwa ajili ya fidia ya wananchi wa maeneo hayo mawili na katika viwanja hivyo viwanja 537 serikali ilishatoa kiasi cha shilingi bilioni 3.7 ili kutekeleza zoezi hilo.

Sisi kwa kushirikiana na mbia wa Mnaispaa ya Ilala yaani Tanzania Remix Centre, tukaandaa vile viwanja na viwanja vile vimeshapatikana na kuanzia hivi sasa, viwanja hivyo vitagawiwa kwa wananchi.

Aidha katika hatua nyingine, Mhe. Nditiye amesema wakati umefika sasa kwa Mamlaka ya Viwanja vya Ndege, kuanzisha kitengo cha Estate ili kihakikisha viwanja vyake vyote nchini vinakuwa na hati miliki.

“Unda kitengo cha Estate kisichozidi watu 10 ili kihakikishe kila kiwanja kinachomilikiwa na TAA kinakuwa na hati nah ii itaepusha migogoro na wananchi.” Alisema

Kandoni na maagzio hayo, Naibu Waziri, ameondoka nchini leo kuelekea Burundi kwa ajili yanuzinduzi wa safari ya kwanza ya ndege za ATCL zitakazoanza safari zake Darves Salaam kwenda Bunjumbura.

Mhe. Nditiye amefuatana na Mwenyekiti wa Kamati ya Bunge ya Miundombinu, Mhe. Selemani Moshi Kakoso na baadhi ya wajumbe wa kamati hiyo

 Mkurugenzi Mkuu wa Mamlaka ya Viwanja vya Ndege Tanzania (TAA), Bw.Richard Mayongela, (kulia), akitoa taarifa kwa Naibu Waziri Mhe. Nditiye 

 NAIBU Waziri wa Mawasiliano na Uchukuzi, Mhandisi Atashasta Nditiye, (kushoto), akipeana mikono na Mwenyekiti w aKamati ya Bunge ya Miundombinu, Mhe. Suleiman Moshi Kakoso muda mfupi kabla ya kuondoka kuelekea Bunjumbura Burundi kwenye uzinduzi wa safari za ndege za ATCL nchini humo. Katikati, ni mjumbe wa Kamati Mhe. Daniel Nsanzugwanko.

 Mkurugenzi Mkuu wa TAA, Bw. Richard Mayongela, akifafanua Zaidi wakati wa mkutano huo. Wapili kushoto ni Mkurugenzi wa Kiwanja cha ndege cha Julius Nyerere, Bw. Paul Rwegasha. na Mwakilishi kutoka Mnaispaa ya Ilala.

 Mwakilishi kiutoka Manispaa ya Ilala,Bw.Nicodemus Shirima akifafanua masuala mbalimbali kuhusu viwanja hivyo.

 Mkurugenzi wa kampuni ya Tanznaia Remix Centre, iliyopewa kandarasi ya kutafuta viwanja, Bi.Rosemary Shimata, akizunguzma. 

 Mkurugenzi Mkuu wa TAA, Bw. Richard Mayongela, akifurahia jambo na Inspekta wa polisi Daniel Mwakibete, baada ya mkutano huo.

Naibu Waziri Nditiye, (kushoto), Mkurugenzi Mkuu wa TAA, Bw. Mayongela, (katikati), wakijadiliana jambo na mwakilishi kutoka ofisi ya Mkuu wa Wilaya ya Ilala, Bw.Nicodemus Shirima