Manchester City ikiwa na wachezaji
10 imekwea hadi katika nafasi ya tatu ya msimamo wa ligi baada ya
kuifunga Burnley magoli 2-1 katika dimba la Etihad.
Katika mchezo huo Fernandinho
alijikuta akitolewa nje ya uwanja katika dakika ya 32 kwa kumchezea
rafu Johan Gudmundsson.
Wenyeji walipambana kiume katika
kipindi cha pili na alikuwa Gael Clichy aliyefunga goli la kwanza
kabla ya Sergio Aguero, aliyetokea benchi kufunga goli la pili. Ben
Mee alifunga goli pekee la Burnley.
Sergio Aguero akifunga goli la pili la Manchester City
Ben Mee akifunga goli pekee la Burnley katika mchezo huo
MANCHESTER UNITED YAFUNGANA POINTI NA TOTTENHAM SPURS KATIKA NAFASI YA TANO
Manchester United imefungana pointi
na timu ya Tottenham katika nafasi ya tano baada ya kupata ushidi
dhidi ya West Ham iliyobakia na wachezaji 10 baada ya kutolewa
kiutata mchezaji wao Sofiane Feghouli.
Katika mchezo huo refa Mike Dean
alimuonyesha Feghouli kadi nyekundu baada ya kiungo huyo kumkaba Phil
Jones katika dakika ya 15, na kuonekana kama amemchezea rafu lakini
haikuwa hivyo.
Antonio Valencia alijikuta akijuta
kukosa nafasi ya kufunga goli katika kipindi cha pili, kabla ya Juana
Mata kufunga goli kwa shuti la umbali wa yadi 10, baada ya kupata
pasi kutoka kwa Marcus Rashford. Zlatan Ibrahimovic aliongeza goli
la pili.
Juan Mata akiwa ameshatikisa nyavu na kuandika goli la kwanza
Zlatan Ibrahimovic akifunga goli ambalo ilionekana kaotea lakini refa akalikubali
PENATI MBILI ZA JERMAIN DEFOE ZAINYIMA USHINDI LIVERPOOL
Jermain Defoe amefunga penati mbili
wakati Sunderland ikitokea nyuma mara mbili na kupata pointi katika
mchezo dhidi ya Liverpool iliyokatika nafasi ya pili katika msimamo
wa Ligi Kuu ya Uingereza
Liverpool ilipata goli la kuongoza
kupitia kwa Daniel Sturridge kwa kichwa cha kubetua baada ya kuzembea
kwa Dejan Lovren. Sunderland walisawazisha dakika sita baadaye
kupitia kwa penati iliyopigwa na Defoe.
Sadio Mane aliwafungia wageni
Liverpool goli la pili kwa shuti la kumalizia la karibu, lakini
baadaye Mane akashika mpira na Defoe tena bila ajizi akatumbukiza
mpira wavuni kwa mkwaju wa penati.
Daniel Sturridge akiwa ameubetua kwa kichwa mpira uliojaa wavuni
Jermain Defoe akiwa amejipinda kuachia shuti la mkwaju wa penati na kufunga
No comments :
Post a Comment