Friday, August 5, 2016

BINTI WA RAIS OBAMA, SASHA AFANYA KIBARUA CHA KUTOA HUDUMA HOTELINI


Sasha Obama, binti wa rais wa Marekani Barack Obama, ameacha kwa muda kudeka Ikulu na kufanya kazi ya uhudumu kwenye kaunta ya hoteli ya vyakula vya baharini.

Shasha mwenye miaka 15 amechukua kibarua cha muda katika majira ya joto kwa sasa katika eneo la biashara huko Martha's Vineyard, Massachusetts.

Sasha, anatumia jina lake kamili la Natasha, amekuwa akisindikizwa kwenda kufanya kazi kwenye hoteli hiyo na walinzi wa rais sita kwa mujibu wa Boston Herald.

NYOSHI EL SADAT AHAIDI KUWAPAGAWISHA WAKAZI WA JIJI LA ARUSHA

Picha ikionyesha warembo wanaoshiriki shindano la miss kanda ya kaskazini wakiwa wanafanya mazoezi kwa ajili ya shindano linalofanyika jumamosi hii July 6 katika viwanja vya ukumbi Wa triple A .

                                                                                            Na Woinde Shizza ,Arusha 

 Rais Wa bendi ya FM Academia Nyoshi El Sadat amewahaidi wakazi Wa jiji ya Arusha kuwapa burudani ya nguvu katika onyesho la kumsaka Miss Kanda ya kaskazini.

Akiongea na waandishi Wa habari jijini hapa Mwanamuziki huyo alisema kuwa bendi hiyo imejipanga vya kutosha kuwapa burudana washiki wake

Alisema kuwa katika show hii ya Usiku Wa kumpata mrembo Wa kanda ya kaskazini amekuja na wanamziki wote pamoja na wacheza show wa bendi ya Fm Academia .

"Tunawapa burudani ya kufa mtu tunamastaili mapya ,pia yule mnenguaji ambae wammiss kwa muda mrefu qeen suzy atakuwepo katika onyesho hilo"alisema Nyoshi

Naye mwandaaji wa onyesho hilo Faustine Mwandago alisema kuwa katika show hii atahakikisha washabiki wote wanaifurahia show hiyo

Alisema show hiyo itafanyika kesho jumamosi July sita itaanza kuanzia tatu kamili Usiku na kiingilio kawaida itakuwa kawaida 10000 huku V.I.P 30000

WAKURUGENZI WA MIKOA YA KANDA YA KASKAZINI WATAKIWA KUJENGA MABANDA YA KISASA YA MAONYESHO YA NANE NANE

Wa kwanza kulia ni Mwenyekiti wa CCM Mkoa Maiko Lekule Laiser ,akifuatiwa na Mkuu wa Mkoa wa Arusha Daud Filex Ntibenda, aliyepo kushoto kwa mkuu huyo ni mwenyekiti wa Taso kanda ya Kaskazini ndugu Athar Kitonga Shayo wakiwa katika uzinduzi wa maonyeho hayo ya wakulima na wafugaji katika viwanja vya Taso Themi nanenane Njiro Jijini Arusha.
Vijana wa JKT Oljoro wakiwa wanatoa burudani siku ya uzinduzi wa maonyesho ya wakulima na wafugai ya nayandelea katika vianja vya Taso Themi nanenane njiro Arusha.
Meya wa Jiji la.Arusha wa pili kutoka kulia ndugu Calist Lazaro akiwa wakiteta jambo na diwani wa kata ya Themi Melance .E.Kinabo wa kwanza kulia katika maonyesho yanayoendelea katika maonysho yanayoendelea katika viwanja vya Taso nanenane Njiro Jijini Arusha.

SERENGETI YAFUNGUA UKURASA AFRIKA KUSINI

Ikiwa na ari, nguvu na kujaa hamasa na matumaini ya kushinda, timu ya mpira wa miguu ya Vijana wenye umri wa chini ya miaka 17 ‘Serengeti Boys’, kesho Jumamosi Agosti 6, 2016 itaingia Uwanja wa Dobsonville ulioko Soweto, Magharibi mwa Mji wa Johannesburg, Afrika Kusini kucheza na wenyeji katika mchezo wa awali kuwania nafasi ya kufuzu fainali za Kombe la Mataifa ya Afrika, zitakazofanyika Madagascar hapo mwakani.

“Tutaifunga Afrika Kusini hapa kwao,” ni maneno ya Mchawi Mweusi - Kocha Mkuu wa Serengeti Boys, alipozungumzia mchezo huo utakaoanza saa 9.00 alasiri kwa saa za Afrika Kusini wakati huko Tanzania itakuwa ni saa 10.00 jioni katika uwanja ambao hutumiwa na timu ya Moroka Swallows ambayo kwa sasa imeshuka daraja hadi la pili.

Afrika Kusini ambayo Serengeti Boys inacheza nayo kesho ni mtihani wa kwanza kati ya miwili kabla ya kutinga Madagacar. Mchezo wa kwanza unafanyika hapa Afrika Kusini, kabla ya kurudiana Agosti 21, 2016 kwenye Uwanja wa Azam ulioko Chamazi-nje kidogo ya jiji la Dar es Salaam na Mchawi Mweusi ambaye jina lake halisi ni Bakari Nyundo Shime, amesema: “Kwa jinsi tulivyojiandaa. Sina wasiwasi na timu yangu.”

Shime amesisistiza: “Najua Afrika Kusini watataka kutumbia mbinu za nyumbani. Lakini sina wasiwasi. Nimelenga kushinda michezo yote iliyo mbele yangu. Si kwamba napigania kufuzu kwenda Madagascar tu kwenye fainali za Afrika, la hasha, nataka timu hii niipeleke Kombe la Dunia.”

Shime ambaye alianza na timu hiyo mwaka mmoja uliopita, amerudia maneno yake: “Sioni kama itakuwa kikwazo kuifanikisha kufika fainali za Kombe la Dunia. Namuomba Mungu atunyooshee mkono wake, nawaombea viongozi wa TFF wazidi kuihudumia timu hii, lakini pia wadau wengine waisapoti timu hii bila kuangalia au kuchagua mtu anayeongoza TFF. Hii ni timu ya Watanzania wote.”

Shime alishukuru mipango na ahadi ya Rais wa Shirikisho la Mpira wa Miguu Tanzania (TFF), Jamal Malinzi kugharamia kambi ya siku 10 iliyoyofanyika Madagascar akisema: “Ilikuwsa ni kambi bora. Kwa sasa kikosi changu kinahitaji kulipam deni la Watanzania na ahadi ya Rais Malinzi.”

Kikosi tarajiwa kesho ni Ramadhani Awm Kabwili atakayecheza golini, Kibwana Ally Shomari, Nickson Clement Kibabage, Vitalis Nkosi, Dickson Nickson Job, Shaban Zuberi Ada, Kelvin Nashon Naftal, Ally Hamisi Ng’anzi, Asadi Ali Juma Ali, Mohammed Abdallah Rashid Ibrahim Abdallah Ali na Syprian Benedictor Mtesigwa.

Ili kufika hapo, Serengeti iliifunga Shelisheli jumla ya mabao 9-0 katika mechi mbili za Tanzania na Shelisheli.

Hivi karibuni Serengeti Boys ilifanya ziara India ambako walishiriki mashindano ya vijana ya Kimataifa yanayotambuliwa na FIFA (AIFF International Youth Tournament 2016) kabla ya kurudi na rekodi ya kupigiwa mfano si tu katika Tanzania na kwa nchi za Afrika Mashariki. Ilishika nafasi ya tutu nyuma ya Korea Kusini na Marekani.

TAARIFA KWA UMMA KUTOKA SIMBA SPORT CLUB KUHUSU SIMBA DAY

TAARIFA KWA UMMA 

 Klabu ya Simba inapenda kutoa taarifa kwa wanachama,wapenzi wake na washabiki wa mchezo wa mpira wa miguu kote nchini kuwa tamasha la kila mwaka la klabu yetu linalojulikana kwa umaarufu wa Simba Day lipo pale pale na wala 'halijapeperushwa' kama ilivyoripotiwa na baadhi ya vyombo vya habari nchini.

Ni upotoshaji mkubwa usiozingatia weledi na maadili ya taaluma kulikopitiliza kulikofanywa na chombo hicho ambao unaweza kuleta athari kubwa kwa tamasha letu ambalo ni sehemu ya sherehe muhimu ya kuadhimisha miaka themanini toka kuanzishwa kwa klabu yetu yenye historia ya kutukuka ndani na nje ya mipaka yetu kupita klabu yoyote nchini.

Katika ratiba ya tamasha letu hili kesho kutakuwa na shughuli ya usafi kwenye mtaa wa Msimbazi yalipo makao makuu ya klabu na shughuli hii itaanza saa mbili kamili asububi na mgeni rasmi anatarajiwa kuwa mbunge wa jimbo la Ilala yalipo makazi ya klabu Mh Mussa Azzan Zungu.
Tunawaomba wana Simba wote mjumuike kwenye jambo hili muhimu ambalo pia ni maagizo ya Rais wa jamhuri ya muungano wa Tanzania.Mh John Pombe Magufuli.Pia hiyo kesho Jumamosi ya tarehe 6-8-2016 itakuwa ni siku ya kupiga picha za msimu kwa wachezaji na benchi zima la ufundi la klabu ya Simba.Jumapili ya tarehe 7 ni siku ya wachezaji na benchi la ufundi kuwa live mitandaoni kwa kuperuzi na wana Simba kuhusina na masuala mbali mbali.

Sambamba na mkutano na wanahabari kati ya makocha na manahodha wa klabu ya AFC Leopard ya Kenya na sisi wenyeji wao Simba SC.
 
Kilele cha sherehe zenyewe ni siku ya Jumatatu tarehe nane mwezi huu pale uwanja wa Taifa hapa jijini kutakapokuwa na mechi kabambe baina yetu na Leopards.

 Mbali ya mechi hiyo ambayo itawatambulisha wachezaji wote wa msimu huu wa Simba pamoja na mchezaji Laudert Mavugo ambae tayari yupo kambini.Pia kutakuwa na burudani mbali mbali za muziki na sanaa
Siku ya kilele viongozi mbali mbali watahudhuria huku mgeni rasmi akiwa Mkuu wa Mkoa wa Dar es salaam Mh Paul Makonda.

Sanjari na viongozi hao, viongozi wote wa Simba wakiongozwa na Rais wa klabu Evans Aveva watashiriki kiukamilifu shughuli zote za tamasha hili kubwa kupita lolote linalohusisha vilabu vya soka kwenye ukanda huu wa Afrika Mashariki.Niwajulishe tu viongozi wetu wanaendelea na shughuli zao kama kawaida huku tukiwaachia vyombo vya uchunguzi vikiendelea na kazi zao.

Klabu haitaki kuingilia kwa namna yoyote ile uchunguzi wa Takukuru na inaamini itajiridhisha na nia 'NJEMA' ya kamati ya utendaji ya klabu ya Simba.

Mwisho ingawa sio kwa umuhimu nitumie fursa hii pia kuwashukuru watanzania wote kwa dua na sala zao kwangu binafsi kwa kupata maradhi ya macho ambayo kwa kiwango kikubwa sana yamenusurika kwa jitihada za madaktari wa Tanzania na nchini India.
Jitihada zao zilikubaliwa na Mwenyezi Mungu ambae bila shaka alizikubali dua na sala zenu
 
                                                                                Asanteni sana watanzania wenzangu.
                                                  
                                                                                                        Imetolewa na

                                                                                                   HAJI S.MANARA
 
                                                                                                 MKUU WA HABARI
 
                                                                                              SIMBA SPORTS CLUB
 
                                                                                              SIMBA NGUVU MOJ

MKUU WA MKOA WA MWANZA AFUNGUA RASMI MAONESHO YA NANENANE KANDA YA ZIWA

Mkuu wa mkoa wa Mwanza, John Mongela (wa pili kulia, akikagua banda la Benki Kuu, kwenye Maonesho ya Nanenane yanayofanyika kwenye uwanja wa Nyamuhongolo Jijini Mwanza, kwa mikoa ya Kanda ya Ziwa
Mkuu wa mkoa wa Mwanza, John Mongela, akisaini kitabu cha wageni kwenye banda la Benki kuu, kwenye maoneshp ya Nanenane Jijini Mwanza.
Mkuu wa mkoa wa Shinyanga, Zainab Telack (kushoto) akiteta jambo na Mkuu wa mkoa wa Mwanza, John Mongella (kulia)
        Mcheza ngoma wa kikundi cha kutoka Bujora akitumbuiza huku akicheza na nyoka

Na, Binagi Online TV

Mkuu wa mkoa wa Mwanza, John Mongela, ameiagiza Mamlaka ya Usimamizi wa Biashara Tan-trade kukamilisha ramani ya viwanja vya Nyamuhongolo vinavyotumika kwa maonesho ya Wakulima na Wafugaji Nanenane ili kuanza ujenzi wa majengo ya kudumu kwenye viwanja hivyo.

Akifungua rasmi jana maonesho ya Nanenane yanayohusisha mikoa ya Kanda
ya ziwa, Mongela, alisema kukamilika kwa ramani hiyo kutaharakisha kuanza kwa ujenzi wa mabanda ya kudumu kwenye viwanja hivyo ili kuwezesha kuendelea kwa shughuli mbalimbali hata maonesho yatakapomalizika.

Alisema mkoa wa Mwanza kwa kushirikiana na mikoa mingine ya kanda ya ziwa, umejipanga kuandaa maonesho ya Nanenane kitaifa ndani ya miaka miwili ijayo, hivyo ujenzi wa mabanda hayo utachangia kuongeza hamasha ya mikoa hiyo kuwa mwenyeji.

Aidha mkuu huyo wa mkoa wa Mwanza ameungana na mwenzake wa mkoa wa Shinyanga, Zainab Telack, kuwahamasisha wakulima wa mikoa hiyo kufufua kilimo cha pamba ambacho amesema kitachangia kufufua viwanda mbalimbali na kuongeza fursa za ajira hasa kwa vijana na hivyo kukuza pato la familia na taifa kwa jumla.

NAIBU WAZIRI WA ELIMU MH. MHANDISI STELLA MANYANYA AWA MGENI RASMI MAHAFALI YA BROOKHOUSE INTERNATIONAL SCHOOL JIJINI DAR

Mgeni Rasmi katika mahafali ya Shule ya awali ya Brookhouse International  Naibu Waziri wa Elimu, Sayansi, Teknolojia na Ufundi Mh. Mhandisi Stella Manyanya akitoa Hotuba kwa wanafunzi pamoja na wageni waalikwa
Mwalimu wa Taaluma wa Brookhouse International School Omega Kessy akitoa neno la utangulizi wakati wa mahafali hayo
Mwalimu Mkuu wa Sunrise Nursery and Primary School Bw. Onesphor Vitalis akitoa utambulisho kwa wageni waalikwa waliofika katika Mahafali hayo ya shule ya awali
Mkurugenzi Mkuu wa Sunrise Nursery and Primary School Bi. Marry Shirima akitoa maelezo ya kina juu ya shule hiyo, kumshukuru mgeni rasmi kufika katika mahafali hayo ya watoto wa shule ya awali pamoja kuwapongeza kwa kuhitimu
Mgeni Rasmi katika mahafali ya Shule ya awali ya Brookhouse International School Naibu Waziri wa Elimu, Sayansi, Teknolojia na Ufundi Mh. Mhandisi Stella Manyanya akimpa mmoja wa watoto cheti cha kuhitimu Elimu ya awali
         Mh. Mbunge wa Jimbo la Kawe Halima Mdee akiwa katika mahafali hayo

MKUU WA WILAYA YA IKUNGI ATOA ONYO KWA WANASIASA WANAOKOSESHA MAPATO YA HALMASHAURI

Mkuu wa Wilaya ya Ikungi Miraji Jumanne Mtaturu akiwahutubia madiwani wa Wilaya ya ikungi ikiwa ni mara yake ya mwanzo tangu alipochaguliwa na Rais John Magufuli kuwa Mkuu wa Wilaya hiyo.
Kutoka Kushoto ni Eng Sadick Chakka Mhandisi wa Maji Wilaya ya Ikungi, Mkuu wa Wilaya ya Ikungi Miraji jumanne Mtaturu, Mkurugenzi Mtendaji wa Halmashauri ya Wilaya ya Ikungi Rustika Turuka, Mwenyekiti wa Halmashauri ya Wilaya ya Ikungi Ally J. Mwanga, na Kulia ni Abel Suri Makamu Mwenyekiti wa Halmashauri ya Wilaya ya Ikungi
Wakuu wa Idara na Vitengo, na Madiwani wakisikiliza hotuba ya Mkuu wa Wilaya hiyo                                  
Mwenyekiti wa kamati ya huduma za jamii ambaye ni Diwani wa Kata ya Issuna Steven Misai akitoa neno la shukrani kwa hotuba ya mkuu wa Wilaya ya ikungi.

                                                                                            Na Mathias Canal, Singida 

 Mkuu wa Wilaya ya Ikungi Miraji Jumanne Mtaturu amewaonya baadhi ya wanasiasa hususani madiwani katika Wilaya hiyo kupitia matamko yao ya kuzuia ukusanyaji wa ushuru au kupiga vita vizuizi vilivyowekwa katika kata zote. 

 Madiwani hao wanatumia vibaya Uelewa mdogo wa wananchi kwa kuwazuia kuchangia shughuli za maendeleo na ulipaji kodi hivyo amewaagiza madiwani wote kuacha kuwatumia wananchi kwa muktadha wa kuwanyima ufahamu bali wawe mstari wa mbele kuwaelimisha kwa kushirikiana na wataalamu wanaopita kukusanya kodi katika maeneo yao. 

Dc Mtaturu ameyasema hayo wakati wa kikao chake cha kwanza cha Baraza la madiwani la Wilaya hiyo tangu alipoteuliwa na Rais John Magufuli kushiriki kwenye baraza la madiwani ambapo pamoja na hotuba yake hiyo amewapongeza madiwani wote kwa kuaminiwa na kuchaguliwa kwa ajili ya kuwawakilisha wananchi katika kata zao.

Dc Mtaturu amesema kuwa Baraza la madiwani ndio injini kuu ya maendeleo ya Wilaya, hivyo kama kukiwa na Baraza lisilotimiza wajibu wake kamwe Wilaya haiwezi kutoka kwenye kadhia iliyopo hususani katika sekta ya Kilimo, Mifugo, uvuvi, elimu, afya na miundombinu.

“Wilaya yetu bado ina changamoto nyingi sana, Natambua Wananchi wengi bado ni masikini kama sio wenye kipato cha chini sana, Natambua Wananchi wengi wanajishughulisha na Kilimo na Ufugaji ingawa wapo Wachimbaji wadogo wa Madini na Wafanyabiashara pia lakini natambua huduma za jamii pamoja na miundombinu ni changamoto kubwa sana”

“Tumekuwa Wilaya ya kuomba chakula cha msaada kila mwaka, maambukizi ya Virusi vya Ukimwi VVU yanazidi kupanda, Elimu inazidi kushuka, mapato ya Halmashauri yameshuka, wananchi wetu wamekuwa wakifuga na kulima kilimo kile kile cha mazoea, huduma ya maji safi na salama imeendelea kuwa changamoto kwetu, Vituo vya Afya na Zahanati havitoshelezi mahitaji” Alisema Mtaturu

Kwenye Huduma ya Afya katika Vijiji 101 vilivyopo Wilayani Ikungi kuna Zahanati 34, Vituo vya Afya 3 na Hospitali 2, kwa uwiano huu zisipofanyika jitihada zaidi hali ya wananchi itakuwa mbaya zaidi.

Hivyo Mkuu huyo wa Wilaya hiyo alisema kuwa Madiwani wote wanatakiwa kuwa na mpango mkakati wa kuhakikisha huduma za Afya zinapatikana kirahisi.
Katika hotuba yake Dc Mtaturu ameeleza kuwa Ni lazima kwenye Kamati za Maendeleo za Kata (WDC) kuanzishwe mipango ya kuhakikisha kunapunguzwa Vifo vya Wakinamama Wajawazito na Watoto kwa kuweka mikakati itakayohakikisha Wananchi wote hawaendi umbali mrefu kutafuta huduma za Afya.
“Katika suala hili la Afya ningependa kuzungumzia mabadiliko katika Sekta ya Afya yanayoendelea hapa Nchini katika utoaji wa huduma. Mabadiliko haya yana lengo la kuinua kiwango cha ubora wa huduma za afya zinazotolewa kwa wananchi na kuongeza kiwango cha uwajibikaji kwa wasimamizi na watoaji wa huduma hizo. 

Ili kufanikisha lengo hilo, madaraka, majukumu na kazi, rasilimali zaidi za afya zinahitajika kwa kuitaka jamii kuchangia katika mifuko ya Afya ya Jamii (CHF)” Alisema Mtaturu 

Katika Mfuko wa Afya (CHF) Kaya moja itatakiwa kuchangia Tsh. 10,000/= na atatibiwa Baba, Mama na Watoto wanne kwa mwaka mzima, hivyo Mwananchi akiuza kuku mmoja tu anatosha kumtibia yeye mwenyewe na familia yake kwa mwaka mzima.

Mwananchi asipojiunga na huduma hii atatakiwa kutoa Papo kwa Papo Tsh. 7,000/= pale anapougua hii elfu saba ni ya kumuona Daktari bila dawa, Mwananchi huyu akiuguliwa na watu watano, itamlazimu kutoa Tsh. 35,000/= kwa hiyo Mwananchi ambaye hajajiunga na CHF atapata hasara ya Tsh. 25,000/= na wakati mwingine anaweza akauguliwa akiwa hana hata hela ya kutibiana hatimaye anahatarisha maisha ya watu wake wa karibu.

Dc Mtaturu amewataka Viongozi hao kujitafakari kwa nini waliomba ridhaa ya kuwaongoza Wananchi wa Ikungi, kama waliomba nafasi hiyo kwa ajili ya kuwatumikia Wananchi lakini kwenye Kata zao Shule za Sekondari hazina Maabara, hakuna Zahanati na Kituo cha Afya, hakuna barabara, hakuna huduma ya maji safi na salama na hakuna Shule; Wanafunzi wanatembea umbali mrefu kufuata Shule na hawana mpango wowote ule wa kusogeza karibu huduma hizi basi wanatakiwa kujitafakari upya.

Mkuu huyo wa Wilaya ameahidi kushirikiana na kila Kiongozi bila kujali itikadi ya Chama chake, Dini yake au rangi yake katika kuwaletea maendeleo Wananchi wa Ikungi.

Akitoa salamu za shukrani kwa niaba ya Madiwani wote kwa hotuba ya Mkuu wa Wilaya ya Ikungi, Mwenyekiti wa kamati ya huduma za jamii ambaye ni Diwani wa Kata ya Issuna Steven Misai amesema kuwa Hotuba ya Mkuu huyo inaonyesha taswira mpya ya kuinusuru Wilaya hiyo katika sekta ya elimu, afya, na miundombinu.

Missai alisema kuwa maagizo ya hotuba yake yatafanyiwa kazi na madiwani wote ili kuifanya wilaya ya Ikungi kuwa nguzo katika sekta hizo hususani ujenzi wa maabara.

CHUO CHA UONGOZI WA FEDHA KUWAPELEKA WANAFUNZI TAASISI ZA KIJAMII KUFANYA MAZOEZI KWA VITENDO

Baadhi ya wanafunzi wa Chuo cha Uongozi wa Fedha Zanzibar wakifuatilia ufungaji wa mafunzo elekezi yaliyofanyika katika Chuo chao Chwaka Mkoa Kusini Unguja.
Mratibu wa mafunzo elekezi ya wanafunzi wa Chuo cha Uongozi wa Fedha Zanzibar Said Mohd Khamis akieleza lengo la Chuo kuanzisha mpango wa wanafunzi kufanya mazoezi ya vitendo katika taasisi za kijamii.
Naibu Katibu Mkuu Wizara ya Kazi, Uwezeshaji, Wazee, Vijana, Wanawake na Watoto Mauwa Makame Rajab akifunga mafunzo elekezi ya wanafunzi wa Chuo cha Uongozi wa Fedha Zanzibar watakaoshiriki mazoezi ya vitendo katika vikundi vya kijamii (kushoto) Mkurugenzi wa Vyama vya Ushirika Zanzibar Khamis Simba na (kulia) Kaimu Mkuu wa Chuo Dkt. Iddi.

                                PICHA NA RAMADHANI ALI/HABARI MAELEZO ZANZIBAR
                                                                     Na Ramadhani Ali/Maelezo

CHUO cha Uongozi wa Fedha Zanzibar (ZIFA) kimeanzisha mpango wa kuwapeleka wanafunzi wa Chuo hicho kufanya mazoezi ya vitendo katika vikundi vya Kijamii (SACCOS) kuanzia mwaka huu.

Uamuzi huo unafuatia muongozo uliotolewa na Baraza la Chuo baada ya kubaini kuwa wanafunzi wengi wanapokuwa katika mazoezi ya vitendo katika Mawizara, Maidara na Taasisi za Umma wanakaa maofisini bila ya kufanya kazi yoyote na kutofaidika na mazoezi yao.

Jumla ya wanafunzi 130 wa mwaka wa pili shahada ya kwanza wanaosoma fani ya Uhasibu, Manunuzi na Tehama wataanza mazoezi ya vitendo katika SACCOS za Unguja na Pemba baada ya kupatiwa mafunzo elekezi ya siku tatu yaliyotolewa na Idara ya Vyama vya Ushirika kwa kushirikiana na ZIFA.
Akizungumza wakati wa kufunga mafunzo hayo,

Mhadhiri wa Chuo cha Uongozi wa Fedha Maalim Said Mohd Khamis alisema lengo la mpango huo ni kuwawezesha wanafunzi kutoa elimu kwa jamii baada ya masomo yao.

Amesema vyama vingi vya ushirika vinakabiliwa na matatizo hasa katika masuala ya uhasibu, manunuzi na matumizi ya Tehama hivyo wanafunzi wao watakwenda kusaidia katika kutoa elimu kwa wanachama wa vikundi hivyo.

‘’Wanafunzi wetu watakwenda kufundisha matumizi ya Teknolojia ya kisasa, utaratibu mzuri wa manunuzi na masuala ya uhasibu”, alisisitiza Maalim Said.

Ameongeza kuwa mtazamo wa Chuo ni kutoa huduma na fursa zinazopatikana chuoni hapo kwa jamii ili kuisaidia Serikali katika juhudi zake za kuwapunguzia wananchi hali ngumu ya maisha.

Naibu Katibu Mkuu Wizara ya Kazi, Uwezeshaji, Wazee, Vijana, Wanawake na Watoto Mauwa Makame Rajab amewaeleza wanafunzi hao kuwa baadhi ya SACCOS wanachama wake hawana taaluma kubwa katika masuala ya ushirika hivyo mchango wao utasaidia sana katika kuviimarisha vikundi hivyo.

Amewataka vijana hao kuitumia elimu waliyonayo na fursa waliyopata ya kufanyakazi katika vikundi vya kijamii vijijini kujiajiri kwa kuanzisha SACCOS ama kuongoza ziliopo katika kukabiliana na tatizo kubwa la ajira liliopo.

Amewashauri wanafunzi hao kuwa mabalozi wazuri katika sehemu watakazokwenda kupinga vitendo vya udhalilishaji wa kijinsia vinavyozidi kuongozeka katika maeneo mbali mbali ya Unguja na Pemba.

Aidha amevishauri vyuo vyengine viliopo Zanzibar na Tanzania kwa jumla kuiga mfano ulioonyeshwa na ZIFA kuwapeleka wanafunzi wao kufanya mazoezi ya vitendo katika vikundi vya kijamii kusaidia masuala mbali mbali ikiwemo sheria, uongozi demokrasia ndani ya vikundi vyao.

Rais wa Serikali ya Wanafunzi wa Chuo cha Uongozi wa Fedha Zanzibar amesema wameupokea mpango wa Chuo kwenda kusaidia vikundi vya ushirika vijijini kwa moyo safi na ameahidi watatoa mchango mkubwa.

Amesema wanauchukulia mpango huo kama ni majaribio kwao na watajitahidi kuweka mazingira mazuri na kuwa mfano wa kuigwa na wanafunzi wenzao watakaofuata hapo baadae.

SERENGETI BOYS WAKIWA KATIKA MAZOEZI NCHINI AFRIKA KUSINI

Nyota wa timu ya Mpira wa Miguu ya Vijana wenye umri wa chini ya miaka 17 Serengeti Boys wakiwa kwenye picha ya pamoja mara baada Kikosi ya mazoezi kwenye viwanja vya mazoezi ya Uwanja wa FNB, Johannesburg Afrika Kusini. (Picha zote na Alfred Lucas wa TFF).
Nyota wa timu ya Mpira wa Miguu ya Vijana wenye umri wa chini ya miaka 17 Serengeti Boys wakiwa na furaha ya aina yake mara baada Kikosi ya mazoezi kwenye viwanja vya mazoezi ya Uwanja wa FNB, Johannesburg Afrika Kusini. (Picha na Alfred Lucas wa TFF).
Wachezaji wa Serengeti Boys wakipiga jaramba
Ibrahim Abdallah (kulia) akipiga hesabu za kumtoka Kibwana Ally (wa pili kulia).

CHEIKHOU KOUYATE APACHIKA MAWILI WAKATI WEST HAM IKITINGA HATUA YA MTOANO LIGI YA UROPA

Mchezaji Cheikhou Kouyate amefunga mara mbili wakati West Ham wakati timu hiyo ikicheza mchezo wake wa kwanza katika dimba lake jipya kwa kuifunga NK Domzale na kutinga hatua ya mtoano ya Ligi ya Uropa.

Ikiwa nyuma kwa magoli 2-1 katika mchezo wa awali, wagonga nyundo hao walisawazisha wingi wa magoli baada ya Kouyate kufunga goli la kwanza katika dimba hilo la zamani la michezo ya Olimpiki ambapo sasa ni uwanja wa London.

Kouyate tena aliunganisha wavuni krosi ya Sam Byram na baadaye Sofiane Feghouli kupachika goli la tatu na kuifanya West Ham kuibuka na ushindi wa magoli 3-0 na kuwatoa NK Domzale kwa matokeo ya jumla ya magoli 3-2.
                           Cheikhou Kouyate akiunganisha krosi na kupachika goli wavuni
              Sofiane Feghouli akiachia shuti lililojaa wavuni na kuandika goli la tatu

WAHAMIAJI KUTOKA AFRIKA WAPIGWA MABOMU YA MACHOZI NA KUKAMATWA UFARANSA

Wahamiaji wameonekana wakikamatwa na polisi nchini Ufaransa ambao waliwarushia mabomu ya machozi na kuwaburuza, wakati wakibomoa mabanda yao ya kambi isiyo rasmi Jijini Paris, leo.
Maafisa hao walionekana wakiyakusanya makundi ya wahamiaji hao wanaume wengi wao kutoka Sudani na Eritrea na kuwaweka kuwaingiza kwenye mabasi baada ya baada ya kuvamia kambi hiyo iliyopo Avenue de Flandre kaskazini mwa Paris.
Wahamiaji wakiwa wamekaa na mwingine amelala chini katika kupinga kuondolewa katika eneo hilo
Polisi wakimbena mmoja wa wahamiaji baada ya kugoma kuondoka katika mabanda yao
Wahamiaji wakiwa ndani ya basi tayari kwa ajili ya kuhamishwa kwenye eneo la mabanda ya wahamiaji katika kambi ambayo haikuwa rasmi

IRANI YAWANYONGA WAPIGANAJI 20 WAISLAMU WA DHEHEBU LA SUNNI

Irani imewanyonga wafungwa Waislam wa dhehebu la Sunni zaidi ya 20, ambao inasema walikuwa wanajihusisha na mashambulizi ya kutumia silaha.

Chombo cha habari cha umma kimesema kundi hilo limenyongwa jumanne, na lilikuwa linahusika na kuwauwa wanawake na watoto kati ya 2009 na 2011.

Iran, ambayo inawaumini wengi wa Kiislam wa dhehebu la Shia, imewauwa watu wapatao 977 mwaka jana, kwa m ujibu wa shirika la Amnesty International.

Makundi ya kutetea haki za binadamu wamekosoa unyongaji huo wa hivi karibuni, kwa kusema usikilizaji wa kesi yao haukuwa wa haki.

TAJIRI WA LEICESTER CITY AWAAMBIA ARSENAL MAHREZ HAUZWI

Mmiliki wa Leicester City amesema Riyad Mahrez hauzwi katika hali ya kujaribu kuwapasha Arsenal ambao bado hawajakata tamaa kufanya mazungumzo ya kumnasa mchezaji huyo.

Mmiliki huyo Vichai Srivaddhanaprabha yupo makini katika kuhakikisha kuwa Riyad Mahrez raia wa Algeria haondoki, na ametuma posti kwenye mtandao wa jamii kuonyesha kutokuwa tayari kumuachia.

Baada Leicester kufanya vyema katika Ligi Kuu ya Uingereza na kutwa ubingwa Mahrez amekuwa akihusishwa na uvumi wa kuhama katika majira ya joto, huku uvumi wa kuhamia Arsenal ukizidi kuendelea.

WAPIGANAJI WASHAMBULIA MSAFARA WA WATALII AFGHAN NA KUWAJERUHI

Wapiganaji wameshambulia msafara wa watalii magharibi mwa Afghanistan, na kuwajeruhi sita pamoja na dereva wao raia wa Afghanistan.

Kundi la wasafiri hao wapatao 12 walikuwa wakisindikizwa na wanajeshi wa Afhanistan kuelekea mji wa Herat, wakati waliposhambuliwa.

Watalii hao wakiwemo Waingereza wanane, raia watatu wa Marekani na mmoja wa Ujerumani baadhi yao inasemekana wanamajeraha madogo na wanatibiwa hospitali.

SERENGETI BOYS WAWASILI AFRIKA KUSINI, KUSHUKA UWANJANI JUMAMOSI

Nyota wa timu ya Mpira wa Miguu ya Vijana wenye umri wa chini ya miaka 17 – Serengeti Boys wakiwasili Uwanja wa Ndege wa Kimataifa wa O.R. Tambo jijini Johannesburg, Afrika Kusini wakitokea Antananarivo, Madagascar walikoweka kambi kujiandaa na mchezo dhidi ya Afrika Kusini kwenye mchezo wa kuwania nafasi ya kushiriki fainali za Kombe la Mataifa kwa vijana wenye huo hapo mwakani. Serengeti Boys itakipiga na Afrika Kusini Jumamosi kwenye Uwanja wa Dobsonville, Johannesburg, Afrika Kusini. (Picha na Alfred Lucas wa TFF)
Nyota wa timu ya Mpira wa Miguu ya Vijana wenye umri wa chini ya miaka 17 Serengeti Boys na viongozi walipowasili Hoteli ya Garden Court Milapark ambako imepiga kambi kabla ya kuivaa Afrika Kusini kwenye mchezo wa kuwania nafasi ya kushiriki fainali za Kombe la Mataifa kwa vijana wenye huo hapo mwakani. Serengeti Boys itakipiga na Afrika Kusini Jumamosi kwenye Uwanja wa Dobsonville, Johannesburg, Afrika Kusini. (Picha na Alfred Lucas wa TFF)

SERIKALI MKOANI SIMIYU YAAMUA ASILIMIA MBILI YA USHURU WA PAMBA IJENGE MADARASA

Mkuu wa Mkoa wa Simiyu Mhe. Anthony J. Mtaka (Katikati) akizungumza na Viongozi wa Mkoa huo na Wajumbe wa Kamati za Fedha, Mipango na Uongozi kutoka katika Halmashauri za Mkoa huo katika kikao kilichofanyika Mjini Bariadi, kujadili mikakati ya ujenzi wa vyumba vya madarasa, (kushoto) Katibu Tawala Mkoa wa Simiyu, Jumanne A. Sagini na (kulia) Mkuu wa Wilaya ya Bariadi, mhe. Festo S. Kiswaga
Wakuu wa Wilaya wakimsikiliza Mkuu wa Mkoa wa Simiyu (hayupo pichani) katika kikao cha kujadili mikakati ya ujenzi wa vyumba vya madarasa mkoani humo, mstari wa kwanza kutoka kushoto, Mhe. Benson Kilangi (Itilima), Joseph Chilongani (Meatu), Seif Shekalaghe, Tano Mwera (Busega) na mstari wa pili, kutoka kushoto, Mhe. Stanslaus Nyongo(Mbunge Maswa Mashariki), Mhe. Mashimba Ndaki (Mbunge Maswa Magharibi).
  Katibu Tawala Mkoa wa Simiyu, Jumanne A. Sagini akizungumza kabla ya kumkaribisha Mkuu wa Mkoa wa Simiyu, Mhe. Anthony J. Mtaka (kulia) ili azungumze na Viongozi wa Mkoa huo na Wajumbe wa Kamati za Fedha, Mipango na Uongozi kutoka katika Halmashauri za Mkoa huo, katika kikao kilichofanyika Mjini Bariadi, kujadili mikakati ya ujenzi wa vyumba vya madarasa.
Viongozi na baadhi Wajumbe wa Kamati za Fedha, Mipango na Uongozi wakimsikiliza Mkuu wa Mkoa wa Simiyu (hayupo pichani) katika kikao cha kujadili mikakati ya ujenzi wa vyumba vya madarasa mkoani humo kilichofanyika Mjini Bariadi.

MHANDISI MASAUNI AZINDUA MKAKATI WA BARAZA WA KUKABILIANA NA AJALI ZA BARABARANI NCHINI

Naibu Waziri wa Mambo ya Ndani ya Nchi, ambaye pia Mwenyekiti wa Baraza la Taifa la Usalama Barabarani, Mhandisi Hamad Masauni akizungumza na Waandishi wa Habari (hawapo pichani) mara baada ya kuzindua Mkakati wa Baraza wa Kukabiliana na Ajali za Barabarani nchini. Mkakati huo wa miezi Sita ambao unalenga kukabiliana na ajali umenza mwezi huu Agosti na unatarajiwa kumalizika mwezi Februari 2017 ambapo tathmini itatolewa. Kulia ni Mkuu wa Kikosi cha Usalama Barabarani nchini, ambaye pia ni Katibu Mtendaji wa Baraza hilo, Kamanda Mohammed Mpinga. Uzinduzi huo umefanyika katika Ukumbi wa Mikutano wa Wizara, jijini Dar es Salaam. Picha na Wizara ya Mambo ya Ndani ya Nchi.
Naibu Waziri wa Mambo ya Ndani ya Nchi, ambaye pia Mwenyekiti wa Baraza la Taifa la Usalama Barabarani, Mhandisi Hamad Masauni akizungumza na Waandishi wa Habari mara baada ya kuzindua Mkakati wa Baraza wa Kukabiliana na Ajali za Barabarani nchini. Mkakati huo wa miezi Sita ambao unalenga kukabiliana na ajali umenza mwezi huu Agosti na unatarajiwa kumalizika mwezi Februari 2017 ambapo tathmini itatolewa. Kulia meza kuu ni Mkuu wa Kikosi cha Usalama Barabarani nchini, ambaye pia ni Katibu Mtendaji wa Baraza hilo, Kamanda Mohammed Mpinga. Uzinduzi huo umefanyika katika Ukumbi wa Mikutano wa Wizara, jijini Dar es Salaam. Picha zote na Wizara ya Mambo ya Ndani ya Nchi.
at

No comments :

Post a Comment

Subscribe to: Post Comments ( Atom )