HakiPensheni: Idadi ya vifo kwa watoto wachanga na wakina mama vyazidi kupungua Nchini.

Balozi wa Ujerumani Mhe. Egon Kochanke akiongea na waandishi wa habari na Wadau wa Mpango wa Tanzania na Ujerumani kusaidia Afya (TGPSH) hawapo pichani wakati wa ufunguzi wa maonesho ya picha yanayofanyika Makumbusho ya Taifa mpaka Juni 10 mwaka huu jijini Dar es salaam.

Mwakilishi wa Katibu Mkuu Wizara ya Afya , maendeleo ya Jamii , Jinsia na Watoto , Mkurugenzi wa Tiba Dkt. Margaret Mbando akiongea na waandishi wa habari na Wadau wa Mpango wa Tanzania na Ujerumani kusaidia Afya (TGPSH) hawapo pichani wakati wa ufunguzi wa maonesho ya picha yanayofanyika Makumbusho ya Taifa mpaka Juni 10 mwaka huu jijini Dar es salaam.

Balozi wa Ujerumani Mhe. Egon Kochanke kulia akikata utepe kuashilia kuanza rasmi kwa maonesho ya picha yanayofanyika Makumbusho ya Taifa mpaka Juni 10 mwaka huu jijini Dar es salaam na wa kwanza kushoto ni Mwakilishi wa Katibu Mkuu Wizara ya Afya , maendeleo ya Jamii , Jinsia na Watoto , Mkurugenzi wa Tiba Dkt. Margaret Mbando.

Mshauri wa ufundi kutoka Mpango wa Tanzania na Ujerumani kusaidia Afya (TGPSH) Dkt. Baltazar Ngoli wa kwanza kulia akitoa maelekezo ya picha kwa Balozi wa Ujerumani Mhe. Egon Kochanke wa pili kulia pamoja na Mwakilishi wa Katibu Mkuu Wizara ya Afya , maendeleo ya Jamii , Jinsia na Watoto , Mkurugenzi wa Tiba Dkt. Margaret Mbando wa tatu kulia wakati wa ufunguzi wa maonesho ya picha yanayofanyika Makumbusho ya Taifa jijini Dar es salaam.

Wadau mbalimbali wa Mpango wa Tanzania na Ujerumani kusaidia Afya (TGPSH) wakifuatilia kwa makini maelezo ya Mwakilishi wa Katibu Mkuu Wizara ya Afya , maendeleo ya Jamii , Jinsia na Watoto , Mkurugenzi wa Tiba Dkt. Margaret Mbando hayupo pichani wakati wa ufunguzi wa maonesho ya picha yanayofanyika Makumbusho ya Taifa mpaka Juni 10 mwaka huu jijini Dar es salaam.

Picha zote na Ally Daud-Maelezo

……………………………………………………………………………………………………………………..

Na Ally Daud- maelezo

Idadi ya vifo kwa watoto wachanga na wakina mama vinazidi kupungua kutoka siku hadi siku katika kufikia malengo ya milenia .

Akizungumza hayo katika hafla fupi ya kuzindua maonesho ya picha Mwakilishi wa Katibu Mkuu Wizara ya Afya , maendeleo ya Jamii , Jinsia na Watoto , Mkurugenzi wa Tiba Dkt. Margaret Mbando amesema kuwa Tanzania imepiga hatua katika kufikia malengo ya milenia kwa kupunguza Idadi ya vifo kwa watoto wachanga na wakina mama.

“Tumefanikiwa kupunguza Idadi ya vifo kwa watoto wachanga na wakina mama ili kufikia malengo ya milenia kwa upande wa afya kupitia mfumo wa kujiunga na bima ya afya kwa jamii” alisema Dkt. Mbando.

Mbali na hayo Dkt Mbando amesema kuwa amewakaribisha wananchi wote hususani wakazi wa Dar es salaam kuudhuria maonesho hayo yaliyofunguliwa leo yenye kauli mbiu ya “Huduma Bora kwa Afya Bora”yatayofikia kilele mpaka Juni 10 mwaka huu ili kupata ujumbe zaidi kupitia picha yanayofanyika Makumbusho ya Taifa jijini.

Aidha ameipongeza Serikali ya Ujerumani kupitia ubalozi wake kwa kushirikiana vizuri na Serikali ya Tanzania na kukubaliana kupata msaada wa Euro milioni 47 kwa muda wa miaka mitatu ijayo katika kuinua sekta ya Afya.

Kwa upande wa balozi wa Ujerumani Mhe. Egon Kochanke amesema kuwa mchango wa Serikali ya ujerumani kwa sekta ya afya Tanzania utaendelea kuwa sehemu ya mpango wa ushirikiano wa nchi mbili ili kuinua sekta hiyo nchini.

BUNGE LAENDELEA NA KIKAO CHAKE MJINI DODOMA LEO

Baadhi ya wabunge wa Bunge la Jamhuri ya Muungano wa Tanzania wakitoka nje ya ukumbi wa Bunge mara baada ya kumalizika kwa kipindi cha kwanza cha maswali na majibu na uchangiaji wa Makadirio ya Mapato na Matumizi ya Wizara Elimu, Sayansi na Mafunzo ya Ufundi leo mjini Dodoma.

Naibu Waziri Ofisi ya Waziri Mkuu,Kazi, Ajira na Vijana Mhe. Anthony Peter Mavunde ambaye akiwasalimia kwa furaha wanafunzi wa Chuo cha Ufundi Stadi (VETA) Dodoma leo kwenye viwanja vya Bunge.

Naibu Waziri Ofisi ya Waziri Mkuu,Kazi, Ajira na Vijana Mhe. Anthony Peter Mavunde akizungumza na wanafunzi wa Chuo cha Ufundi -VETA mkoa wa Dodoma nje ya ukumbi wa Bunge mjini Dodoma.

Mwanasheria Mkuu wa Serikali (AG) George Masaju (katikati) akizungumza na viongozi wa wanafunzi wa Chuo Kikuu cha Ushirika Moshi (MoCU) waliolitembelea Bunge mjini Dodoma.

akiwasisitiza jambo viongozi wa wanafunzi wa Chuo Kikuu cha Ushirika Moshi (MoCU) alipokutana nao nje ya ukumbi wa Bunge mjini Dodoma leo.

Waziri wa Elimu,Sayansi na Mafunzo ya Ufundi Prof. Joyce Ndalichako (kushoto) akimweleza jambo Rais wa Wanafunzi wa Chuo Kikuu cha Ushirika Moshi (MoCU) Bw. Frank Nkya (kulia) nje ya Ukumbi wa Bunge mjini Dodoma

Waziri wa Elimu,Sayansi na Mafunzo ya Ufundi Prof. Joyce Ndalichako (kulia)akijadiliana jambo na Waziri wa Nchi, Ofisi ya Rais Menejimenti ya Utumishi wa Umma Mhe. Angella Kairuki (kushoto) nje ya ukumbi wa Bunge mjini Dodoma.

Waziri wa Elimu,Sayansi na Mafunzo ya Ufundi Prof. Joyce Ndalichako akiwa katika picha ya pamoja na
wanafunzi wa Chuo cha Ufundi -VETA mkoa wa Dodoma nje ya ukumbi wa Bunge mjini Dodoma.PICHA/Aron Msigwa-MAELEZO.

Sheikh Mkuu wa mkoa wa Mwanza Alhaji Ferej awaongoza waaumini wa dini ya kiisilamu katika dua yakuwaombea waliowawa katika msikiti wa R Rahman Ibanda.

Mohamed Taqi Khan (20) raia wa Jamhuri ya Watu wa Iran akionyesha uwezo na kipaji chake cha kuhifadhi Quraan tukufu katika uwanja wa shule ya Msingi Mbugani katika Wilaya ya Nyamagana jijini Mwanza.Ana uwezo wa kutumia njia 52 kuelezea Quraan.Waliomshikia vinasa sauti (Microphone) kulia ni Sheikh Ramadhan Hashimu na kushoto ni Mohamed Naqi Taqi.

Mohamed Naqi Khan (20) akionyesha kipaji na uwezo wake wa kuelezea Quraan ambayo ameihifadhi kichwani akiwa na umri wa miaka 10, miaka saba baada ya wazazi wake kufariki dunia na antumia njia 52 kuelezea Quraan hiyo. Hapa akionyesha kipaji chake hicho kwenye uwanja wa Shule ya Msingi Mbugani Jijini Mwanza na kutokana na kipaji chake hicho amekuwa kivutio kwa maelfu ya waumini wa dini ya Kiislamu akiwa ameendesha vipindi zaidi 2000 katika nchi za Kiislamu katika miji mbalimbali.

KATIBU wa Bakwata wa Mkoa wa Mwanza Mohamed Salum Balla akizungumza baada ya dua maalumu ya kuwaombea waumini wa dini ya kiislamu waliouawa wakiswali katika msikiti wa R Rahman Ibanda Relini.Dua hiyo ilisomwa katika Uwanja wa shule ya Msingi Mbugani jijini Mwanza juzi na kuhudhuriwa na Sheikh Mkuu wa mkoa wa Mwanza, Alhaji Salum Ferej wa pili kulia kwa Balla wa pili ni Sheikh Hassan Kabeke ambaye ni Mwenyekiti mwenza wa Amani na wa pili kutoka kulia ni Mwenyekiti wa wa Bodi ya wadhamini ya TIC Dk. Mohamed Kanju .

Katibu wa Bakwata wa Mkoa wa Mwanza Mohamed Salum Balla akizungumza baada ya dua maalumu ya kuwaombea waumini wa dini ya kiislamu waliouawa wakiswali katika msikiti wa R Rahman Ibanda Relini.Dua hiyo ilisomwa katika Uwanja wa shule ya Msingi Mbugani jijini Mwanza juzi na kuhudhuriwa na Sheikh Mkuu wa mkoa wa Mwanza, Alhaji Salum Ferej wa pili kulia kwa Balla wa pili ni Sheikh Hassan Kabeke ambaye ni Mwenyekiti mwenza wa Amani na wa pili kutoka kulia ni Mwenyekiti wa wa Bodi ya wadhamini ya TIC Dk. Mohamed Kanju ,Alhaji Sibtain Meghjee ambaye ni Mwenyekiti wa Taasisi ya Bilal Muslim Mission of Tanzania, wa kwanza kulia.

Picha zote na Baltazar Mashaka

Serikali imejipanga kikamilifu kuhakikisha wananchi wanakuwa na miundombinu iliyobora-Profesa Mbarawa

Na Betrice Lyimo-MAELEZO

…………………………………

Serikali kwa kushirikiana na Kampuni ya Mabey Bridge ya nchini Uingereza wamejipanga kikamilifu kujenga barabara tatu za juu (Fly Overs) na barabara nne za watembea kwa lengo la kupunguza msongamano wa foleni jijini Dar es Salaam.

Hayo yamesemwa leo na Waziri wa Ujenzi, Uchukuzi na Mawasiliano Profesa Makame Mbarawa wakati wa mazungumzo hayo na kampuni ya Mabey Bridge ya Uingereza kwa ajili ya ujenzi wa barabara hizo nchini.

Profesa Mbarawa alisema kuwa barabara hizo zitajengwa hasa maeneo ambayo yana msongamano mkubwa wa magari ikiwa ni pamoja na eneo la barabara ya Mwenge.

“Serikali imejipanga kikamilifu kuhakikisha wananchi wanakuwa na miundombinu iliyobora hasa katika upande wa barabara za magari na barabara za waenda kwa miguu ili kuwarahisishia wananchi kuwahi kuwajibika katika maeneo yao ya kazi”.

Mbali na hayo, Waziri Mbarawa alifanya ziara ya kushtukiza katika Daraja la Nyerere lililopo maeneo ya Kigamboni kwa lengo la kutaka kujua maendeleo ya daraja hilo na kumtaka msimamizi wa daraja hilo kuandaa kadi maalumu au kitambulisho zitakazotumika kwa lengo la kupunguza msongamano wakati wa kulipia tozo.

vilevile Waziri aliwataka wananchi kuwa waangalifu na miundombinu ya daraja hilo na endapo kuna mtu atakaye bainika kuharibu atachukuliwa hatua kali za kisheria ikiwa ni pamoja na kulipa faini za gharama ya juu.

“kuanzia sasa kunatakiwa kuwepo na faini kali kwa mtu yeyote atakaye haribu miundombinu ya daraja hili kwa lengo la kulifanya daraja lidumi kwa muda mrefu” alisisitiza Waziri Mbarawa

Kwa upande wake Msimamizi Mkuu wa daraja la Nyerere, Gerald Sondo alisema wanakabiliwa na changamoto mbalimbali ikiwemo ya madereva wa daladala kushindwa kutumia daraja hilo na kudai kuwa tozo ni kubwa.

Vilevile Waziri huyo alifanya ziara katika eneo la ujenzi wa mtambo wa Mafuta kutoka kwenye meli kabla ya kuingia kwenye matanki (Flow Meter) kuona maendeleo ya ukarabati wa mtambo hio uliyoharibika hivi karibuni kutokana na mvua kubwa iliyoambatana na upepo mkali na kumtaka mkandarasi kuhakikisha eneo hilo linazungishiwa ukuta ili kuziba mitambo hiyo.

Klabu ya Mwalimu Nyerere yazinduliwa jijini Dar es Salaam

Mkurugenzi wa Utamaduni kutoka Wizara ya Habari,Utamaduni,Sanaa na Michezi Bi Liliani Beleko akiongea na wanafunzi wa shule ya Msingi ya Mwalimu Nyerere Magomeni wakati wa uzinduzi wa klabu ya Mwalimu Nyerere chini ya Taasisi ya Ariseamka Afrika leo jijini Dar es Salaam,kulia kwake ni Msaidizi Maalum wa Mkurugenzi wa Taasisi ya Mwalimu Nyerere Bw. Gallus Abedi na kulia ni Mwanzilishi wa Taasisi ya Ariseamka Afrika Bi.Kulthum Maabad.

Msaidizi Maalum wa Mkurugenzi wa Taasisi ya Mwalimu Nyerere Bw. Gallus Abedi akionyesha moja ya kitabu ambacho kiliandikikwa na Baba wa Taifa Mwalimu Nyerere wakati wa sherehe za uzinduzi wa klabu ya Mwalimu Nyerere chini ya Taasisi ya Ariseamka Afrika itakayokuwa ikiwafundisha wanafunzi historia ya viongozi mbalimbali wa Afrika,lugha,uongozi na sanaa,kulia ni Afisa Elimu Vifaa naTakwimu Manispaa ya Kinondoni Bi. Sion Nnko na kushoto ni Mkurugenzi wa Utamaduni kutoka Wizara ya Habari,Utamaduni,Sanaa na Michezi Bi Liliani Beleko

Mwanzilishi wa Taasisi ya Ariseamka Afrika Bi.Kulthum Maabad akionyesha kipeperushi chenye taarifa za wapigania uhuru wa Afrika katika sherehe za uzinduzi wa klabu ya Mwalimu Nyerere chini ya Taasisi ya Ariseamka Afrika itakayokuwa ikiwafundisha wanafunzi historia ya viongozi mbalimbali wa Afrika,lugha,uongozi na sanaa katika kilele cha kuazimisha wiki ya ukombozi wa Afrika leo jijini Dar es Salaam,kushoto kwake ni Mwalimu Mkuu wa Shule ya Msingi ya Mwalimu Nyerere Magomeni Bw.Odas Bambaza.

Afisa Elimu, Vifaa na Takwimu Manispaa ya Kinondoni Bi. Sion Nnko akiongea na wanafunzi wa shule ya Msingi Mwalimu Nyerere ya magomeni (hawapokatikapicha) wakati wa sherehe za uzinduzi wa klabu ya Mwalimu Nyerere chini ya Taasisi ya Ariseamka Afrika itakayokuwa ikiwafundisha wanafunzi historia ya viongozi mbalimbali wa Afrika,lugha,uongozi na sanaa ,katika kilele cha kuazimisha wiki ya ukombozi wa Afrika leo jijini Dar es Salaam ,wa kwanza kushoto ni Msaidizi Maalum wa Mkurugenzi wa Taasisi ya Mwalimu Nyerere Bw. Gallus Abedi na Mkurugenzi wa Utamaduni kutoka Wizara ya Habari,Utamaduni,Sanaa na Michezi Bi Liliani Beleko.

Msaidizi Maalum wa Mkurugenzi wa Taasisi ya Mwalimu Nyerere Bw. Gallus Abedi (kushoto) akikabidhi vitabu kwa Mwalimu Mkuu wa Shule ya Msingi ya Mwalimu Nyerere Magomeni Bw.Odas Bambaza,kwa ajili ya wanafunzi kujisomea na kuijua kiundani historia ya nchi katika sherehe za uzinduzi wa ya klabu Mwalimu Nyerere chini ya Taasisi ya Ariseamka Afrika itakayokuwa ikiwafundisha wanafunzi historia ya viongozi mbalimbali wa Afrika,lugha,uongozi na sanaa ,katika kilele cha kuazimisha wiki ya ukombozi wa Afrika leo jijini Dar es Salaam,katika ni Afisa Elimu, Vifaa na Takwimu Manispaa ya Kinondoni Bi. Sion Nnko

Mkurugenzi wa Utamaduni kutoka Wizara ya Habari,Utamaduni,Sanaa na Michezi Bi Liliani Beleko(wa tatu kutoka kushoto) akiwa katika picha ya pamoja na wageni waalikwa wakati wa sherehe za uzinduzi wa klabu ya Mwalimu Nyerere chini ya Taasisi ya Ariseamka Afrika itakayokuwa ikiwafundisha wanafunzi historia ya viongozi mbalimbali wa Afrika,lugha,uongozi na sanaa ,katika kilele cha kuazimisha wiki ya ukombozi wa Afrika leo jijini Dar es Salaam.

Mkurugenzi wa Utamaduni kutoka Wizara ya Habari,Utamaduni,Sanaa na Michezi Bi Liliani Beleko(katikati) ambaye alikuwa mgeni rasmi akiwa katika picha ya pamoja na wageni waalikwa wakati wa sherehe za uzinduzi wa klabu ya Mwalimu Nyerere chini ya Taasisi ya Ariseamka Afrika itakayokuwa ikiwafundisha wanafunzi historia ya viongozi mbalimbali wa Afrika,lugha,uongozi na sanaa ,katika kilele cha kuazimisha wiki ya ukombozi wa Afrika leo jijini Dar es Salaam.(Picha na Lorietha Laurence-WHUSM)

SERIKALI YANUNUA VIFAA VYA KUPIMA UBORA WA MAJENGO BILA KUYAHARIBU

Mtendaji Mkuu wa Wakala wa Majengo Tanzania (TBA) Bw. Elius Mwakalinga akitoa ufafanuzi kwa waandishi wa Habari kuhusu kutekelezwa kwa mpango wa Serikali wa kuhakikisha kuwa watumishi wa umma wanapata makazi bora ambapo wakala huo unajenga nyumba 10,000 ili kutimiza azma hiyo. Kulia ni Mkurugenzi wa Milki Bw. Baltazar Kimangano na kushoto ni Mkurugenzi wa Ushauri Bw. Edwin Nnunduma.

Mhandisi Ujenzi kitengo cha Upimaji na Ukaguzi Majengo toka Wakala wa Majengo Tanzania (TBA) wakwanza kulia Bi Khadija Salum akionesha kwa waandishi wa Habari sehemu ya vifaa vilivyonunuliwa na wakala huo kwa ajili ya kupima ubora wa majengo yaliyokwisha jengwa na yale yanayoendelea kujengwa ili kuhakikisha kuwa Serikali inakuwa na majengo yenye ubora kwa kuzingatia viwango vinavyotakiwa.

( Picha na Habari na Frank Mvungi ).

………………………………………………………………………………………………….

Frank Mvungi-Maelezo

Serikali kupitia wakala wa Majengo Tanzania (TBA) imenunua vifaa vya kupima Ubora wa Majengo bila kuyaharibu (Non destructive Testing equipments) .

Hayo yamesemwa Leo Jijini Dar es salaam na Mtendaji Mkuu waTBA Bw. Elius Mwakalinga wakati wa mkutano na vyombo vya Habari uliolenga kutoa taarifa ya utekelezaji wa miradi mbalimbali ya ujenzi inayotekelezwa na wakala huo.

Akifafanua Mwakalinga amesema kuwa wakala huo umenunua vifaa vya kisasa ili kuwezesha ukaguzi wa ubora wa Majengo ya Serikali ili kuwa na majengo yenye Ubora unaotakiwa.

“Lengo la kununua vifaa hivi ni kuhakikisha kuwa majengo yote ya Serikali yanakuwa na ubora kwa kuwa tutayapima yaliyopo na yale yanayojengwa ili tuweze kuchukua hatua pale inapodi” alisisitiza Mwakalinga.

Akieleza umuhimu wa vifaa hivyo Mwakalinga amesema kuwa hakutakuwa na wasiwasi tena kuhusu uwezekano wa wakandarasi kudanganya wakati wa ujenzi.

Aidha vifaa hivyo vitawezesha Wakala kufanya ukaguzi wa mara kwa mara katika majengo ya Serikali ili kubaini hali ya ubora wa majengo hayo ambapo gharama ndogo za ada ya ushauri zitatozwa kwa Taasisi husika.

Vifaa hivi ni kama Rebund hammer inayotumika kupima uimara wa zege iliyokauka, cover meter kwa ajili ya kupima ukubwa wa nondo na umbali uliowekwa.

Akitaja vifaa vingine Mwakalinga amesema kuwa ni “Utrasonic system/testing device” kwa ajili ya kupima muonekano wa ndani ya zege iliyokauka.

Mbali ya jukumu la kuhakiki ubora wa majengo ya Serikali, Wakala umeendelea na mpango wa ujenzi wa nyumba zinazouzwa kwa gharama nafuu kwa watumishi wa umma ambapo mpango wa wakala huo ni kujenga nyumba elfu kumi katika maeneo mbalimbali hapa nchini.

Waziri Profesa Makame Atembelea daraja la Nyerere na Kituo cha kupimia mafuta yaingiayo nchini kuona Maendeleo

Waziri wa Ujenzi, Uchukuzi na Mawasiliano Profesa Makame Mbarawa akiongea na wawakilishi wa kampuni ya Mabey Bridge kutoka Marekani(hawapo pichani) na wadau wengine wa Ujenzi leo kuhusu mpango wa kujenga fly overs takribani tatu katika jiji la Dar es salaamu kwa lengo la kupunguza msongamano wa magari katika jiji.

Katibu mkuu Wizara ya Ujenzi, Uchukuzi na Mawasiliano (Sekta ya Ujenzi) Eng. Joseph Nyamhanga akifafanua jambo kuhusu mpango wa ujenzi wa kujenga fly overs katika jiji la Dar es salaamu kwa lengo la kupunguza msongamano wa magari katika jiji hilo kushoto ni muakilishi kutoka Kampuni ya Kimarekani ya Mabey Bridge Bw. Darren Keep na kulia ni Waziri wa Ujenzi, Uchukuzi na Mawasiliano Profesa Makame Mbarawa.

Msimamizi Mkuu wa Daraja la Nyerere Bw. Gerald Sondo akieleza jambo kwa Waziri wa Ujenzi, Uchukuzi na Mawasiliano Profesa Makame Mbarawa kuhusu maendeleo ya Daraja pamoja na changamoto wanazozikabili, katika Ziara ya kushtukiza iliyofanya na Waziri huyo leo jijini Dar es salaamu.

Waziri wa Ujenzi, Uchukuzi na Mawasiliano Profesa Makame Mbarawa akipata maelezo kutoka kwa Fundi mitambo Bw. Simon Dotto kuhusu maendeleo ya ukarabati wa mtambo wa kupima mafuta kutoka kwenye meli kabla ya kuingia kwenye matanki ambao uliharibika hivi karibu kutokana na mvua iliyoambatana na upepo mkali.

Waziri wa Ujenzi, Uchukuzi na Mawasiliano Profesa Makame Mbarawa akipata maelezo kutoka kwa mmoja wa wahudumu wa kivuko cha Mv Magogoni kuhusu utaratibu wa ukatishaji tiketi katika kivuko hicho leo jijini Dar es Salaam.

Waziri wa Ujenzi, Uchukuzi na Mawasiliano Profesa Makame Mbarawa akipata maelezo na changamoto mbalimbali kutoka kwa abiria wanaotumia kivuko cha Mv Magogoni leo jijini Dar es Salaam.

(Picha zote na Beatrice Lyimo)

ANUSURIKA KIFO BAADA YA KUJIRUSHA KUTOKA KWENYE MNARA WA SIMU JIJINI MWANZA.

Kijana Mmoja (picha) Jijini Mwanza amenusurika kifo baada ya
kujirusha kutoka katikati ya mnara wa simu.
Na BMG

Tukio hilo limetokea hii leo na kuvuta watu wengi waliofika kumshuhudia kijana huo ambae amepanda katika mnara huo tangu majira ya asubuhi na kukatalia mnarani hadi majira ya saa sita mchana.

Mashuhuda wa tukio hilo ambao pia ni marafiki wa karibu na kijana huyo, wamesema huenda kijana huyo amefikia maamuzi hayo kutokana na ugumu wa maisha ambao amekuwa akiulalamikia huku wengine wakisema ni kutokana na kuathiriwa na matumizi ya dawa za kulevya ikiwemo gundi ambayo amekuwa akiyatumia.

Akizungumza kwa niaba ya Kamanda wa jeshi la uokoaji na zima moto mkoani Mwanza, mmoja wa maafisa wa uokoaji Mussa Kaboni, amsetoa rai kwa makampuni yenye minara ya simu kuimarisha ulinzi katika minara hiyo ili kuondoa hatari inayoweza kujitokeza kutoka kwa raia wasio wema.

Baadhi ya mashuhuda wa tukio hilo walionekana kuchukizwa na kitendo cha kijana huyo na kusikika wakifoka kwa hasira na makelele ya hali ya juu “rukaa, ruka sasa, jirushe kama wewe ni mwanaume” hali ambayo ilikuwa ikimuongezea morari kijana huyo na hivyo kujirusha kweli kutoka katikati ya mnara huo.

Baada ya kijana huyo kujirusha kutoka katikati ya mnara hadi chini, alipoteza fahamu na kukimbizwa katika hospitali ya rufaa ya mkoa wa Mwanza, Sekour Toure kwa ajili ya huduma ya kwanza.

CHUMBA CHA DEREVA TAX CHAZUA KIZAA ZAA MTAA WA MBEZI MTONI GOLD STAR, DAR

Wananchi na mwenye nyumba wakifungua mlango

Chupa zinazodaiwa kuwa na mikojo zikiwa zimetapakaa ndani ya chumba hicho.

Huyu Ndiye Dereva wa Tax Nyati anayedaiwa kumiliki chumba hicho.

………………………………………………………………………………………………………..

Na Ripota wa Sufianimafoto Blog,Dar

UKIHADITHIWA na kuonyeshwa chumba cha Dereva Tax anayeonekana kitaani na katika kazi zake akiwa amepiga pamba wala hutaamini masikio yako wala macho yako pindi utakapopata bahati ya kufika na kushuhudia chumba hicho kilichopo maeneo ya Gold Star Mtaa wa Mbezi Mtoni Bondeni jijini Dar es Salaam.

Mtandao huu ulipata fursa ya kufika na kushuhudia yale yaliyokuwa yakisemwa na baadhi ya wakazi wa mtaa huo jana majira ya saa tano usiku baada ya kutokea mtafaruku na sintofahamu katika nyumba hiyo ya Mama Mwakajinga, anayoishi Dereva huyo aliyejulikana kwa jina la Steven al-maarufu kama ‘NYATI’.

Akizungumza na mtandao huu wa Sufianimafoto, Mama mwenye nyumba kuhusu tukio hilo, alisema kuwa siku ya Mei 23, akiwa ameketi uwanji karibu kabisa na Chumba cha Jamaa huyo huku akichambua mboga, alihisi harufu kali na mbaya iliyokuwa ikivuma kutoka chumbani kwa Dereva huyo aliyepanga katika nyumba yake tangu mwaka 2008 na kuona wadudu aina ya funza wakitoka chumba hicho kupitia chini ya mlango.

Kesho yake Mei 24 Baada ya kuona wadudu hao huku harufu ikizidi kuwa kali, alimuita jirani yake na kumshirikisha jambo hilo huku wote wakishikwa na butwaa na kuwa na mashaka na chumba hicho.

Mei 25 Mama mwenye nyumba aliamua kwenda kwa Mjumbe wa eneo hilo Badili Makoye, kutoa taarifa juu ya wasiwasi uliotanda katika nyumba hiyo na kuongozana na Viongozi wengine, Mwenyekiti wa Serikali ya Mtaa huo, Frank Kyaruzi, Wajumbe wengine Abdalla Mlaliya na Matrida Paston, waliofika na kujionea hali halisi ya chumba hicho.

Baada ya viongozi hao kufika eneola tukio walimuamuru Mama mwenye nyumba kwenda kutoa taarifa kituo cha Polisi. Mama huyo alitekeleza agizo na kwenda kuripoti Kituo cha Mbezi Garden na kuongozana na Mkuu wa Kituo hicho na baadhi ya askari hadi nyumbani na kukuta hali hiyo ya sintofahamu.

Walipofika eneo la tukio na kushuhudia hali hiyo, Mkuu wa Kituo aliamuru mlango huo uvunjwe huku wanachi na Viongozi wa Mtaa huo wakishuhudia na kuingia ndani ambako walikuta Chumba kizima kikiwa kimejaa Chupa za Plastiki zilizojaa mikojo, Mifuko ya Rambo ikiwa na Vinyesi, Feni moja iliyochomekwa kwenye Soketi ya Umeme ukutani, Pakiti nyingi tupu za Sigara aina ya Embassy na Kondomu zilizotumika na zisizotumika.

Baada ya zoezi hilo, Mwenyenyumba alimpigia simu mpangaji wake na kumtaka kurejea nyumbani, lakini Dereva huyo alijibu kuwa kwa muda huo alikuwa mbali maeneo ya Kunduchi na kuahidi kuwagongea usiku pindi atakaporejea.

Hadi Mtandao huu unaondoka eneo la tukio majira ya saa tano usiku bado wakazi wa maeneo hayo walikuwa wamejazana nje ya Chumba hicho wakiendelea kumsubiri arudi ili kupata ukweli kuhusu mambo waliyoyaona katika chumba chake.

Aidha Mama mwenye nyumba aliuambia mtandao huu kuwa mpangaji wake huyo, tangu alipohamia katika nyumba hiyo mwaka 2008, hakuwahi kumuona akiingia na mwanamke katika chumba hicho, wala kumuona mgeni wa aina yeyote kwa Dereva huyo,jambo lililomshangaza kukuta Kondom zilizotumika katika chumba hicho. Ama kweli ukistaajabu ya Mussa utayaona ya Filauun.

Hadi leo hii Mei 27, mtandao huu umeshindwa kumpata dereva huyo baada ya kutompata hewani simu yake ikiwa imezimwa tangu kutokea kwa tukio hilo.

Leo hii Mei 27, Mama mwenye nyumba ameripoti kuwa mpangaji wake huyo,hajatokea nyumbani hapo tangu kutokea kwa tukio hilo ambapo leo, amechukua uamuzi wakuwalipa vijana wa mtaa huo ili wasafishe chumba hicho.

Tayari tumewalipa pesa vijana kiasi cha sh.200,000/= ili wafanya usafi na wameshamaliza na kwenda kufukia bonde la mto Mbezi.

WAZIRI MKUU AKAGUA UTENDAJI KAZI MABASI YA DART

Waziri Mkuu wa Jamhuri ya Muungano wa Tanzania Mh. Kassim Majaliwa akiwaangalia Mkurugenzi wa DART Bw. David Mgwasa na Mzee David Mwaibula walippkuwa wakisalimiana akiwa njiani kutoka Feri kwenda Kimara katika usafiri wa mabasi ya Mwendokasi leo.

…………………………………………………………………………………………………………………

*Ataka watu walipe tiketi rasmi, wafuate taratibu

WAZIRI MKUU Kassim Majaliwa amekagua utendaji kazi kwenye mabasi ya mwendokasi yanayotoa huduma katika Jiji la Dar es Salaam na kubaini changamoto kadhaa ambazo amesema zitarekebishwa kadri mradi unavyoendelea.

Waziri Mkuu ambaye alilipa nauli na kupanda basi namba 23 lenye usajili namba T125 DGW kuanzia kituo cha Ferry, Kivukoni, ametumia muda wa dakika 50 kufika Kimara mwisho kwa kutumia usafiri huo.

Waziri Mkuu alipanda basi hilo saa 3:30 asubuhi na lilianza safari saa 3:33 baada ya kusubiri wengine wapande. Kwa wastani ililtumia kati ya dakika mbili hadi tatu kutoka kituo kimoja hadi kingine. Basi hilo liliwasili Kimara Mwisho saa 4:23 asubuhi.

Akizungumza na waandishi wa habari akiwa Kimara mwisho mara baada ya kumaliza ziara hiyo fupi ya ukaguzi leo (Ijumaa, Mei 27, 2016), Waziri Mkuu alisema aliamua kufanya ziara hiyo ya ghafla ili kuangalia matumizi ya njia za mabasi yakoje na pia kuona abiria wanaelewa vizuri namna ya kuitumia huduma hiyo.

Amesema ameridhishwa na mradi unavyofanya kazi ila ameelezwa kuna usumbufu kwenye mageti wakati abiria wanapotaka kuthibitisha tiketi zao hasa wakati wa asubuhi kunapokuwa na msongamano wa abiria. Pia alielezwa kwamba kuna baadhi ya abiria wanakuja na tiketi za jana yake jambo ambalo linaleta usumbufu kwa sababu hazitambuliki kwenye mfumo wao.

Continue reading →

Kibiti kufanya kongamano la kuipokea Wilaya mpya kwa kushiriki shughuli mbalimbali za Maendeleo.

Na Daudi Manongi-MAELEZO

Viongozi wa umoja na wadau wa maendeleo wilaya mpya ya kibiti (UWAWAMAKI) mkoani Pwani umepanga kufanya kongamano la kuunga mkono tamko la Serikali ya awamu ya Tano ya Mhe.John Pombe Magufuli kwa kuifanya Kibiti kuwa Miongoni mwa Wilaya mpya siku ya jumapili tarehe 29 saa nne asubuhi kwenye ukumbi wa Shule ya Sekondari TEDEO Temeke jijini Dar es Salaam.

Akiongea na waandishi wa Habari leo jijini Dar es Salaam Katibu wa umoja huo Bw.Selemani Ndumbogani amesema kuwa wanakibiti wamefarijika sana na kauli ya Serikali ya Kuipatia Kibiti wilaya jambo ambalo lilikuwa kilio cha muda mrefu ikiwa ni takribani zaidi ya miaka arobaini tangu uhuru na kuongezea kuwa walikuwa mbali sana na huduma muhimu za Serikali.

Pia umoja huo umeomba wana jimbo la kibiti hususani Rufiji kujitokeza kwa wingi kwenye kongamano hilo ili liwe lenye mafanikio makubwa.

Miongoni mwa mambo yaliyoandaliwa kufanywa ni pamoja na usafishaji wa mitaa,soko, maeneo ya standi ,eneo litakalojengwa wilaya,na kuendesha dua kwa madhehebu mbalimbali ya dini ili kuiombea kheri wilaya ya kibiti,Pia kuiombea nchi na Rais wetu wa Serikali ya Jamhuri ya muungano wa Tanzania Mhe.John Pombe Magufuli na Mhe.Kassim Majaliwa kuishi kwa amani na usalama katika kusimamia shughuli za Taifa.

Mwaka huu mwezi Februari Rais wa awamu ya tano Dr.John Pombe magufuli alitangaza kuipandisha adhi wilaya hiyo mpya ya kibiti ambapo kwa mujibu wa katiba ya jamhuri ya muungano wa Tanzania ya mwaka 1977 imempa mamlaka rais ya kugawa nchi kwa kadri ambavyo atakavyoona inafaa.

RAIS DKT. JOHN MAGUFULI AKUTANA NA KUFANYA MAZUNGUMZO NA RAIS MSTAAFU WA AWAMU YA NNE DKT. JAKAYA MRISHO KIKWETE

Rais wa Jamhuri ya Muungano wa Tanzania Dkt. John Pombe Magufuli akizungumza na Rais Mstaafu wa awamu ya nne Dkt. Jakaya Kikwete Ikulu jijini Dar es Salaam.

Rais wa Jamhuri ya Muungano wa Tanzania Dkt. John Pombe Magufuli akifurahia jambo wakati akizungumza na Rais Mstaafu wa awamu ya nne Dkt. Jakaya Kikwete Ikulu jijini Dar es Salaam.

Rais wa Jamhuri ya Muungano wa Tanzania Dkt. John Pombe Magufuli akiwa pamoja na Rais Mstaafu wa awamu ya nne Dkt. Jakaya Kikwete wakifurahia jambo mara baada ya kumaliza mazungumzo yao Ikulu jijini Dar es Salaam.

NECTA SASA KUFUNGA MITIHANI KWA KUTUMIA MASHINE.

Na Fatma Salum-MAELEZO, Dodoma.

Baraza la Mitihani la Tanzania (NECTA) limejipanga kuanza kufunga bahasha zenye karatasi za mitihani kwa kutumia mashine maalum ili kuondokana na hatari ya kuvuja kwa mitihani hiyo na gharama za ufungaji wa mitihani kwa kutumia mikono.

Hayo yamebainishwa na Waziri wa Elimu, Sayansi, Teknolojia na Ufundi, Prof. Joyce Ndalichako wakati akiwasilisha makadirio ya mapato na matumizi ya Wizara yake kwa mwaka 2016/2017, jana Bungeni Mjini Dodoma.

Prof. Ndalichako alisema kuwa katika kuimarisha utendaji kazi wake NECTA itanunua mashine mbili za kufunga mitihani (Auto Poly Wrapping and Packing Machine) ili kuimarisha usalama wa mitihani kwa kupunguza watu wanaoshiriki kwenye maandalizi ya mitihani hiyo.

“Katika mwaka 2016/2017 Baraza litasimika mashine mbili za kufunga bahasha za mitihani hivyo kuondoa hatari zinazoweza kujitokeza kwa kuwa idadi ya watu wanaofanya kazi hiyo itapungua.” alisema Prof. Ndalichako.

Aidha, Prof. Ndalichako aliongeza kuwa Baraza litaboresha mfumo wake wa ukusanyaji na uchakati takwimu na kuweka Mfumo wa Kielektroniki wa kumtambua mwanafunzi kwa namba maalum tangu anapoandikishwa shuleni hadi atakapomaliza mzunguko wa masomo yake.

Alisema kuwa mfumo huo wa utambuzi utaunganishwa nchi nzima ili kuwezesha kufuatilia maendeleo ya mwanafunzi kwenye shule yoyote atakayoenda kusoma ndani ya nchi kwa kuwa namba hiyo atakayopewa na Baraza ataitumia hata kwenye shule nyingine atakazohamia.

“Wizara itaweka Mfumo wa Kielektroniki wa ukusanyaji taarifa za wanafunzi chini ya Baraza la Mitihani ili kurahisisha upatikanaji wa taarifa hizo wakati wa mitihani na utaratibu huu utapunguza matumizi makubwa ya fedha kupitia mfumo wa TSM9.” alisema Prof. Ndalichako.

Pia alieleza kuwa katika kufanikisha Mpango wa Matokeo Makubwa Sasa (BRN), mwaka wa fedha uliopita Mamlaka ya Elimu Tanzania imechapisha vitabu 558,720 vya jinsi ya kujibu mitihani ya Kidato cha Pili na Kidato cha Nne ili kuwawezesha wanafunzi watahiniwa kujibu maswali vizuri katika mitihani yao hatimaye kuongeza ufaulu.

RC aitaka NHIF kuwa wabunifu ili kuongeza wanachama

Na Jacquiline Mrisho – MAELEZO

Mkuu wa Mkoa wa Kilimanjaro Saidi Meck Sadik ametoa rai kwa watumishi wa Mfuko wa Taifa wa Bima ya Afya (NHIF) kubuni mbinu mpya za kuwahudumia wanachama wao ili kuhamasisha watanzania wengi kujiunga na mfuko huo.

Rai hiyo imetolewa na Mkuu wa Wilaya wa Siha Dkt. Charles Mlingwa kwa niaba ya Mkuu wa Mkoa alipokuwa akifungua mkutano wa Baraza la Wafanyakazi wa mfuko huo uliofanyika Mkoani humo.

Mhe. Meck Sadik amesema kuwa Baraza la wafanyakazi ndiyo chombo sahihi cha uwakilishi wa sauti za watumishi katika kupanga malengo ya Taasisi pia ni chombo cha kutatua migogoro ya kikazi na hivyo kumaliza mapema tofauti zinazojitokeza katika sehemu za kazi kabla hazijaathiri utendaji.

“Kutokana na umuhimu wa huduma zenu kwa umma, Baraza la Wafanyakazi la Mfuko wenu linatakiwa lichukue sura mpya na kuwa ni mahali pa ubunifu na kisima cha kuibua mbinu mpya za kuwahudumia vizuri wanachama wenu na kujua namna gani mtaendelea kuwavutia Watanzania wengi zaidi kujiunga na Mfuko”,alisema Meck Sadik.

Mhe. Meck Sadik ameongeza kuwa anawapongeza kwa ubunifu wao wa kubuni mipango mbalimbali ya uchangiaji inayolenga kuwafikia watanzania wa makundi mbalimbali kulingana na hali zao za vipato na uwezo wao wa kuchangia.

“Hali halisi ya uchumi wa watanzania mnaifahamu, siyo watu wengi wenye uwezo wa kugharamia matibabu kwa fedha taslimu hivyo, huduma za matibabu kupitia Mfuko huu ni ukombozi mkubwa kwa kundi kubwa la watanzania”, alisema Meck Sadik.

Aidha, Mhe. Meck Sadik amewakumbusha wajumbe wa Baraza hilo kuwa wao ni kiungo muhimu kati ya wafanyakazi na uongozi wa Mfuko kwa hiyo, wana wajibu wa kuyaelewa malengo ya Taisisi yao kiutendaji na kuyawasilisha kwa wafanyazi wenzao wakiwa kama wamiliki wa kile walichokubaliana na uongozi kuwa ndiyo dira na mwelekeo wa taasisi.

Kwa upande wake, Kaimu Mkurugenzi Mkuu wa NHIF, Bernald Konga amesema kuwa mfuko huo utaendelea kushirikiana na Serikali, kupitia Wizara ya Afya, Maendeleo ya Jamii, Jinsia, Wazee na Watoto ili kupunguza au kumaliza kabisa tatizo la upungufu wa dawa nchini.

“Tunajua kuwa upungufu wa dawa katika vituo vya matibabu umekuwa ni mojawapo ya kero kubwa katika sekta ya afya. Ili kuondokana na kero hiyo, Mfuko umeanza kuchukua hatua mbalimbali za kukabiliana na upungufu huo kwa kuanzisha mpango maalumu wa kutoa mikopo ya dawa kwa watoa huduma waliosajiliwa ili kuhakikisha kuwa wanachama wetu na watanzania kwa ujumla wanapata dawa kila wanapokwenda kupata huduma za matibabu”,alisema Konga.

Chimbuko la Mabaraza ya Wafanyakazi linatokana na Agizo la Rais Na. 1 la mwaka 1970 lililoagiza kuwa mahali popote penye wafanyakazi wa kudumu kumi na kuendelea panatakiwa pawe na chombo cha kuwawakilisha.

WAZIRI MKUU MH. KASSIM MAJALIWA AKAGUA MRADI WA MABASI YA MWENDOKASI DART LEO

Waziri Mkuu wa Jamhuri ya Muungano wa Tanzania Mh. Kassim Majaliwa akizungumza na mwanafunzi Amina Abdallah wa darasa la sita katika shule ya msingi ya Ukombozi jijini Dar es salaam ambaye amepanda basi la Mwendo Kasi Ajentina na kushuka Manzese, Waziri Mkuu Majaliwa ametumia usafiri wa DART leo kutoka Feri kwenda Kimara Mwisho wakati alipokagua miundombinu ya usafiri huo ili kujionea mafanikio na changamoto mbalimbali zinazojitokeza mara baada ya mradi huo kuanza mwezi mmoja sasa ili ziweze kurekebishwa na kuuboresha zaidi.

Usafiri DART umekuwa mkombozi kwa wasafiri wengi wa jiji la Dar es salaam wakati wanapotoka majumbani mwao na kuelekea kazini na kurejea majumbani mwao,Katikati ni Bw. David Mwaibula aliyekuwa Mwenyekiti Mamlaka ya Usafiri wa Daladala Dar es salaam (DRTLA) zamani aliyeambatana na Waziri Mkuu kukagua mradi huo leo.(PICHA NA JOHN BUKUKU-FULLSHANGWE-DAR ES SALAAM)

Waziri Mkuu wa Jamhuri ya Muungano wa Tanzania Mh. Kassim Majaliwa akifurahia jambo wakati Mkurugenzi wa DART Bw. David Mgwasa akisamimiana na Bw. David Mwaibula aliyekuwa Mwenyekiti Mamlaka ya Usafiri wa Daladala Dar es salaam (DRTLA) zamani aliyeambatana na Waziri Mkuu kukagua mradi huo leo.

Baadhi ya abiria wakisafiri pamoja na Waziri Mkuu Mh. Kassim Majaliwa kwenye basi la DART.

Moja ya Basi likiwa katika ruti yake kutoka Kimara kuelekea Posta.

Waziri Mkuu wa Jamhuri ya Muungano wa Tanzania Mh. Kassim Majaliwa akikagua kituo cha Kimara Mwisho mara baada ya kuwasili kituoni hapo

Moja ya basi la Mwendo kasi likipakia abiria katika kituo cha Kimara Mwisho leo.

Waziri Mkuu wa Jamhuri ya Muungano wa Tanzania Mh. Kassim Majaliwa akizungumza na mwanafunziambaye jina lake halikufahamika mara moja wakati alipofika kwenye kituo cha mabasi ya Mwendo kasi Kimara Mwisho leo.

Waziri Mkuu wa Jamhuri ya Muungano wa Tanzania Mh. Kassim Majaliwa akiuliza swali kwa mmoja wa wafanyakazi wanaokatisha tiketi katika vituo hivyo wakati alipokagua miundombinu ya DART leo.

Waziri Mkuu wa Jamhuri ya Muungano wa Tanzania Mh. Kassim Majaliwa akiangalia utendaji kazi unavyoendelea ikiwa ni pamoja na kubaini changamoto zinazojitokeza.

Waziri Mkuu wa Jamhuri ya Muungano wa Tanzania Mh. Kassim Majaliwa akikaua kituo cha Kimara Mwisho.

Waziri Mkuu wa Jamhuri ya Muungano wa Tanzania Mh. Kassim Majaliwa akifurahia jambo na Mkurugenzi wa DART Bw. David Mgwasa katikati ni Mzee David Mwaibula.

Waziri Mkuu wa Jamhuri ya Muungano wa Tanzania Mh. Kassim Majaliwa akizungumza na waandishi wa habari mara baada ya kukagua miundombinu hiyo leo kulia ni Mzee David Mwaibula na katikati ni Kamanda wa Kikosi cha Usalama Barabarani Kamanda Mohamed Mpinga.

MATUKIO KATIKA PICHA BUNGENI, DODOMA.

Waziri wa Habari, Utamaduni, Sanaa na Michezo, Mhe. Nape Nnauye ambaye pia ni Mbunge wa CCM Jimbo la Mtama akiwasili katika viwanja vya Bunge mjini Dodoma kuhudhuria vikao vya Bunge hilo leo 27 Mei, 2016.

Mbunge wa CHADEMA Jimbo la Mlimba, Mhe. Susan Kiwanga akiwasili katika viwanja vya Bunge mjini Dodoma kuhudhuria vikao vya Bunge hilo leo 27 Mei, 2016.

Mbunge wa Viti Maalum CCM, Mhe. Martha Mlata (kushoto) akiwa ameongozana na Mbunge mwenzie wakiingia ndani ya Bunge mjini Dodoma kuhudhuria vikao vya Bunge hilo leo 27 Mei, 2016.

Mbunge wa Mbozi Vwawa (CCM) Mhe. Josephat Hasunga kushoto) akiwa ameongozana na Mbunge mwenzie wakiingia ndani ya Bunge mjini Dodoma kuhudhuria vikao vya Bunge hilo leo 27 Mei, 2016.

Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Mhe. Angellah Kairuki (Mb) (kushoto) akiwa ameongozana na Naibu Waziri, Wizara ya Mambo ya Ndani ya Nchi, Mhe. Hamad Masauni wakiwasili katika viwanja vya Bunge mjini Dodoma kuhudhuria vikao vya Bunge hilo leo 27 Mei, 2016.

Waziri wa Fedha na Mipango, Mhe. Dkt. Philip Mpango (kushoto) akiwa ameongozana na Mbunge mwenzie wakiwasili katika viwanja vya Bunge mjini Dodoma kuhudhuria vikao vya Bunge hilo leo

PICHA ZOTE NA BENEDICT LIWENGA, MAELEZO-DODOMA.

Mshindi wa bahati nasibu ya Taifa kupatikana kesho

by SOLO on May 27, 2016 in BIASHARA with No comments

Mbunge wa zamani jimbo la Nanyumbu Dastan Mkapa (kulia) akipewa maelezo namna mshindi wa bahati nasibu ya Taifa atakavyopatikana mara baada ya kukata tiketi ya mchezo huo katika viwanja vya Nyerere Square mjini Dodoma jana baada ya kuzinduliwa rasmi ukataji tiketi za mchezo.

Mkurugenzi wa Bodi ya michezo ya bahati nasibu ya Taifa ,Abbas Tarimba akiwaelekeza wananchi jinsi mashine za mchezo huo zinavyofanya kazi.

Mwenyekiti wa kampuni ya Gidani akitoa maelezo ya mchezo huo kwa baadhi ya wakazi wa mji wa Dodoma.

Wakala wa ukataji tiketi za mchezo wa bahati nasibu ya Taifa mjini Dodoma Jamila Baduwel akitoa huduma hiyo kwa mmoja wa wananchi aliyetaka kununua tiketi za kushiriki.

…………………………………………………………………………………………………

Na Mwandishi wetu

Baada ya kampuni ya Murhandizwa kutoka nchini Afrika ya Kusini ambayo ilipewa leseni ya kuendesha mchezo wa bahati nasibu ya taifa kuanza kuuza tiketi za mchezo huo wiki iliyopita ,leo (Jumamosi) ndio mchezo wa kwanza utafanyika na mshindi wa kitita cha shilingi milioni 100 atatangazwa.

Mwenyekiti wa kampuni ya Gidani International ambayo ni kampuni mama ya kampuni ya Murhandizwa,Prof .Bhongani Khumalo alisema kuwa michezo yote itaendeshwa kwa utaalamu kwa kutumia teknolojia ya kisasa na kwa uwazi vilevile kuanza kwa mchezo huo hapa nchini ni mwendelezo wa michezo mingine mingi ya bahati nasibu itakayokuja baadaye.

“Kampuni yetu inao uzoefu wa muda mrefu kuendesha michezo ya Bahati Nasibu na tutahahakikisha watanzania wananufaika na mchezo huu pia tutachangia pato la taifa kwa njia ya kodi kupitia mchezo huu.Aliongeza kuwa uchezeshaji wa mchezo utakuwa wa wazi kupitia vyombo vya habari na mshindi atakuwa anatangazwa na kupatiwa fedha zake mara moja bila kuwepo urasimu wa aina yoyote.

Kwa upande wake Mkurugenzi Mkuu wa Bodi ya Michezo ya Kubatisha ya Taifa,Abbas Tarimba aliwataka watanzania kuchangamkia fursa hii kwa kununua tiketi za kushiriki katika mchezo kutoka kwa mawakala waliosambaa nchini kote ili waweze kujishindia zawadi ya mamilioni ya fedha na kubadilisha maisha yao.

Tarimba aliwataka wananchi wasiwe na hofu ya kushiriki kwenye mchezo kwa kuwa unafanyika kwa kufuata kanuni na taratibu zilizowekwa na serikali “Wananchi wasiwe na wasiwasi kushiriki kwenye mchezo huu kwa kuwa fedha zao na kanuni za uendeshaji wa mchezo vinasimamiwa na serikali.

Alisema ujio wa mchezo huu nchini mbali na kuwanufaisha washindi binafsi utachangia kupanue wigo wa ajira kwa Watanzania wengi watakaosimamia zoezi la ukatishaji tiketi katika vituo zaidi 20,000 vitakavyofunguliwa Nchi nzima.

Tiketi za mchezo huu zimeanza kuuzwa nchi nzima na wakati wa uzinduzi wa huduma za kampuni mkoani Dodoma wananchi wengi walijitokeza kununua tiketi za kushiriki na walishauri mtandao wa kuuza tiketi ufanyike kupitia hata kwenye simu za mkononi ili kuwawezesha wananchi wengi kushiriki kununua tiketi ambayo kila moja inauzwa shilingi 500/-

EAC TABLES USD 100 M BUDGET TO EALA

Hon Dr Susan Kolimba, Deputy Minister, Foreign Affairs and East African
Co-operation, Dr Susan Kolimba holds the Budget Speech. She is flanked by the EAC Secretary General, Hon Amb Liberat Mfumukeko

The deputy Minister of Foreign Affairs and East African Co-operation, Hon
Dr Susan Kolimba presents the Budget Speech to the House. At back is the
EALA Speaker, Rt. Hon Daniel Fred Kidega.

The EAC today presented Budget estimates for the Financial Year 2016/2017 totaling
$101,374,589 to the East African Legislative Assembly sitting in Arusha.
Deputy Minister for Foreign Affairs and East African Co-operation, Hon
Dr Susan Kolimba presented the Budget speech to an attentive House on
behalf of the substantive Minister and Chair of the EAC Council of
Ministers, Hon Dr. Augustine Mahiga.

The 2016/2017 Budget is a
drop down from $110,660,098 Million presented to the House in the
previous Financial Year. The Budget prioritizes the full implementation
of the EAC Single Customs Territory, enhanced implementation of the EAC
Common Market Protocol especially additional commitments and
interconnectivity of border immigration systems and procedures across
Partner States and enhancement of productivity and value addition in key
productive sectors.

MATUKIO MBALIMBALI YA PSPF-INTER COLLEGE BONANZA

Picha mbalimbali zikionyesha matukio mbalimbali yaliyojiri katika tukio la PSPF INTER -COLLEGE BONANZA lililofanyika katika viwanja vya chuo cha uhasibu jijini Arusha mwishoni mwa wikii liyopita ambalo lilikuwa na lengo la kutoa elimu kwa wanachuo mbalimbali kuhusu mfuko wa hifadhi ya jamii wa PSPF.

(picha na mahmoud ahmad,Arusha.

MULTICHOICE TANZANIA YAADHIMISHA SIKU YA AFRIKA.

Sehemu ya Watendaji wakuu wa Kampuni ya MultiChoiche Tanzania wakiongozwa na Mtendaji Mkuu wao, Francis Senguji (wa pili kushoto) wakiwa katika tafrija ya kuadhimisha siku ya Afrika, iliyofanyika kwenye Ukumbi wa Hoteli ya New Afrika, Jijini Dar es salaam.

Meneja Masoko wa Kampuni ya MultiChoiche Tanzania, Furaha Samalu akizungumza machache katika tafrija hiyo ya kuadhimisha siku ya Afrika, iliyofanyika kwenye Ukumbi wa Hoteli ya New Afrika, Jijini Dar es salaam.

Mtendaji Mkuu wa Kampuni ya MultiChoiche Tanzania, Francis Senguji akizungumza machache katika tafrija hiyo ya kuadhimisha siku ya Afrika, iliyofanyika kwenye Ukumbi wa Hoteli ya New Afrika, Jijini Dar es salaam. Kushoto ni Meneja Masoko wa Kampuni hiyo, Furaha Samalu.

Burudani ya Kiafrika ikitolewa.

Mshehereshaji katika Tafrija hiyo, Masoud Kipaya (kati) pamoja na Meneja Masoko wa Kampuni ya MultiChoiche Tanzania, Furaha Samalu, wakimsikiliza Msanii wa Muziki wa Kizazi kipya, Shilole wakati akimtangaza mmoja wa washindi wa Dikoda ya DSTV Exprola.

Washindi wa Dikoda za DSTV Exprola kwa usiku huo walikuwa ni Mmiliki Mwendeshaji wa Libeneke la Full Shangwe Blog, John Bukuku na Mwanadada Latoya aliewahi kuwa Mshiriki wa Shindano la Big Brother Afrika miaka ya nyuma.