Rais wa Zanzibar na Mwenyekiti
wa Baraza la Mapinduzi Dk.Ali Mohamed Shein (kushoto) akizoa taka katika
zoezi la Usafi wa mazingira uliofanyika leo eneo la Soko la Mbogamboga
Mombasa Mjini Zanzibar ikiwa ni Uzinduzi wa Sherehe za miaka 52 ya
Mapinduzi Matukufu ya Zanzibar,[Picha na Ikulu.]
Rais
wa Zanzibar na Mwenyekiti wa Baraza la Mapinduzi Dk.Ali Mohamed Shein
(katikati) akibeba taka katika zoezi la Usafi wa mazingira uliofanyika
leo eneo la Soko la Mbogamboga Mombasa Mjini Zanzibar ikiwa ni Uzinduzi
wa Sherehe za miaka 52 ya Mapinduzi Matukufu ya Zanzibar,[Picha na
Ikulu.]
Rais
wa Zanzibar na Mwenyekiti wa Baraza la Mapinduzi Dk.Ali Mohamed Shein
(katikati) akizungumzaa na wananchi baada ya kumalizika kwa zoezi la
Usafi wa mazingira uliofanyika leo eneo la Soko la Mbogamboga Mombasa
Mjini Zanzibar ikiwa ni Uzinduzi wa Sherehe za miaka 52 ya Mapinduzi
Matukufu ya Zanzibar,[Picha na Ikulu.]
Baahi ya Askari wa Jeshi la Wananchi wa Tanzania JWTZ wakitandaza kifusi kwa kukiweka sawa katika zoezi
la Usafi wa mazingira uliofanyika leo eneo la Soko la Mbogamboga
Mombasa Mjini Zanzibar ikiwa ni Uzinduzi wa Sherehe za miaka 52 ya
Mapinduzi Matukufu ya Zanzibar,[Picha na Ikulu.]
Rais
wa Zanzibar na Mwenyekiti wa Baraza la Mapinduzi Dk.Ali Mohamed Shein
(kushoto) akiteta akiteta jambo na Mkuu wa Wilaya ya Magharibi B.Unguja
Ayoub Maohammed Mahmoud wakati zoezi la Usafi wa mazingira uliofanyika
leo eneo la Soko la Mbogamboga Mombasa Mjini Zanzibar ikiwa ni Uzinduzi
wa Sherehe za miaka 52 ya Mapinduzi Matukufu ya Zanzibar,[Picha na
Ikulu.]
Rais
wa Zanzibar na Mwenyekiti wa Baraza la Mapinduzi Dk.Ali Mohamed Shein
(kulia) akifanya mahojiano na waandishi wa Habari leo baada ya
kumalizika zoezi la Usafi wa mazingira uliofanyika leo eneo la Soko la
Mbogamboga Mombasa Mjini Zanzibar ikiwa ni Uzinduzi wa Sherehe za miaka
52 ya Mapinduzi Matukufu ya Zanzibar,[Picha na Ikulu.]
WATAALAM WATEMBELEA VYANZO VYA MAJI YA MABWAWA YA KUZALISHA UMEME
Wataalam kutoka Wizara za Nishati
na Madini,Wizara ya Kilimo, Mifugo na Uvuvi ,Wizara ya maji, na
Umwagiliaji , Shirika la Umeme Tanzania (Tanesco )pamoja na Watalamu wa
bonde la mto Rufiji walitembelea vyanzo vya maji vinavyotiririsha maji
katika mito mikubwa inayomwaga maji katika mabwawa ya kuzalisha umeme
wa maji ya Mtera, Kihansi na Kidatu ili kuangalia uharibifu wa vyanzo
hivyo vya maji na kuchukua hatua za kuzuia uharibifu huo
Wataalam hao waliunganisha nguvu
ya pamoja ili kurejesha utunzaji na usalama wa vyanzo hivyo ili viwe
katika hali yake ya awali kutokana na kuathiriwa na shughuli za
kibinadamu zinazoendelea na kusababisha kukauka kwa maji na kusababisha
upungufu mkubwa katika mabwawa ya kuzalisha umeme tofauti na ilivyokuwa
katika miaka ya nyuma.
Muonekano wa Bwawa la Kihansi kwa
sasa ambalo pia limepunguza uzalishaji wa umeme wa maji kutokana na
kupungua kwa kina cha maji.
Timu ya wataalamu kutoka Wizara
ya Nishati na Madini,Wizara ya kilimo, mifugo na uvuvi ,Wizara ya maji,
na umwagiliaji , Shirika l Umeme Tanzania (Tanesco )pamoja na Watalamu
wa bonde la mto Rufiji waliotembelea vyanzo vya maji vinavyotiririsha
maji katika Mabwawa ya kuzalisha umeme wakiendelea na ukaguzi wao .
Eneo lenye chanzo cha cha maji
pamoja cha mto Mbalo mto huu hutumiwa kwa shughuli za kibinadamu na
kusababisha upotevu wa maji yanayoingia katika katika mabwawa ya
kuzalisha umeme wa maji
Moja ya sehemu ya mashine ama mtambo inayotumika kuzalisha umeme wa maji katika vituo vya Kihansi, Kitadu na Mtera.
Mashine inayotumika kuondoa taka kama vile magogo na nyingine za
namna hiyo katika mabwawa ya kuzalisha umeme wa maji.
namna hiyo katika mabwawa ya kuzalisha umeme wa maji.
Baadhi ya wajumbe wa Timu ya
kutoka Wizara ya Nishati na Madini,Wizara ya kilimo, mifugo na uvuvi
,Wizara ya maji, na umwagiliaji , Shirika l Umeme Tanzania (Tanesco
)pamoja na Watalamu wa bonde la mto Rufiji wakipata maelezo ya namna
ambavyo umeme wa maji huzalishwa katika kituo cha Kihansi .
WAZIRI MKUU KUANZA ZIARA MKOANI RUVUMA
WAZIRI MKUU Kassim Majaliwa
anatarajia kuanza ziara ya kikazi ya siku nne mkoani Ruvuma, ambapo
atawasili mkoani hapo leo saa tisa alasiri.
Baada ya Waziri Mkuu kuwasili
Uwanja wa Ndege wa Songea, atapokelewa na viongozi wa Chama na Serikali,
pia atakwenda Ikulu kupokea taarifa ya maendeleo ya mkoa wa Ruvuma.
Aidha, siku ya jumatatu atakuwa
na shughuli za kufungua tawi la Benki ya Posta mjini Songea, kukagua
maghala ya Wakala wa Taifa wa Hifadhi ya chakula (NFRA) kanda ya Songea
na kukagua makao makuu ya Halmashauri ya Wilaya ya Songea.
Siku inafuata atatembelea na kukagua Hospitali ya Rufaa ya mkoa, na baadaye kuzungumza na watumishi wa hospitali hiyo.
Siku ya nne ya ziara yaani
jumatano, Waziri Mkuu atafanya majumuisho ya ziara mkoani humo, kabla ya
kuagana na viongozi wa Chama na Serikali na kurejea Dar es Salaam.
Dkt. Kigwangala amtembelea na kumjulia hali Kadinali Pengo.
Na Benedict Liwenga-Maelezo.
Naibu Waziri wa Afya, Maendeleo
ya Jamii, Jinsia, Wazee na Watoto, Mhe. Dkt. Hamis Kigwangala leo
amemtembelea na kumjulia hali Askofu Mkuu wa Jimbo Kuu Katoliki la Dar
es Salaam, Mwadhama Kadinali Polycarp Pengo aliyelazwa katika Taasisi ya
Moyo ya Jakaya Kikwete iliyopo katika Hospitali ya Taifa ya Muhimbili
jijini Dar es Salaam.
Akiongelea kuhusu hali ya
Kadinali Pengo, Mhe. Kigwangala alisema kuwa Kadinali Pengo yuko salama
katika mikono ya madaktari wa taasisi hiyo na hali yake inaendelea
vizuri ambapo ameweza kuongea nae ana kwa ana kiasi cha kuweza kukaa na
kuongea.
‘’Manzoni alilazwa katika
Hospitali ya TMJ iliyopo hapa jijini Dar es Salaam, lakini ikaonekana ni
vema akiletwa hapa kwenye Hospitali yetu hii ya juu kabisa ya matibabu
ya moyo (Tasisi ya Moyo ya Jakaya Kikwete), hivyo napenda kuwapa taarifa
Watanzania kwamba yuko salama kabisa katika mikono ya madaktari wetu na
hali yake inaendelea vizuri.’’
Awali Rais wa Jamhuri ya
Muungano wa Tanzania, Mhe. John Pombe Magufuli akiongozana na Mkewe mama
Janeth Magufuli walienda pia kumjulia hali Kadinali Pengo katika
taasisi hiyo na kumtakia afya njema ili aweze kuendelea na shughuli zake
za kiroho.
Kadinali Pengo alifikishwa
katika taasisi hiyo ya moyo kwa ajili ya kuchunguzwa afya yake ambapo
afya yake kwa sasa imezidi kuimarika.
BALOZI SEIF ALI IDI: SHEREHE ZA MIAKA 52 YA MAPINDUZI YA ZANZIBAR ZIPO KAMA KAWAIDA.
Balozi Seif Ali Iddi akinukuu
kifungu cha Katiba ya Zanzibar kinachomruhusu Dkt. Ali Muhamed Shein
kuendelea kuiongoza Zanzibar mpaka atakapoapishwa Rais mwengine.
Makamu wa Pili wa Rais wa
Zanzibar Balozi Seif Ali Iddi akizungumza na Waandishi wa Habari kuhusu
maadhimisho ya Sherehe za Mapinduzi ya Zanzibar ya mwaka 1964 kufikia
miaka 52 Ofisini kwake Vuga Mjini Zanzibar.
Baadhi ya Waandishi wa habari
waliohudhuria mkutano wa Makamu wa Pili wa Rais w Zanzibar Balozi Seif
Ali Iddi wakifuatiliia mkutano huo uliofanyika Ofisini kwake Vuga Mjini
Zanzibar.
……………………………………………………………………………………………….
Na Khadija Khamis – Maelezo
Serikali ya Mapinduzi Zanzibar
imesema kuwa Maadhimisho ya Shereha za Miaka 52 ya Mapinduzi ya Zanzibar
yapo kama kawaida na yanatarajiwa kuanza rasmi tarehe 3.12.2016 kwa
kazi za usafi wa mazingira katika maeneo mbali mbali ya makaazi pamoja
na sehemu za kutolea huduma za kijamii kama vile Hospitali Sokoni na
maeneo mengine.
Kauli hiyo imetolewa na Makamo
wa Pili wa Rais wa Zanzibar Balozi Seif Ali Iddi alipokuwa akizungumza
na waandishi wa habari Ofisini kwake Vuga Mjini Zanzibar.
Alisema ingawa zoezi la usafi
hufanyika kila tunapoanza maadhimisho ya Sherehe za Mapinduzi lakini
kwa muda huu wananchi wanapaswa kuchukuwa juhudi maalum ili
kuhakikisha kuwa maeneo yote yanakuwa safi muda wote kwa vile hivi
sasa nchi inakabiliwa na tatizo kubwa la kuenea kwa maradhi ya
kipindupindu.
“Zoezi la usafi wa mazingira
litakuwa la lazima na kutaandaliwa utaratibu maalum kwa kila Mamlaka za
Mikoa ,Wilaya Baraza la Manispaa Mabaraza ya Miji na Halmashauri za
wilaya kuratibu zoezi la usafi na viongozi Wakuu wa Kitaifa wataungana
nasi katika katika maeneo watakayopangiwa, “Alisisistiza.
Amesema mbali na usafi wa
mazingira, katika maadhimisho ya mwaka huu kutakuwa na shughuli mbali
mbali zikiwemo ujenzi wa Taifa ,uwekaji wa mawe ya msingi na ufunguzi
wa miradi mbali mbali ya maendeleo pamoja na burudani na michezo na
kilele cha maadhimisho hayo itakuwa siku ya Jumanne katika Kiwanja cha
Amaani.
“Kama kawaida kila ifikapo
tarehe 12 Januari ya kila mwaka nchi yetu huadhimisha sherehe za
Mapinduzi matukufu ya Zanzibar ya mwaka 1964, kwa mwaka 2016 tutakuwa
tunatimiza miaka 52 tangu viongozi na wazee wetu walivyokomboa nchi
yetu,” alisema Balozi Seif Ali Iddi.
Alikumbusha kuwa mafanikio na
maendeleo yaliyopatikana Zanzibar yanatokana na imani na jitihada
kubwa za viongozi ambao ni wanamapinduzi chini ya uongozi wa Marehemu
Sheikh Abeid Amani Karume aliyeweka msingi imara wa mashirikiano .
Alisema siku ya kilele cha
maadhimisho hayo katika Uwanja wa Amaani kutakuwa na Gwaride la
Vikosi vya Ulinzina Usalama , Burudani ya Ngoma za Utamaduni pamoja na
Maandamano ya Wananchi wa Mikoa Mitano ya Zanzibar.
Makamo wa Pili Balozi Seif Ali
Iddi alisema kuwa sherehe hizo zitahudhuriwa na Viongozi mbali mbali wa
Serikali na vyama vya siasa kutoka Zanzibar na Jamhuri ya Muungano wa
Tanzania .
Amewataka wananchi kujitokeza
kwa wingi katika maadhimisho ya miaka 52 ya Mpinduzi ya Zanzibar na
amewahakikishia Serikali imejipanga kikamilifu kuona kunakuwa na hali
ya utulivu na usalama mkubwa katika maeneo yote ya Zanzibar wakati wa
maadhimisho hayo.
Rangers kushuka dimbani kesho
Mwandishi Wetu
LIGI Daraja la kwanza inaendelea
kesho kwa michezo miwili huku timu ya Friends Rangers ikishuka kwenye
Uwanja wa mabatini Mlandizi kuvaana na timu ya KMC.
Ofisa Habari wa klabu ya Friends
Rangers, Asha Kigundula, alisema kuwa wanatambua ugumu wa mechi hiyo
lakini lengo lao ni kushinda na kupata pointi tatu.
Kigundula alisema anatambua kama
wapinzani wao wamejipanga kushinda, lakini nao wapo kwa lengo la kufanya
vizuri na kuondoka na pointi tatu.
Alisema wao hawajataka tamaa wana amini bado wana nafasi ya kupigania kupanda daraja na kucheza ligi kuu msimu ujao.
“Mechi ngumu sana lakini
tumejipanga kushinda mchezo wetu huu, tunatambua uzuri wa KMC lakini
nasi tuko vizuri kama tulivyowatoa kwenye michuano ya FA Cup.
Alisema kuwa wapo katika nafasi nzuri ya kupigana na kufanikiwa kuvuka vizingiti wanavyowekewa na baadhi ya wadau wengi.
Wakati huo huo mechi nyingine ya
ligi hiyo itakuwa kati ya Africa Lyon dhidi ya Kiluvya United mchezo
utakaochezwa kwenye uwanja wa Karume.
TIMUATIMUA YATUA KWA KIGOGO WA MNADA WA PUGU,MWIGULU ASHIRIKIANA NA MAWAZIRI 3 KUTATUA KERO MACHINJIO YA PUGU
Mh:Mwigulu
Nchemba akiwa ameambatana na Waziri wa Nchi Ofisi ya Rais-TAMISEMI
Mh:Simbachawene wakiwasili kwenye eneo la machinjio ya Vingunguti
kwaajili ya kutoa majawabu kutokana na kero mbalimbali zinazowakabili
wadau wa machinjio hayo.
Mwigulu
Nchemba akiwa na Waziri wa Nchi Ofisi ya Rais TAMISEMI Mh:Simbachawene
wakikagua eneo la machinjio ya Vingunguti kabla ya kuzungumza na wadau
wa eneo hilo pamoja na uongozi wake.
Mh:Mwigulu Nchemba akiwa ameongozana na Mh:Simbachawene wakielekea kuzungumza na wananchi wanaotumia Machinjio ya vingunguti.
Mawaziri
kutoka kulia ni Naibu waziri wa Afya Mh:Kigwangallah,Wa pili kutoka
kulia ni Mbunge wa Jimbo la Segerea Mh:Bonah,Watatu kutoka kulia ni
Mh:Simbachawene na wa mwisho kushoto ni Mh:Mwigulu Nchemba wakijadiliana
jambo.
Mkutano ukiendelea wa kutoa majawabu kuhusu changamoto za Machinjioya Vingunguti.
Mh:Simbachawene
akiwaagiza watumishi wote wa Machinjio ya Vingunguti kuripoti ofisini
kwake Jumanne wakiwa na mkurugenzi wa Manispaa ya Ilala.
Mh:Mwigulu
Nchemba akizungumza na Wananchi(Wadau) wa machinjio ya Vingunguti
kuhusu hatua za kinidhamu alizozichukua kwa Mkuu wa mnada wa pugu
inakotoka mifugo kabla ya kufika Machinjio ya Vingunguti kwa upotevu wa
mamilioni ya shilingi ya kodi za serikali.
Mawaziri wakiagana na wananchi mara baada ya mkutano wa kutatua kero zao za Machinjio kumalizika.
Furaha
ya Wananchi mara baada ya kutatuliwa kero zao kwa hatua za
awali,wananchi wanasukuma gari la Mh:Mwigulu Nchemba kama ishara ya
kukubali hatua alizochukua.
……………………………………………………………………………………………………………………………………….
Ile
kauli ya HAPA KAZI TU imeendelea kutumika vizuri kwa mawaziri wa
Mh:Rais John Pombe Magufuli mara baada ya tukio la mawaziri watatu
kufika eneo la Machinjio ya Vingunguti kwaajili ya kutatua kero
zinazowakabili wananchi wanaotumia eneo hilo kwa shughuli za kuchinja
mifugo.
Awali,Mh.Mwigulu
Nchemba alifanya ziara ya kushitukiza usiku wa tar 01/01/2016 katika
machinjio hayo na kukutana na madudu ya kutafunwa kwa fedha za ushuru
unaokusanywa kwenye mifugo,lakini pia hali ya mazingira ya kutoridhisha
ya Machinjio hayo.
Hii
leo mapema majira ya saa 3:asubuhi,Mwigulu Nchemba anarejea tena kwenye
machinjio hayo akiwa ameongozana na mawaziri wawili ambao ni
Mh:Simbachawene(TAMISEMI) na Mh:Kigwangallah(AFYA) ambao wote wanagushwa
na machinjio hayo.
Mara baada ya kusikiliza kero na maoni ya pande zote mbili,Mawaziri hao waliamua kuchua hatua zifuatazo kwa wahusika.
Mwigulu
Nchemba ameagiza Mkuu wa mnada na watumishi waliokuwa zamu tar
24/12/2015 na tar 01/01/2016 watafute kazi nyingine kuanzia
sasa,Vilevile wahakikishe jumatatu wanafika ofisi ya Katibu Mkuu wizara
ya Kilimo,Mifugo na Uvuvi.
Pili,Mwigulu
Nchemba ameagiza kuanzia sasa amesitisha ukusanyaji wa ushuru kwenye
eneo la mnada wa pugu,badala ya hapo makusanyo yote yatafanyika eneo la
machinjio la Vingunguti kwa kutumia mashine za kielektroniki za EFD.
Tatu,Mwigulu
Nchemba ameagiza wananchi(wadau) kuanzia leo waanze kutumia eneo
lililokuwa limetengwa kwaajili ya kutunzia nyama,Eneo hilo awali
lilisitishwa bila sababu maalum na umeme ukakatwa.
Mwigulu Nchemba ameagiza umeme urudishwe hii leo na wananchi waanze kutumia eneo hilo.
Wakati
huohuo,Waziri wa TAMISEMI Mh:Simbachawene ameagiza watumishi wote wa
machinjio hayo kujitathimini na kufika Jumanne waripoti ofisini kwake
wakiwa na mkurugenzi kwaajili ya hatua Zaidi.
Simbachawene
ameenda mbali Zaidi kwa kumuagiza Mkurugenzi wa Manispaa ya Ilala
kuhakikisha fedha zinazokusanywa kwenye machinjio hayo zinatumika haraka
kujenga miundombinu ya eneo hilo ilikuendana na wingi wa watu
wanaotumia machinjio hayo.
Kwa
upande wa Afya,Naibu waziri wa Afya Mh.Kingwangallah ameagiza daktari
wa machinjio hayo Ndg.Juma aache kutoa huduma eneo hilo hadi hapo
itakapotangazwa vinginevyo,Pia upimaji wa afya kwa wanaotumia machinjio
hayo uwe wa bure na Uongozi wa machinjio utenge ofisi maalu ya kupima
watu hao.
Picha/Maelezo na Festo Sanga
BALOZI OMBENI SEFUE AFUNGUA SEMINA ELEKEZI KWA MAKATIBU WAKUU NA MANAIBU KATIBU WAKUU IKULU JIJINI DAR ES SALAAM.
Katibu Mkuu Kiongozi Balozi
Ombeni Sefue akizungumza na Makatibu Wakuu na Naibu Katibu Wakuu wakati
akifungua Semina Elekezi kwa Makatibu hao Ikulu jijini Dar es Salaam
Baadhi ya Makatibu Wakuu na Naibu
Makatibu Wakuu wakimsikiliza kwa makini Katibu Mkuu Kiongozi Balozi
Ombeni Sefue katika Semina elekezi ya siku moja Ikulu Jijini Dar es
Salaam.
Baadhi ya Makatibu Wakuu na Naibu
Makatibu Wakuu wakimsikiliza kwa makini Katibu Mkuu Kiongozi Balozi
Ombeni Sefue katika Semina elekezi ya siku moja Ikulu Jijini Dar es
Salaam.
Baadhi ya Makatibu Wakuu na Naibu
Makatibu Wakuu wakimsikiliza kwa makini Katibu Mkuu Kiongozi Balozi
Ombeni Sefue katika Semina elekezi ya siku moja Ikulu Jijini Dar es
Salaam.
Baadhi ya Makatibu Wakuu na Naibu
Makatibu Wakuu wakimsikiliza kwa makini Katibu Mkuu Kiongozi Balozi
Ombeni Sefue katika Semina elekezi ya siku moja Ikulu Jijini Dar es
Salaam.
……………………………………………………………………………………………..
Makatibu Wakuu na Naibu Makatibu
Wakuu kutoka wizara zote za serikali ya awamu ya tano ya Jamhuri ya
Muungano wa Tanzania wamekutana hii leo (02 Januari, 2016) katika ukumbi
wa Mikutano wa Ikulu Jijini Dar es salaam kwa ajili ya kupata semina
elekezi iliyoongozwa na Katibu Mkuu Kiongozi Balozi Ombeni Sefue.
Akizungumza kabla ya kuanza kwa
mada zilizoandaliwa katika semina hiyo, Katibu Mkuu Kiongozi Balozi
Ombeni Sefue, amesema semina hiyo ni ya kikazi zaidi na kwamba lengo la
serikali ni kuhakikisha Makatibu Wakuu na Naibu Makatibu Wakuu hao ambao
waliapishwa jana wanatekeleza wajibu wa kusimamia utendaji kazi wa
serikali vizuri.
Balozi Sefue ameelekeza kuwa kila
Katibu Mkuu na Naibu Katibu Mkuu anapaswa kutambua kuwa nafasi yake ni
ya maamuzi, hivyo serikali inatarajia kuona kuwa daima anafanya maamuzi
kwa usahihi na kwa kuzingatia sheria, kanuni na taratibu zinazomuongoza
katika majukumu yake.
Aidha, ameonya kuwa serikali ya
awamu ya tano inawatarajia viongozi hao kuwa watakuwa wasimamizi wazuri
wa fedha za umma na kwamba haitarajii kuwepo kwa hati za ukaguzi wa
mahesabu zenye kasoro.
Balozi Sefue ameongeza kuwa
Makatibu Wakuu hao na Naibu Makatibu Wakuu ni mamlaka ya nidhamu katika
wizara zao, hivyo Serikali haitarajii kuona wanakua na kigugumizi katika
kuchukua hatua dhidi ya watumishi watakaokuwa na makosa, na akakumbusha
kuwa haikubaliki kwa mtumishi aliyefanya makosa katika sehemu moja ya
kazi, kuhamishiwa katika sehemu nyingine badala ya kuchukuliwa hatua
palepale alipo.
Semina hii elekezi imefanyika kwa siku moja.
Gerson Msigwa
Kaimu Mkurugenzi wa Mawasiliano, IKULU
DAR ES SALAAM
02 Desemba, 2016
IRENTE VIEW POINT LUSHOTO TANGA, MOJA YA KIVUTIO AMBACHO WATU WENGI HAWAJAKITAMBUA.
Hapa ndipo kileleni na Mwonekano wa Irente 
Hii ni Miamba mikubwa iliyopo Irente na moja ya kivutio kikubwa katika eneo hili kwa upande kwa Kushoto.
Eneo hili wakazi wa Irente wanaliita Pango ambapo watu wengi wanapenda kupigia picha
Hii ni njia ya kuelekea Pangoni
Ukiwa Juu ndani ya Pango utaona hivi
Mmoja wa walinzi akiandika akiwakatia risiti wageni mbalimbali waliotembelea eneo hilo.
Mmoja wa wandishi wa Blogs za Mikoa Fredy Tony akiwa amefika kujionea eneo hilo.
Watu
wengi wamekuwa na utaratibu wa kukalili kuwa wanapoambiwa kwenda
kufanya utalii basi mawazo yanahamia katika hifadhi za taifa au Fukwe za
Bahari, wakati kuna utalii wa kupanda milima,utalii wa uwindaji utalii
wa picha, utalii wa kiutamaduni,Utalii wa Ikolojia,utalii wa
fukwe,Michezo ya kwenye maji, utalii wa mali kale,utalii wa
mikutano,utalii wa matibabu,utalii wa mashambani na utalii wa jiji.
Irente
View Point inapatikana katika kijiji cha Irente kilichopo wilayani
lushoto mkoani Tanga, eneo hili liligunduliwa na wazee wa kale ambao
walikuwa wakifika hapo kwa ajili ya kuomba na kufanya matambiko na
wengine walikuwa wakifika katika eneo hilo kwaajili ya kufanya ibada
hasa wakati wa sikukuu za Christmas
Eneo
hili lina urefu wa Mita 1500 kutoka usawa wa Bahari , ukiwa juu unaweza
kuona maeneo mbalimbali vizuri bila usumbufu wowote, pia watalii wengi
wamekuwa wakifika eneo hilo kutokana na hali ya hewa kuwa nzuri, kuona
Mandhari nzuri hasa wakati wa asubuhi na jioni.
Jinsi
ya kufikia ikiwa unatokea upande wowote, fika hadi Mombo, panda
daladala Tsh 3,000 mpaka Lushoto mjini baada ya hapo unaweza panda Boda
boda Tsh 3,000 au ukachukua Tax Tsh 10,000 , kiingilio ni Tsh 2,000. (Imeandaliwa na Fredy A. Njeje 0765056399)
WANANCHI WASHIRIKI UKARABATI WA BARABARA YA MUTURU KATIKA HALMASHAURI YA MJI WA TARIME.
Baadhi
ya Wananchi wa Mtaa wa Chira Kata ya Kenyamanyoro katika Halmashauri ya
Mji wa Tarime Mkoani Mara wakishiriki zoezi la ukarabati mdogo wa
barabara ya Muturu (Remaghinga) iliyopo Mtaa wa Buguti Kata ya Rebu
ambayo inayotegemewa na Wakazi Kata zote mbili za Kenyamanyori na Rebu
hatika halmashauri hiyo.
Zoezi
hilo limefanyika leo Januari 02,2016 ambapo wananchi hao walikuwa
wakifanya ukarabati wa kujaza moramu katika maeneo yaliyochimbika
kutokana na maji ya mvua pamoja na kuchimba mitaro kwa ajili ya
kupitisha maji wakati wa mvua.
“Hii
barabara ni kama imesahaulika na Halmashauri ingawaje ni mhimu sana
kwani tegemeo kwa wananchi pamoja na shughuli mbalimbali kama vile
ujenzi kwa kuwa hapo ng’ambo kuna shughuli za uchimbaji wa mawe hivyo
malori huwa yanapita hapa kwa ajili ya kwenda kufuata mawe hayo kwa
ajili ya ujenzi katika maeneo mbalimbali ya mji”. Alibainisha mmoja wa
wananchi hao na kuongeza kuwa imekuwa kawaida yao kufanya ukarabati wa
aina hiyo pindi barabara hiyo inapoharibika.
Hatua
ya Wananchi hao inapaswa kuigwa na wanajamii wengine pamoja na viongozi
wenye dhamana ya kuwasimamia katika masuala ya maendeleo wakiwemo
watendaji na wenyeviti wa serikali za mitaa kwani maendeleo yanapatikana
haraka zaidi ikiwa wanajamii watashiriki ipasavyo katika shughuli zao
za kimaendeleo badala ya kuishia kulalamika mitaani.
Na:George Binagi-GB Pazzo @Binagi Media Group
Baadhi
ya Wananchi wa Mtaa wa Chira katika Halmashauri ya Mji wa Tarime Mkoani
Mara wakishiriki zoezi la ukarabati mdogo wa barabara ya Muturu
(Remaghinga) inayotegemewa na Wakati Kata za Kenyamanyori na Rebu hatika
halmashauri hiyo.
Hii ndiyo dhana halisi ya Maendeleo
Wanajamii wajiwekee utaratibu wa kutatua kero mbalimbali za kimaendelo katika maeneo/mitaa yao
Wanajamii wajiwekee utaratibu wa kutatua kero mbalimbali za kimaendelo katika maeneo/mitaa yao
Maendeleo yanaanza na kila mmoja katika jamii
Kulalamika mitaani si suluhisho la utatuzi wa kero mbalimbali katika jamii
George Binagi-GB Pazzo ambae ni Mwanahabari na Mmiliki wa Mtandao wa Binagi Media Group (Mwenye jembe) nae alishiriki zoezi hilo
George Binagi-GB Pazzo ambae ni Mwanahabari na Mmiliki wa Mtandao wa Binagi Media Group (Mwenye jembe) nae alishiriki zoezi hilo
Barabara ya Muturu (Remaghinga) ni tegemeo kwa wananchi wa kila rika wakiwemo watoto
Hakika barabara hii imeharibika sana na inahitaji ushirikiano zaidi ili kuweza kurejea katika hali nzuri
Picha
hii inaonesha baadhi ya makazi ya watu wanaotegemea barabara hiyo ya
Muturu (Remaghinga) ambapo imepigwa kutoka ng’ambo ya pili inakoelekea
barabara hiyo.
No comments :
Post a Comment