DAKTARI BINGWA WA MAGONJWA YA MOYO YA WATOTO WA TAASISI YA MOYO JAKAYA KIKWETE (JKCI) NAIZ MAJANI ACHAGULIWA KUWA MFANYAKAZI BORA WA MWAKA 2019

Daktari Bingwa wa magonjwa ya moyo ya watoto wa Taasisi ya Moyo Jakaya Kikwete (JKCI) Naiz Majani (wa nne kulia) akiwa katika picha ya pamoja na wafanyakazi wa Taasisi hiyo na washindi wa kwanza wa Km. 21 mara baada ya kumalizika kwa mashindano ya mbio za Heart Marathoni zilizofanyika jana jijini Dar es Salaam. Lengo la mbio hizo ni kuchangisha fedha kwa ajili ya upasuaji wa moyo kwa watoto ambapo fedha zilizopataikana  zitafanya upasuaji kwa watoto 50 kuanzia tarehe 7/5/2019.

Daktari Bingwa wa magonjwa ya moyo ya watoto wa Taasisi ya Moyo Jakaya Kikwete (JKCI) Naiz Majani (kulia) akiwa na bibi yake Magreth Mngofi (kushoto) mara baada ya kumaliza kukimbia mbio za Heart Marathoni zilizofanyika jana jijini Dar es Salaam.Dkt. Naiz alikimbia

umbali wa Km. 10 na  Bibi Magreth alikimbia umbali wa Km. 5.

……………..

 Daktari Bingwa wa magonjwa ya moyo ya watoto wa Taasisi ya Moyo Jakaya Kikwete (JKCI) Naiz Majani amechaguliwa kuwa mfanyakazi bora wa Taasisi kwa mwaka 2019.

Dkt. Naiz amechaguliwa na Kamati ya kuchagua mfanyakazi bora kwa kuangalia  utendaji wake wa kazi katika kutoa huduma ya matibabu ya moyo kwa watoto, bidii ya kazi , kufanya kazi kwa kujituma na kufanya kazi kwa uvumilivu. Pia ushirikiano mzuri  baina  yake na wafanyakazi pamoja na uongozi wa Taasisi.

Mfanyakazi huyu bora wa mwaka 2019 atapewa zawadi ya fedha taslimu shilingi milioni tatu, cheti na ngao ya kutambua mchango wa kazi anazozifanya.

Fedha hizo atakabidhiwa mkoani Mbeya na Mhe. Rais wa Jamhuri ya Muungano wa Tanzania  Dkt. John Pombe Magufuli ambaye ni mgeni rasmi  katika sherehe za siku ya Wafanyakazi Duniani zitakazofanyika tarehe 01/05/2019